親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日晏晝...我自己去左姑媽屋企...will will就自己打電話比婆婆...叫婆婆7月17日嚟我地屋企bbq...仲同婆婆講要叫埋公公,表姐,maymay姨姨,舅父佢地tim...又同婆婆講好多野...又話喜兒表妹好靚ka...不過佢成日都喊ka...收線後will will就捉住姐姐去月曆牌上...指住7月17日同姐姐講...呢日我地bbq呀...約左婆婆佢地la....之後我返到屋企...姐姐就問我7月17日係咪約左婆婆佢地bbq呀...will will話果日bbq喎....我話冇約喎... 我就問will will:你自己約婆婆佢地bbq呀? will will :係呀...(係度偷偷笑) 我:嘩..你咁叻仔嗱,識得自己約婆婆bbq嗱.... will will :係呀...我好耐冇bbq...我想燒野食嘛....
今晚...我地約埋maymay姨姨一家人一齊去婆婆屋企同公公慶祝父親節...我同maymay分工合作...每人負責部份菜色...由2個姐姐去煮...等婆婆唔駛操勞....今日公公,燕姑婆一家人&蘭姑婆去左唐公嶺幫太太整化糞池...所以請埋佢地一齊嚟食飯...開開心心慶祝父親節....
今日送左一隻bb玉厄同一隻bb銀厄給喜兒表妹
今日下午4點我先帯左will will去ken叔叔度剪頭髮...剪完再出去上水...等老公放工同我地一齊行街街...琴日smartone打比我話有電話送比我...所以今日去睇睇...免費既電話款式唔啱心水...初時都唔捨得用錢出新電話...但最後我用左$1680出左部sony ericsson U5...好開心終於有新電話用...yeah... 跟住...will will就帯左爸爸上baby link去睇thomas(之前幫姑媽買bb野時去過)...比佢發現左裡面有好多火車頭買...今次will will又成功叫老公送多一架james比佢...will will好開心...係都要自己拎住james走... 之後...我就去街市買餸...買完餸就返屋企...佢2仔爺就一齊沖涼...我就煮我既晚餐...今晚煮既係粉絲金菇蟹煲+冬瓜滾咸蛋廋肉湯+鹵水雞亦...yummy...
今日中午joey契媽揸車載b橋嚟我地屋企玩...佢2隻馬騮就由joey契媽睇住...佢地一齊玩玩具...又一齊踩單車...玩到成頭濕晒...不過佢地2個好開心... 因姑媽陪月放假...我就要去照顧姑媽&幫喜兒沖涼... 下午4點...joey契媽就車左我地出聯和墟...跟住佢同b橋就返屋企.. 我地買完餸就join埋maymay姨姨架taxi一齊去婆婆屋企...今次見婆婆都好番好多...不過e生話要完全康復需要3個月時間...而hoyee豬呢...都大個左好多...都係肥dodo白雪雪...好可愛....夜晚...老公嚟埋同我地一齊食埋飯先返屋企...
今日係晴晴姐姐生日...happy birthday to 晴晴...韋叔叔一家人原先番嚟同叔婆食飯...不過因叔婆病左..所以嚟左我地屋企食...今晚佢2姐弟一齊食飯同平時一d都唔一樣...就係比平時快好多...又唔駛我地d大人勞氣...如果日日係咁就very good la...
今日約左joey契媽一家人 & yauyau & yan契媽一齊飲下午茶...因yan契媽唔舒服所以飲完茶就返左屋企...joey契媽一家人就嚟左我地屋企玩...亞will同B橋玩到好開心..佢地仲一齊洗白白tim...夜晚食完飯已經成9點...joey契媽同B橋講要返屋企...因B橋玩得太開心la...所以扭計唔肯返屋企...最後攪到喊住走...
今日真係好忙呀..要去參加2個生日會...中午先去參加晴晴係太和m記既5歲生日會...晴晴姐姐個生日蛋糕好高好靚...祝晴晴生日快樂,最緊要身體健康! 之後下午再去yauyau屋企...參加yauyau既6歲生日會...祝yauyau生日快樂,日日都開開心心!
近2星期...亞will已經學識打電話..佢已經記得媽咪、爸爸、婆婆、maymay姨姨同屋企電話...平時傍晚佢都會打比我同老公...問我地幾時返屋企..係邊度呀...有時又會話好掛住我地...總言之好多野講la..仲識得自己打比婆婆同maymay姨姨講電話tim... 今日一早10點幾打比我...喊到好大聲...同我講姐姐唔比佢係出面踩單車...而家既will已經學識打電話同我投訴la....
今日中午...我同亞will係kfc食lunch...佢就食佢最鍾意既磨菇飯... 我就食chicken....之後就去左幫姑媽買bb野... 上到一間baby link買野時...原來入面有好多thomas火車賣... 亞will係咁問我呢架係咩名...果架又咩名...多到我都唔識答佢... 買完野搭車返屋企時候...亞will好攰想瞓覺...因為我拎住好多野... 如果佢瞓左...我就冇手抱佢落車... 我同佢講:你可以而家瞓一陣..不過你要應承我.. 一陣媽咪叫你起身落車你要起身喎.. 如果唔係你就自己搭去沙頭角ka la... will :嘩...乜你咁衰ka.... 我:係呀...你睇因為媽咪拎住好多野嘛... will:咁...好la... 差不多到落車...我叫亞will落車...初時佢醒左但好快又瞓番... 跟住我再叫佢...佢都好乖...自己起身落車... will好叻仔...媽咪錫錫....
今日係喜兒12朝...陪月元姐放假...所以由我幫喜兒洗白白...聽家姐講喜兒每次沖涼都會喊...不過今次我同佢沖涼時...佢係冇喊架...仲腳撐撐咁添.... 亞will每次見到喜兒表妹都會好肉緊...先先會摸佢d頭髮...之後就會錫佢...重複又重複咁....要叫佢停佢先會停....
表妹叫范依鴻,乳名叫喜兒
今日老公放假...起身後食埋早餐...一家3口睇sammi演唱會...其實之前我同will都睇左好多次...今次係陪老公再睇...而亞will已經學識唱sammi幾首歌...中午...我地去左沙頭角食lunch...順便行吓...再同亞will去左睇船船...之後先返屋企... 今日姑婆太嚟左探姑媽同喜兒...亞will同姑婆太玩鬥跳高...姑婆太知道will咁鐘意跳來跳去...仲應承左will下星期嚟時送條跳繩比佢... 傍晚時...我自己出左去買餸...佢2仔爺就一齊沖涼....夜晚就食我煮既晚餐...
喜兒表妹勁似姑丈呀!!!!
今日中午同亞will去左沙頭角食lunch...亞will好鐘意食雞米粉...我就食咸菜雞飯...好好味...仲好抵食...$13+$15+1杯凍飲...加埋都唔駛40蚊...食完見到有蜆買...亞will話好想食蜆...所以我就買左今晚食.... 返左屋企就準備湯&飯餸...5點就攞去e院比婆婆食...出到上水...亞will就跟老公去遊樂場玩...我就去e院探婆婆...去到e院...e生話婆婆可以出院...婆婆食完飯...公公就車左婆婆返屋企休息.... 而我就去join番老公& will 一齊去買洗衣機...因早2日屋企部洗衣機壞左...啱啱先供完抽油煙機...而家又要供洗衣機...點解屋企d電器輪住壞ka....
今日喜兒表妹同姑媽出院la...
收工去探婆婆,希望婆婆明天可以出院la....
收工去探婆婆,今日婆婆可以食少少飯la,精神也好了
喜兒表妹今早出世la...重3.68kg....
收工先去探婆婆,之後join埋老公再去探姑媽&喜兒
今天婆婆要去醫院做甲狀腺手術...公公7點就送左婆婆入院...9點...婆婆就打比我同我講...e生話手術大約要做4個鐘...應該11點幾入去手術室....下午會完成.... 我同婆婆講:唔駛驚比d信心自己...你做完手術...我地收工就會即刻去探你... 婆婆:我唔驚...好少野姐...你地唔駛擔心我ka la.... 婆婆雖然叫我地唔駛擔心佢...做女兒既我又點會唔擔心呢....何況婆婆已經做過2次腦手術...琴晚既我已經失眠...而今天既工作時間又好似特別長咁...等等等...等到4點幾提早收工趕去e院睇婆婆....5點半去到e院病房...護士話婆婆未做完手術...再等等等....等到7點9...婆婆終於從手術室推出嚟...見到婆婆迷迷糊糊...麻醉藥仲未散...因為探病時間已過...護士只准我地逗留5分鐘就要離去... 婆婆...你要加油早日康復呀!
今日中午...亞will同姑丈一齊踢波...呢個古惑will仲整古姑丈...將個波踢落坑渠等姑丈執....當姑丈走去執時就哈哈大笑.... 5點左右..我同will就出去上水搵老公...亞will係遊樂場玩左一陣...之後我地就去左KFC食晚餐...食完先返屋企....
今日...我地約埋maymay姨姨一齊去婆婆屋企食晚飯... 出門前...晴晴姐姐剛剛返左嚟... 所以亞will就同晴晴姐姐玩左一陣先... 之後我地先去婆婆屋企... 婆婆星期一要做甲狀腺手術... 我地要為婆婆打打氣...婆婆加油呀!
姑丈由北京嚟左,等喜兒表妹出世....
今日係母親節...老公放假...一早起身亞will就同我講...媽咪,母親節快樂!(係我叫佢同我講ka)..雖然佢仲未知道母親節係咩日子...亦都未識去同我慶祝..做媽咪既我只要見到will健健康康開開心心成長...我已經好滿足la.... 朝早約埋公公婆婆係聯和墟一齊食野...食完野首先去左大埔買bbq食物...跟住去唐公嶺接太太...之後先返屋企... 晏晝時老公帯住亞will同表姐去左河河捉魚同蝦...今次佢地捉左好多魚...真係好大收穫呀...佢2隻馬騮不知幾開心.... 約4點左右...maymay姨姨一家人、蘭姑婆、英姑婆&jacky表哥都嚟左我地屋企....熱熱鬧鬧慶祝母親節....
今日...中午婆婆同表姐嚟左我地屋企玩...表姐仲同will去左河河捉蝦...因為亞will唔識捉...所以就企係度睇表姐捉...表姐好犀利呀...捉左好多...好多... 之後...表姐同哥哥(鄰居)打羽毛球....亞will又唔識打...最後亞will就攞左個足球出嚟...要我同佢一齊踢波...之前亞will唔識用腳去踢...成日用隻手去接波...然後再用手掉番比我...今次亞will叻左la...當我將個波踢比佢既時候...佢識得用腳踢番比我...雖然有時都會失手...但已經進步左好多....亞will add oil ar!!!! 表姐冇走到....今晚...我就要同2隻馬騮一齊瞓...一上到房...呢2隻馬騮就係床上跳跳跳...不斷又叫又跳...真係比佢地激c la....
今早9點幾...will一瞓醒就大喊...我問佢做乜一早瞓醒就喊呀?...佢喊住同我講:我好掛住'大大'呀...'細細'同'大大'係好朋友嚟ka...佢唔舒服瞓左唔會返嚟la....嗚嗚...嗚嗚...我當時即刻攬住仔仔...安慰佢.... 記得上星期'大大'離開我地時...只有我喊而will就冇喊過...我諗當時既佢未明白'大大'永遠離開我地既意思...經過一星期...完全冇見過'大大'...佢突然明白到永遠離開我地既意思...就即係代表以後都見唔到...佢就大哭起來... 人就係要面對生離死別....從當中要學懂珍惜身邊一切....
今日中午公公婆婆嚟接我同仔仔出去飲茶… 仲約左蘭姑婆、英姑婆同jacky表哥一齊係粉嶺稻香飲茶...飲完茶…公公車左我地去唐公嶺探太太…每次見到太太…表姐同will will都會收到利是一封…今日都唔例外…多謝太太呀…祝太太身體健健康康…之後出到上水5點幾…又未夠鐘去食晚飯…所以去左行商場…又去M記食雪糕…行到7點幾join埋老公一齊係上水街市樓上食晚飯…今晚係公公請食晚飯…多謝公公!
今曰約埋婆婆同表姐一齊去探皓怡表妹... 之前表妹病左...好耐冇見... 今日見到表妹又大左好多... 都係咁白雪雪咁可愛... 希望表妹身體健健康康... 快高長大... 夜晚係姨姨屋企食完飯先返屋企...
今日...一家3口&表姐join埋惠儀契媽,rick哥哥,欣姨姨一家人&伯母一齊去海洋公園玩...係大圍食完早餐...我地就搭巴士去海洋公園...去到已經11點幾.. 今次係will第一次去海洋公園...我地去左參觀熊貓館,海洋館,水母館...之後再去玩旋轉木馬同坐小朋友火車...最犀利就係tammy表姐...佢同我玩左跳樓機同海盜船...雖然玩時嚇到好驚...但佢10yrs就有勇氣玩...已經好勁la...比10個good佢....而will就玩左一個最激既滑浪飛船...全程要爸爸攬到實一實...好彩冇喊到...因為海洋公園實在太大la...半日既行程係唔夠時間玩... 夜晚...我地係沙田食完飯先返屋企..... 全家福第一次坐旋轉木馬,好好玩呀...Will : mami我要同呢個姐姐影呀 ..我係一隻小熊貓....hehe..