親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日下午姑媽由北京返左嚟la...
今日係媽咪其中一個表弟'文生'結婚既大日子...姐姐放假...老公又要返工...要等老公放工後先可以去婚宴...我地遲晒到8點先去到...錯過左註冊儀式...呢對新人已經拍拖11年...終於可以一齊踏向人生另一階段...真係好開心...好似我同老公都係拍左拖12年先結婚...當中大家經歷左好多野..有開心..有唔開心....盡在不言中... 祝"文生 & monica"永結同心,白頭偕老! 係謝偉文哥哥幫我地影ka...2仔爺合照(正經版)我好鍾意卓瑩表姨ka...秉燁表哥好靚仔呀...
今日爸公放假...公公婆婆約我地出去飲茶...maymay姨姨都join埋我地一齊...飲完茶帯左表姐同仔仔去遊樂場玩...好耐冇帯仔仔去遊樂場la...今日佢玩到好開心.... 買完餸...我地去左joey契媽屋企...因契媽有d野要放係我地屋企...所以去左車番屋企...順便叫埋契媽一家人嚟我地屋企一齊食晚飯... 食飯時...因梓橋曵曵被契爺大聲鬧鬧...b打好驚...見到契爺打細佬仲喊喊tim...唔知點解b打見到人鬧交或打交呢d野就會喊...有一次...表姐同3兄弟哥哥鬧交...b打叫佢地唔好鬧交...但佢地唔聽...仲繼續鬧...b打就勁喊...喊到佢地鬧完交...b打都仲未收聲...真係比佢笑死.... 好耐冇影過3母女既合照la...整古做怪2老表eeee.....yeah!!!!
我同老公養左"大大"& "細細"已9年多....仔仔成日都蝦2隻貓貓...大大&細細見到b打都怕怕....今晚我同老公買左d貓乾糧返屋企...老公同仔仔一齊餵貓貓...老公整古仔仔... 老公:仔仔..你試下食呢d cookie(貓乾糧)呀?好好味ka! 仔仔:唔食la... 老公:你試下la..好香..好好味ka... 仔仔:我唔係大大吖嘛...我唔食la..
今日帯左仔仔去剪髮,中午同婆婆食lunch,夜晚去joey契媽新屋join埋佢地一齊食飯
今日我同yan去左joey屋企幫手執野pack箱,夜晚仲請我地hotpot添!
今日我同爸爸一齊放假... 一家3口瞓到10點先起身... 之後出左上水M記食野... 亞仔例牌食薯條同飲奶昔... 食完野行左一陣商場... 跟住就買餸返屋企.... 夜晚... 公公婆婆同表姐嚟左我地屋企一齊食dinner...
今日晏晝約左maymay姨姨、婆婆 & 表姐係kfc食野... 食完野仲同姨姨去左bb shop睇野... 行完街就坐埋爸爸車返屋企... 因為太夜..冇買餸... 今晚煮公仔麵食...
今晚...惠儀契媽約左我地一家人、joey契媽一家人 & d伯伯一齊hotpot...實在太耐冇去過彩園邨la...裝修完變晒好靚既商場...酒樓都轉埋...不過係呢間hotpot都幾好...價錢經濟...食物ok..又食得好飽...咁多人一齊hotpot真係食得開心d ka...
今日係我同老公最後一日假期... 又係老公生日既日子... 又係仔仔去神召會交留位費既日子... 一家3口瞓到10點先起身.... 中午...我地去群記食豬手牛丸粉... 仔仔好犀利自己食晒一碗牛丸河...yummy yummy... 跟住行去神召會幼稚園交留位費.... 入到學校門口...仔仔見到d單車泊晒係度... 佢就大哎:嘩...好多單車呀... 跟住就衝去d單車度... 好彩老公捉住佢咋... 攪到上緊堂既老師同小朋友都望住呢個傻豬仔... 之後去左上水買餸同買蛋糕...慶祝老公生日...
今日天氣寒冷...一家人去左元朗彪記食牛腩粉... 老公食左2碗..仔仔食左1碗...而我就1碗淨米+1碗淨腩.... 好耐冇食..真係覺得好好味呀.... 食完野...去左maymay姨姨屋企... 老公就幫姨姨裝傢俬...我同姐姐就帯b打去club house玩... 玩完上返屋企午睡...瞓醒就梗係玩佢至愛既遊戲機la... maymay姨姨仲買左個朱古力蛋糕送比老公... 買蛋糕時附送左張生日咭... 因為仔仔未識簽名..所以姨姨叫b打放隻手係咭上面.. 然後畫佢隻手...畫完隻手la..ok.. b打竟然將隻腳放係張咭上面...話仲有腳腳呀... 姨姨唯有要畫埋佢隻腳落去... 夜晚仲同姨姨&姨丈去左稲香hotpot... 天氣咁涷啱晒...正呀! 今晚好多謝姨姨&姨丈呀!
下晝仔仔午睡時...我就開始執冬季既衣服出嚟...仔仔瞓醒後...我就帯仔仔出去上水join埋老公一齊去食壽司...我叫左一碗叉燒拉麵比仔仔食...不過叉燒拉麵未嚟到...壽司已經到左...仔仔竟然鍾意食壽司飯...魚生梗係我食la...我發覺仔仔d口味幾似我同老公...以後出街食野就方便得多了...
今日中午... 帯左表姐同仔仔去沙頭角睇船船... 之後係海山買外賣返屋企同婆婆&姐姐一齊食... 夜晚... 公公嚟左同我地一齊食晚飯...
今日姑媽返左去北京,下個月先會再返嚟...
知道2間幼稚園都係收下午班…初時我決定報讀…派位比較好d既呂明才…問老公意見時又話由我去決定….如果其中一間收上午班就好la…不過呢2間都係我既至愛都冇所謂既… 放工返到屋企收到呂明才既信…知道學校要將禮堂拆掉…然後興建一座5層高既教學大樓…工程需時2年…由明年暑假開始動工… 夜晚…我好認真咁同老公商量…我同老公都分別問過仔仔…仔仔都係答我地鍾意讀神召會…老公話會好支持我既決定…但又好想比仔仔讀佢自己鍾意既神召會…雖然仔仔而家話鍾意神召會…可能之後會唔記得…但我知道一日仲未返學都唔會知邊間係最好最適合…最終…我都係唔揀要重建既呂明才….一家3口一致通過揀左報讀神召會….而今次亦係仔仔第一次有份參與決定既事情…
今日知道呂明才收左仔仔讀下午班... 2間都係下午班...點好呢?
知道好多家長已經收到信通知結果... 中午郵差冇嚟過... 仲諗緊可能要星期一先會收到信... 4點鐘...郵差叔叔嚟派信la... 我即時拆信.... 知道神召會收左仔仔讀下午班... 雖然唔係我鍾意既上午班... 不過仔仔可以考到已經好開心la...
今日...仔仔一起身就扭計喊左好耐...仲同我講話唔出街...最後花左好多時間安撫佢既情緒...開開心心去呂明才interview...坐車途中收到joey電話講番佢同梓橋interview時既情況...連joey都話感到好大壓力...聽完之後..我都好緊張...個腦仲一片空白咁... interview時...今次仔仔表現好好...老師問佢乜佢都會答...只係答錯左2幅圖像...白色既力康蛋...仔仔答左係魚旦...1盒牛奶公司鮮奶...仔仔答唔知...不過...我既表現就好普通...答問題時仲驚到震晒...有4條問題... 1.對學校通過教育局質素評核報告,有何意見? 2.學校如推行親子閱讀計畫會否感困難? 3.子女在遊樂場與人打交,你會? 4.怎樣教導子女愛己愛人? interview完...我成個人舒服晒...結果要等到下星期二先會知道... 食完野..仲要返屋企等信...神召會唔知收唔收呢? 11月7日呂明才interview
媽咪腰骨痛又發作...今晚食完飯自己去左沙頭角揼骨... 明天要同仔仔去呂明才interview...以前既我都覺得唔需要咁緊張... 但...當自己要去面對時....原來不經不覺比左自己好大壓力... 所以自己順便去relex吓...希望明天會順順利利la...
今晚..仔仔飲完奶...將奶樽給爸爸之後就坐起身... 仔仔:唉..我好唔舒服..個肚好痛...(個樣好唔舒服,仲用隻手'禁'住個肚tim) 爸爸:仔仔..你做乜肚痛呀?有冇事呀? 仔仔:可能食得太多香蕉la... 爸爸:食得太多香蕉? 當時坐係隔離既我已經忍唔住笑左出嚟... 我:爸爸...你比佢呃左la..佢係度講緊noddy d 對白咋... 仔仔知我識穿左佢...即時係度偷笑... 爸爸:等我仲以為你真係肚痛tim... 之後...仔仔被爸爸捉住..勁'唧'一番...接受大懲罰...
琴晚b打話想去睇船船...所以今日中午...媽咪帯左b打去沙頭角碼頭玩...因為天氣清爽...係碼頭吹海風真係好舒服呀...
琴晚仔仔咳到醒左幾次...半夜要喂佢飲藥水... 今朝飲完藥水先去神召會interview...好彩去到全程冇咳過... interview時...7-8個小朋友一組... 小朋友坐係前面...家長坐係小朋友後面... 老師會利用布偶公仔講故事去睇小朋友反應... 當老師問君禮食唔食pizza時...仔仔即時講唔食同擰歪面... 而隔離既小朋友仲驚到大喊...要攬住佢mama... 其間仔仔就四周圍望...指住個鐘問我幾點... 見到牆上有花就同我講"媽咪..你睇flowers呀"... 其實老師係一直講緊野ka...仔仔係好唔留心law... 到左3個人一組去玩玩具時...原本老師想坐係仔仔隔離... 仔仔即時向老師要求:唔坐呢張..要坐果張(指住橙色凳)... 最後老師問君禮:我帯你去攞玩具呀?好唔好?... 仔仔答:我要痾尿呀... 老師:可唔可以忍一陣呀?攞完玩具先去呀... 仔仔:向老師'up'頭 之後老師就拖左仔仔去攞玩具la... interview完.... 係廁所被嬸嬸稱讚...舉起2隻手指公比左2個good仔仔... 事原...仔仔interview前去廁所時..因唔熟悉...要嬸嬸提點...洗完手係邊度攞紙巾抺手..抺完手再將紙巾掉落垃圾桶...interview完再去時..被嬸嬸認得出..今次仔仔完全記得所有野...仲要係自己vv添...所以被稱讚... 唔知仔仔有冇機會係呢間學校讀書呢?
睇e生...(流鼻水&咳咳)
媽咪d骨頭又痛la,食完晚飯,自己去左沙頭角揼骨
今日姑媽返左嚟,仲有一個喜訊,b打又再做表哥啦!
今日一早..我地同叔婆&建叔叔係大家樂食早餐...食完早餐join埋姑婆太一家人去買野...之後返屋企再join埋韋叔叔一家人..一齊出發去拜山...拜山時仔仔唔小心燙傷左隻手...仲即時起水泡...b打都只係伏係我膊頭時流左2滴眼淚...媽咪要寫個"服"字比你la...冇晒電既仔仔..最後要爸爸抱落山返屋企...不過返到屋企飲完奶之後...又好精神咁同晴晴玩...2個都玩到好開心...唔肯午睡...等到7點晴晴走左...呢個仔仔就完全冇晒電...唔駛5分鐘就瞓着左...
今日...我同仔仔約左joey契媽一家人一齊食早餐....食完早餐...我地先去接yauayau同契媽...順便攞衫....b打同梓橋去到yauyau哥哥屋企超開心...因為有好多好多玩具玩...佢地玩到唔想走tim... 終於係2點幾出發去元朗濕地公園....去到已經3點幾...原來濕地公園係睇d花草樹木同雀仔...太細既小朋友去就會悶左d....因為我地冇食lunch好肚餓..要去e肚...所以行左一個鐘就走人... 夜晚...joey契媽一家人嚟左我屋企食飯...為左方便易煮...我地煮左蕃茄湯飯食...b打同梓橋仲一齊白白豬tim...
今日...我一早出左去參加神召會新生家長導覽會...參觀完..我對學校環境、老師及各教具都好鍾意....好希望仔仔可以係呢間學校讀書...不過...當校長話有成七佰人報讀時...我就好擔心...知道真係會好難入...anyway..下星期面試時...仔仔你要加油呀!... 下晝...我地約左婆婆同表姐去左maymay姨姨屋企玩...夜晚仲食埋飯先返屋企...
琴日係鄉村俱樂部玩時...b打比野咬親隻手指...當時只係紅左小小...我以為佢係比蚊咬...點知今朝瞓醒...b打成隻手腫到變左隻豬手咁...同佢搽無比膏都冇消腫...夜晚返到屋企...見佢咁嚴重都係要同佢去睇e生...b打同我講:媽咪..你睇..我整唔到"揼"呀?(佢個樣係好可憐ka,仲有小小想喊tim)...e生話佢個人對果d毒性過敏...所以就會係咁...要食抗敏藥同搽藥膏...佢已經唔係第一次咁樣...上次係屋企比d野咬親個肚...又係攪到要去睇e生...
今日...為左預祝梓橋明天2歲Birthday...我同b打約左joey契媽一家人、yanyan契媽&yauyau一齊去元朗錦田鄉村俱樂部玩.... 人地話...3個女人一個墟...我就話唔係la...係行車時...佢3隻馬騮一齊...點止係一個墟...簡直係幾個墟tim la...仲要係冇時停果隻... 去到元朗錦田鄉村俱樂部...可以見到黑色既羊咩咩、松鼠&兔仔...仲有好大既草地比佢地玩踢波同玩吹泡泡....佢地3個玩到好開心...其實今次我同b打係第2次嚟..不過b打已經唔記得左舊年曾經嚟過... 之後...去左梓橋姨媽屋企玩左一陣...夜晚就係元朗hot pot後先返屋企.... 祝梓橋生日快樂,身體健康!