親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日"大大"終於離開左我地....長眠於泥土裡
今晚我帯埋仔仔上房攞衫沖涼… 落到2樓仔仔見到老公係度玩電腦… 仔仔就跑去老公度… 老公 :你同mami落去先la…我陣間落去搵你呀… 我 :仔仔…我同你落去先la…爸爸整完野會搵你ka la… 仔仔 :唔好…我地係2仔爺嚟…唔可以分開ka… 老公聽到仔仔咁講…即刻將手離開keyborad…再一手抱起仔仔攬住錫錫…由個心甜到出塊面度…老公超冧開心笑…
今日帯左仔仔去ken叔叔度剪頭髮...表姐都一齊剪...剪完髮就去食lunch...食完lunch...婆婆同表姐嚟左我地屋企玩...鄰居2兄弟都嚟左我地屋企玩...佢地仲玩得好開心tim...仲有好多謝auntie & uncle請食雪糕....
今晚我自己去左舊同事bonnie既婚宴,順便同d舊同事聚聚... 夜晚成12點返到屋企...見到老公已經瞓左...而係隔離既仔仔...原來仲未瞓...佢話要等埋我先瞓wor...聽到仔仔咁講...好sweet 呀!
今日...我地一家3口join埋一大班親戚去東坪洲,吉澳一天遊...好開心呀!!!
今日...老公放假...我地約左叔婆,姑婆太,大姑婆佢地一齊上山掃墓...今日天氣麻麻有毛毛雨...仲好大霧tim...所以連晴晴&嬸嬸都冇返嚟...仔仔又要等下次先可以同晴晴玩lu...
自從生左亞仔後...我都好幾年冇去拜外公外婆&大舅父&太婆...所以今年我同仔仔就join埋婆婆佢地一齊去元朗流浮山雲浮仙館拜祭.... 夜晚...我地去左婆婆屋企食埋飯先返屋企....
今日...叫左公公婆婆同埋maymay姨姨佢地嚟我地屋企bbq...慶祝表姐4月7日10歲生日...今次亦都係皓怡表妹第一次嚟我地屋企玩...一家人開開心心...祝表姐生日快樂,身體健康!
今日帯左will去patsy姨姨新居同班舊同事gathering...大人同小朋友都玩得好開心...多謝晒patsy姨姨既熱情款待....
今日晏晝...姐姐打比我話大大返左屋企...好開心呀...之前仲以為佢唔會再返嚟....佢個肚仲好似細左小小tim...唔知會唔會有奇蹟出現呢....
大大突然失蹤了.....
今日中午約埋班中學同學係amy屋企gathering...amy整左好多野食..最令大家讚不絕口既雜果沙律...yummy yummy...大人同小朋友都玩得好開心....
今日中午表姐同婆婆嚟左我地屋企探大大... 傍晚...我地就一齊去左婆婆屋企玩.... 夜晚叫埋老公嚟婆婆屋企...食埋飯先返屋企...
今晚慶祝我&joey birthday去左hotpot...好開心呀....
"大大"肚子突然脹大,放工後帯佢去睇獸醫...醫生話佢年紀太大...冇得醫...不經不覺養左10年...聽到呢個bad news好down呀....希望佢開開心心過埋呢段日子....
今日...我同老公一齊放假...一家3口去左凱悅食lunch buffet慶祝我既生日... 食完就去左沙田snoopy world玩...仔仔玩到成身汗...不過佢玩到好開心law... 玩完再行左去一田探惠儀契媽...係一田見到d好大既裝飾...仔仔忍唔住攬住嚟影相... 最後仲去左ikea睇野...順便買埋set枱凳比仔仔玩IQ珠同noody書書.... 今年既生日...可以一家3口一齊出去食吓野同行吓街街...媽咪見到仔仔開開心心心健健康康..已經係媽咪最好既禮物la.... 夜晚...姑媽送來一個雪糕蛋糕...thanks!
今日2母子諗住去沙頭角買d野返嚟整意粉食...去到沙頭角joey契媽call我..叫我地一齊食lunch...契媽仲話嚟我屋企接我地...所以我同仔仔就返屋企join契媽佢地出上水食野...契媽有契爺從旁睇住...我地順利地去到上水...飲完茶..契媽佢地嚟我地屋企玩...當契媽聚精會神咁揸車時...仔仔講左句野好攪笑..."前面有金色巴士呀...金色巴士好快呀"....童言無忌...契媽唔好hurt呀...努力練好手車...到時再車我地周圍去玩...契媽add oil ar!!!
今日中午...我地去左元朗公園玩...好開心呀!!!
今日中午...我同仔仔去左沙頭角食lunch...食完lunch見到有人係碼頭賣魚...我見到又買左一條....之後再去左welcome買仔仔既糧食...維他奶,利賓納,意粉等等.... 夜晚...一家人就同姑媽係上水食dinner...行到商場見到有book買...仲見到係noddy既fun book tim....適合2-6 years玩...最後我買左送比仔仔...呢set book 有10本book...加埋仲有150種玩法ka...
早幾日老公問仔仔...爸爸星期六放假,你想爸爸帯你去邊度玩呀...仔仔即刻話要去maymay姨姨屋企玩遊戲機...所以今日老公放假...一家人約埋婆婆同表姐一齊去左maymay姨姨屋企...2個多月大既皓怡表妹...已經大左好多la..而家有10磅多tim...白雪雪肥do do好可愛...不過個樣已經變左似晒姨丈law... 夜晚...我地食埋飯先返屋企....
媽咪終於幫仔仔改左英文名: Will Cheung
今日...一家3口係群記食野...之後再接埋大姑婆去我地屋企...嘩..大姑婆又整左好多茶果同糯米池...又拎左2大樽自己釀既黃酒比姑媽...加加埋埋都有幾十斤...真係超重呀!!! 之後...姑婆太、丈公太、叔婆、建叔叔、sa姐姐&韋叔叔一家人都嚟埋...成屋都係親戚...好熱鬧...夜晚仲一齊食盤菜tim...
姑媽回來了,肚子也大了很多呀!
今日朝早食完早餐...就同仔仔踩單車... 中午就同joey一家人食lunch...食完lunch就join埋yauyau,yu yu,yan & emily 一齊嚟我地屋企bbq... 今晚...6個大人可以舒舒服服係出面bbq...而4個小朋友就係屋裡面玩...大家都好開心呀....而仔仔有人陪佢玩就可以唔駛瞓晏覺...d精力好勁...到左10點幾飲完奶...就即刻同我講...'媽咪...我好眼瞓呀...' mami最愛見到仔仔既笑容.....踩單車
今日中午係屋煮意大利粉食...食完就出左去上水shopping...我地既shopping係買家庭用品野&買餸...出到去見到球場有舞龍舞獅慶新春...我就帯左仔仔去睇...舞龍舞獅做完就有小朋友表演...呢個仔仔竟然話唔睇...要去睇泊係街邊既貨van...真係比佢笑死law... 之後去左文記買家庭用品既野...呢個仔仔好攪笑ka...當我攞起每樣要買既野時...佢就會攞起同我一模一樣既野比我...係都要我揀佢果件野呢買...我同佢講無分別...佢就話有分別...真係攪攪震冇幫親la.... 今日我最開心就係買左3盆花...$50就有3盆...好抵呀...平過d年花好多呀...
今日係婆婆生日...我地全家人去晒maymay姨姨屋企同婆婆慶祝生日...我預先訂了盤菜...又買左生日蛋糕...而今次係元朗輝記出品既盤菜...雖然大家都未食過...但試完...個個都話好好味...真係可以向朋友推介吓.... 婆婆祝你生日快樂,最緊要身體健康! 婆婆生日快樂!一家人食盤菜慶祝婆婆生日.....今年婆婆多左個孫女陪佢過生日.....
自從仔仔出世後...每年我都會去天后廟...一家3口邊個犯太歲...我都會去拜太歲...祈求家宅平安...今年都唔例外揀左今日去幫老公拜太歲...雖然老公唔信呢d野...但我就覺得我自己做左會安心d law...
早2日開始貼既mickey貼紙 每日貼d貼d...今日仔仔終於完成左呢個作品.... Very good!!!
琴晚bbq完...表姐冇走到...係我地屋企瞓...因為表姐唔敢自己瞓... 所以我地要4個人瞓埋一張床...超辛苦呀!!!.... 中午帯住佢2個去沙頭角食lunch...食完lunch... 梗係去佢地最鍾意既碼頭睇船船la.... 夜晚...一家3口就同惠儀契媽食dinner...今日仔仔又有禮物收la... 就係惠儀契媽送既thomas玩具....多謝惠儀契媽!
今日係老公最後一日假期...我地一家人&公公婆婆表姐佢地...今日中午去左元朗同maymay姨姨、皓怡bb、皓怡bb既嫲嫲一齊飲茶...今日皓怡bb着左我送比佢既新年衫...係b dai表哥親自揀選既....好似格格咁...好可愛哦... 夜晚...公公婆婆表姐佢地就嚟左我地屋企bbq...今次我又買左三文魚頭嚟燒...公公婆婆都話好好味呀....不過老公就話聞到都覺好腥..唔會食...我就話佢唔識欣賞就真...不知幾好味....