親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日媽咪病左...所以要帯住口罩...返到屋企.. b打問媽咪:媽咪你做乜帯口罩呀? 媽咪:媽咪唔舒服...驚傳染比仔仔..所以咪要帯口罩law... b打:媽咪你除口罩la...(唉..講完都係唔明..) 媽咪:媽咪咳咳同喉嚨痛...唔帯口罩會搞到仔仔都會咳咳ka...你明唔明呀? b打:媽咪你有冇事呀? 媽咪:有事呀... b打:我錫番你...(佢想錫落媽咪個口罩度) 媽咪:唔錫得嘴ka...錫番隻手得ka la... b打真係錫番媽咪隻手....媽咪好開心.... 到食飯時...媽咪要坐開一邊食飯... 今晚要爸爸坐係仔仔隔離食飯....(平日係媽咪坐係仔仔隔離) b打突然發好大脾氣...仲大喊tim... 係都要媽咪坐佢隔離....爸爸同佢講媽咪唔舒服呀... b打都唔聽...不斷扭計...激到爸爸發惡罵b打... 之後...b打慢慢收聲...姐姐餵佢食飯.... 一時係天使...一時係魔鬼又出現la....真係會令你又愛又恨既感覺...
今日...惠儀契媽&欣姨姨一家人約左我地一家人去西貢清水灣沙灘游水水...十點食完早餐就出發lu...今日我地好叻...搵到個樹底地方作機地...唔駛咁曬...今次嚟到呢個沙灘冇咁大浪...b打都肯落水玩...不過都仲係有小小陰影...成日話好驚...仲好'滕'雞tim...相反澄澄姐姐就好大膽la...着住水泡自己係水游來游去...一d都唔驚...我地玩到4點幾就返屋企lu...回程既時候...b打例牌會攰到瞓着左....今日媽咪都好攰呀!!!
今日媽咪帯埋姐姐同b打去左幫婆婆執屋...好攰呀!!!
今日爸爸同媽咪放工後...去左幫婆婆佢地搬屋...搬完之後去左聯和墟食飯....
公公的傑作....今天終於完成了...thanks 公公
今日同仔仔瞓到9點幾先起身.... 梳洗完就去左碧湖稻香同公公& d姑婆飲茶... 塋塋表姨&穎豪表哥都係度.... b打又可以同佢地一齊玩.... 呢個塋塋表姨真係幾似媽咪細個果時.... 好識take care d 小朋友.... b打比表姨湊...媽咪好放心... 飲完茶... 媽咪、b打&公公就去左婆婆屋企幫婆婆執野... 婆婆佢地要係下星期搬去新屋....執到5點幾... 等爸爸收工嚟幫婆婆載d野去新屋... 第1次去到...雖然係遠左d...不過都幾好...婆婆鍾意就ok la... 夜晚係聯和墟食完飯先返屋企....
今日真係好熱呀....好彩約左2個靚契媽+2個契仔一齊去花都swimming…去到更衣室…2個靚契媽去左換泳衣…因為媽咪一早換左泳衣….所以1個人睇住3個靚仔….跟住有2個婆婆見到竟然問媽咪:3個都係你ka?好得意呀…..媽咪覺得好開心…..即哈哈大笑….有3個小朋友都幾好呀….媽咪都想呀…. 去到泳池….b打例牌要warm up吓先夠膽落水….成日仲話好驚大浪tim….warm up完仲成日追住yauyau哥哥玩….之後仲係咁撥d水落自己塊面同眼度….都唔知佢玩乜….玩玩吓仲同媽咪講唔要水泡tim.…係都要除晒佢…之後梗係又玩到沈左落水la….又要媽咪救佢上嚟….不過都冇有怕又再玩過….而細佬梓橋就成隻froggie咁鉗住joey契媽係都唔放手….joey契媽哩埋佢又會不斷叫mami…mami…mami....真係好攪笑….游到4:30我地就走去食tea醫肚….b打竟然食食吓腸粉瞓着左wor…..食完tea….义左半粒鐘電既b打醒左…因為未夠鐘去食dinner….所以媽咪同b打上左去yauyau婆婆屋企玩一陣….怕醜既b打唔敢入去…要媽咪抱佢入去….又要warm up一陣先肯同yauyau哥哥一齊玩logo…跟住yauyau哥哥既舅父返嚟.…膽小既b打驚到唔敢望….又唔敢move…之後就驚到大喊tim…真攪笑…. 夜晚為左慶祝公公birthday….所以一家人約左係聯和墟食飯….公公祝你生日快樂…身體健康!
今日係爸爸放第2日例假...爸爸一起身見到仔仔...仔仔就即刻同爸爸講:爸爸洗宜家家俬la...(琴晚係爸爸應承左仔仔)...之後...爸爸就洗車...仔仔就係車入面攪攪震冇幫親....洗完車...爸爸仲帯左仔仔去上麻雀嶺玩sir滑梯...不過行上去途中...仔仔聽到雷公伯伯行雷聲...有小小驚要攬實爸爸...所以去到sir 滑梯時...玩左一陣就話要返屋企la....
因舊既DVD機壞左...仔仔冇得睇DVD都已經1星期...所以今日去上水街市食lunch 同行商場....順便去ACL買部新既dvd機比佢...今次買左部$249...超值呀.... 哨牙n曚豬眼look...攝於上水中心
今日天氣好熱...媽咪同仔仔瞓到9點起身...洗面刷牙後..剛剛好睇到9點半做既mickey卡通片(每星期播1次)....同仔仔睇完...媽咪覺悶悶地...突然想帯仔仔去沙頭角行吓...換好衫便出發去沙頭角lu...今次係仔仔第2次去...車程唔駛5分鐘我地就到沙頭角la...媽咪帯左仔仔行去碼頭...原路仔仔見到好多船船...好開心....之後我地坐係碼頭睇風景同吹海風...不過天氣真係好熱...坐左半粒鐘我地就走la...回程時呢個番薯仔行行吓又唔小心跌親...仲跌親剛剛好番既膝頭哥傷口...即時流血...仔仔見到流血即時放聲大哭...於是媽咪抱起仔仔呵呵錫錫...跟住同佢止血...一陣就冇事la...跟住媽咪再帯左仔仔係沙頭角街市食麵...食完野再去惠康shopping...買左仔仔鍾意食既奇異果、薯片、維他奶&利賓納糖等...之後就搭小巴返屋企la.... 媽咪帯仔仔去沙頭角碼頭後面就係沙頭角碼頭la....媽咪影完未呀...我要睇船船呀....hi...呢度就係碼頭la....
公公1個人做既傑作..真係好靚呀..公公話仲要整多1日埋尾wor.公公辛苦晒... 另外多謝珩珩表姐...表姐在烈日當空下幫忙挖泥... 仲有要多謝婆婆將後園門油得咁靚.... 真係無言感激...thank you!!!
朝早起身... 媽咪&b打同公公婆婆食完早餐... 公公又再幫我地繼續整....
今日傍晚b打與鄰居3兄弟哥哥玩時.... 哥哥佢地跑跑跑... b打又跑跑跑追住佢地... 可能跑得太快一個唔小心成個人趴左係地下... 又跌損左膝頭哥同面面... 可憐既b打之後梗係大喊一場la....
公公今日又繼續整....辛苦晒la....
今日中午... maymay姨姨約左媽咪、婆婆&b打去Pizza Hut食lunch... b打唔食pizza只係食肉醬意粉&飲cream soda... 食完野我地去左行商場.... 之後再去街市買餸... 夜晚一齊食飯....
一家人與姑媽飯聚
因為熱帶氣旋"天鵝"既關係連續好多晚都落雨...好多晚冇得出去散步步...今晚天晴仲係舊歷十六...月光好圓好大...仲有好多星星....終於可以一家3口出去散吓步...媽咪同爸爸被小溪傳嚟既水聲吸引...所以帯左b打去小溪睇睇...見到平時冇mud水既小溪變成好急水流既小河...b打去到就即刻挨住鐵欄好專心咁望住條小河....仲有佢既係指定動作...就係"洞"d野落d水度....今次唔係"洞"石頭...係"洞"樹上既果實...爸爸教b打...d果實叫"水龍仔"...b打聽唔清楚爸爸講"水龍仔"...b打就講左"水龍頭"..."水龍頭"...真係比佢笑死媽咪同爸爸la....
食藥後..風"爛"已減退
夜晚放工返到屋企...見b打琴日出既風'爛'到今日都仲未退...仲越出越犀利...攪到成身同手都係....之後就帯左佢出去睇醫生....醫生話佢應該接觸左d野令到佢敏感....醫生仲話有好多致敏原因tim...
今日我地一家3口同埋表姐join左joey契媽佢地一齊去沙灘....原先set左morning call係5:45am已經係好好好早ka la...呢個衰豬竟然5:30am就morning call左媽咪起身....唉...媽咪又瞓少左tim....6:15am就出發去joey契媽屋企...之後再join埋其他friend一齊係大埔食早餐....食完早餐就出發去石澳lu....去到沙灘都未夠9:00am...真係第一次咁早去到沙灘玩...今次b打同梓橋開始有d溝通la...b打仲同梓橋講野tim...不過細佬仲未識答b打...最攪笑就係細佬叫b打做'bb'...細佬仲做左件好笑野tim...就係'孔'埋表姐個面度...越'孔'就越埋...攪到表姐好怕醜咁避開...而細佬就偷偷笑...真係古惑b... 我地玩到17:00pm先走....b打玩到離開沙灘先開始識眼瞓....皮膚差既佢仲冇端端出晒風'爛'tim...痕到佢發晒癲咁....好彩最後佢都攰到瞓着左咋....之後大家都帯住疲累既身軀返屋企....
今日媽咪帯左b打去剪頭髮....b打坐定定比ken叔叔剪...所以唔駛10分鐘就剪完la...咁啱商場有多啦A夢電影活動...所以媽咪比b打玩左小小遊戲....佢最開心都係係大型吹氣公仔玩跳跳跳....仲玩到唔想走tim...
今晚maymay姨姨、小龍姨丈、婆婆&表姐嚟左我地屋企食飯... 食飯既時候.... b打:小龍姨丈我要食粉絲(拍小龍姨丈膊頭).... 因小龍姨丈夾粉絲時連瓜一齊夾... 比b打睇倒....b打即講:我唔要瓜ka... b打食完又再叫小龍姨丈夾粉絲.... b打同小龍姨丈真係好friend wor... 食完飯...b打無端端用支野好大力咁打表姐個頭.... 表姐即時痛哭...爸爸見到即時用尺打b打手板... b打今次竟然冇喊wor...(平時即刻喊左) 可能就係聽到婆婆叫爸爸'唔好打佢la'呢句說話... 諗住有人support佢....之後媽咪叫b打同表姐say sorry時... b打有同表姐say sorry ka... 不過就好大聲講同埋又好大力咁拍表姐個頭幾吓... 媽咪叫b打停...b打都唔聽...唉...表姐又喊... 媽咪就捉左b打去罰企....媽咪叫大家都唔可以理佢... b打最怕冇人理佢...最後梗係痛哭一場la...
今日公公休息再嚟繼續整...
公公今日繼續整....
之前因9號風球吹爛左後園既屋棚...公公知道左就話幫我地建新屋棚...公公仲話自己買材料整只係要2仟左右...比人做要好貴要成萬蚊ka...不過1個人要慢慢做...仲要等公公放假先過嚟做...anyway要整幾耐都唔緊要...真係好多謝公公既幫忙...辛苦晒...
今晚我地一家人與惠儀契媽&婉君ee食晚飯
今日係Maymay姨姨結婚大日子....媽咪同Maymay姨姨一早7點就起左身...我地仲嘆左個好豐富好好味既酒店早餐....8點化妝師嚟到...為新娘子、媽咪、婆婆&珩珩表姐化妝set頭....個個扮到靚靚...開開心心見證Maymay姨姨出嫁...10點爸爸同仔仔先到酒店...仔仔一到酒店房見到有好多姊妹...初時好怕醜...但經半粒鐘warm up...已經熟落左...仲係酒店房周圍走無時停tim... 到夜晚婚宴開始....有好多感動埸面令到...Maymay姨姨喊...媽咪喊...舅父喊...連姊妹們都喊...anyway...全部都係因開心溫馨感動而喊... 不過有件攪笑野一定要講...當Maymay姨姨同小龍姨丈在台上準備簽署結婚證書時(當時全場係好寧靜ka)...突然有個小朋友好大聲哎:媽咪我要呵尿尿...我要呵尿尿呀(台上台下都好清楚聽到)...大家都忍唔住笑左出嚟...呢個小朋友之後仲大聲咁問:姨姨仲mud喱埋係入面呀? (新娘子帯住個頭紗) 呢個小朋友咪就係b打law....真係比佢笑水人la... 祝maymay & 小龍新婚快樂!!! maymay姨姨你好靚呀....今日我同表姐都係着白色好襯呀....嘩...係咪好大個紫色bow太呢.....d flowers 好靚呀....
自從仔仔出世....媽咪未試過唔係屋企瞓....因為媽咪會好掛住仔仔....為了maymay姨姨媽咪破例一次....媽咪諗起以前成日同maymay姨姨孖舖既日子...原來已經係10幾年前既事....時間真係過得好快....明天..maymay姨姨就要出嫁la...係度祝maymay姨姨新婚快樂...最重要係身體健康.... 今晚媽咪仲做左好命婆...幫maymay姨姨上頭...又係媽咪既第一次呀!!!!
今日爸爸要返工...姐姐又放假...只得媽咪同仔仔係屋企... 琴晚個9號風球真係好犀利...媽咪一開門就大哎: 嘩..... 仔仔又跟媽咪大哎: 嘩...... 雖然出面仲有毛毛雨...媽咪照帯仔仔出去後園睇睇... 見到後花園吹到亂七八糟...木瓜樹又被吹到傾斜45度... 仔仔不斷大哎:木瓜樹爛晒..木瓜樹爛晒..木瓜樹爛晒.. 而大大細鈿既屋棚都被吹倒部份屋頂..... 可憐既大大細細唔知琴晚點過呢.... 當媽咪係度清理既時候...仔仔就係水氹玩水... 用腳係咁踩d水..不知玩到幾開心... 因為仔仔玩到成身濕晒...又要同隻衰豬換衫tim... 中午係屋企食完米粉....媽咪帯仔仔出去上水行街街&買餸... 買餸既時候...仔仔係要爭住比錢.... 賣菜既ee見仔仔咁乖...仲請仔仔食蝦餅tim... 買菜送蝦餅真係好攪笑吓...買完餸就同仔仔搭小巴返屋企lu... 落車既時候...因為仔仔瞓左覺... 媽咪又要抱住仔仔又要揹住d餸返屋企...好辛苦呀!!!!