親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
媽咪今天開始放大假湊仔仔
今日中午.... MAYMAY姨姨安排咗婆婆下午去法國醫院.... 明天早上醫生會幫婆婆抽組織去化驗..... 預計明天下午可以出院..... 因珩珩表姐冇人照顧.... 夜晚舅父帯咗表姐嚟我地屋企.... 今晚媽咪就要同B打&表姐一齊瞓..... 而爸爸今晚就要做廳長啦....
今晚食完飯....9點幾...仔仔開始扭眼瞓...不斷係度亂掉d玩具車落地下...仲要好大力咁掉...爸爸媽咪叫b打唔好掉...b打都唔聽...仲要繼續掉...爸爸媽咪唯有開始唔采b打....過咗一陣...b打見爸爸媽咪都唔出聲...佢自己就開始喊喊...一路喊一路走埋嚟爸爸同媽咪度....爸爸媽咪同b打講:你咁曵...我地唔采你la...b打見爸爸媽咪都唔要自己...一路喊一路望住媽咪講:話比姐姐知...話比姐姐知b打喊喊....其實b打都好掛住姐姐ka...
今日公公同maymay姨姨陪婆婆去醫院覆診&打針(每2星期去打1次),醫生說婆婆患上了甲狀腺,指數比正常高出2倍,醫生見意婆婆照超聲波作進一步了解,不過醫生話排期照都要等幾個月後,最後maymay姨姨決定即日帯婆婆到法國醫院照超聲波,超聲波報告出了,醫生說婆婆有3粒野,但未知係咩瘤,好大機會係良性,如要進一步了解,就要搵日抽組織去化驗先會知..... 婆婆知道自己又患多一種病...好唔開心...仲往往向唔好方面去諗...其實好明白婆婆點解會咁諗...10年前已開始患病...而病痛實在令婆婆太辛苦喇.... 婆婆...你千萬不要氣餒呀...你會冇事ka..我地一家人永遠都會支持你ka..... 另外係度好多謝maymay姨姨好朋友Ali & Ali's family既幫忙,Many thanks!
下雨天...全日在家...
今日媽咪放假... 爸爸話幾日冇出過街...好悶... 所以一家三口出去聯和墟食早餐... 食完早餐... 媽咪去街市買餸... 買完餸就返屋企...
夜晚食完飯...8點幾姐姐打電話返嚟... 媽咪接電話...b打知係姐姐打返嚟... 不斷大哎:b打聽...b打聽.... 媽咪將電話比咗b打聽.... 媽咪聽到b打答姐姐: 乖....食咗...ng... 跟住b打拎住個電話又唔出聲又唔肯比媽咪聽.... 媽咪唯有搶b打個電話嚟聽.... 知道姐姐返到屋企好開心.... 我地都好開心....
今日朝早10點幾…2仔爺由屋企開始步行入去鹿頸,b打行咗一陣就要爸爸抱住行,一係就要爸爸騎膊馬行,爸爸行到攰又放低b打自己行...重複又重複...2仔爺行到入鹿頸都要成2粒鐘,去到茶座…爸爸同b打坐低休息吓…順便買野飲…茶座老闆已轉咗由一個鬼佬管理…爸爸話個老闆好好人…同b打玩同請b打飲果汁…之後爸爸就同b打坐小巴返屋企…
今日...爸爸就開始放假湊b打... 由b打出世到而家爸爸都未試過24小時湊住b打... 今次亦係爸爸既第一次... 夜晚..媽咪放工返到屋企... 佢2仔爺啱啱沖完涼.... 媽咪問b打:今日乖唔乖呀?聽唔聽爸爸話呀? b打答:乖...聽話... 爸爸話...今日一早同b打係屋企附近周圍行... 仲去咗上麻雀嶺玩sir滑梯tim... 晏覺仲瞓咗3粒鐘呀...
今日媽咪返到公司就收到一個bad news... My boss KK Wong 昨日在家中突然離世.... 媽咪認識佢已經9年la...佢對媽咪好好... 永遠懷念你...KK Wong....
今日姐姐要返去印尼la....姐姐一早6點就起身... 幫媽咪做好所有家務...9點幾就要走... 媽咪好唔捨得姐姐...與姐姐一個擁抱道別... 媽咪已哭成淚人...而姐姐亦哭起來...b打見到媽咪喊喊... b打:媽咪攬住姐姐...喊喊...媽咪唔捨得姐姐...(b打個樣好唔開心咁講) 唔知b打因太細抑或真正堅強...b打真係冇喊過... 之後...媽咪抱住b打送姐姐出去搭巴士.... 當巴士一到...望住姐姐拉行李上巴士... 媽咪係對面馬路大叫:姐姐要小心呀...保重呀! b打又望住巴士對姐姐講:姐姐...小心! 媽咪此刻又哭起來...兩行眼淚不斷擁出嚟... 別離...真叫人太傷感! 希望姐姐返到屋企...一家人生活幸福快樂!與satik姐姐合照b打n姐姐笑得好開心呀.....satik姐姐走la....
今日朝早,公公載我地去坪輋雲泉仙館拜祭伯公(係媽咪既伯父),去到果度親戚已到整,可以拜祭伯公,今次係b打第一次去同伯公say hi,之後b打又周圍走冇時停,又去魚池睇魚…又去龜池睇龜,跟住我地仲係裡面食齍菜,食完先離開。
今日中午我地同公公婆婆&表姐係上水街市樓上食晏,知道早兩日太太係屋企跌親,所以食完野去咗唐公嶺探太太,好彩太太唔係好嚴重,只係跌於膝頭哥冇跌親d骨,以佢80幾高齡跌親真係好長手尾ka,希望太太早日康復!
今日係假期既第二日,一早又要出去,因為要去元朗agent果度處理姐姐離開既手續,跟住係元朗買埋bbq食物,好彩有公公嚟元朗接我地,之後再去粉嶺接婆婆同表姐返我地屋企,到咗夜晚等埋maymay姨姨、舅父&蚊姐姐,我地就開始bbq la……媽咪今日買咗好多野食……有大蝦、大眼魚、蕃薯、金菇、雞亦、豬扒等等……仲有婆婆煲既柴火湯(淮山杞子响螺煲雞)…so good so good…雖然有好多好野食…不過b打就唔多啱食law…佢只係食咗一碗飯加2條腸仔…之後就開始攪攪震…一時就踩單車…一時又踩電單車…圍住我哋氹氹轉…不斷引我哋同佢玩…今晚又玩到11點幾先瞓覺豬。
今日係復活節假期既第一日,10點幾就同b打&姐姐出發去愉景灣,首先係粉嶺&大圍火車站join埋珩珩表姐同maymay姨姨,跟住再去中環碼頭join埋韋叔叔一家人搭船去愉景灣,今次係b打第一次搭船船,去到愉景灣已經1點幾la, 愉景灣入面既灘位遊戲迫滿晒人,b打同晴晴堂家姐&思思姐姐一齊去玩波波池,玩咗10分鐘就要出嚟,b打好唔願意出嚟,最後媽咪唯有強行抱b打出嚟,之後諗住去麥記食完野先去沙灘玩,點知麥記超多人,排隊買野食都排咗半粒鐘,終於可以食野la…點知呢個豬豬同maymay姨姨玩時又擦損膝頭,之後就成機扭眼瞓…喊喊….(3點夠鐘瞓晏覺)…連最鐘意食既薯條同奶昔都唔要,就係咁瞓着咗….义咗1個鐘頭電….b打一起身就見到個好靚既沙灘….warm up咗一陣就開始join表姐佢哋一齊玩沙沙….b打個額頭好似寫咗個’勇’字咁….but住d沙衝去個海度….將d沙倒落d海水度…仲一d都唔驚….離開沙灘之後….一行又去到空地玩吹泡泡….玩到6點終於要離開愉景灣la….呢個b打好唔捨得走…不斷話…唔返屋企…唔返屋企…真係好攪笑!
今晚, 爸爸放工返到屋企就同b打講:爸爸去洗白白,洗完白白先同仔仔玩.... 仔仔聽到之後就即刻衝入廁所坐係凳仔等爸爸.... 其間仲不斷大哎:睇爸爸洗白白..睇爸爸洗白白.... 爸爸叫仔仔出嚟...仔仔係都唔肯出..就係咁.... 兩仔爺就一齊係廁所入面.... 之後.... 媽咪係出面聽到爸爸不斷叫仔仔唔好攪果d呀...唔可以開門呀... 媽咪係出面聽到真係覺得好好笑ka... 呢個衰豬梗係係爸爸沖涼時...就係廁所入面倒蛋la... 媽咪不斷諗唔知爸爸係入面點沖涼呢?
今朝早5點幾b打飲完奶竟然唔瞓覺...係張牀碌嚟碌去...一陣又叫媽咪...一陣又摸媽咪面面又搣媽咪個嘴...一陣又用個頭撞媽咪...唉!攪到媽咪冇得瞓....差唔多8點...爸爸要起身出去接大姑婆...咁好機會b打梗係要跟住起身la...媽咪唯有起身...湊b打落樓下刷牙洗臉跟住就同b打食包包(媽咪其實係好眼瞓,好唔想起身ka)...呢個衰豬都唔知點解會咁鬼精神.... 未到9點...一家人同大姑婆&姑媽就出發上山掃墓...原本爸爸今日係放假...不過公司多野做...拜完山爸爸就去咗返工…媽咪同b打就返屋企...返到屋企已經11點幾…因為b打係山上倒瀉水樽d水...攪到成身濕晒...所以媽咪返到屋企第一時間就係同b打洗白白...之後媽咪執拾好拜山祭品再煮米線比b打食....呢個傻豬可能已經好攰....食到最尾既時候.....竟然含住牛丸瞓着咗....真係比佢笑死人....媽咪拿拿聲叫仔仔吐番出嚟…好彩仔仔合埋雙眼都聽到媽咪講吐番出嚟....跟住就大覺瞓....媽咪食完野都跟仔仔一齊sleep sleep la !
夜晚...等埋爸爸放工就出去上水和花亭食壽司...今日係預祝珩珩表姐7號9歲生日....表姐仲收到我地送既生日禮物...有kuromi書包..kuromi筆袋...kuromi筆等等...仲有maymay姨姨請食壽司添....表姐生日快樂!
今日朝早媽咪同姑媽、姑婆太一家人、韋叔叔一家人&叔婆一家人上山掃墓,因為爸爸要返工所以媽咪冇帯b打上山掃墓..... 下晝...媽咪帯咗b打出去飲下午茶...因為媽咪約咗惠儀契媽、joey契媽&欣姨姨茶聚....飲完茶...b打、澄澄姐姐&梓橋仲一齊去公園玩...雖然一齊去公園...但係3個小朋友就各有各玩...hehe... 仲有...今日joey契媽送咗一架好大既搖控lorry比b打...joey契媽仲話yauyau同梓橋都各人有一架一模一樣tim...3兄弟每人一架...唔知幾時可以一齊玩呢?joey契媽...多謝你呀! 你地睇吓....我同晴晴堂家姐着情侶鞋呀!!!欣姨姨囡囡∼澄澄姐姐joey契媽送既搖控大lorry呀!
今晚食完飯b打去咗隔離叔婆屋企玩, 今晚健叔叔同莎姐姐都係屋企, 健叔叔同莎姐姐又請b打食零食又請b打飲檸檬茶, b打不知幾開心,連媽咪話番屋企...b打都唔肯返... 跟住媽咪同b打講"咁你玩完就自己返屋企la..." b打:唔...(一路up住頭講) 過咗一陣...爸爸先過去叔叔屋企接b打返嚟...
今朝早公公打電話嚟約我地出去聯和墟飲茶...公公話太太都會出嚟ka...之後媽咪帯住b打、表姐&婆婆一齊搭小巴出去飲茶...去到見到太太...太太又比利是b打同表姐...太太就係咁ka la...老人家要利利是是wor...每次見到b打都會比利是...多謝太太...希望你身體健康!
今日爸爸媽咪一齊放假....中午一家人同埋婆婆&表姐去咗麥記食野...去麥記食野最開心就係b打同表姐la..今次b打除咗食薯條飲奶昔之外...仲食咗一件麥樂雞添...之後去咗商場行咗一陣...見到有好多扭蛋機...表姐話扭一個送比b打wor...haha點解表姐咁大方...咪因為舅父比咗$100表姐law...b打指住反斗車王紅色個架車話'b打鐘意呢架..b打鐘意呢架..同b打屋企一樣'..同屋企一樣即係同屋企張mat一樣有反斗車王車車..表姐話扭反斗車王車要$15好貴...最後表姐用$10扭咗架好迷你既lorry送比b打....多謝表姐!婆婆同媽咪見b打仲係咁指住反斗車王架車話b打鐘意呢架...婆婆同媽媽最後心軟又扭多一個送比b打...一扭出嚟真係b打鐘意果架紅色車仔呀...b打好開心...hehe今次亦係b打第一次玩扭蛋機...
今日婆婆&表姐又嚟我哋屋企渡假la...
Agent已幫姐姐book了機票..14/4就要走la....
今晚約咗joey契媽一家人、惠儀契媽&rick哥哥一齊食飯.... 惠儀契媽今次買咗麵包超人牙膏牙刷送比b打.... 仲有媽咪既生日禮物添.... 多謝晒惠儀契媽!
雖然今日係媽咪生日...不過都係要返工..買餸...湊仔... 一早返工已經落好大雨...攪到媽咪未返到公司已經成身濕晒..仲冇買到餸添...唯有等到食lunch先去買... 12點左右...媽咪打電話返去搵b打... 媽咪:仔仔...今日係媽咪生日呀..你同媽咪講"生日快樂"呀... b打:生日快樂...媽咪.. 第一次同媽咪講"生日快樂"...媽咪好開心^0^...仲好冧tim.. 記得舊年媽咪生日..b打仲未識叫媽咪..而家真係大個仔la... 食lunch唔夠時間去買餸...唯有放工先去買...媽咪買咗3隻蟹...1斤蜆...1斤鮑魚...西蘭花&帯子....決定今晚要食海鮮大餐...再係上水買埋個Thomas蛋糕...就坐爸爸車返屋企la... 1個鐘之後...媽咪就煮好la..有薑蔥粉絲蟹...豉椒炒蜆...果皮蒸鮑魚...西蘭花炒帯子...再加埋姐姐預先煲既粉葛赤小豆豬骨湯....終於可以開餐la...仔仔仲食咗好西蘭花同帯子tim... 飯後再食蛋糕...爸爸係雪櫃攞蛋糕出嚟...一打開b打見到Thomas係個蛋糕上面...不斷大嗌'Thomas 呀....Thomas 呀'...仲想用手攞Thomas添..跟住再大嗌'b打生日...b打生日'(傻豬係媽咪生日,唔係b打呀)....媽咪唯有抱住b打控制住佢...等爸爸點着蠟燭....蠟燭一點着..b打又失控...係咁吹蠟燭...呢個傻豬蠟燭就吹唔熄...d口水就比佢吹晒落個蛋糕度...之後b打食咗成塊Thomas朱古力落肚... 仔仔...好多謝你給媽媽一個難忘既生日晚上!Sweet Sweet! 媽咪自己買既生日蛋糕生日快樂...媽咪!全家福
今日一早同公公、婆婆、表姐& b打去咗粉嶺名都大家樂食早餐,b打好叻仔識得自己'but'通心粉食,食完早餐...係商場行咗一陣,之後坐公公車返屋企,返到去公公洗車...b打又走咗上公公架貨van車頭攪攪陣...玩到滿頭大汗...跟住再同表姐n哥哥(鄰居)佢哋玩...又玩到唔願瞓...到咗4點...媽咪捉咗b打上房瞓覺...如果唔係今晚出去食飯佢就會瞓覺... 夜晚,有公公婆婆、maymay姨姨、小龍哥哥、舅父、表姐、爸爸同b打一齊係元綠食壽司,慶祝媽咪生日,可以齊齊整整一家人食飯媽媽覺得好開心...今年好多謝maymay姨姨送給我一個金色銀包...好多謝珩珩表姐送給我一隻pc狗公仔..好多謝公公婆婆&太婆比既利是...仲有多謝小龍哥哥請食壽司添... 珩珩表姐&Maymay姨姨送比媽咪既生日禮物
今日媽咪同b打朝早9點就起身,之後b打食早餐,媽咪就去咗沙頭角惠康買野,媽咪買咗好多糧食...仲有應承咗b打買既雪糕添...返到屋企媽咪就湊b打...姐姐就做清潔...媽咪陪b打玩電單車...睇車車...仲有同b打去"洞"石頭添 (即係將d石頭掉落河果度,因為石頭跌落水會發出"洞"一聲,所以b打會講去"洞石頭")...玩到中午1點幾...返咗屋企食麵麵...之後媽咪就開始煲柴火愛心湯...今次煲"猴頭菇淮山紀子响螺煲雞"...今晚公公婆婆同表姐嚟就可以一齊飲靚湯la...媽咪撕開d報紙起爐時...b打見到..佢又跟住媽咪撕d報紙掉落個爐度...有樣學樣...b打見到另一邊既姐姐開水洗地毯時...佢又走埋去玩水水...到咗3點幾4點原先係b打午睡既時間...點知婆婆同表姐係果時嚟咗...b打又唔瞓...跟住表姐出去同d哥哥玩...最後玩到5點幾頂唔住...睇睇吓電視瞓着咗...
今晚食完飯,爸爸出咗去踢波,呢排天氣成日都多雲又大霧,出面都睇唔到星星,所以媽咪帯咗仔仔上房睇星星(痴係天花版果d),每次媽咪都會一路睇星一路唱'小星星'嘅中英文版比仔仔聽,今次媽咪唱完...就叫仔仔唱比媽咪聽... 仔仔唱嘅又中又英版:Twinkle Twinkle...How I wonder what you are! 閃閃散佈...一顆小星星... 仔仔...雖然而家你仲未識唱晒成首歌..你要努力呀...好快會學識唱ka la... Twinkle Twinkle little star, How I wonder what you are! Up above the world so high, Like a diamond in the sky, Twinkle twinkle little star, How I wonder what you are! 一閃一閃小星星, 一顆一顆亮晶晶, 高高掛在天空上, 閃閃散佈似鑽石, 一閃一閃小星星, 一顆一顆亮晶晶。
今日爸爸放假,中午同仔仔係屋企出面散步同睇車車,仔仔見到一架lorry行過...仔仔話係石油氣車...其實...爸爸話係一架載fish嘅lorry...不過個外型又有d似石油氣車嘅...爸爸同仔仔講果架係載fish嘅lorry...唔係載石油氣嘅lorry嚟架....之後爸爸同仔仔一齊周圍行時...爸爸將雙手放係後面..頭低低咁行路...爸爸話仔仔學足佢咁將雙手放係後面..頭低低咁行路...爸爸望住仔仔笑....仔仔知道爸爸望住佢笑...佢自己又係度偷偷笑....繼續學爸爸行路...