親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
中午係maymay姨姨屋企吃飯&幫歐陽b囡洗白白
今日中午去maymay屋企...終於可以見到bb囡... bb囡雖然細細隻...but皮膚白白..眼大大..鼻高高..好可愛呀! 做姨媽既我...今日第1次同你洗白白... 而你第一份送比姨媽既就係便便(大包)... 不過唔緊要la...只要你快高長大...努力努力咁增磅... 健健康康咁成長...姨媽就開心la...
琴晚仔仔叫我買腸粉同提子比佢食... 今日...我2樣都買左...放工返到屋企... 我 :我買左綠色既提子呀... 仔仔:係呀..點解唔買紅色呀? (佢食開紅提,覺得紅提好食d) 我 :紅色賣晒..咁咪買綠色law..綠色都好甜ka..你試吓先la.. 跟住洗左d提子比佢食... 我 :係咪好甜好好味呀? 仔仔:唔好味...(個口話唔好味,隻手又係咁攞嚟食) d提子咁甜梗係好食la...呢個豬豬竟然口不對心....
今朝maymay打比我話bb可以出院la...好開心...不過要等小龍爸爸放半日假去接bb返屋企...中午去maymay屋企食飯時bb仲未返到....所以仲未可以見到bb囡一面...快d到傾日就好la...
今日起身打電話比婆婆同表姐...叫佢地嚟我地屋企玩...今次婆婆帯多左個陳 在中表姨(媽咪既表妹7yrs)嚟...仔仔同佢地玩到好開心...除左食野...佢地就 唔停咁玩..又踩單車...又捉蝴蝶..又玩玩具..玩足幾個鐘....到左5點婆婆話 要走時...仔仔都唔想表姐佢地走.... 之後同仔仔沖完涼就出去搵老公食飯...搭車出去時...仔仔已經攰到瞓左... 夜晚我地去左食壽司...今次仔仔食左冷麵..豆腐同蟹柳壽司...食完野... 老公帯左仔仔去買仔車...今次老公送左架benz比仔仔... 仔仔好開心咁揸住架benz返屋企.... 返到屋企...見到sa姐姐同建叔叔...佢地又送左份生日禮物比仔仔... 又係佢最鐘意既車車...多謝sa姐姐同建叔叔.. . 今日...仔仔真係開心到不得了la....
今日中午媽媽自己去左探maymay姨姨
今日中午姑媽姑丈返左去北京
媽咪係maymay姨姨家吃午飯
今晚食完飯...我比表妹張相仔仔睇... 我:表妹係咪好得意呢? 仔:係呀... 我:咁...表妹似小龍姨丈定似maymay姨姨呀? 仔:似我....(呢個豬豬竟然話似佢喎) 我:吓..唔咪嘛..我就話一d都唔似你... 仔:我就話一d都似我... 我:你咁黑又咁醜樣...表妹靚d...一d都唔似你... 仔:我都話一d都似我law...
琴晚...maymay姨姨去左e院待產...在凌晨00:35分終於生左歐陽小公主... 夜晚放工去左e院探maymay姨姨...歐陽小公主因為輕磅要住箱仔所以冇得探...只准父母探望...唯有睇小龍姨丈影既相頂住先....好多人都話似maymay姨姨...but姨丈同ee講:一d都唔似你,似晒我呀!....我知其實所有爸爸媽媽都鍾意bb似自己多d....小龍姨丈...你都唔例外喎!
今日係仔仔3歲生日...我同老公都要返工...所以放工去買左個thomas蛋糕同仔仔慶祝...老公仲買左份生日禮物送比仔仔... 返到屋企...收到maymay姨姨電話...佢話作動la..要去e院生bb...我係度諗唔通真係咁"橋"...可以同仔仔同一日生日...如果係真就好la...以後可以一齊慶祝生日... 食完晚飯...等埋姑媽姑丈返嚟...我地就同仔仔慶祝生日...切蛋糕... happy birthday to my lovely son..... 媽咪同爸爸祝你身體健康,快高長大,聽教聽話,每日都開開心心!
今日老公放假...朝早去左沙頭角飲茶...跟住同仔仔去睇船船... 下午..老公去剪髮..我,仔仔,姑媽&姑丈就去左大姑婆屋企...之後大姑婆就帯左我地去摘有機士多啤梨...果度好大..有好多士多啤梨..仲聞到好香既士多啤梨味...我同仔仔都係第一次見到咁大而又咁多既士多啤梨田...
今日...姑媽姑丈約左姨婆太&大姑婆飲茶...姑媽叫埋我地一齊去...大姑婆每次見到仔仔都好開心...而呢個仔仔亦都好識氹大姑婆歡心... 飲完茶帯左仔仔去遊樂場玩左一陣先返屋企....
今日...maymay姨姨約左我地同公公婆婆飲茶...朝早公公嚟接我地...順便車埋d bb野比ee....再去元朗飲茶...飲完茶仲去左ee屋企玩...表姐同B打唔駛講一定係打機同埋落club house玩....如果唔係佢地實唔肯走.... 夜晚...婆婆叫我地去佢屋企hotpot...所以我打電話叫老公放工後去婆婆屋企一齊hotpot...我同婆婆係元朗街市買左好多好野食...有學利魚旦,生蠔,象拔蚌,帯子,鮮牛肉等等...今晚真係食到好飽好滿足...yummy yummy.... 表姐同b打食完之後....表姐湊住b打一齊玩電腦...表姐好有耐性教b打..第一次見佢2個和平共處...真係好開心...
姑丈由北京嚟左...
今日放工返到屋企...姐姐話b打將個搖控車既搖控器放係梳化...自己又唔記得...之後'琴'上梳化時踩爛左...唉...上年個波波池都玩左一個月...今年架搖控車...只係玩左一日就爛左...呢個仔真係粗魯到死...不過今次佢都好唔開心...因為係佢至愛既車車.....
今晚惠儀契媽約左我地&花叔叔係聯和墟食飯...惠儀契媽送左一架搖控車比仔仔做生日禮物...佢好鍾意架車...多謝惠儀契媽!
今日..我同仔仔跟埋maymay姨姨&姨丈去沙田ikea傢俬買野...係仔仔腦裡面ikea已經留下左好深刻既印象...因為老公每日都揸住架ikea貨車返屋企...呢個傻豬第一次去到ikea...每見到每件貨有ikea既標誌...佢就大叫"宜家傢俬呀"....行完兩層ikea...佢講左成佰次"宜家傢俬呀"....我地3個大人都比佢笑死....
今日中午...仔仔擒上梳化將塊鏡(2X3呎)由牆扯跌左落嚟...坐係梳化既我中左頭獎...之後成塊鏡跌左落地爆左...當時ring到講唔到野又驚...完全冇反應...過左一陣...望吓亞仔冇事...摸吓自己個頭有冇流血...好彩2個都冇事....再好彩就係姑9坐係飯枱果邊冇受傷...姑媽即時抱走左b打...呢個b打完全唔驚...仲係度笑tim...之後我同姐姐仲要清理現場…攪掂晒先坐係梳化check吓d傷勢...發現個頭起左層樓...左腳就瘀黑晒...好鬼痛呀!!!!
今日約左媽咪d中學同學+yanyan契媽+yauyau哥哥去左joey契媽屋企開x'mas party...大大小小10幾人...好熱鬧呀....
今日叔婆&晴晴堂家姐約左我同b打去海聯玩攤位遊戲...玩完仲有聖誕禮物tim...玩完之後...叔婆帯左晴晴堂家姐嚟我地屋企玩...佢2個玩得好開心...b打聽到我同叔婆講要幾點湊晴晴返大埔時...呢個b打竟然走去lock住度門... 我問b打:你做乜lock住度門呀? b打:唔比晴晴姐姐走law.... 而晴晴都玩到唔想走...好彩建叔叔放工返左嚟..陣間可以車晴晴返大埔...所以佢2個又可以玩多一個鐘la....
今日知道有bonus出,雖然得一個月,我已經好開心呀!我即刻打電話講比老公知,佢笑住問我係咪有十萬九仟7喎...真係無佢咁好氣la...
今年同太太(媽咪既嫲嫲)提早做節食飯...公公婆婆話今年出街食唔煮喎...可以唔駛咁辛苦...其實都係既...只要一家人開開心心食飯就已經好好la....
今日...我同仔仔約左yauyau哥哥同契媽一齊食lunch...之後就一齊去神召會聖誕嘉年華玩攤位遊戲...呢個張君禮一去到就係要去廁所...仲要係開"大"tim...都唔明點解呢個衰豬去到邊第一件事就係要去廁所...真係無佢辦法...攪掂完先開始玩攤位遊戲....全部遊戲我地都玩晒....yauyau哥哥因要去返童軍...所以提早走...我同仔仔就等埋大抽獎....最後都係冇抽獎運抽唔中...聖誕嘉年華完左...我同仔仔就去左街市買餸...跟住爸爸放工就嚟車埋我地返屋企....
今日...我同仔仔、姑媽約左大姑婆飲茶...係英國既安妮表姑姐送左套衫比仔仔...而大姑婆就比左封利是仔仔...真係好多謝大姑婆&安妮表姑姐.... 飲完茶..帯仔仔去遊樂場玩左一陣...之後就返屋企...
今日老公放假...朝早同姑媽飲茶...跟住就join埋婆婆一齊去maymay姨姨屋企玩...仔仔非常鍾意去ee屋企...梗係la有得玩遊戲機揸車車嘛...成日都講:"咁綠色果個...然之後開好快"...呢個衰豬玩到連晏覺都唔瞓...到左夜晚...公公都嚟左同我地一齊食飯...食完飯...公公仲送埋我地返屋企....
今日係姑媽生日...媽咪買左個生日蛋糕同姑媽慶祝...食完晚飯後先切蛋糕...祝姑媽..生日快樂..生個肥肥白白健健康康既bb女....
今日姑媽去覆診知道bb係女仔,b 打又多個表妹la...