親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
下雨天,全日在家休息,陪will will睇吓dvd同玩吓thomas
媽咪中學同學hotpot gathering,好開心呀!
今日中午...我,will will,姑媽 &表妹去左沙頭角食lunch...食完lunch我同will will仲去左中英街街市買竹庶馬蹄紅羅白返屋企煲...
一個星期前....will will又唔知點解整壞左部DVD機....佢自己仲大喊左一場....我同佢講壞左就冇得睇DVD ka la...佢好唔開心...但冇辦法...要懲罰吓佢先...今日終於買左部新DVD比佢...will will好開心....不過我同佢講係最最最最最最後一次ka la....再壞就唔會再買ka la....以後一定要比姐姐開....呢個破壞王又要我破費$298.....
結婚5週年,老公話50週年先慶祝喎!
天氣轉涼...明天幫will will轉着冬季校服...之前幾星期前已叫姐姐先洗校服...仲千叮萬囑叫佢記得將校服同運動服要分開洗....點知當我攞出嚟時發現will will 2件運動服既白色領位都染左一"達達"粉紅色....當時見到真係嬲到爆炸...激死........第一時間佢仲要死口話有分開洗....我比佢睇...佢就話..."哎呀...我將佢地放左落洗衣機一齊攪乾呀"....做錯事一句sorry都冇講....認真離譜.... 好彩明天will will係着校服先...唉...希望運動服可以洗番白la....
今日中午我同will will & 姑媽 &表妹一齊去左沙頭角食lunch...不過為了方便姑媽同表妹坐得舒服d...我地今日冇去街市食...而係去左中英餐廳食....呢間都有雞飯食...不過就冇咸菜食la...will will都好叻食左半碟...食完我覺得呢間燒鴨好食d...街市就咸菜雞好食d....仲有街市平好多tim.... 之後再去welcome shopping完先返屋企.....
今日老公放假....中午一家人同姑媽表妹一齊去左飲茶...飲完茶行左一陣就返屋企...之後我就陪will will踩單車...好快就過左一個下午...
3號風球,will will 第2天停課
3號風球,will will 停課
早個幾星期前...太婆係屋企突然右眼同嘴巴都"咩"左...好彩肥叔公返左去唐公嶺探太婆見到...即時送左太婆去e院....e生話太婆唔係中風...係微絲血管壞死...要食藥一星期加做物理治療...為安全起見及方便照顧...太婆出院後去左公公婆婆屋企住...食完藥做埋物理治療都冇進展...e生話冇辦法...所以公公同姑婆佢地就帯左太婆去做針灸...睇吓有冇幫助.... 今日...我同will will約埋maymay ee一家人一齊去探太婆...已做針灸幾日既太婆...聽婆婆講太婆呢2日飲湯同食飯時比之前已經好好多.... 去之前我教左will will要同太婆講食多d野要快d好番呀!...去到will will都好乖走去太婆面前同太婆講:太太,你要食多d野..快d好番呀... 太婆聽到好感動...哽咽稱讚will will乖.... 希望太婆早日康復,身體健康!
今日一早9點...我地一家3口同埋叔婆約左姑婆太&丈公太係大家樂食早餐...食完早餐....我地就去街市買祭品...買整所有野之後就返屋企....11點上山...差不2點就返到屋企....好彩上星期我同老公割左草開左路...唔係就真係要好耐la...3點食完午飯....will will就同晴晴姐姐一齊玩.....大人就坐埋一齊傾吓計...又同喜兒表妹玩吓....好快又過左一個下午....5點幾姑婆太&丈公太佢地都要返屋企lu....
夜晚...一家人去左參加梓橋birthday party.... 個thomas生日蛋糕好大好靚...大大小小一齊為b橋唱生日歌... 好開心...joey契媽仲準備左好多野食... 全部都yummy yummy...超好食...連我都食唔停... 小朋友就有得玩咩都唔駛食咁... 一齊玩吓玩具...踩吓單車... 原本由唔識既都可以好夾咁一齊玩... 最後玩到11點幾先返屋企.... 祝b橋生日快樂,身體健康,每日都開開心心,快快樂樂!
今日終於學懂自己穿襪子!
今日放工後...帯左will will去覆診....衛e生話...今次聽到will will d氣管冇雜聲...不過佢仲有咳...所以要再食多3日抗生素...希望食晒d藥就好番晒la...
今日中午...我同will will去左沙頭角食lunch...我就食咸菜雞飯...will will就食雞瀨粉....食完就返屋企...今日will will食完d藥la...不過仲有少少咳...希望佢快d好番...
今日...我同老公一齊放假...一早9點幾就同will will返學校買冬季校服...我同老公拖住will will隻手一齊返學校.....短短幾分鐘路程已感覺到will will超開心同超興奮....諗起細個時候既我...我都渴望過爸爸媽媽送自己返學...因為公公同婆婆都好忙要返工...記得當年係冇實現過...但到現在我都希望will will長大後有此回憶.....記得爸爸媽媽拖住佢一齊走到學校....sweet sweet....買完校服...我地去左四眼仔買腸粉返屋企食...yummy yummy.... 到左下午1點半...為左方便下星期六拜山...我同老公帯埋琴晚買既割草機上山割草.....嘩...d草真係生得一年比一年高...記得舊年都係好似一個人咁高...今年果d竟然生到2米咁高....好可怕...好彩今日係陰天...又唔係好熱...咁艱辛既工作...我同老公用左差不多4個鐘完成....5點半返到屋企....
教育局定明如小童發燒...要在家休息2-3日....所以今日will will 繼續sick leave....
今日姑丈返北京
衛e生話will will喉嚨發炎同氣管炎...所以今次要食抗生素....今次亦係will will第1次食抗生素....希望will will快d好番la...
今晚放工返到屋企發現will will發燒38.5度...即時比佢食退燒藥水....明天又要去睇e生la.... 喜兒表妹都病了...今日下午姑媽帯左佢去睇e生...
will will 病了感冒,去睇e生 ,今日要請病假!
今日爸爸送左Henry火車頭比will will
姑丈由北京嚟左,仲帯來一件羽绒送給will will,thanks!
今早起身諗住同will will去沙頭角食腸粉魚旦...點知去到先知道逢星期日休息...冇得食...於是我同will will去左海山飲茶...will will食左腸粉...我就食鵪春蛋燒賣同墨魚丸...飲完茶...係中英街買完餸先返屋企... 今日我同will will一齊玩踩單車...棋棋...去河餵魚...掉石頭..... 到左夜晚我要煮飯...will will好乖自己一個玩thomas....爸爸返嚟見到will will自己砌左一個好靚既路軌(之前仲未識砌)....即時讚佢叻叻... 今日既will will真係好乖.....
今日冇地方去諗住去maymay屋企...點知呢個will will話今日唔去...自己係電話同ee講今日係'掉石頭'既日子...所以唔去la...仲同ee講17號先去ee屋企...呢個will will真係大個仔la有自己想法...自己揸晒主意唔問吓我喎.... 中午...我地同姑媽表妹去左Délifrance食lunch...will will食左個兒童餐...食完買完餸就返屋企.... 返到屋企...我同will will帯住餅乾去小河喂魚魚...之後就梗係唔少得will will表演'掉石頭'既時間...佢每掉一舊石頭落河...佢就要我比反應佢...要大聲咁叫"嘩...."表示佢好犀利....呢個will will鍾意d野其實好簡單...好易滿足....見到佢個樣真係覺得好好笑....
今日中午我同will will去左沙頭角食我地至愛既雞米...又平又好味...不過今日will will轉左食雞伊麵...佢話仲好味喎... 3點...我就帯will will去yau yau屋企參加yan既bbq birthday party...先去上水join yan & yau yau....一齊去買bbq野食...買完野食...我地就join埋emily ee一家一齊去yau yau屋企la...will will係yau yau屋企玩得好開心...淨係食左幾條腸仔填飽個肚又玩過...好彩最後食左件生日蛋糕....玩到10點幾先走....happy birthday to yan !!! 玩到好攰既will will係小巴已經瞓着左...去到上水老公接我地返屋企...返到屋企...呢個will will因未瞓夠醒左又發脾氣...大哭大叫...我同老公已經叫佢唔好再喊騷擾人瞓覺...佢玩到咁攰我已經冇諗住同佢沖涼...諗住同佢抺身換衫就算...點知佢好大聲咁同我講.."唔換衫唔抺身"...仲將d衫掉晒落地下...初時細細聲同佢講唔可以咁ka...你今日玩到出晒汗一定要換ka...之後講咩都唔聽...照發脾氣大哭.....激到我衝左入廁所沖涼費事理佢...我入左去沖涼佢仲喊得犀利...大叫"我要媽咪呀...我要媽咪呀.."最後老公大聲鬧佢叫佢收聲...同佢講..頭先媽咪係度你又唔聽媽咪話又發媽咪脾氣...媽咪而家沖涼呀...沖完咪出嚟囉...當時老公話will will衝去佢度...以為will will打佢...原來will will係走去攬住老公隻腳...同老公講"我..我...我.收唔到聲呀..."老公話當時聽到will will咁講....自己都好想喊.... 唉..明明開開心心玩左一日...到左返到屋企will will又激到我地死咁滯....
呢幾日...老公都收夜...我每晚將電視關上放棄了睇電視....將每晚時間陪will will...同佢做吓功課...玩吓棋...睇吓書...踩吓單車...只係想will will情緒得到改善...如果佢乖既話...我每晚都會獎佢一個貼紙...呢個星期總算有d成績...只要will will壞脾氣有改善...我都覺得值得既!
今日老公放假...中午...我地去左沙頭角食野...食完之後就去左碼頭行吓...之後返到屋企...佢2老表又左同d隔離鄰舍哥哥玩過...打吓波踩吓單車...好快又一個下午...到左5點半....我要送表姐搭車返屋企....will will就話仲咩咁快走呀...都未天黑....呢個傻will will真係好唔捨得表姐喎...不過呢個will will而家成日都蝦表姐....好似今朝一早起身就打表姐...表姐冇打番will will...表姐仲教佢唔可以咁...又同佢講左好多道理tim....叫will will要錫爸爸媽媽...唔好成日發脾氣打人...表姐真係好有心機同will will講...希望will will真係會明白la.........
今日中午出左去接表姐嚟我地屋企玩...晏晝就同隔離d哥哥一齊踩單車...夜晚就玩瑩光棒同蠟燭....will will都玩得好開心...記得自己細個時有好多小朋友同自己玩...真係好開心好幸福...而家見到表姐冇小朋友同佢玩...覺得表姐真係好悶...得閑既話...我都會盡量帯表姐嚟我地屋企玩....