親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日...老公去左接will will放學...之後去左m記食lunch... will will房間進度 :藍色天空,黃色牆身,仲有綠色既草草已完成la....
今日老公公司搬倉...可以連放3日假...中午joey契媽打嚟約我地一家去左祥華邨飲茶...飲完茶...joey契媽同b橋仲嚟左我地屋企玩... 一連14日既復活節假期...終於都放完...will will聽日就要返學la... 每次放長假will will都會同我講.... will :媽咪點解要放咁耐先返學既? 我想快d放完呀? 媽咪 :復活節假期係咁長架...你係咪好掛住老師同d同學仔呀? will :係呀...
BBQ with 婆婆& maymay ee family @home
dinner with公公婆婆@home
今日爸爸繼續油油... will will午睡後...2仔爺踩單車去左上麻雀嶺...老公話上麻雀嶺起多左好多屋...變左好多唔同晒...
今日老公開始幫will will既房油油... will will同我都好期待完成油漆後既房間... will will午睡完...2仔爺就去左石橋頭...同琪琪姐姐&振振細佬玩...
今日下午我地一家人+ maymay ee一家+tammy 一齊去左黃金海岸行吓...之後再去埋錦上路跳蚤市場行吓...夜晚就返左去婆婆屋企食飯...
will爸突然決定放一連4日大假
dinner with中學同學@元朗泰屋第1張大合照,but欠will will &爸爸第2張大合照,又欠左細sir爸爸haha連體嬰又嚟喇....stone sir ,yes sir and 細sir....
今日我同will will 11點係粉嶺火車站join 埋tammy就出發去沙田......我地先去歷源邨幫will will辦回鄉證...辦完證...我地去kfc食lunch...食完lunch就帯左佢2個去冒險樂園玩...今日比左$50佢2個玩...will will好勁好多時都中左細獎...仲有多得冒險樂園哥哥既寛鬆比左好多禮物我地...真係唔該晒!....玩完...我地仲去埋玩具玩斗城先返上水....返到上水好彩老公剛剛收工...可以睇住will will...我就同tammy 去買餸...返到屋企已經6點...今日我真係超攰...好彩明天係放假....小路寶與willｗill小路寶卡通片will will咪睇過,但見到咁可愛既卡通人物就話要合照史迪仔與will will沙田冒險樂園玩
今曰...我同will will約左joey契媽同b橋一齊去天水圍嘉湖百老匯睇戲...我地睇多啦A夢之大雄的宇宙開拓史...今日係will will第1次去戲院睇戲...我同joey都帯左好多零食比will will同b橋食...佢2個一路食一路睇...好開心...不過做到一個冇眼珠既壞人出場時...b橋就好驚...仲話唔睇添...but最後都睇晒成套戲先走...之後我地係嘉湖食完lunch先返上水...到左上水join埋yauyau同yan契媽...跟住我地仲去左yauyau屋企玩...今日yan契媽仲比左好多校服will will...haha...我又可以慳d錢la...thx.... 夜晚...我地join埋wai契爺同老公...2家人係上水街市食完飯先返屋企...
今日will will開始放Easter holiday la (14 days)
今日will will學校開Easter party,不用上堂!
Dinner with 惠儀契媽,子健叔叔,gab叔叔,浩然叔叔&杜老叔叔@上水街市
今日...我同will will去左海聯同太婆&公公婆婆&親戚飲茶....今日jacky表哥都有去...雪麗表e仲帯左will will同jacky去黃金樂園玩...飲完茶...joey契媽打比我...佢同b橋係聯和墟剛剛食完野...所以我就叫左佢地嚟我地屋企玩...等小巴既時候...契爺咁啱得閑可以載我地返屋企...原來契爺揸左架老爺車接我地...之前will will已經好想坐ka la...今日終於有機會坐佢好開心... 原來諗住帯b橋出去捉蝦...點知天公不做美...突然個天黑晒...落起狂風暴雨...所以will will同b橋只可以係室內玩玩具....夜晚契爺仲入埋嚟一齊食飯... 今日will will同b橋不但一齊沖涼...佢2個連去vv都要一齊...仲要一個攬腰...一個搭膊頭...好似連體嬰咁一齊vv...見到佢2個而家高度同身形都差不多...真係好似孖咁...
今日爸爸都係放假...放埋今日...嚟緊下半個月都冇假放...因為ikea要搬倉...冇假放之外仲可能要OT tim....仔仔之前成日同我講好想搭纜車...我就話等爸爸放假先...所以今日終於可以一家3口去山頂遊一遊... 12:00pm係屋企出發...係粉嶺KCF食lunch先...跟住搭港鐵出去中環...之後再搭纜車上山頂...上到山頂四周圍行吓逛吓...睇吓風景...跟住我地又搭番纜車落去中環...搭電車去天后...初時will will仲好興奮...maybe電車有小小熱又開得慢...未到天后will will就瞓着左....我地去到亞蘇推介既"大利清湯腩"時...will will已經起唔到身...食完清湯腩...我既評語係普通...可能d腩太廋la...本人都係覺得元朗"彪記"好味d...之後我地去左食糖水...will will終於起身...可以一齊食糖水...will will食芒果西米豆腐花...爸爸食芝麻豆腐花...媽咪就食芝麻綠豆糖水....食完糖水見到有雞蛋仔...又買左雞蛋仔比will will食....望望鐘原來已6點半...放工時間到會有好多人搭港鐵...所以我地係天后搭巴士直去元朗先...再係元朗搭巴士返上水...返上水車程中will will再食左個板燒雞腿飽...最後搭小巴返屋企lu.... 今日will will真係好開心...佢係搭巴士時...係度數一數手指自己搭左幾多種車...原來今日搭左5種車...而媽咪今日都好開心...因為爸爸肯陪我地周圍去周圍食...媽咪記得同爸爸拍拖時極少這樣...爸爸既轉變...媽咪好欣賞...多謝你2仔爺給媽咪愉快既一天!
今日老公放假....等will will放學換埋衫...2仔爺就出去m記食lunch...食完lunch就去健康院做視力普查....檢查後...姑娘話視力正常...
今日媽咪放假要去will will學校觀課....朝早係屋企如平日一樣...同will will一齊食早餐...之後...我就同will will一齊搭校車返學...will will好開心.... 到學校...我先去禮堂聽校長講解今日觀課既流程... 9:30am 開始到課室觀課.... 9:45am 再到音樂室觀課... 10:15am 洗手間時間... 10:30am 茶點時間.... 觀課完...再到禮堂分享、討論及發問時段.... 11:00am 離開學校... 因為未夠鐘接放學...我就同家俊媽咪(Bibi)去左聯和墟飲杯野...同佢傾吓計等到夠鐘接放學.... 今日觀課後...見到will will好開心好投入學習...老師又常掛親切笑容...感覺很好! 接左will will放學後帯左佢去聯和墟遊樂場玩...咁啱仲撞到佢同學仔(吳芷蕎)...佢2個仲一齊玩tim...玩左一陣...我同will will就去左群記食lunch...之後買埋餸就返屋企....
上星期五...我同will will講..你幫媽咪問吓張生(校車司機叔叔)星期二(觀課日)可唔可以載埋媽咪返學呀....之後幾日我都冇提過佢... 到左今日中午....will will打比我...好開心咁同我講...校車ee話可以載埋媽咪返學....呢個傻豬...真好記性...竟然記得問...叻仔!
今日...我同will will & merry去左上水珍苑食麵...食will will既第2最愛雞亦伊麵...食完麵...maymay ee打嚟比我...原來佢地嚟左上水食野...仲join埋公公婆婆一齊tim....到最後...買完餸...大家一齊返左我地屋企....夜晚仲食埋飯先走.... 玩吹泡泡...可愛既hoyee chue...汽水咁正既...hoyee chu與公公婆婆合照
今日我同will will去左element...先去媽咪以前既經理(ms chow chee)屋企凱旋門短敍...冇諗過搬左出去住既ms chow屋企會養左咁多小動物...有貓,有雀,仲有魚tim...反而住係新界既我地...hehe...只係養左細細一隻貓.... 咁啱maymay ee同佢d朋友係element gathering...所以我地又join埋ee佢地一齊行H&M...ee仲買左頂帽送比will will tim...thanks ee... 夜晚7點幾返到上水join埋老公...一家人去左食壽司...will will好犀利...食左一個冷麵,一個手卷,幾嚿壽司飯,同埋小小炸南瓜...之後仲去左m記買左杯麥旋風tim...勁!不過今日要讚吓will will學識自己係m記買野食...good!
媽咪上Phonic班,最後1堂
今日will will學校開生日會....可以着便服不用帯書包...應該帯生日袋...但媽咪忘記了...到放學時...will will打比我同我講...我先記起...當時will will真係有d唔開心...因為佢今日冇得着靚衫...sorry 呀will will.... 夜晚返到屋企...我就同will will講...我將生日會既日子圈出嚟(佢已經識睇月曆,知道幾多號同星期幾)....叫will will以後要自己睇同記住...始終返學既野...佢自己都有責任...順便訓練吓佢有自理能力...
今日係清明節...我地同叔婆、姑婆太、丈公太、康叔叔&韋叔叔一家人一齊去拜山....8點幾先出去買野...集整人11點出發....拜完返到屋企已經1點幾...之後大家一齊食飯...食完飯....老公就同叔叔打機...d親戚就傾吓計...will will同晴晴就一齊玩...呢2個傻豬玩執石頭都笑餐飽...真係比佢地笑c la... 係屋企玩...
今日中午..我同will will先去群記食Lunch...食完之後2母子去左剪髮...剪完髮買埋餸就返屋企....
今日我地去左maymay ee屋企...慶祝tammy表姐生日...下午我地先去元朗飲茶...之後先去maymay ee屋企...而家hoyee chu學識行路...3老表可以一齊去遊樂場玩lu.... 不過今晚...will will 同tammy又爭野玩...佢2個各不相讓...爭唔嬴既will will就cry...佢2個由細到而家都係咁...真係冇佢地咁好氣la... tammy表姐今年11歲大la...祝tammy生日快樂!身體健康,做個開心快樂既小朋友!
媽咪上Phonic班,第7堂
今日約左惠儀契媽 & 佢屋企人 & yan & yau yau一齊去香薰園玩...記得我同will will係第2次去la...不過今次因啱季節...所以有得睇薰衣草同摘士多啤梨...好啱小朋友去玩...我地摘摘吓士多啤梨...連emily 同yuyu都嚟左join我地...今日最美中不足就係有小小雨...如果晴天就perfect la.... 因昨日食剩好多bbq食物...去完香薰園之後...我地就叫左yan & emily & yauyau & yuyu 佢地嚟我地屋企玩 & bbq....今日終於清晒d食物la... 仲有今日係will will同yauyau第1次爭野玩...will will仲出手打yauyau...實在太離譜la...呢2個小朋友之後梗係比我同yan各自教訓再一餐....2個仲喊晒...不過佢2個互講sorry之後...又握握手做番好朋友...繼續再玩過....
今日係屋企攪左個bbq birthday party... 有媽咪至愛既屋企人同媽咪慶祝生日... 仲有yan & yau yau tim...真係好開心呀... 多謝maymay ee送媽咪靚手袋& 超好味蛋糕... 多謝公公婆婆比既利是...多謝yan既禮物.... 仲有多謝merry燒bbq食物比我地... 我地就可以輕輕鬆鬆咁食食食..同玩玩玩.... 實在太perfect la...
今日係will will一年一度既親子運動會...我地一家人8點出門口時有小小毛毛雨...初時都擔心要取消...好彩去到北區運動場集合完之後...天氣開始變晴朗...親子運動會終於可以舉行la...今次運動會will will參加左30米賽跑...跑完初賽...will will竟然可以入到決賽....媽咪同爸爸都好意外...雖然決賽時will will跑第6攞唔到頭3名名次.....但係媽咪心目中已經好叻仔...呢間學校都幾好...原來跑第6都會頒發一個獎牌...will will好開心! 今日will will同佢d同學仔玩時..玩到碌晒地...又拖晒手仔...又攬晒頸咁...見到will will認識左一班好朋友仔...又可以係開開心心既環境當中學習...媽咪同爸爸真係好開心!
