親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日媽咪放最後一日假...亦係姑媽同喜兒返北京既日子...媽咪& will will同姑媽&喜兒係上水食lunch...食完lunch就送姑媽同喜兒去火車站...睇住姑媽同喜兒入閘後...will will就開始扁嘴...想喊想喊咁... 媽咪問will will:係咪唔捨得呀? will will :有d唔開心姐... 媽咪 :咁係咪唔捨得佢地呀? will will :係呀...可唔可以攬下你呀.. 媽咪:傻豬呢架...遲d姑媽同表妹會再返嚟架...又或者你可以打比姑媽ka ma.. 呢個傻豬will 已將姑媽北京屋企電話背到滾瓜爛熟...10幾個數目字媽咪都唔記得佢就記得...所以佢自己經常打比姑媽... 之後...媽咪同will will去左唐公嶺...睇下重建後既新面貌...整得好好好靚呀...兜兜轉轉公公婆婆佢地都係搬返去...對媽咪呢講...唐公嶺係由細住到大既地方...真係好有感情同好多回憶....
今日爸爸媽媽一齊放假...又可以family day...朝早起身先去沙頭角食雞米...跟住就去埋銀行開戶口(爸爸公司戶口)...攪完返到屋企已經2點...之後再出發去maymay ee屋企...去到元朗...我地行左一陣街...爸爸買左一件風褸..一對返工波鞋...will will都係買左一對波鞋同一件風褸...而媽咪睇啱既波鞋就冇碼...真可惜呢....去到maymay ee屋企已5點幾...玩左一陣...等埋小龍e丈放工...我地就一齊去食晚飯...食完飯返到屋企已10點幾...好快又過左1日lu...
今日約左2個契媽,yauyau,b橋係聯和墟食早餐...食完早餐就去左joey契媽屋企...探下契女...玩到3點幾...yan契媽同yauyau先走..原先諗住玩多一陣就走...點知will will又唔想走...爸爸今晚又OT...所以契媽叫我地食埋飯先走...食完飯契爺仲送埋我地返屋企tim...真係唔該晒契爺! 今日係契媽度will will大喊左2次...第1次係同b橋玩時撞爆左個嘴唇流血...第2次係比濛豬咬親大肶...好彩冇流血...只係"於"左...初時唔知咩事...媽咪抱住梓縈...真係比will will既哭叫聲嚇c人la...媽咪知will will一定係因為驚而嚎哭多過痛而喊... 3個睇反斗車王2 睇到入晒神...契女梓縈,好可愛呢!
原本諗住中午同will will去沙頭角食雞米...後來爸爸打電話比我地話可以收工...約我地係上水食野...所以之後就出左上水珍苑食麵...食完野...仲同左will will去睇單車...最後買左一架藍色既BMX...多謝JOEY & YAN契媽送給will will既生日禮物....屋企除左叮噹3輪單車係新買...其他既單車都係2手...因will will太鍾意踩單車la...所以佢收到e架新單車真係好開心....
為了攪今晚既X'mas party...媽咪早2日前已開始準備...由買bbq食物,飲品,禮物,佈置屋企等等全由自己一手包辦...好彩有maymay ee分擔了部分...亦都好感謝親戚們既出席(太婆,公公婆婆,舅父,maymay ee一家,tammy表姐,肥叔公一家,蘭姑婆,燕姑婆,姑丈公,瑩瑩表姨,brian表哥一家)...令到大家過了一個既開心又愉快既聖誕節...Merry X'Mas!!!!
今晚約左joey契媽一家人去尖沙咀食聖誕大餐...到左5點幾..因爸爸仲未放工決定唔去...聽到真係有點失望...不過應承左will will去食聖誕大餐..所以我就自己帯will will去joey契媽屋企join佢地出發...去到契媽屋企...契媽同契爺都話要等埋爸爸...到最後等埋爸爸開開心心一齊出發去食完聖誕大餐...飯後我地仲係尖沙咀行左一陣睇燈飾...之後will will未行到去契爺架車度...已經係爸爸懷裡瞓左lu...最後要好多謝joey契媽&契爺既聖誕大餐!
今晚既冬至飯等到9點幾老公放工先食...雖然夜左小小...但媽咪堅持等爸爸返嚟先食...係因為媽咪覺得冬至飯要一家人齊齊整整咁食...先夠完美呢! will will第時你記住冬至要返嚟同爸爸媽媽食飯呀....
珠心算16:30-17:30
will will今日開始放聖誕假
琴晚又漏左will will既快子係joey契媽屋企...所以今早約joey契媽一家去飲茶...飲完茶..joey契媽佢地又嚟左我地屋企玩...到左4點maymay ee,hoyee chu同siulung e丈都嚟埋玩....玩到6點...joey契媽一家就返屋企...我地就出發去肥叔公屋企食冬至飯...
今日will will學校舉行X'mas 嘉年華...我同will will 11點返到學校...已經人山人海...迫滿晒人...玩晒d攤位遊戲已經2點...大抽獎完結後...跳埋天使操就完滿結束...will will好唔捨得...仲問我點解會咁快完...睇嚟呢個仔真係好鍾意呢間學校... 今日爸爸放假...我同will will就去群記買外買返屋企食...買完之後..係聯和墟等小巴等左半個鐘先有車...攪到成個鐘先返到屋企...真係攰c人啦....
今晚約左d中學同學係joey契媽屋企BBQ...媽咪同will will仲準備左幾份禮物送比幾個小朋友(梓橋,梓縈,采兒同Davis)...全部都係will will揀既....今晚大人同小朋友都玩得好開心...唔知下次gathering係幾時呢?好期待呢!
X'mas party @ school
早2日...老公收左2張好新既梳化..知道契爺需要所以留起...今日老公收早小小...所以返屋企帯will will出嚟接埋我...之後就送梳化到契爺辦公室...第一次去到契爺辦公室...will will仲坐係契爺張辦公椅影左張相tim...原先契爺諗住放係辦公室...不過契爺契媽見到張梳化好新...所以最後決定放係屋企...
今晚...will will第1次見到新lorry...又開心又興奮...仲要即刻上車坐下..連個車斗都要上去坐下玩下...
今日willwill學完琴...我地先去食群記...之後再去上水行街...行完街去街市買埋餸先返屋企...今晚媽咪整冬菇蒸田雞飯...yummy yummy...今晚爸爸要OT所以留飯給爸爸...
一早媽咪同婆婆先去tammy表姐學校既家長日....見完老師之後...中午係上水join埋will will同merry一齊去maymay ee屋企...探吓2個表妹...細表妹大個左好多...好得意好好玩...仲笑到"騎騎"聲tim....夜晚媽咪同will will就去左婆婆屋企hotpot....今晚係will will第1次睇到月食...will will同表姐係咁寒冷既天氣仲走左上天台睇tim...hotpot完先搭的士返屋企.... 仲有今日係will will既舊曆生日...多謝婆婆給will will利是....時間真係過得好快...will will已5歲了!
今日媽咪放半日假,下午去左電髮
第2年參加德德豬顯愛心計劃,今日收到白色既德德豬
天氣突然轉冷...健健康康既秋英突然枯萎了... 記得舊年種既大岩桐又係涷到枯萎... 唉...今年既秋英又係咁...
今日爸爸媽咪一齊放假...一早一齊係大快活食早餐...之後帯will will去學琴...學完琴...我地仲去左上水行街...爸爸之前答應左會送angry bird玩具比will will...今日will will又收到一份至喜愛既玩具...之後返到屋企...2仔爺就即刻玩呢個angry bird 玩具....
大姑婆,姑媽,喜兒同我地一家人食晚飯@home
will will拿住把傘子係媽咪攪盡腦汁整出來的...will will都有幫手剪飲管同'痴'白膠槳架...把傘子可以開同閂架...
今早媽咪同will will係大快活食早餐..之後就帯will will去學琴...今日陳sir又遲到...仲係遲左成15分鐘...之前都成日遲到5分鐘...陳sir經常遲到...媽咪覺得冇時間觀念既人...怎能教好小朋友呢...初時諗住報暑期班比will will玩吓...點知will will又好想繼續學...所以就比佢學...順便鍛鍊吓will will既小肌肉...不過現在媽咪決定比佢學埋12月就暫停先... 暫時學習珠心算一樣已足夠...等大個d先再諗其他興趣班... 中午同will will去上水行街...又撞到yan契媽同yauyau...佢地陪左will will睇至愛既thomas...之後我地又陪yauyau去圖書館借書...跟住仲去埋大家樂食下午茶先返屋企...