親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日爸爸放假.... 朝早9點幾.... 一家3口去沙頭角飲茶.... 飲完茶再去惠康shopping.... 中午... 爸爸媽咪為了方便重陽節拜山... 專登走上山頭割草... 傍晚時... 一家人就去左maymay姨姨屋企... 爸爸同仔仔就一齊玩ps3... 媽咪就幫姨姨執衫.... 夜晚..食完飯先返屋企... 係maymay姨姨屋企玩遊戲機2父子好投入呀!
今晚食完飯...仔仔去左叔婆屋企玩...首先叔婆請仔仔食糖...之後建叔叔又請佢食啫喱同朱古力餅...跟住莎姐姐再請仔仔食腸仔...B打不知食得幾開心.... 到爸爸返嚟...又買左kinder朱古力比仔仔食...仔仔食左一啖就話飽唔食....雖然佢好鍾意食kinder...不過如果佢真係好飽既時候...佢會唔食law...爸爸媽咪覺得佢呢樣野係好乖ka...
琴晚...爸爸沖完涼出嚟...b打就話要去廁所...媽咪就帯佢去la...入到去b打見到爸爸唔記得沖廁... b打:爸爸唔記得沖呀!!!...b打就即時幫爸爸沖廁... 媽咪就同b打講:爸爸唔記得沖廁...冇記性...你去完廁所就出去同爸爸講下之要記得沖呀...唔沖會好核突ka... b打出到去就同爸爸講:爸爸..你唔沖廁係唔啱ka...你知唔知呀?你下次要記得沖呀!你知唔知呀? 今晚爸爸沖完涼出嚟... b打就即刻問爸爸:爸爸..你沖左未呀? 爸爸:沖左la... b打:你唔沖..唔啱ka..係錯ka...你知唔知呀? hehe..而家屋企多左個人督促爸爸...媽咪好開心呀!!!!
今日...7點媽咪同仔仔就要起身...因為公公7點3就嚟接我地去拜山...要去和合石拜媽咪既爺爺(即係仔仔既太公)...今次係仔仔第一次去...公公抱住b打上山..上到去b打同公公講:有好多山呀...仲有好多石頭(其實係墓碑)呀.... 仔仔開始大個仔la...每次見到卓塋表姨..珊珊姨姨佢地...就會跟住佢地一齊玩...媽咪都好放心b打比佢地湊...拜完山...去左海聯飲茶...飲完茶...因公公婆婆同d親戚返大陸揼骨....所以表姐就跟埋我地返屋企.... 夜晚...等爸爸放工...我地就去沙頭角食飯...食完飯仲去左碼頭散步tim...最開心梗係表姐同b打la.... 佢地3個好留心咁睇緊魚.....2父子~沙頭角碼頭整古做怪2父子 ~沙頭角碼頭
之前maymay姨姨係ikea買左d傢俬..今日爸爸放工後幫姨姨攞貨...順便送埋去比姨姨...不過爸爸返左屋企接埋仔仔一齊去...而媽咪收工就自己去....爸爸砌完d傢俬...我地就同姨姨,姨丈& 姨丈mami一齊食飯.... 今次實在太趕時間...仔仔冇得玩佢鍾意既遊戲機(揸車車)...又要等下次先可以玩la...
有一日.... 爸爸問仔仔:仔仔去學踢波..好唔好呀? 仔仔:唔好... 爸爸:咁..你想學d咩呀... 仔仔:我想學畫畫law... 所以爸爸今日就買左一本畫簿送比仔仔... 返到屋企.... 爸爸同仔仔係茶機畫畫吓時... 仔仔突然放隻腳上畫簿上... 仔仔:爸爸畫腳腳...爸爸畫腳腳... 當爸爸同媽咪講番呢件事時... 媽咪笑到停唔到嘴咁滯.... 呢個傻豬...你真係估佢唔倒...
今晚...惠儀契媽同婉君姐姐約左我地一家人係上水街市樓上食飯...今晚仔仔見到契媽時唔叫契媽...好冇禮貌ar...之後契媽攞個cookie monster 背囊出嚟送比佢時...佢先肯叫惠儀契媽同婉君姐姐...惠儀契媽..多謝你ar!
今日...呂明才第1日開始接受報名...朝早返到公司...媽咪就即刻download申請表...填寫完...食lunch時就去呂明才交表...第1日交表...已經係no.131...11月7日10:50a.m.就要去interview....呢間幼稚園仲要填寫1份育兒問卷...interview時要交埋...計分ka... 1.如果我是我子女,我會期望父母.... 2.子女與人爭執,我會..... 3.你心目中既幼稚園係點呢?學校為了讓你子女有更寬敞及舒適既環境學習,如 學校局部重建,我會.... 唉...而家小朋友讀書真係好唔同la...以前交學費就可以讀...而家連報讀幼稚園都咁多手續...仲要考埋家長tim... 媽咪今日搭車搭到頭都痛埋....返到公司仲遲到左2個字tim...好彩冇比經理咋型..
今日...媽咪同仔仔8點幾就起左身...等公公婆婆嚟接我地去元朗搵maymay姨姨&小龍姨丈飲茶....飲完茶...我地就去左姨姨屋企...公公就幫姨姨整鞋櫃...我同姨姨就帯左b打&表姐去會所玩....玩玩吓佢2個小魔怪又爭野玩又鬧交...真係激死人la...係姨姨屋企玩遊戲機時...仔仔又唔係好識玩...但又唔肯比人教佢玩...最後要小龍姨丈先攪得佢掂... 之後姨姨同姨丈要出去買餐枱...所以我地就返左屋企...因之前食剩左d燒烤食物...今晚我地再bbq...呢次要清晒佢先得la...如果唔係...之後幾日每餐都要食bbq食物la...
今日係中秋節...爸爸放假...一家3口出去食lunch...食完lunch仔仔同爸爸就一齊去剪髮....行去剪髮時...見到joey契媽一家3口....媽咪叫b打拖住細佬梓橋...跟住媽咪就同契媽吹水...爸爸就同契爺吹水...佢2個好乖咁拖住手仔等我地...佢2仔爺剪完頭髮...我地約左契媽同細佬去左北區公園玩....佢2個玩到出晒汗...玩左個幾鐘..之後就返屋企休息吓....夜晚就去左太太(唐公嶺)屋企食飯過節...走既時候...我地等左好耐都冇小巴...等都有既時候...又冇位...打電話call taxi又冇...結果...要行出去蓮塘尾路口等車....好彩最後都有taxi搭...不過要2個鐘先返到屋企...果時已經十一點幾...放孔明燈都睇唔到...晴晴堂家姐等左b打好耐...最後都走埋....b打同唔到家姐玩la...又要等下次先得...今年中秋節...好多謝婆婆..建叔叔 & 晴晴堂家姐送比b打既燈籠&玩具......
今日係迎月夜....叫左公公婆婆佢地嚟我地屋企bbq....今晚仔仔同表姐&3兄弟玩到好開心...表姐同哥哥佢地鬥嘴...仔仔又加把口去...有樣好樣....
今日中午約左婆婆同表姐係聯和墟食晏....去到聯和墟接到yanyan契媽電話...佢同yauyau join 埋我地一齊食野....食完野....帯左3個小朋友去公園玩....之後契媽同yauyau嚟左我地屋企玩同埋食dinner....
仔仔食左3日西藥...真係好散...攪到冇晒胃口食野....今日開始比佢食保嬰丹&猴棗散...等佢調理吓個身體....等佢開胃番先....
今日中午出去食完lunch...之後買完餸就返屋企...等b打食完藥瞓吓...休息吓...要快d好番呀...
今日朝早約左maymay姨姨係聯和墟食早餐... 琴晚姨姨同姨丈執野執到天光咁滯... 之後姨姨嚟左我地屋企...姨丈就梗係要搬屋la.... 辛苦晒姨丈law...等姨丈settle好...姨姨先返屋企.... 跟住姨姨&b打&媽咪都齊齊午睡....休息一吓...
今日媽咪放假...朝早帯左仔仔去上水睇醫生... 之後媽咪就去左maymay姨姨屋企幫姨姨執野... 執到夜晚7點...媽咪都只係執左廚房... 今晚姨姨&姨丈真係有排執la....
今日仔仔都開始流鼻水同咳咳la...
今日放工後...媽咪自己去maymay姨姨新屋...幫姨姨拜四角....希望姨姨&姨丈住得舒舒服服...平平安安... 爸爸仲笑媽咪...話媽咪係神婆tim....
姐姐放完假就病左...今晚仔仔同爸爸媽咪瞓...
今日中午同joey契媽一家人食晏....之後去左joey契媽屋企玩....今次去到b打竟然驚契媽d狗狗...痴住媽咪唔敢落地...媽咪帯左d dvd去比b打同梓橋一齊睇.... 夜晚...一家人就去左aden表弟滿月宴...aden表弟好似佢爸爸...眼大大..好得意ar... 好難先可以影到佢2兄弟既相Aden表弟、卓瑩表姨、b打
今日去元朗陪maymay姨姨買窗簾布同埋去拎key...順便幫姨姨清潔吓新屋...但後來婆婆n表姐n小龍姨丈mami都話要一齊去...結果5大2小一齊去manymay姨姨新屋....黑仔事件開始發生la...我地係千色等左15分鐘都搭唔到taxi...之後見到好多police...police話要封路...因有單車比賽進行...oh my god..當時天氣好熱...大大小小要行去另外一個taxi站等taxi...去到又等左15分鐘...都係冇taxi....結果又再行左去另外一個taxi站等taxi...去到又等左15分鐘...都係冇taxi....最後要坐輕鐵去西鐵站搭taxi...係元朗去元朗竟然要2個鐘....去到maymay姨姨屋企...清潔完已經天黑la...夜晚..係元朗食完飯先返屋企...
今晚仔仔玩完d玩具車冇執返好... 攪到通地都係... 爸爸:仔仔你要執番d玩具la 仔仔:睇埋呢個(電視廣告)先... 爸爸:張君禮你好快d執番d玩具la... 仔仔:一路望住個電視一路執...仲要好大力咁掉落個箱度 爸爸:仔仔..你唔好掉落個箱度la... 仔仔:唔係掉...係放.... 爸爸:咁你唔好咁大力得唔得呀? 仔仔:唔係大力...係快姐... 爸爸:你個d仲唔係叫大力掉落去?...你睇吓爸爸...爸爸又快又冇聲先啱ka.. 媽咪坐係梳化偷偷笑...心裡諗...仔仔真係好似爸爸...咁鍾意'博嘴'...哈哈..爸爸以後有對手la...
今日...媽咪係公司突然醒起...哎呀...神召會開始派表la... 要幫仔仔報名...雖然遲左2日報...最後都報左名... 約左10月31日11:00a.m. interview... 媽咪仲參加左10月24日既新生家長導覽會... 希望仔仔會考到神召會或呂明才la...
今朝10點3改掛3號風球... 媽咪可以遲d出門口返下晝... 而爸爸就要先出門口返工... 爸爸同仔仔講byebye後... 仔仔就同爸爸講:爸爸...小心呀..落雨唔好揸咁快呀... 爸爸聽到仔仔既溫馨提示...超冧la... 中午..到媽咪返工... 仔仔送媽咪出門口... 媽咪同仔仔kiss goodbye後就行去馬路搭車.... 媽咪一路行就聽到仔仔大哎:媽咪..小心呀...睇車呀... 媽咪聽到後又忍唔住望返轉頭...同仔仔say byebye... 仔仔既溫馨提示真係超冧ka...
今日下晝5點55分掛起8號風球...媽咪都要做到5點9先走得...好彩有巴士搭返去上水咋....而爸爸又係上水等媽咪...如果唔係就冇車返屋企la...唔知個風會唔會打到聽日呢?如果可以唔駛返工就好la.....
今日...原先plan好左去沙灘swimming...跟住夜晚去太太生日食飯...不過係星期中一個叫rainbow既熱帶氣旋令到hk掛起1號風球...初時仲擔心落雨去唔到...到星期五天氣ok時...卻接到亞欣來電...話澄澄病左唔去得沙灘...最後被迫cancel左... 到左夜晚....我地去左海聯食飯慶祝太太生日...祝太太生日快樂...身體健康... 另一個熱帶氣旋巨爵又嚟到hk la...仲掛起左1號風球tim....
今晚約埋maymay姨姨一齊去婆婆屋企食飯...婆婆搬屋後第一次飯聚...b打去到跟住表姐跑來跑去...仲有就係觀賞表姐養既fish....食完飯...表姐好想去我地屋企瞓...但係婆婆好攰唔想去...表姐堅持要去...最後...表姐唯有跟我地返屋企...到左瞓覺時候...怕黑既表姐又唔夠膽自己瞓...唉...結果我地要4個人一齊瞓...
今日天氣好熱....媽咪同b打約左yanyan契媽佢地去花都swimming....去到花都先發現泳池今日唔開因有比賽....好彩契媽交遊廣闊搵到人有牽晴間vip....所以可以安原定計劃去swimming ....yeah....去到泳池....發覺d水好凍同好大風....b打去到會揀d淺水地方玩....隻腳一定要到地果d呢....如果唔係佢就會好驚ka la....不過....訐樂童姐姐真犀利....竟然氹到b打出去水深d地方玩....yuyu 同yauyau佢地都玩到好開心....yauyau仲不停係咁勁笑....玩玩吓....媽咪發現b打係咁打冷震同打噴嚏....所以媽咪拿拿聲帯b打去沖熱水涼....好彩b打冇冷親咋....係更衣室仲同yauyau不停咁跑…跑…跑…同契媽佢地食完tea之後....爸爸就嚟接媽咪同b打返屋企la....
今日...媽咪帯左b打去maymay姨姨屋企樓下泳池游水水...去到大圍同maymay姨姨食左lunch 先...之後先去游水...今次去到bb池得2個小朋友係到游水...過左一陣仲走埋tim...b打自己一個人好悶....媽咪唯有帯b打去大人池玩...起碼有多d人同小朋友...不過去到大人池...b打因腳唔到地...又驚餐飽...係都要媽咪拖住佢唔肯放手....仲成日同媽咪講要上水唔游la...游左唔夠10分鐘冇理由走ka....所以媽咪拖住b打係泳池行左幾個塘...同佢一齊搵樹葉(有d樹葉跌左落泳池度)...一路要分散佢注意力先得...游完水...沖完涼...b打已攰到瞓着左.... 夜晚...小龍姨丈放工返嚟...b打剛剛瞓醒...不過佢就不斷扭媽咪計...仲要好大聲咁喊(瞓唔夠就扭計)...真係冇佢符...好彩小龍姨丈開左個ps2遊戲機引佢玩...初時小龍姨丈玩揸車車比b打睇...b打就係咁笑...仲笑到好開心tim...之後小龍姨丈教b打自己control...學識小小...識將架車開前退後...連小龍姨丈話要玩都唔比...自己一路玩一路笑....第一次打機既b打就已經咁鍾意...真係遺傳佢爸爸既至愛.... 跟住係酒樓食完飯先走...爸爸係上水等我地載我地返屋企... 係大圍游水水呢個哥哥係泳池度同b打玩波波
今日maymay姨姨知道左係bb囡...b打好快就會做表哥la....