親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
唉...呢個亞B打正一破壞王, 電單車玩咗一日就比佢整爛咗電單車嘅擋風驟, 佢不嬲玩玩具都好粗魯,成日都會整爛D玩具, 一D都唔珍惜...所以爸爸媽咪都唔買玩具比佢玩係原因之一囉.... 姐姐話B打今日係出面玩電單車玩到唔肯返屋企添.... 係咁話'唔返'...'唔返'....
今日中午睇爸爸洗車,我好想幫手ka....不過媽咪唔准... (幫手係假...想玩水先真),食完麵麵就同爸爸一齊午睡.... 嘩..好犀利一瞓就瞓咗兩個幾鐘,起身洗完白白..... 就出發去唐公嶺太太屋企食飯,由上車到上水.... 見到小巴就講'小巴'...見到私家車就講'私家車'.... 見到巴士就講'巴士'.....完全都冇停過嘴..... 爸爸媽咪仲係度偷偷地笑我添...... 去到上水join埋Maymay姨姨同小龍哥哥一齊搭的士去太太屋企, 嘩....有好多人係太太屋企呀...... 所以我哋今晚叫咗兩個大盤菜食..... 好彩有表姐、卓瑩表姨&穎豪表哥同我玩... 穎豪表哥仲送咗一部電動電單車(表哥細個時玩嘅)比我.... 真係好開心..好好玩...食完飯公公送我哋返屋企... hehe..最重要梗係載埋我部電單車la...
尋晚半夜B打咳咳...咳到瞓得唔好,所以今日中午帯B打出去睇醫生,見到醫生B打好乖,醫生叫B打"呀"....B打好乖咁"呀"...張開口比醫生睇,走時B打仲同醫生講byebye.....係診所等攞藥時,有個等睇醫生嘅Auntie見到B打...讚佢D眼捷毛好長...仲話佢好乖...所以請B打食山揸餅...B打好開心咁食山揸餅....之後同B打&姐姐係街市食鷄亦河,見到一個姐姐同佢媽咪食緊粉粉,姐姐撩B打玩,B打又係咁望住姐姐,我同姐姐媽咪傾計知道姐姐三歲,我同B打講姐姐自己食粉粉幾叻...仲食得好快添..你大個D都要學姐姐咁ka la...之後B打唔駛五分鐘食晒成碗河粉,表現自己都好叻ka...其實有玩伴陪住小朋友成長是很重要的...
今朝同婆婆傾電話,婆婆話尋日自己去醫院時好唔舒服,又暈又嘔,差d係火車站月台暈倒,好彩嘔完之後休息一陣就冇事,聽完婆婆講呢件事...媽咪真係好擔心婆婆呢....婆婆你要身體健康哦...我哋全家人都會無限量咁支持你架!
今日農曆兩歲生日!
今日B打冇流鼻水, 諗住佢會好番la.... 點知夜晚開始有小小咳咳.... 多數都係作感冒... B打臨瞓前再比保嬰丹佢食, 希望佢會好番唔駛睇醫生la....
今晚食完飯同媽咪係地毯玩玩吓時, 突然開始流鼻水, 媽咪就即刻餵我食保嬰丹, 我都好聽話好合作咁食, hehe..媽咪為咗獎勵我比咗一粒糖糖我食。
今朝九點幾起身,咦....點解爸爸媽咪都瞓咗係度嘅? 媽咪...媽咪...)))叫醒媽咪先...因為我要尿尿la... 尿尿完又上番牀...媽咪話咁凍不如再瞓吓先wor.. 仲話唔好嘈醒爸爸呀...我非常精神梗係唔瞓la.... 自己係咁數1234..56789..10...ACB...ABC... 突然又叫爸爸..爸爸..爸爸唔理我照樣瞓.. 我就大叫爸B..爸B..)))...好嘢爸B比我嘈醒咗la... 媽咪叫我唱'大笨象'....我唱...大笨象..揸支鎗..去打仗.. 打贏返嚟食辣椒(明明係打唔贏返嚟食碗辣椒醬).... 爸爸媽咪聽到哈哈大笑..... 媽咪又叫我唱'氹氹轉'....我唱..氹氹轉..'篤'花園..抄餅餅... 糯池池...媽媽叫..龍船..亞B打唔去..睇鷄仔..鷄仔大..出去賣.. 爸爸媽咪聽到哈哈..哈哈..笑唔停... 仲讚我咁叻仔識改歌詞添...
中午,一家人出去聯和墟食晏,我唔乖...食咗好少嘢... 又坐唔定...仲要成日話去尿尿...食完... 去咗遊樂場玩一陣....媽咪要走... 我叫媽咪'拖手'...唔比媽咪走... 媽咪話要同婆婆睇醫生呀...媽咪好快就會番... 之後我好乖咁同媽咪byebye....
今日下晝,我同媽咪、公公婆婆&表姐出去聯和墟食晏,跟住同表姐去遊樂場玩咗一陣,今日姐姐放假...爸爸又要去九龍參加婚宴,婆婆叫我同媽咪一齊去唐公嶺探太太,順便同太太食晚飯,於是我同媽咪就去咗太太屋企,係太太屋企冇嘢玩...我周圍跑來跑去執石仔...執咗又'掉'....重覆又重覆咁玩..(係自己屋企都成日玩),可能玩得太攰la...到食飯時就瞓咗覺覺豬,食完飯公公就送我、媽咪、婆婆&表姐返屋企....
今日中午我、媽咪、婆婆、表姐&姐姐一齊去上水食晏,食完去咗遊樂場玩一陣,之後媽咪買咗鷄蛋仔比我同表姐食,媽咪話Maymay姨姨今晚會嚟我哋屋企食飯,跟住我哋去街市買打邊爐食物,天氣凍凍地...今晚一家人一齊打邊爐就最好喇!
今日買咗好多臘味(榮華所有產品都買二送一), 送比公公婆婆同太太,因為太重la... 所以決定今日唔買餸,放工係上水買KFC外買返屋企食, 點知18:45到KFC....等..等..等..等到19:30先走.... KFC服務認真麻麻la...排隊排咗15分鐘...買嘢食...跟住比$... 諗住走得la...點知KFC服務員話未有燒鷄同朱古力批... 要等20分鐘wor....真係比佢哋激死la...冇又唔早d講...為有等la...... B打、婆婆、表姐同姐姐係屋企係咁等... 最後...我同爸爸要八點幾先返到屋企...
今晚食完飯,B打坐係地毡玩玩具,當'禁'響有音樂聽時,佢就會坐係度左遙右擺咁...佢咁樣就叫跳舞wor...跟住佢就叫'姐姐跳舞'...姐姐就跟佢跳....見到媽咪坐係度....又叫'媽咪一齊跳舞'...媽咪又跟住跳....見到爸爸突然合上眼冇跳(爸爸咋瞓)....佢就好大聲咁叫'爸爸...爸爸..))))'....叫到佢醒為止...跟住又要爸爸一齊跳舞....結果成家人都要一齊跳舞.... B打見我哋同佢一齊跳...佢就好開心咁笑....
今晚媽咪同我去咗隔離叔婆屋企, 建叔叔:飲唔飲檸檬茶呀? 媽咪:唔飲la...小朋友唔可以飲咁多ka.... 我:冇出聲...(其實好想飲...不過媽咪喺度..) 建叔叔:咁...頭先有冇飲檸檬茶呀? 我:冇..(答得好快..) 建叔叔:頭先wor..有冇飲過檸檬茶呀? 我:冇..(明明飲咗..因為媽咪喺度..堅持答冇..) 媽咪:B打..唔可以咁ka..有就有..冇就冇..唔可以講大話ka..
尋晚同媽咪一齊瞓,好開心今朝一起身又可以見到媽咪, 媽咪仲同我一齊睇DVD,到咗十一點見媽咪換咗衫, 我指住媽咪件衫就話"返工"?媽咪唔係返工呀.... 跟住我就好唔開心....仲扁晒咀想喊.... 媽咪話"我唔係去街街...我要陪婆婆去睇醫生呀...媽咪晏d就會返架la..." 之後我都好乖冇喊....仲同媽咪byebye添.....
今晚食完飯, 爸爸媽咪同我一齊出去散步, 我哋望上天空見到一個好特別嘅畫面, 兩粒好閃嘅星...加埋一個彎彎月亮, 畫面竟然喺兩隻眼精..加一個笑嘴, 成個哈哈笑look咁... 真係非常特別難得一見....
今日爸爸媽咪放假,例牌未夠八點我就起床, 起身我就叫"早晨媽咪",見到爸爸瞓咗喺隔離, 我就話"chu啖爸爸先"...... 跟住我就錫咗瞓緊覺嘅爸爸面面,爸爸瞓醒.... 媽咪同爸爸講番今早嘅事,爸爸不知幾開心呀..... 晏晝,我哋出咗上水大家樂食飯, 食完飯, 爸爸媽咪買咗部新DVD機比我(原先果部比我整壞咗...), 今次媽咪話買部平d喎...$2xx幾....只for我睇DVD... 之後...爸爸就去咗幫精姨姨&坤叔叔搬屋, 婆婆表姐都要返屋企... 我哋去街市買餸後就搭小巴返屋企....
今日一早媽咪就出咗去整頭髮, 到咗中午我、婆婆、表姐&姐姐先出去搵媽咪, 媽咪話我d頭髮好長都要剪吓wor.... 尋晚明明應承咗媽咪話唔會喊架...點知... 都係唔肯自己坐係度比ken叔叔剪... 結果要媽咪抱住我剪...雖然冇喊... 不過就攪到媽咪成身都係頭髮碎.... 剪完頭髮後...我哋去咗麥當奴食嘢... 好嘢可以食我至愛嘅薯條&奶昔la.... 夜晚,Maymay姨姨同舅父都嚟咗我屋企同我哋一齊食飯....
今日,公公放工後去咗醫院接婆婆,之後再去接表姐放學,然後載咗婆婆表姐嚟我屋企,公公因為明天要返工,所以冇留低食飯就走咗.... 夜晚天氣寒冷,媽咪買咗好多嘢食返嚟,原來我哋今晚打邊爐呀....今晚我食咗烏冬、豆腐、牛丸&菜菜,因為有咁多人陪我一齊食...hehe..我都食得特別快呀.....
今晚,爸爸媽咪約咗惠儀契媽、東伯伯、健伯伯、gap伯伯&浩然叔叔一齊喺上水海港打邊爐,見d叔叔伯伯食嘢食得咁快,我都唔執輸食快d先,媽咪就慘d要餵我食先...所以食咗好少嘢...媽咪話佢哋係黃蟲部隊wor...'黃蟲部隊'究竟係咩嚟呢?! 今次惠儀契媽送咗條好靚嘅pc狗頸巾比我,惠儀契媽多謝你哦!
上星期買咗張新地毯, 舖喺廳比B打坐上去玩玩具&睇書書(因為坐地下凍), 早兩日B打開始搣d地毯毛, 媽咪同B打講唔可以搣d地毯毛, 下次再搣就要罰企(企喺門口poohpooh地毯上), B打好快答媽咪話"知", 尋晚B打又搣d地毯毛比我見到, 之前已經比咗機會B打,佢又忘記咗, 冇得傾要即時罰企, B打初時唔驚仲冇喊添(雙眼仲掛住睇電視...比佢激死), 等耐咗爸爸媽咪都唔理佢, 佢就開始喊wu..wu..wu..)))) 因為B打性格好硬頸, 爸爸媽咪都要好堅持先得, 要等佢認錯先可以原諒佢....
婆婆開始接受治療第一天, 整個療程要28日才完成, 原先今日有Maymay陪婆婆去, 咁啱公公都放假,所以一齊去, 媽咪希望婆婆可以順順利利完成整個療程!
今日爸爸媽咪放假,朝早7:30我就起身,不過原來婆婆同表姐仲早過我起身,媽咪例牌會同我出去睇車車,一邊睇車一邊食麵包.... 十點幾,我哋出去聯和墟同太太佢哋一齊飲茶(媽咪嘅嫲嫲&親戚),飲完茶..爸爸帯我去麥當奴買奶昔飲,爸爸仲送咗隻bear bear熊比我(麥記捐$給兒童之家),之後爸爸媽咪帯咗我去遊樂場玩sir滑梯,玩完我哋就搭小巴返屋企...
今朝瞓到9:30先起身,11:00公公就嚟咗接我、媽咪&姐姐一齊同婆婆&表姐去飲茶,飲茶後去買bbq食物,之後媽咪話將我唔啱着d衫衫比b橋,所以去咗joey契媽屋企同b橋玩咗一陣,今次我好叻仔呀...識得叫契爺同契媽喇!!! 夜晚,Maymay姨姨同舅父都嚟咗一齊bbq,咁啱韋叔叔一家人同康叔叔番嚟同叔婆食飯,可以同晴晴家姐、表姐、家齊哥哥、家穎哥哥咁多人一齊玩....我今晚真喺好開心呀!!!
今晚天氣寒冷,食完晚飯,媽咪照樣同我出去散步, 咁啱見到家麟哥哥&家穎哥哥(鄰居)踢波波, 我就大叫"射"...."踢".....家麟哥哥仲笑我.. 話我可以做超級球迷wor... 好開心兩個哥哥仲比我同佢哋一齊踢波, 係咁追住個波走來走去...hehe..熱到我連帽都除埋....
每當見到英文字, 例如車牌、報紙、日用品logo等.... 我就會說BC... 媽咪話係咪ABC呀... 媽咪叫我講A... 我都唔肯講.... 係都要講BC..BC...
今日喺我爸爸生日,不過爸爸要返工,媽咪反而放假wor...中午媽咪帯咗我同姐姐去上水行街街&食晏,今日媽咪就大出血喇...hehe..我就大收穫,媽咪第一次買nike波鞋送比我(別人比果d唔啱着la),仲有買咗兩件mickery衫、一件晨褸&一個枕頭比我,咦....今日唔係爸爸生日咩...媽咪係咪攪錯咗呢...送咁多嘢比我嘅?之後我哋去咗買餸同買蛋糕,媽咪話今晚約咗姑媽,一家人一齊食飯慶祝爸爸生日。夜晚食完飯,一家人一齊食蛋糕,我最鐘意食蛋糕上嘅提子同士多啤梨...爸爸祝你生日快樂!!! 媽咪送給我第一對波鞋爸爸...生日快樂!!!全家幅....好Sweet呀....
今日係我表弟黃智尚慶祝1歲生日party,喺旺角一間樓上cafe舉行,媽咪帯住我、表姐&姐姐喺火車站join埋兩個表姨&兩個表哥一齊搭火車出去,去到生日會見到成個場佈置都係Thomas火車,咦..播d歌歌同我屋企果d咁似嘅...聽到熟識果d我都會跳吓舞ka...生日會完之後,我哋同麗表姨&穎豪表哥一齊行女人街&花園街,嘩...媽咪旺角好多人...好多車呀...(第一次去旺角),媽咪買咗一對mickey毛毛拖&兩條牛仔褲比我,今日應該係我同表姐最好開喇...媽咪同姐姐就....梗喺超攰la...hehe..因為要抱我嘛! 呢個係我表弟...黃智尚...表弟黃智尚1歲Birthday party(我、穎豪表哥&秉燁表哥)媽咪、我 & 表姐
晏晝媽咪帯我去咗聯和墟商場行街街,去到商場一定要玩坐車車la...今日商場已經掛咗好多聖誕飾物,我仲同聖誕樹合照添..... 之後join埋公公婆婆&表姐一齊返屋企,佢哋又嚟我屋企渡假la....
今晚媽咪發現我學識數數, 媽咪說1...我就會說234... 媽咪說5...我就會說678... 又會說英文onetwo..onetwo... 媽咪聽到好開心呀!