親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今晚雖然掛起3號風球...一早約好既飯聚如常進行...有我地一家3口、joey契媽一家人、精ee、坤叔叔、amy ee & ben 叔叔一齊食飯....今次見到精ee個肚比上次大左...原來已經6個多月la...好開心...好快又多一個bb出世...好耐冇見梓橋la...今次見到佢又大個左...佢見到同媽咪差唔多年幾就會叫人做媽咪...見到同爸爸差唔多年幾又會叫爸爸...真係好攪笑... 今晚仔仔初時就扮怕醜...真係一個慢熱既人...warm up 完...就變身la...又坐唔定...仲周圍走tim...之後又成日同amy ee傾計同一齊玩...好似好熟好friend咁...
今日...媽咪放工返到屋企就同仔仔出去散步....媽咪同仔仔見到天空上有個氣球...飄吓飄吓...仔仔即時追住氣球跑跑跑....諗住可以捉到個氣球....媽咪同仔仔追到去馬路邊...見氣球係馬路中間飄來飄去...因為太危險...媽咪放棄左執個氣球比仔仔....依依不捨既仔仔一路望住個氣球...一路行返屋企....返到屋企...仔仔同爸爸講...出面有個波波呀....之後...爸爸又再同仔仔出去搵氣球...過左一陣...爸爸同仔仔帯住氣球高高興興返屋企...爸爸話...因為氣球飛左去巴士站所以可以執到....原來呢個係"喜羊羊"公仔氣球...仔仔成晚同個氣球不知幾咁friend...又同佢影相...又攬住佢一齊睇電視...十分攪笑....
仔仔...第一次做花仔呀!!!
今日係姑媽出門大日子...可惜爸爸要返工...而媽咪一早就忙過不停...為姑媽準備上頭同拜祖先d野...10點左右...太婆、姑婆太、丈公太 & 叔婆就嚟到我地屋企...之後太婆為姑媽上頭...然後再拜祖先....整個儀式順利完成.... 中午...我地去左海聯食飯....食完飯...媽咪買完餸...媽咪就湊埋太婆返我地屋企...太婆會係我地屋企住一晚...明天一齊去尖沙咀觀禮.....
今日有公公婆婆、太太、舅父、表姐、maymay姨姨、媽咪n仔仔一齊去shopping ar....今日主要係同公公、太太n舅父去買新衫...準備到maymay姨姨結婚當日着....行行吓...仔仔好眼瞓要媽咪抱住佢瞓....媽咪腰骨痛...舅父想幫媽咪抱b打瞓....呢個衰豬仔...明明瞓左ka la..舅父一抱佢佢就即時攬住媽咪...係都要媽咪抱佢...攪到媽咪攰死la...之後公公同舅父都係上水買左新西裝...but...太太就仲未買到....全家人就一齊去元朗再去睇太太合適既衫...好彩最後係元朗買到太太既衫.... 夜晚...爸爸放工join埋我地一齊係聯和墟食飯...預祝maymay姨姨明天生日...maymay姨姨生日快樂ar!!! 媽咪諗番起以前一家人(公公婆婆、舅父、maymay姨姨n媽咪)一齊去街既時候..已經係好多個n年前既事....今次因為maymay姨姨結婚....大家先可以一齊去街街shopping....仲多左2個小朋友tim...真係好難得ar....
琴晚仔仔同表姐玩到成12點先瞓覺....可能太夜瞓...起身果時已經9點幾...完全唔記得起身飲奶.... 媽咪同仔仔講:仔仔..你大個仔la...黑麻麻時就唔好飲奶奶la..要起身食早餐先飲wor...知唔知呀? 仔仔:知...(諗左好耐先答)
仔仔學識踩3輪單車後...第一次同表姐一齊踩單車...表姐踩得好快...仔仔又想追住表姐....仔仔..你要努力加油呀...but..仔仔點樣踩都追唔到表姐...3輪單車此終係3輪單車.... 夜晚..公公都嚟左我地屋企一齊食飯....
今晚... 婆婆n表姐係屋企食完飯就嚟左我地屋企... 婆婆仲買左2大盒雪糕嚟tim..... 大家開開心心食雪糕..... 真係yummy yummy ar....
今日...一家人去買結婚禮物送比姑媽....媽咪怕自己揀既禮物...姑媽會唔啱size...所以叫埋姑媽一齊去揀....最後姑媽揀左一對介子...小小心意...希望姑媽姑丈喜歡呢份結婚禮物.... 夜晚同姑媽係上水食完飯先返屋企... 搭小巴返屋企既時候...發生左件好有趣既事... 媽咪:仔仔...爸爸瞓覺時係咪好似雷公伯伯咁大聲呀? 仔仔:唔係...係恐龍聲...(大家即時哈哈大笑...) 爸爸當場啞口無言.... 媽咪:仔仔...快d扮吓爸爸瞓覺係點既... 仔仔:咕..咕..咕..(仔仔當時係咪埋雙眼+ do起個嘴) 大家見到即時又再哈哈大笑... 呢個鬼靈精...真係好攪笑...
大個仔la...今日開始用花灑沖涼
MayMay姨姨將會於21/7結婚....今日係過大禮.....我地一家人同d親戚都返晒去唐公嶺太太屋企迎接呢個大日子....11點左右....男家親戚帯咗好多過大禮禮品嚟到...之後太太就要開始拜祖先...整個過程非常熱鬧同墟坎...太太屋企簡直係迫爆人呀... 夜晚...係太太屋企食飯...今日仔仔有個好鍾意佢既瑩瑩表姨(12yrs)同佢玩...仔仔都好鍾意呢個表姨....表姨仲話想帯佢返屋企玩tim....
下個月MayMay姨姨結婚la....所以今日陪婆婆去買靚裙....有媽咪同姨姨幫婆婆揀...一定係very good la...最後買左2條裙+1件外衣+1對新鞋....今日婆婆仲買咗1對介子送比姨姨同小龍做結婚禮物tim....
2歲5個月既仔仔終於學識自己踩3輪單車la...... 今日放工返到屋企... 爸爸媽咪見到仔仔學識自己踩3輪單車...既驚喜又開心... 媽咪錫咗仔仔一啖以示鼓勵... 而爸爸就以掌聲稱讚仔仔.... 仔仔仲不斷圍繞住我地踩單車... 沾沾自喜既樣子....好黑人僧啊!
今日6點....媽咪帯住表姐同仔仔去咗M記參加秉燁表哥&穎豪表哥5歲既生日會....仔仔去到例牌要食薯條&飲奶昔.....到玩遊戲時間....仔仔都只係得過睇字...又冇得玩...食完蛋糕....生日會就結束la..... 之後...我地join埋爸爸去咗元綠食壽司慶祝父親節.... 爸爸...父親節快樂呀!!!! 穎豪表哥....生日快樂呀!!!!! (穎豪表哥、?哥哥、秉燁表哥&me)秉燁表哥....生日快樂呀!!!!去M記參加生日會
今晚..我地一家人約咗未來姑丈&姑婆太一家人係沙田食晚飯....第一次見到未來姑丈...佢個人好nice....感覺好好...連平時係呢d場合唔多出聲既爸爸都有同未來姑丈溝通...溝通....bb今晚表演就麻麻la...又扭計...又四圍走...仲發脾氣tim.....激死媽咪la...媽咪掛住睇住bb都冇機會同未來姑丈講野....希望姑媽結婚後...多d同姑丈返嚟探我地la...如果有機會既話...我都希望一家人去北京探姑媽姑丈....
今日下午...姑媽帯咗未來姑丈返屋企搵bb....姑媽n未來姑丈仲送咗好多糖果比bb tim....仔仔梗係好開心la...仲同bb玩咗一陣先走....爸爸媽媽因要返工...所以仲未有機會見過面...要留待星期六食晚飯先可見la... 姑媽決定12/7結婚呢個喜訊都嚟得好突然ka....之前我地都冇聽過姑媽提過....不過知道後...我地一家人都好開心...姑媽終於搵到一個可付託終身既人....其實未來姑丈係國內人...係北京工作...結婚後姑媽要定居北京....祝姑媽生活永遠幸福快樂...
今日爸爸放假...朝早同公公、婆婆、maymay姨姨、小龍哥哥&小龍哥哥媽媽一齊飲茶...飲完茶.... 一家三口去咗商場行街街....到咗2點去咗M記參加偉文哥哥7yrs生日會....去到生日會仔仔就食佢最愛既薯條同飲奶昔....之後表弟kaden都嚟咗...到玩遊戲時候la....一班哥哥姐姐一齊玩遊戲...仔仔就算唔識玩都係要迫入去湊熱鬧...haha認真唔怕醜...當仔仔發覺唔能夠融入去d哥哥姐姐到時...佢就不斷叫:我地走la....我地去sir梯梯la...跟住爸爸媽媽唯有帯佢去玩sir梯梯....玩完之後就返屋企覺覺豬law....
旁晚6點...仔仔剛剛瞓醒... 家齊&家穎哥哥拎咗10幾隻NODDY CD嚟送比B打... 哥哥話:細個果時我地成睇ka...而家唔會睇ka la... 知道b打鍾意noddy...就送晒比b打... 仔仔好開心... 仲要即刻播出嚟睇tim...2個哥哥一齊陪b打睇.... 真係好多謝家齊&家穎哥哥呀....
今日中午與公公婆婆飲茶...飲完茶...買埋餸我地就返屋企...
今日朝早返工前諗住去仔仔房睇吓佢起身未...原來仔仔已經起咗身...姐姐話仔仔流鼻血...好彩流咗好少...唉!可能食得太多熱氣野LA...今日叫咗姐姐煲D菊花茶比仔仔飲先....點解D唔好既野會似媽咪KA....媽咪細時又係經常流鼻血KA...
今晚...一家人同惠儀契媽、Rick哥哥&婉君姐姐係雅士一齊食晚飯...仔仔今晚表演就麻麻la...飯又食唔晒...又坐唔定...仲走來走去tim...惠儀契媽今晚送咗仔仔一set沙灘玩具...下次去沙灘時可以帯去玩la....多謝惠儀契媽!
今日媽咪又要去覆診
今日...中午同公公婆婆係聯和墟食晏...食完晏媽咪同仔仔就返咗屋企午睡...瞓到5點幾...幫仔仔沖完涼...媽咪就帯仔仔出去上水搵爸爸...跟住同仔仔去咗遊樂場玩....之後一家三口係上水食完飯先返屋企....
今日天氣好熱.... 中午媽咪帯仔仔去咗元朗同一個Auntie飲茶.... 之後仲去埋Auntie屋企玩.... 玩到4點幾先走.... 今日媽咪又送咗一本故事書同一隻NODDY CD 比仔仔呀.... 夜晚... 公公婆婆..舅父表姐同埋maymay姨姨都嚟咗我地屋企一齊食飯....
媽咪放工後要去覆診
今日...欣姨姨&澄澄姐姐約咗joey契媽一家人同我地一齊飲茶....飲完茶...我地一齊去咗遊樂場玩....3個小朋友都玩到好開心....之後欣姨姨&澄澄姐姐仲嚟咗我地屋企玩tim...夜晚...媽咪自己一個就同欣姨姨出去同婉君姨姨食晚飯...
今日中午maymay姨姨約咗婆婆..表姐&我地一齊飲茶...飲完茶... 我同仔仔就去咗參加yauyau哥哥既birthday party(係婆婆屋企樓上)....今次仔仔好快就融入咗yauyau同瑜瑜佢地一齊玩...難得今次仲要有4個工人睇住4個小朋友...而3個契媽媽就可以舒舒服服咁食野同吹水(好耐未試過la)... 夜晚...媽咪同仔仔就去咗婆婆屋企食飯...今次珩珩表姐仲送咗1架單車&好多玩具比我tim...等埋爸爸放工嚟...我地就食晚飯....食完飯就坐爸爸架貨車返屋企la... 3兄弟合照 (好難得影到3個一齊望鏡頭)一齊玩玩具la.....士多啤梨...好好味呀.....
今日係端午節...中午同仔仔去左上水食晏....仔仔帯左好多玩具車出嚟...所以媽咪買左個Thomas袋比仔仔... 等佢自己揹番自己d玩具車....之後我地就去左太太(唐公嶺)屋企玩....公公婆婆一早已買晒餸係太太屋企準備....夜晚..等埋maymay姨姨..小龍哥哥...爸爸 & 叔公一家人一齊食飯做節.....
媽咪放工後去咗覆診