親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日中午同b打、公公、婆婆、表姐&姐姐去咗聯和墟大快活食晏, 食完嘢媽咪帯咗b打去ken叔叔度剪頭髮, 媽咪記得b打上次剪髮時好怕好驚...仲好想喊添... 今次b打就好乖好聽話咁比ken叔叔剪, b打...你真係叻仔...媽咪錫錫... 剪完頭髮...媽咪帯咗b打去遊樂場玩... 今日天氣陽光普照...b打玩咗一陣就成個面紅晒... 玩完...我哋就搭雙層巴士返屋企...係b打最鐘意架! 剪髮後嘅b打好好玩嘅旋轉sir滑梯.....好動嘅我...玩唔停...好開心.... 公公入咗$$比我揸車車呀!!!
今日b打瞓到十點先起身,食完早餐,我哋3大2小就出發去元朗,記得尋晚應承咗b打會帯佢去麥當奴,所以一去到元朗就去咗麥記食嘢,b打食佢最愛嘅薯條同飲士多啤梨奶昔,而表姐就食薯條、雞亦同雪糕,食完嘢我哋去咗千色廣場行街街,b打同表姐就梗係行玩具部la...媽咪同婆婆就睇床上用品&家庭用品...最後媽咪買咗一個搖搖比表姐...b打就一架紅色車仔...婆婆就買咗一套床上用品...媽咪仲買咗d零食比爸爸添.... 媽咪今晚想打邊爐...所以係元朗街市買埋打邊爐d嘢食....之後就返屋企...夜晚叫埋公公同舅父一齊嚟打邊爐....
今日婆婆&表姐又嚟我哋屋企渡假la...
今日媽咪食完晏去咗千色廣場行吓,見到珊瑚被同毛毯特價,媽咪忍唔住買咗一張Pooh Pooh 珊瑚被比b打 & 一張Mickery毛毯比自己,兩張加埋都只係$299咋,媽咪覺得好低呀! 夜晚放工返到屋企,b打見到張Pooh Pooh 珊瑚被好開心,仲要即刻拆開拎出嚟睇,一拎出嚟就即刻哩係張被入面話玩哩埋wor...hehe..呢個傻豬最鐘意就係玩哩埋遊戲...b打為了多謝媽咪錫咗媽咪一啖,媽咪即刻冧晒!
每星期weekend媽媽都會同仔仔瞓, 加上今日姐姐又放假, 所以仔仔好痴媽媽, 到咗夜晚10點幾姐姐開奶奶諗住同b打上房瞓覺, 點知b打話唔飲奶奶...唔瞓覺... 坐喺地下唔出聲又唔跟姐姐上房房.... 媽媽同b打講...bb媽媽聽日要返工wor... 你今晚要同姐姐瞓ar...b打聽完媽媽講嘅說話.. 其實佢好明白..就算好想講"同媽咪瞓"都唔敢講... 唯有眼濕濕扁晒嘴好可憐咁.... 之後姐姐就抱住喊緊嘅b打上房瞓覺....
知道maymay姨姨同公公今晚都會嚟食飯, 媽媽一早就用柴火煲花膠响螺雞湯, 到夜晚一家人就可以飲最好味嘅湯la... 之後公公就買咗條魚嚟... 而maymay姨姨就買咗义燒同燒鵝嚟... 夜晚一家人開開心心食飯! 而今晚最開心就梗係b打la....點解? 因為公公幫b打修理好壞咗好耐嘅電單車law... 今晚b打終於可以玩佢至愛嘅電單車la....
近排bb叻咗好多..... 學識講好多嘢..... 仲開始學我哋講一句句嘅說話..... 不過就有d攪笑嘢law..... 例如:媽咪成日同b打講..... "你去叫爸爸抱你la...." "叫爸爸比你la...." "叫爸爸同你玩la...." 之後b打就會對住爸爸講..... "爸爸抱你..."??? (呢個傻豬仔..應該講..爸爸抱我呀...) 爸爸笑住問b打...."爸爸抱邊個呀..?" b打又會即刻答爸爸...."抱b打..."
爸爸媽媽發現b打對'呠呠'車特別喜愛,不論係單車、私家車、貨車、玩具車等等,唔駛講b打最鐘意就係上爸爸架'宜家家俬'度玩,爸爸仲教b打踩油門tim..架車會發出"銀銀'聲...b打就最開心...仲有就係玩踩單車(仲未識自己踩要人推佢)&可口可樂車車...再唔係就係屋企玩玩具車仔,b打會將大大小小嘅車排好隊...一架跟一架咁...爸爸知道b打鐘意玩車車時...爸爸會同仔仔講...亞仔...爸爸鐘意踢波唔係車wor....
今日中午去咗agent度請咗個新姐姐...最快都要5月先嚟到...而家個姐姐4月15日就要搭飛機走...唉!點算好...又有個真空期....唯有兩公婆輪流放假湊b打...希望新姐姐可以快d到la...
媽咪腰骨痛...放工又要去睇腰骨la...
當知道姐姐決定唔再續約時,媽咪覺得好唔捨得... 時間過得好快...不經不覺原來已經相處咗2年la... b打都好鐘意跟住姐姐....大家建立咗一個良好關係... 相處非常融洽....早已當姐姐係家庭一份子... 不過再唔捨得此終都要分開...人生就係咁ka la... 希望姐姐返到印尼...同佢老公&囡囡...開開心心過日子...
b打最鐘意叫爸爸同佢玩騎膊馬... 呢個b打每當有要求時... 佢就會對爸爸講'I Love You 爸爸.." 爸爸就會即刻同佢玩... 今日爸爸放工返嚟又同b打玩騎膊馬... 爸爸:騎膊馬... b打 :有意米糕... 媽咪初時聽到完全唔明白... 之後先知係爸爸教b打講騎膊馬...有2米高...
今日星期六....放假,一早係屋企煲番個靚湯今晚飲(係用柴火煲ka),晏晝就帯b打去上麻雀嶺遊樂場玩,行去上麻雀嶺途中....我哋會見到一條小溪la....之後又見到一個魚塘仔...裡面仲有好多錦鯉魚tim....b打見到d魚魚好開心....仲指住d魚魚講fish swimming tim....去到遊樂場....例牌都係冇人玩...只得b打自己玩sir滑梯,玩咗一陣就行番屋企,雖然住村屋真係好唔方便,但係...我覺得村屋好啱b打長大,活動空間大d...空氣又好d...仲可以接觸大自然tim... 上麻雀嶺遊樂場好好玩呀!!!!咁好玩... sir多幾次先...
今日媽咪下晝放假陪b打去健康院,四點去到…見到健康院迫爆晒人…有好多細bb係度等磅重…等見姑娘…又等打針…仲要十個有九都係新移民tim...媽咪諗住今次實有排等la…原來好似b打已經2歲大嘅bb得好少 …所以等咗10分鐘…b打就可以入去見姑娘…b打而家嘅飲食餐單就係每日飲2-3次奶…早餐食麵包…中午食粉麵…夜晚食飯飯…每日必食一種水果…有時仲食d餅乾或零食tim…姑娘話b打要開始減奶wor…最好每日減至飲1次…仲要學習用杯飲wor…姑娘話用奶樽飲奶會令牙齒唔健康同唔整齊…而固體食物就要增加到4-6餐(而家已經有咁多餐la)….跟住姑娘攞咗本書書出嚟…叫媽咪問b打書裡面d圖畫係咩嚟?b打好叻…全部都能講出…見到把遮…佢仲識講umbrella添…姑娘話b打語言能力pass la…今次檢查後要到4歲先要再去健康院…最後姑娘話b打咁叻仲請b打食糖糖tim.... 體重:12.6kg (27.72磅) 身高:87cm 離開健康院之後,就帯咗b打去遊樂場玩,玩咗一陣….爸爸就放工嚟接我哋返屋企la…sir滑梯...聯和墟遊樂場聯和墟遊樂場坐fish...搖搖搖....
今日係情人節,做咗媽咪嘅我已經唔係人哋嘅情人law...原先約好係joey契媽屋企BBQ ka...不過天公不做美...竟然落雨wor....所以改咗打邊爐....總好過冇節目ar....媽咪同joey契媽負責係上水街市買食物,因街市就快要收工...所以最緊要就係'快'... joey契媽果然'勁'吓...對街市已經撩如拍掌..仲非常熟落tim...反而媽咪對上水街市就冇咁熟la....因平日係元朗街市買開嘛..... 最後我哋用咗極短嘅時間就買咗好多美食....之後蚊香契媽同yauyau契哥都到咗...我哋大人就開始打邊爐la...3個曵曵豬就跑來跑去...b打就冇mud出汗(由細到大都唔算大汗嘅人)...反而yauyau同梓橋就跑到成頭大汗....跑跑吓b打同梓橋仲撞埋一齊tim...b打痛到喊喊...反而細佬梓橋冇喊喎...今日yauyau見到b打...好攪笑咁話b打識講嘢wor...(其實係yauyau心目中b打之前係唔識講嘢ka)...今日yauyau講d咩...做d咩..呢個b打都會跟住講同跟住做...見到佢2個真係好攪笑呀! yauyau契哥& b打
原本今日約咗2位靚靚契媽飲茶, 不過媽咪唔舒服...所以取消咗.... 留係屋企休息,姐姐又放假... 得媽咪同b打係屋企, b打今日都好乖..好聽話... 晏晝仲同媽咪一齊瞓晏覺... 一瞓就瞓咗2個幾鐘添.... 啱晒媽咪...可以休息吓! 仔仔...媽咪錫晒你呀!
傍晚六點...爸爸放工返嚟... b打就跟咗爸爸出去同健叔叔&三兄弟一齊踢波...... 話就話一齊踢....其實b打就係咁追住人... 不斷係度跑..跑..跑...根本就踢唔到個波... 爸爸同健叔叔&三兄弟一路踢就一路避開b打... 雖然係咁...見到b打已經好開心... 仲不斷大哎添...真係好好笑! 後來b打發覺自己好似冇人理咁.... 就拎起放係一邊嘅藍球掉入健叔叔架車嘅車底.... 之後就叫踢緊波嘅哥哥幫佢 '執'波... 哥哥幫佢 '執'咗出嚟....b打又再將個藍球掉落坑渠... 又叫人幫佢再'執'波....呢個曵曵豬....認真古惑! hehe...b打其實都係想引人注意!
今日係婆婆生日, 一家人夜晚係上水潮客食飯, 慶祝婆婆生日, 婆婆呢個星期d胃口好咗好多, 開始食番多d嘢,精神都好咗, 見到婆婆慢慢康復, 我哋都冇咁擔心, 係度祝婆婆生日快樂... 最重要就係身體健康! 媽咪就病倒了.... 昨晚已覺喉嚨好痛... 到咗今日晏晝出去買苦茶飲... 諗住會好d...點知到咗夜晚... 好似越來越辛苦...連講嘢都好痛... 食完晚飯就去咗睇醫生。
今日中午姐姐打比媽咪....話b打係後園跌親.... 擦損咗額頭同面面.... 媽咪:bb有冇事呀?痛唔痛呀? b打 :痛...b打跌倒...(一路喊一路講) 媽咪:媽咪錫錫...b打唔好喊吓... 媽咪諗諗吓有d擔心...打電話比爸爸... 叫爸爸放工後就返屋企睇b打先...唔駛等媽咪... 夜晚..返到屋企見到b打只係擦損少少...媽咪先冇咁擔心... 爸爸同媽咪講番收到媽咪電話後...就即刻打返屋企搵b打.... 爸爸:bb..你有冇事呀? b打 :有事.. (喊得好慘咁) 爸爸話聽到b打咁講..覺得好好笑... 平時嘅b打一跌親....自己就會即刻講"冇事..冇事.." 其實小朋友係要係跌跌碰碰當中成長嘅!
昨日惠儀契媽約咗我哋一家人今晚食晚飯,我仲應承咗佢,點知返到公司先知今晚要OT...唉!仲要唔知幾點先走得....好彩到咗七點幾...媽咪個經理好好人肯比媽咪早走,到最後都可以同惠儀契媽係雅士食飯,而且咁晏都仲約到東伯伯同健伯伯出嚟食飯,真係好開心可以聚一聚!
媽咪腰骨好痛...放工後要去做推拿! 做完推拿...冇買餸...唯有買飯盒返屋企食.... 不過b打就要等到八點幾....媽咪返到屋企先有飯食囉!
年初七...人日, 媽咪今日又要返工...真可憐呀! 一點鐘...媽咪終於可以放工la... 下晝... 爸爸媽咪帯b打去麥當奴食薯條同飲奶昔, 跟住係上水買完餸就返屋企。
年初六... 原本媽咪都要返工(上午).... 好彩有同事肯幫媽咪返.... 所以先可以甩難.... 晏晝...姑婆太一家人嚟咗探我哋.... 媽咪攞咗d糖果出嚟招呼姑婆太佢哋.... 呢個b打見到d糖糖擺咗出嚟.... 佢就食完一粒又一粒.... 不停係咁食...食...食.... 媽咪驚b打食得過量... 唯有將d糖果收起... b打今日為了招呼親戚... 捱到四點鐘先瞓晏覺...
年初四...媽咪要返工la... 今日返工好彩冇mud嘢做.... 都係派吓利是同收吓利是.... 媽咪都幫b打逗咗好多...... 爸爸放假放到年初七.... 所以可以係屋企陪b打玩.... b打一定要爸爸陪佢去河邊掉石頭... 佢唔會講掉石頭...佢會話去'洞'石頭wor... 仲有梗係唔少得上去爸爸架lorry度玩la....
大年初三, 今早都係瞓到十點先起身, 換好衫...一家人就出發去牛頭角太太屋企拜年, 好彩問公公借咗車...唔駛搭車出去.... 去到太太屋企..... 原來有2個姨婆都嚟咗太太屋企拜年.... 而八十幾歲嘅太太已經煮咗好多餸等我哋食午飯.... 太太真係犀利la...肯定煮咗好耐la... 食完午飯...坐咗一陣.... 我哋又出發去油塘姑婆太&丈公太屋企拜年, 去到姑婆太屋企已經三點幾.... b打午睡時間又到...係表叔公張牀一瞓就瞓咗2粒鐘... 聽到表叔公係咪以為係老人家呢? 其實b打嘅表叔公只係一個F.6學生.... 冇法la....輩份高嘛.... b打瞓醒之後...係姑婆太屋企warm up咗一陣... 就開始講好多嘢....又周圍走... 姑婆太聽到b打識講咁多嘢...而且仲講得好清楚... 完全冇bb話d音...又見到b打'搣'開心果比爸爸食.... 姑婆太係咁讚b打叻仔....仲話b打好錫爸爸添.... 夜晚,我哋係姑婆太屋企食完飯先返屋企。 媽咪諗起將要結束5日嘅假期,真係好唔捨得.... 而連日來嘅勞累....腰骨痛又嚟搵我la... 唉...明天又要返工la....
大年初二, 今日佢兩父子瞓到十點幾先起身,換完衫...... 早餐都冇食就搭taxi去大姑婆(獅頭嶺村)屋企拜年, 今年連表伯一家人都由英國返咗嚟過年, 中午,我哋仲一齊食盤菜, 記得上次見大姑婆已經係大半年前, 當時b打只識講'爸爸'..... 大姑婆今次見到b打識得講咁多嘢.... 氹得大姑婆好開心! 離開大姑婆屋企, 我哋約咗maymay姨姨&小龍哥哥一齊去太太(唐公嶺) 屋企拜年, 有好多姑婆&姑丈公都嚟咗同太太拜年, 而謝君珩表姐、卓瑩表姨&穎豪表哥就係公公間房 坐係牀好專心咁睇DVD, B打一開房門見到佢哋好開心, 一路講'唔該借過'唔該借過'...就係咁..就好快爬咗上牀, maymay姨姨話見到當時嘅B打係未除鞋ka... maymay姨姨叫B打要除鞋先wor.... B打又好快咁爬落牀.... 即刻自己除鞋.....跟住9秒9咁又爬番上牀, maymay姨姨話成個過程最攪笑就係..... 表姐佢哋係冇理過B打,繼續專心睇佢哋嘅DVD, 而B打就興高采烈地以為有人同佢一齊玩! 夜晚, 婆婆、表姐、maymay姨姨&小龍哥哥就嚟咗我哋 屋企,又係我炮製豐富晚餐嘅時候la.... 有茄汁大蝦、帯子炒荷芹、上湯魚漂等等.... 大家開開心心食晚餐!
今日係大年初一,隔離鄰舍爆竹聲一早已響起,一家人留在家裡過年,早餐就係煎蘿蔔糕食,b打就唔欣賞媽咪做嘅蘿蔔糕,佢竟然唔鐘意食wor....不過好彩有人識得欣賞...果個就係爸爸la... 之前我已經教咗b打講恭賀說話,好似'恭喜發財''身體健康''龍馬精神'...佢已經識講....所以今早見到叔婆同叔叔嬸嬸時,b打都好乖咁向佢哋講恭賀說話...hehe...咁樣利是就一定到手la... 到咗下晝就開始準備晚飯,又煲湯又煮咸菜豬肉、上湯魚漂、發財蠔豉冬菇等....晚上,一家人同姑媽一齊食飯慶新春! 新一年開始,希望b打身體健康、快高長大、聽教聽話!婆婆早日康復!