親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
而家每晚仔仔都會記得睇故事書....佢會叫媽咪攞出嚟陪佢一齊睇....仔仔慢慢開始記得故事既內容....媽咪講故事時會問仔仔故事既內容....仔仔都會識答....小朋友既汲收力真係好強....記性又好....真係唔可以睇少ka....
連續幾日都不停落雨.... 今日都唔例外... 一朝早表姐發現自己把遮爛咗... 婆婆話係見到b打琴晚整過表姐把遮... 表姐聽到即時豪哭... 仲喊咗成半粒鐘... b打自知自己整爛表姐把遮... 即時向表姐道歉認錯... 不過表姐都係唔原諒b打... 仲好嬲b打.... 之後不斷發脾氣同'啤'住b打... 公公婆婆見到咁樣就帯咗表姐走la...
下晝3點...joey契媽一家人嚟咗我地屋企玩...梓橋仲拎咗架紅色跑車嚟玩...好彩屋企夠大...可以係屋企玩...今日佢2兄弟仲一齊沖淙....原來細佬梓橋個身仲橫過肥過b打....睇嚟細佬梓橋大咗會好大隻la... 5點幾...爸爸放工返嚟...買咗架超迷你粉紅色電單車比b打...b打話唔係要粉紅色...係要紅色wor...爸爸話佢之前明明話要粉紅色ka...而家又話唔係... 跟住我地一齊去咗石涌村肥波叔叔新屋玩....夜晚仲一齊食盤菜...仲有2個哥哥陪b打玩...b打仲同d哥哥一齊係條河度掉石頭....玩到好開心...今日玩到冇瞓過晏覺tim...夜晚9點半返到屋企就即刻要瞓覺... 2兄弟一齊坐紅色跑車呀....真係好好玩呀....
今日中午同公公婆婆一齊去咗飲茶...飲完茶媽咪就買咗一把抽氣扇....之後公公就幫我地屋企廁所裝上抽氣扇....媽咪成日覺得廁所濕氣太重...好需要裝抽氣扇...今日公公終於得閑幫我地裝...真係唔該晒公公...辛苦你la....
今晚媽咪約咗舊同學食飯....有amy姨姨、精姨姨& joey契媽...好耐冇見la...大家都雞啄唔斷咁....因精姨姨有左bb...仲大談生仔經tim...長大後每個人都組織自己既家庭....各有各忙....雖然見面相對少左...好在友誼係唔會改變....只會越來越感情深厚...所以媽咪好享受每次既聚會....
唔知點解無端端隻右手第3隻手指又痛又屈唔埋....諗住搽d野會冇事la...過咗幾日都仲係咁....所以媽咪今日都係去咗睇醫生....醫生話媽咪關節發炎...應該係勞損造成...如果再嚴重會變彈弓手指wor...醫生仲叫媽咪最好唔好再抽咁重野wor...要比隻手休息吓wor....每星期要覆診1次....唉...希望快d好番la....
今日放工返到屋企....b打竟然同媽咪講要睇故事書...要媽咪攞故事書同佢一齊睇....雖然b打仲有小小驚...但又好想睇...所以媽咪話今日講醜小鴨...冇柴狼ka...b打up頭話好...媽咪就開始講故仔比b打聽...媽咪講完...b打竟然叫媽咪再講多一次....之後媽咪係重複講咗五六次醜小鴨...b打仲想媽咪再講(help me >>>)...媽咪就同b打講醜小鴨要瞓覺...聽日先再講la...(hehe..好彩b打信媽咪咋)
今日中午去咗行三聯書店...媽咪買咗1本故事書..1本貼紙簿..同埋1盒pooh pooh砌圖送比仔仔... 夜晚返到屋企....b打見到好開心...第一時間就拆開pooh pooh砌圖玩....不過b打仲未識得自己砌...要媽咪同佢一齊玩.... 食完飯...媽咪就講故仔比b打聽....第一個故事係3隻小豬....b打都好專心咁一路睇書一路聽媽咪講故仔....媽咪見到b打咁專心...就再講多個小紅帽故事比b打聽....b打聽完小紅帽就同媽咪講:媽咪唔睇la...(隻手仲好快咁close左本書tim)...媽咪問b打:你唔睇故事書la?...b打:唔睇la...(個樣好似驚驚地咁)...媽咪再問b打:仔仔係咪驚柴狼呀?....b打:係呀...(haha..唔知係咪媽咪講得太迫真呢..)...媽咪同仔仔講:傻豬嚟ka...隻柴狼唔會出嚟食咗你ka..唔駛驚ka....咁好la...媽咪今日唔講la... 媽咪送給仔仔既故事書、砌圖 & 貼紙簿
今日中午.... 我地同公公婆婆&表姐一齊去帝庭軒飲茶... 每次b打都要食腸粉...今日都唔例外... 今日仲食咗1碗仔燒鴨檬粉tim... 好快食完跟住就要姐姐帯佢出去玩呠車.... 飲完茶...公公就送婆婆&表姐返屋企.... 媽咪同仔仔&姐姐就去街市買餸... 買完餸就搭小巴返屋企lu...
琴晚爸爸買咗個新廁所板返嚟...之前舊果個已經爛咗la....今日一早公公就幫我地換上新既廁所板....個廁所板好靚架....有fish同海星架....仔仔仲好鐘意tim....
今晚婆婆n表姐又嚟我地屋企渡假.... 由食完晚飯至到b打瞓覺... 果短短2粒鐘..... b打已經喊咗好多次.... 2隻野一係就爭野玩... 一係就你打我..我打你... 互不相讓....真係比佢2隻野激死la....
近排仔仔求知欲好強咁...不時每事問...呢D係咩嚟架?...果D係咩嚟架?...例如電視廣告每轉1個畫面..佢就問1次...咩嚟架?...咩嚟架?...咩嚟架?...問到..根本答佢唔到....仲覺得仔仔好似玩野咁....HELP ME !!!! 仲有就係將1個問題變咗N咁多個問題出嚟.... 有1次爸爸同仔仔既對話: 仔仔:呢架係咩車呀? 爸爸:泥頭車law... 爸爸:泥頭車係到做乜呀? 仔仔:泥頭車倒後do do do... 仔仔:泥頭車倒後do do do做乜呀?... 爸爸:咁你話泥頭車倒後do do do做乜呀?... 仔仔:泥頭車倒後倒泥沙.... 仔仔:倒泥沙做乜ka? 爸爸:倒泥沙整馬路law... 仔仔:整馬路做乜ka? 爸爸:整馬路比呠呠車行law... 仔仔:呠呠車行做乜ka?.. ????????? ?????? ???? 好彩爸爸耐性好咋!!!!
藥水飲晒,仲有小小鼻水,媽咪給b打食保嬰丹...
今日爸爸要返工...姐姐又放假.... 好彩仲有仔仔陪媽咪過母親節.... 而b打食咗藥經已好番好多la... 不過都係唔出街留係屋企好d.... 食完早餐...媽咪同b打出去散步時.... b打見到花花指住講:flowers...flowers.... 跟住b打摘咗出嚟送比媽咪.... 雖然係一朵小野花... 而b打又未懂母親節係咩日子.... 媽咪已經開心到不得了la..... 即刻攬住仔仔錫錫....
昨晚仔仔都係有微微發燒....今日一早9點就帯仔仔出去睇醫生..呢個仔仔真係一d都唔似病咁...由上車講野講到落車....醫生話仔仔感染到d過濾性病毒...喉嚨有d發炎tim...睇醫生時仔仔都好乖好合作...但係佢雙眼就係咁望住醫生枱上d糖糖...最後比醫生發現咗...醫生問:係咪想要糖呀?...仔仔答: ng....之後醫生就即刻比咗1粒糖仔仔....仲同仔仔講:要好番先可以食wor....跟住媽咪就同仔仔搭車返屋企休息.....
今晚預先book咗枱...為太太、婆婆 & 媽咪3位母親慶祝母親節食飯....好彩仔仔食藥&午睡後經已退燒....夜晚可以一齊出去食飯....珩珩表姐仲買咗1小束康乃馨送給婆婆tim...唔知仔仔幾時先識得送禮物比媽咪呢?
今晚爸爸媽咪放工返到屋企... 見到仔仔有2聲咳... 媽咪拿拿聲比仔仔食保嬰丹... 可能d細菌真係好犀利... 夜d既時候... 仔仔開始流鼻水同發燒tim... 唉!細菌不要嚟呀!!!!
今晚仔仔好食得吓....食飯前係叔婆屋企食咗餅...返到屋企又食啫喱...跟住到食飯時又食咗一大碗飯....食完飯又走去雪櫃拎雪糕食...坐係地下自己係咁'but'係咁食....食到成個嘴都係雪糕....突然...仔仔望住媽咪講:啜啖媽咪先(係嘴對嘴果種)....跟住仲即刻起身想錫埋嚟...好彩媽咪避得快....冇事...媽咪問仔仔:係邊個教你咁古惑架?...仔仔:古古惑惑咁笑...唔答媽咪.... 食完雪糕...例牌出去睇下有冇星星同月光光...順便散吓步...今晚有個好圓既月光同埋有好多星星tim....仔仔今晚仲學多咗個英文字...就係"moon"....
平時如果要上樓上...b打都會有大人拖住佢上去又或者佢自己扶住我地陪佢上去....今晚當b打知道爸爸上咗2樓時....佢就走去地下樓梯口大哎:爸爸...爸爸...媽咪坐係梳化見到b打想上樓梯時...即時叫b打唔好自己上樓梯呀...爸爸一陣就會落嚟ka la....呢個曵曵豬竟然唔聽媽咪話...直沖上樓上...媽咪即刻跑去追b打...見到b打唔駛扶住直沖咗上2樓....媽咪果時只係上咗一半樓梯咋....知道媽咪追住佢...呢個曵曵豬上到2樓仲哈哈大笑....佢就笑得落la...媽咪就真係比佢嚇死la...
連續放咗9日假.... 今日媽咪終於要返工la... b打同姐姐第一日單獨相處.... 媽咪返工後...成日諗住bb... 唔知bb同姐姐點呢?.... 姐姐又能否應付bb呢?.... 心裡都會好擔心....
b打第一晚同姐姐瞓
今日中午....我地同公公婆婆&表姐一齊去飲茶...飲完茶...公公就送婆婆&表姐返屋企....媽咪同仔仔&姐姐就去街市買餸...買完餸就見到鄰居auntie leung一家人(3兄弟)....跟住仲坐埋佢地架車一齊返屋企tim....
今日...為了慶祝婆婆冇事同埋多謝Ali's family 幫忙...所以邀請咗Ali's family 嚟我地屋企BBQ... 中午...媽咪約咗maymay姨姨同埋公公婆婆去元朗買BBQ野食...今次我地買咗好多野食....有豬、牛、雞、羊、大蝦、大眼魚、蕃薯等等....真係好yummy yummy ar.... 4點幾...Ali's family & Ali bf (uncle charles) 到咗我地屋企la...仲帯咗一個1yr既妹妹嚟同b打玩...妹妹'sum ying'白雪雪好可愛ar...不過妹妹把聲就好似男仔咁...而b打把聲就成個女仔咁...真係覺得好攪笑ar...b打對妹妹'sum ying'好好....將自己最鐘意既呠車比晒妹妹玩....不過就係唔知點解mud野都要同表姐爭....bbq時...b打仲上演咗埸烈火戰車...就係用電單車載住妹妹ar....今晚既bbq聚會...大家都玩得好開心ar.... 妹妹'sum ying' 我手車係咪好得呢?hehe...係咪好烈火戰車feel 呢?大合照(少咗b打一個tim..因為仲係出面玩電單車law)
今日一早媽咪同B打去咗元朗接新姐姐....去到見到姐姐...B打好怕醜...仲好似樹熊咁攬住媽咪....好彩搭巴士時...B打終於肯同姐姐講野...希望我地一家人會好快適應過來....
今日爸爸放工就即刻返屋企湊b打.... 媽咪已煮好晚飯...等佢2仔爺今晚撐枱腳.... 6點鐘....媽咪就出去參加My boss KK Wong 追思會.... 係追思會會場播放咗kk過去既生活照.... 睇返d相...真係有好多回憶.... 連媽咪9年前與kk既合照都有播放出嚟... 記得當時係大埔OSK開張時影既大合照.... 當佢屋企人,朋友&同事憶述佢生前既種種往事... 媽咪都覺得好傷感.... 走之前見咗KK最後一面....佢走得好安詳... 永遠懷念你...KK WONG .....
今晚接到MAYMAY姨姨電話.... 說婆婆報告出咗.... 報告顯示係良性.... 好開心呀....婆婆冇事啦... 不過之後再要等政府醫院醫生睇完報告.... 先再決定點樣醫婆婆....
今日中午同公公、婆婆、表姐、2個姑婆& 2個表哥一齊飲茶...飲完茶之後仲去咗黃金樂園玩...b打去到...隻手唔停咁...又摸又攪d機...最攪笑就係...攪攪吓竟然係糖果機個兜裡面攞咗一粒糖出嚟...b打好開心...攞住粒糖...不斷同媽咪講...糖糖呀...糖糖呀...仲要媽咪即刻拆開比佢食tim....
今日媽咪用咗個黃色髮夾夾住前面d頭髮... b打見到就要媽咪比佢夾頭髮... 媽咪幫b打夾好...b打即刻走去照鏡... 睇吓自己靚唔靚...之後仲唔肯比返媽咪tim....
今日朝早起身....表姐就睇朱羅記公園第一集(n年前個套)...因為有dinosaur 都吸引到b打一齊睇....媽咪就去煮愛心早餐比佢2個食....早餐有煎蛋、腸仔、火腿、牛油麵包同埋好立克.....佢2個一路睇一路食....都算乖同聽話...因為平時佢2個一痴埋就爭野玩....b打一爭唔贏就會喊...攪到嘈喧巴幣....有時仲會你打我...我打你tim.... 中午...maymay姨姨去咗接婆婆出院....之後就嚟咗我地屋企....夜晚仲一齊食晚飯tim....希望婆婆既化驗報告結果係良性la....婆婆別擔心...一定冇事ka..