不知不覺粟米已經足月啦,今日放產假一天,因為公公返公司,事實上佢返公司,我係屋企都唔見得好得閒,佢返公司既兩三個鐘打既電話,比起平時我係公司還要密!
今早度肚圍並無增大,竟然細返1cm, 可能係為出世而開始收縮。
由於已經足月,以防萬一就將床墊鋪好先訓,以防萬一訓訓下穿水都唔知,因為我每次來月經都係無感覺,見到先知,怕見紅穿水都會同一情況!
日子就快到,身邊既人總比自己緊張,而我其實都係仲行得走得!
成日都聽到人講清胎毒,但係我就完全唔當一回事,或者係因為成個孕期,我都算食少左熱氣野啦,有時睇其他媽媽狂西瓜,椰青,龜苓膏•••,真係好恐怖,對清胎毒更加成疑,為安全起計,都係唔好亂黎比較安全。
都係平時均衡飲食緊要些,有食菜排毒已經係最好!
聽日後日都產檢,唔知粟米又進展成點呢?希望佢肚仔肥返少少啦!
37W
37W的肚子