當星期五休息左一日，係屋企悶到成塊野咁，在家等到粟米爸收工，不停對粟米爸唱”悶∼悶∼悶∼"結果，粟米爸同我出街食飯，買日本雜誌，行新世紀，仲買左本有小王子水壺既U MAGAZINE！
最近夜訓既我，當然沖完涼上床睇雜誌啦！當時已1點了！
突然感覺到有兩滴水流出，就入廁所望下，見到護墊好似有兩滴濕左，咁又順便小便，小便時感覺又好似有d水係陰道流出，又怕係錯覺，但係穩陣起見，我都換左衛生巾好似厚d安全d,之後同粟米爸講，唔知係咪要黎料！粟米爸話自己ready晒，叫我睇定d,又或者隱陣起見洗定頭！
唔夠一陣又黎水流既感覺，呢次係一篤，又入廁所望下！結果，m巾見有紅色血加水，亦都開始有水湧出落廁所！我就同粟爸講”我諗真係要準備去醫院了，見紅了！
