擒晚訓左覺好既，都係自己張床好訓！
今早粟米爸好早起左身，佢應該係擔心粟米情況，唔知今日出唔出到院，不過都照常換定衫準備返工！
8：59 醫生打電話黎，粟米爸緊張地企的身邊等消息！
兒科醫生話粟米今日黃膽指數有下降，去到7.5，指數令人滿意，可以出得院，仲問我之後係返法國醫院覆診定係健康院，我答健康院，之後醫生講叫我辦返bb出院手續！
粟米鋼當然勁開心地等我換衫一齊去接粟米，我都whatsapp俾陪月，等陪月唔洗咁早黎！
去醫院先去嬰兒部搞手續，再等粟米爸去俾錢，之後先有得接粟米返屋企！
就係由呢日開始，我就開始湊b的日子了！
返到屋企，粟米爸去買午飯同奶粉返黎！
今日唔洗幫粟米沖涼，因為姑娘這佢朝早7點先沖完！
陪月叫我試下埋身俾bb食人奶，人奶會多d，不過真係有d難度，粟米唔肯啜，會縮開個頭！(~_~;) 我放棄！
餵奶粉吧啦！
