BB食得多奶粉自然去得快，之前已經食左一罐雅培一罐能恩，今日又開第二罐雅培，點知一拎起我星期六先買既雅培，發現同之前個罐唔同樣，隻BEAR鮮色左，名又唔同左！
萬寧買個罐係叫”雅培心美力”，藥房買個罐係”皇牌心美力”
不過問題最大係，當我開左膠蓋，見到有入面鐵蓋有爆口，粟米爸又快手開左鐵蓋，然後沖左4安俾粟米飲，餵既途中，我先開始清醒地諗：”其實係咪唔應該食，唔知爆口左幾耐，會唔會有細菌感染左”
之後，同粟米爸講，我地蠢左，應該唔好開，寧願去惠康買罐新既，爆左口驚有菌，一陣粟米肚痀病左就仲死！
結果，就將個罐奶粉掉左！浪費左260蚊！錢事少粟米健康緊要！
260蚊買左個教訓，就係要影低行貨奶粉，唔好買到水貨，再而就係要開膠蓋check下入面鐵蓋有冇爆口，粟米爸之前買都無check過，依家我地學精了！
上次仲買左罐牛欄牌，粟米爸去惠康買個陣都有望返同我係藥房買既同唔同樣！
呢次真係要學精明d!
事後上網check，以為藥房個罐係台灣版，但係對過又唔一樣，所以都係不明來歷既水貨奶粉！小心小心！
