滿月之後就係打針日，打乙型肝炎第二針！
9：30去到健康院，今次補返出世紙登記，登記完就拎返出世紙再等叫名！
先叫名去二號房，又係時候除衫除片，度頭圍36.5cm(出世時33.5cm)，磅體重4.1kg!
著返衫又係出面等叫名！呢次去5號房！
姑娘問我粟米一日幾多餐，便便有冇唔正常，講粟米體重同頭圍都好好，係健康手冊到畫左條線，又問我粟米有冇唔舒服或者發燒！我答：無發燒，都正常！姑娘就講正常既話就可以打針啦！又出去等叫名！
聽到叫粟米要入1號房，之前我產檢1號房有幾個人，依家bb打針入去呢間房就變成得一個！姑娘叫我跟住海報上既姿勢，禁住粟米，左手攬粟米上身，右手捉實粟米大脾！之後姑娘就準備幫粟米打針！我望住姑娘手中枝針吉入粟米大脾，望一望粟米佢原本瞓覺既樣，變成紅面同喊！我又望返姑娘枝針入面既液體注射入粟米大脾，完左之後聽到粟米喊聲！我同粟米講”無事啦，你發夢咋，訓啦訓啦”粟米就好快唔喊，再訓返了！
出返去再約期，下一次打針1/17!
