因為2歲了,都幫粟米BOOK左影相,本來唔係呢間架,我之前上網買左團購諗住影,點知人地個期FULL左,仲要排到1月先影呀!!仲諗一個月前BOOK都得啦,點知咁鬼FULL!!仲要閒日添喎,唔係閒日要排到6月先有得影!!
拿拿聲就BOOK第二間,無咩頭緒,唯有BOOK返之前有影過覺得唔錯既PAPAMAMA!!
我諗係我之前同粟米影得太多,記錯左以為佢地係葵芳添,原來係長沙灣!!
我帶左4套衫去俾粟米換,一套波衫,兩套親子裝(一套長袖,一套短袖),一套普通衫+褲,一件REBEAR(最後無影到)
上次幫粟米影既係女攝影師,今次係男攝影師!!
因為我地有兩套親子裝,攝影師話會影少左粟米既單人!!
首先影左短袖親子裝,之後就影波衫,再黎就係影長袖親子,估唔到仲影埋聖誕佈景添,之後再影堆普通衫個SET,又再影多個紅衫LOOK(即係咁岩今早著黎面試既衫啫)!!
睇住佢地轉佈景都真係幾忙同幾唔易做!!
粟米都算合作架啦,起碼無扭計,係好多時唔望鏡頭啫!!
影左有一百五十幾張(佢地話啦),到時會寄俾我地,有30張係會執相既!!如果影完後5星期都無收到,就打黎問!!
到時等收相啦!
