要顧及兩家人,唯有分兩日慶祝,其實最大目的都係想影相留念啫!!
今日同公公,兩個姨姨同姨丈一齊食蛋糕!!
由於時間太緊迫,買完黑板拿拿聲走去美心買蛋糕!!原本想買TSUM TSUM樣既唐老鴨,點知原來過左唔再出,得返KITTY!!仲諗住無都有三眼仔,間野得KITTY,失望呀!!
問姐姐仔仲有冇得訂,姐姐仔話唐老鴨個款已經停售,之後SHOW俾我睇有咩款,有現貨同訂貨既!! 三眼仔原來有現貨,話1-2點會返貨!!!聽到有當然即刻叫佢留啦!!!
亦都順便訂埋正既既蛋糕,左揀右揀,揀左個叫"開心遊世界"既蛋糕聽日5點拎!!
返到屋企又好趕急咁畫畫,太趕真係唔知畫乜,因為一陣又要飲茶,飲完茶就要去細姨屋企慶祝影相!!真係無時間慢慢諗點樣設計,最終簡單畫就算!!
咁岩公公又趕住走,影完相蛋糕都唔食就要走人!!不過齊人影相都好過無啦!!
