今日第一個節目係去深水埗既英華小學玩遊戲。由於地點冇車到，我同媽咪先坐地鐵去深水埗，跟住再轉的士，咁就唔駛大汗疊細汗了。
我地早咗45分鐘到達，好彩學校開放有冷氣既canteen俾我地去休息。媽咪俾咗10元我去買野飲，我自己去冰櫃拿了一支水，之後去櫃面俾錢叔叔，叔叔找回6元給我，呀，原來支水要4元。
時間到了，我地一齊排隊上禮堂，但我地小朋友坐一邊，家長坐另一邊。拿了名牌後，我地一個跟一個好似火車咁去課室玩遊戲，而家長就係禮堂聽講座。
我只記得老師要我們畫圖畫，我就畫咗個禮堂。接著老師要我去看圖書，我看了一本中文書及一本英文書，老師要我讀給佢聽。雖然有些字唔識讀，但可以跳過去。之後，老師又問我問題，有中文又有英文的，所有小朋友完成後都有一個禮物袋，跟住就排隊離開。
原來只係玩咗一半，個多星期後要再去玩埋另一半，真忙。
