今日雖然係星期五，但係唔駛返學喎，原因係我要去英華小學多一次，去果到見一見Snoopy校長。
我地一如上次咁，先坐地鐵去深水埗，之後轉的士去英華，嘩！一去到已經見到好多小朋友在等候中。我地等咗一陣，突然爸爸都黎咗，好野，多謝支持，離開唔駛膽心有冇的士。好快叫我個名了，我地一行四人，每人拿著一中一英圖書向校長室出發。入到去，我只記得她同我們玩遊戲，之後我就讀了兩版英文書，跟住叫我地摸摸Snoopy個鼻就可以走了。
離開英華後，爸爸媽咪又馬不停蹄揸車去St Paul入表，由於不熟路，搵好耐至交到表，真係多謝爸爸媽咪既苦心同努力。我會加油的，請放心，希望唔會令你地失望好了。
