親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
bella
文章分類
日期
#Tag
Hi~ 小寶真是可愛
資料載入中...
表姐生日
同事食飯
好似好耐無放週六,今日可以與晉晉去Carol姨屋企玩, 仲去左馬鞍山公園同騎旋轉木馬添.
今日wati新的合約終於做好啦, 需然繼續請工人係吃力啲, 但wati湊得晉晉ok,我地又無其它方法, 惟有繼續請住先啦.
今日係晉晉去 TKO Playgroup第2堂, 因為媽咪要返工,所以之後的堂都會係wawa湊. 今日的課堂與上一堂差不多, 先點名,然後學日子及天氣, 之後唱歌及做運動. 再說故事,之後到遊戲室玩車車及玩具. 每次去遊戲室晉晉到好開心, 因為佢最鐘意車車,所以夠鐘茶點晉晉都唔肯返課室. 上次的茶點係蘋果汁及小麥餅, 今次係橙汁及圓餅,最後wawa話無手工, 但每人派左張貼紙返屋企貼
今天二姨媽約左我地一同去廸士尼. 我地二點去到,波波說要先去明日世界. 我們玩完巴斯光年後,姨媽便與波波,表哥同工人去了馳車天地, 因為上次晉晉唔準入,所以無一齊入去玩. 後來我地等等地見到很多很年幼的BB都入左去, 便不理咁多帶埋晉晉入去,經過三關都無人check晉晉, 其實因為我地前面有一個同晉晉差不多大的小朋友, 我們係佢被截停時便直行,因此順利過關. 終於可以同晉晉驚車車. 後來我們又再進入馳車天地, 今次一入門口便被人截停, 晉晉度高後原來己經夠高, 太好啦,可以同晉晉玩好多次都得啦.
因為太耐無同女麻食飯, 而晉晉的playgroup又改左星期二, 所以今個星期六約左麻麻同伯伯等上屋企食飯. 今日好多人係屋企,但晉晉己經無以前咁生保, 可能大個仔同接觸多左好多人, 所以玩得好開心.
今天媽媽放假, 首先與晉晉去幼稚園報名, 今次很順利完成. 之後便坐車到將軍澳食早餐. 食完早餐終於可以去晉晉好想去的新playgroup. 可能間playgroup搬左新地址同第一次真正參加, 所以開始唔係好肯玩, 但之後就完全接受啦. 上完將軍澳playgroup,又要去沙田上最後一堂playgroup, 所以晉晉又坐小巴又轉巴士去到上課, 而媽媽要返工,所以帶到晉晉同watiwati到沙田就再坐巴士返工啦. 晉晉上埋沙田playgroup,同wawa去左婆婆家同lala玩. 因為爸爸晚上唔返屋企食飯, 所以媽媽又坐車去沙田接晉晉返屋企. 所以今天晉晉同媽媽都坐左好多車車.
原本媽媽約左朋友去幼稚園報名, 點知原來只係收原校生的子女, 所以要等明天要wati幫攞申請表, 星期五媽媽放假再攞去交啦. 因為媽媽下午去覆診, 所以同晉晉一同坐巴士去沙田, 去到playgroup媽媽走先與朋友食飯, 之後才去覆診. 覆診後就去婆婆家與晉晉會合, 食完飯才回家.
因為下星期二的新一期playgroup第一堂唔得閒, 所以改了今天上課.
媽媽與晉晉去了婆婆家, 下午二姨媽同四姨等人都一齊來了.
銀禧playgroup
Eng playgroup
中文playgroup
媽媽由上星期三到今天才放假, 一早晉晉便與爸媽去食早餐, 因為晉晉太想去街,差啲連餐廳都唔肯入. 食完早餐,爸爸便取船船與晉晉及媽媽到爺爺魚排. 在魚排與麻麻玩了一會,我們便回程. 遊完船河媽媽與晉晉便坐巴士往婆婆家了.
今日晉晉一早起床, 媽媽訓到九點先起床, 即刻同晉晉一齊去公園. 我地去玩細公園就去大公園, 足足玩左二個鐘. 返到屋企晉晉就累到蝦眼訓哪. 媽媽好快就引訓晉晉, 一訓訓左三個鐘. 因為爸爸無街去, 所以要留係屋企等爸爸, 去唔到廸士尼lu.
一早媽媽便同lala做功課, 做玩功課買左飯盒一齊食, 到一點左右我地便出發去馬鞍山玩啦. 我地去左冒險樂園同騎馬馬, 最後送左lala同晉晉上巴士, 媽媽同晉晉先坐巴士返屋企, 一上車晉晉又訓著左啦. 返到西貢媽媽仲買餸煮飯比晉晉同爸爸食添.
今日媽媽與晉晉一起返playgroup, 晉晉已經大個好多, 媽媽可以拖住佢出街, 唔使成日抱,所以今次媽媽自已同晉晉返學. 晉晉需然係巴士無訓覺, 但去到都肯玩. 返完學返屋企仲約埋joie姐姐一齊搭車, 一上車晉晉就累到訓著啦. 返到屋企,媽媽就約朋友去BBQ. 好彩lala同熙熙來左同晉晉玩所以無咁悶.
今日wati同晉晉返英文playgroup, Wati報告今日的英文堂係由外國導師帶領, 晉晉仲好接受英文教學添!
因為八月晉晉病左, 原本報左暑期班改左今個月補堂. 媽媽放假伴wawa同晉晉走一次, 之後七堂只有wawa伴佢咋. 第一堂,晉晉對環境唔熟, 所以一定要媽媽伴住身邊, 唔肯離開,希望下堂開始可以好啲啦.
因為爺爺同麻麻要去飲, 所以一早返來整頭髮. 晉晉就所以同佢地一齊飲茶, 飲完茶返屋企玩. 之後因為晉晉要訓晏覺, 到訓醒麻麻爺爺已經出了門. 媽媽便帶晉晉出街食飯同買餸. 雖然晉晉成日要去搭巴士, 但我地都無同佢遠行, 買完餸便返屋企等爸爸食飯啦.
因為爸爸又同朋友食飯, 所以媽媽決定帶晉晉同wawa一齊出街街. 我地搭巴士去馬鞍山行街, 去完冒險樂園,晉晉唔肯走, 但唔可以成日比佢得請,所以抱左佢走. 另外因為今日係木馬保養日, 所以晉晉好想坐木馬都只可以望唔可以玩啦! 之後仲約到Carol姨請食飯. 食完飯返屋企都十點幾, 晉晉要訓晏啲先得啦 !
今日媽媽放假,所以同晉晉一齊去playgroup, 晉晉一早起床,到12點出發去playgruop, 但全程都無訓覺,唔知會唔會發皮氣. 今日上堂玩樂器,聽故事書.今日的主題係秋天. 然後玩感觀或辦認遊戲,要小朋友選擇黃色的葉, 行經樹葉地,放在有相同大小的葉子盆內. 晉晉好似識識地分別,但未敢肯定. 之後就玩晉晉最鐘意的健體球, 再玩小遊戲,如打千秋,波波池,滑梯等.... 食茶點-鳳梨蘇,晉晉不太鐘意,所以食左幾啖無食啦. 最後勞作做左風車添.
難時放連續三日假期, 但今日係最後一日, 因為大風,所以無同晉晉搭車去街, 只係落街買野. 每次晉晉都蝦去搭巴士, 因為佢知媽媽每次放假都會帶佢搭巴士去婆婆家, 或搭小巴去其它商場行街街. 今日最後都無去到. 晉晉亦無訓晏覺, 可能今朝佢同媽媽訓到10點幾, 所以唔肯訓晏覺啦........
因為晉晉今年暑假得左個川崎症, 成個暑假都無去沙灘游水.] 今日,約左Carol姨姨同joe姨姨, 帶埋晉晉,wati,佢地仲有熙熙,lala ,joe姨生仔水一齊去游水. 雖然唔係好晒,仲有啲風,但總算出過沙灘游水, 感覺還好! 之後返左屋企等老公煮海鮮餐, 個個食到好開心, 真係辛苦晒老公!
因為成晚無訓,返到屋企好想訓, 點知晉晉一早起左床, 惟有叫wati幫我湊多一陣, 8點訓到九點幾, 起身比wati放假, 自已再湊仔.餵佢食野, 部佢玩到11點,氹到佢同我一齊訓, 一訓就訓到二點半. 算啦,晉晉上陪我訓到二點半, 我就同晉晉出街, 搭車車去將軍澳行街啦. 仲買左的油彩比佢玩添. 返到屋企同爸爸食飯盒, 晉晉都食左好多添!
今日終於約返幾個舊同學出黎打邊爐, 有Crystal, Billy, 張茵同joe. 其實joe同張茵我都有聯絡, 但 crystal同billy就好耐無聯絡啦. 打完邊爐再去bar飲酒. 最後去埋啦ok通宵. 因為咁夜無車返屋企. 但出其地我無眼訓, 仲好似後生時咁好狀態. 難得!