親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
bella
文章分類
日期
#Tag
Hi~ 小寶真是可愛
資料載入中...
今日晉晉同爸爸等媽媽收工, 所以可以出吓街.
放左一個禮拜假陪晉晉, 終於要返工啦! 返到工司,好多野要做, 總係停唔到手咁. 收工爸爸帶左晉晉出碼頭等我, 爸爸覺得晉晉總係無以前咁鐘意行路, 我地仲懷疑晉晉關節痛..........
唔知係咪近排忙, 竟然唔記得jenny生日, 好左係佢個Bolg到見到, 即刻send 個message比佢補數.
因為晉晉仲食緊藥, 所以我地都唔敢帶怇去多人啲地方. 早上爸爸同媽媽去左超市無咁多人的時侯去買野, 但發覺超市好危險,因為有幾個人係到咳, 我地即刻掉頭走. 到下午無咁晒又帶佢行海旁, 但晉晉唔知係咪無去公園等佢鐘意的地方, 晚上蘿蘿聯想出街. 維有好返先帶佢去多啲地方啦.
因為晉晉要返醫院覆診, 所以不能去輝婚禮. 因為晉晉出得院, 媽媽又要出playgroup退錢, 所以媽媽可以等埋叔叔佢地去飲茶. 祝佢地新婚快樂啦!
晉晉放假兩日無發燒, 所以醫生肯比佢出院, 不過要8月2日返醫院覆診. 因為晉晉有鼻水, 所以醫生開左收鼻水藥比晉晉食, 希望開啲好返啦.
今日返屋企第二日, 晉晉活躍返, 同麻麻爺爺玩得好開心, 仲自已食飯飯,唔便人胃, 我估晉晉應該好快出得院!
今早醫生檢查, 問醫生有關好返後的事, 醫生話康復後要食三個月阿斯匹靈, 服藥期間避免接觸水痘或流行性感冒的病人, 否則後果嚴重. 之後醫生比回家渡假, 星期一早上才回醫院檢查. 返屋企食野後, 三點開始睡覺至七點. 晚上胃口好食了半碗飯同一碗湯, 訓覺前飲了7安奶.
因為無發燒, 昨天轉了病床到另一處, 有多個哥哥姐姐一同住, 晉晉好鍾意同佢地玩, 又因為在康復中, 所以玩得開心左.
晉晉開始唔燒, 但舌及喉還不太舒服, 食野不太好
早上爸爸同醫生說明意見後, 醫生決定做藥. 下午收工到醫院時,晉晉已被插喉落藥, 及用儀器檢查心臟. 晉晉開始用藥, 發燒又開始退,我們算放心了一點.
早上醫生檢查發覺晉晉背部出疹, 下午醫生對找說懷疑是川崎症, 而我們又發現晉晉眼紅晒, 到高級醫生檢查有晒川崎症徵狀, 眼紅,發燒,出疹,手腳紅腫等, 但因為化驗部口收工, 要第二日先可再檢查.
醫生話唔會再食抗生素, 抗生素只蓋著病毒, 未能清楚病因, 因此停抗生素, 留尿去化驗, 仍然全日無退燒. 無野好做可以回家渡假
今日只給退燒藥, 全日無退燒.
早上睇醫生,比退燒藥. 黃昏高燒比抗生素. 零晨再高燒入醫院.
上星期五我地一家出左海游水, 晚上回家後開覺囝囝開始發熱, 便拿出一星期前開完六合一金後醫生開的退燒藥囝囝食, 之後成晚囝囝都末退燒,開始有啲胆心. 到星期六早上去了私家診所看診, 醫生比左啲燒炎藥同退燒藥返屋企食, 開礪一次退左熱,但到下十六點突然發高燒, 即時去早上的私家醫生再檢查, 最後醫生開多咗啲抗生素及肛塞退燒藥反屋企食. 開始時又係退左燒,成晚囝囝係屋企玩得好開心, 但到零晨一點幾,囝囝啲呻吟聲令我起床了解, 發現又發高燒4.0.1度, 我同老公即刻帶埋BB啲日用品飛的士去醫院. 經檢查後真係要留院. 星期日係醫院只係食退燒藥,一直未退過燒. 到星期一,因為仲未退燒但又未有什麼可以做囝囝可回家渡假,星期二早上回醫院.全晚都係無退過燒,但爸爸發覺囝囝開始眼紅. 星期二返到醫院到高級醫生檢查時,發現囝囝背部出左啲紅疹,又檢查其它地方後,還未肯定有什麼病,但有左啲頭緒. 但我究竟以為只係出疹. 下仐醫生巡房時對我說懷疑是川崎症,會影響什麼令心臟出現問題,我真嚇了一跳....乜野病黎架,好似好嚴重咁. 到第二日,醫生說囝囝擁有川崎症的五個病徵,所以開始落藥治療. 川崎症有五個病徵 - 晉晉中了五個-1,2,3,4,5 1.高燒超過5天(39-40度), 2.手指、腳指出現發紅、浮腫,而在三個禮拜後,會有脫皮現象。有時肛門附近也會脫皮。 3.全身出現各式的皮膚紅疹。 4.兩眼結膜充血,但無分泌物。看起來像兔子的眼睛。 5.口腔黏膜變化,如草莓舌或嘴唇紅裂。所謂『草莓舌』,就是舌頭上的乳突變紅且突出,像草莓表面一樣。 6.急性頸部淋巴結腫大,直徑至少1.5公分,但不像細菌感染一樣有紅腫熱痛的感覺。
今日第一次返碧濤幼稚園上PLYAGROUP, 我哋先上晴晴爺爺屋企找晴晴, 再一起去playgroup. 這間playgroup的課程都很好, 但晉晉可能第一次上唔習慣所以唔係唔跟玩. 落堂後,我們便到馬鞍山購物, 買了一部有路的電動火車, 之後又去了馬鞍山體育館兒童玩戲室玩耍, 再去馬鞍山中心坐旋轉木馬先回家, 又係玩樂的一天.
今日同晉晉去婆婆家, 之後帶埋熙熙同laLa一齊去新城市廣場玩, 我地先去冒險樂園, lala同晉晉玩電動車, 晉晉終於肯坐電動車, 不過可能無聲,所以晉晉唔驚. 之後去左映貼紙相, 再去史樂比公園坐船船才回家.
今日終於同晉晉加歲半六合一, 晉晉係打針時喊一陣, 出醫生房門便無事了. 到晚上,爸爸發現晉晉常按針口位, 我們相信係針口位痛........
健康院
今日天氣好熱,媽媽放假,原本約lala同carol游水, 但晉晉今日六點幾爸爸醒完到佢醒, 如果等lala過到黎晉晉又要訓覺, 所以決定我地自己去游水唔等lala啦. 8點幾同晉晉同wati出去,10點返屋企, 晉晉11點先訓一覺,到12點因為要食藥所以叫醒左晉晉. 然後1點鐘同佢地去新都城行街,因為要睇電視機. 佢到無心水,但媽媽找到茵姨姨出來同我地一齊行街, 最後去左我地屋企食飯添.
今日端年節,我決定同晉晉去游龍舟水, 所以我同wati同晉晉一早去左泳池游水, 晉晉好怕係兒童池玩,可能因為啲水係高處流落地好大聲. 過左一段時間,晉晉終於肯玩水,後來又同我地落大池玩添. 游完水返到屋企,晉晉就訓左四個鐘,所以下午無出街.
今日覆診內科,醫生同我講我啲甲狀線素又高左啦. 其實我都感覺到又發作左,醫生問我我問感覺到, 我就講因為我感覺得控制唔到自已的情緒, 會好易心跳得好快,氣管又差左.醫生即刻幫我按脈衝. 最後又要食返藥,仲比多隻心臟藥我食添.
因為上星期病左無返婆婆家玩, 今個星期二又要去新playgroup, 所以媽媽同公司攞左假與晉晉去婆婆家探婆婆啦.
媽媽放假原本想帶晉晉返婆婆家, 但麻麻上星期無返屋企,所以媽媽決定留係屋企, 叫麻麻返屋企同晉晉玩.
空肚抽血
新Playgroup試堂- 晉晉病取消
因為媽媽腰骨痛發作, 晉晉又發燒,要去睇醫生, 所以wati係之前一晚決定今日唔放假, 幫太太湊晉晉.好在wati唔放假,如果唔係媽媽真係唔知點湊晉晉.....
我哋決定上埋呢一堂暫別AGA playgroup, 因為爸爸唔想晉晉坐咁耐巴士去playgroup. 剛好匡湖居有一間playgroup傳單出現, 我地決定星期二去試堂啦.
今早一起床就九點鐘,見到毎天無落雨,便上網睇天氣圖. 天氣圖的雲帶開始離開香港,便打比天文台問清楚未來的天氣狀況, 天文台朋友證實出街無問題,實有太開心啦, 便約carol姨姨,與晉晉及wati出發去大嶼山一天遊啦. 12點半去到東涌,會合婆婆,lala熙熙,carol及公公便出發坐昂坪360上大佛啦. 第一次坐鑬車的晉晉,成日係窗邊四圍望,又行到對面再望,好可愛呢! 到大佛腳底晉晉自已行左好多層樓梯,終於上到大佛啦, 係大佛腳邊四圍跑跑得好開心.之後我地就搭巴士去大澳啦. 係大澳只係海味店,雖然好想買,但又驚比一騙,所以只係買左一啲紫菜返屋企, 仲有買左一頂帽添..... 之後再坐巴士去東涌轉車去飛機場,因為carol姨去上海玩, 所以順便去機場行街街,最後各自坐巴士返屋企. 點解我無睇清楚就上左一部巴士去彩虹,但坐足我地兩個鐘, 晉晉訓醒到未到站,所以喊到落車,佢最唔鐘意坐長途車. 所以我以後都唔會坐機場E車. 大嶼山一日遊就此完結...