親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
堤堤媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今天我的牙仔終於長出來了 給媽咪見到了
繼前日比第一口果皮粥仔比堤b食 可能果皮味道太濃吧 佢似乎不太受落 我也不去免強 免得令佢留下童年陰影 今天再接再厲叫姐姐"鄧"了廋肉粥 誰知姐姐放米太多了 粥仔變了爛飯仔, 太杰了 不過我也嘗試比堤b食 太sticky了, 可能好難吞 食了幾口, 我只好放棄 明天再努力
今天去健康院作定期檢查 我一見姑娘便自動自覺微笑 tum到姑娘成日讚我乖 姑娘本來叫媽咪攞住個玩具引我 不過未比媽咪我已經伸手攞左 姑娘話我一切正常 最攪笑是媽咪報告了我成日鐘意企 姑娘即刻check我la 果然雙手一捉住我兩隻手仔 我便登行哂雙腳成個企起身 仲以為姑娘會讚我叻叻 點知當佢知道我仲未識坐 便叫媽咪多些訓練我坐 認叻失敗tim! 今日我令媽咪好失望 因為體重冇升到重輕左好多 依家得番5.94kg (net)咋 真係唔知食左咁多奶奶和糊仔去哂邊
Weight: 5.94kg 5.5oz - 7oz Milk x 4 times per day Cereal w/ banana or apple or carrot x 1 time per day
痳痳今晚送了我一只金手鐲 原本媽咪唔想比我戴 因為佢話驚唔襯我 會覺得好"娘"咁話 點知戴左之後又幾cutie播!
今天又有新食物 就是紅蘿蔔蓉 聽說有很好的營養 而且橙紅的樣子很是吸引 原來是很好味道 放了入米糊令整碗米糊更加美味 唔....yummy yummy...I like it! 今日還第一次食牙仔餅 這個o痳....一般la 都是紅蘿蔔蓉味道好營養高
今日穿上了媽咪買的泳衣在浴缸游水水 褲仔太鬆了要扣上2個別針才不致走光 緊張大師daddy不在 媽咪可以放膽放手讓我穿上水泡仔暢遊 我好快便捉到了游水的竅門 知道只要雙腳踢踢o下便可以浮起 媽咪都讚我叻 不單沒有驚還似曾曾像識游水一樣 相當第日一定很快可以學會游水水
今天一班老朋友們拖男帶女來了賀我新居入伙兼探堤堤B 堤堤B今日好乖 面對一大班陌生人 竟然沒有半點害怕 可能知道全都是媽咪的老朋友好好的朋友 表現相當之好 每有人逗玩便微笑 而且今天食奶相當之乖 4餐奶有3餐都食足了7安 還有一大碗米糊 啤梨蓉....水..... 令媽咪好滿意 要給堤堤b獎一個個"叻"
一整天都發著微熱 幸好堤堤b表現沒有什麼 還是那麼活潑 讓她第一次在浴缸游水 跟daddy玩得不知多開心, 笑得多甜美 只是緊張daddy見晚上還是37.6, 27.7度 開始緊張起來 便四處問意見 差點已經動身去醫院 最後忍下來食了退燒藥 幸好很快便退了燒 還不知睡得多甜 我們這對騰雞爸媽似乎是白擔心了
今日襯姐姐唔係放假 下午去了gym 都好耐冇去了 不過一有時間又掛住搵野買比堤堤b 買了一套兩件頭泳衣仔 Mother Care, 價值$150 粉紅色兩件頭泳衣, 好cutie 一回家便急不及待著上影相 可惜even for 3-6months的都太鬆 相信暫時都不可以著來游水 一回家姐姐便好開心報料 原來堤堤b已經出緊第一顆牙仔 在下排, 看, 還未看得見 不過只要抻手一摸便摸到 堤堤b, 你又長大了!
今晚與姐姐和堤堤b玩耍時 發覺不知不覺間 堤堤b已經學懂了伸手要抱抱 於是和姐姐輪流抱著她 她都立即伸手要抱抱 堤堤b, 妳好叻女呀!
經過多次訓練 依家如果媽咪用毛巾蓋住我面仔 我唔會再傻瓜瓜咁只懂兩頭令 我會好快識得伸手去拉走它了, yeah!
今日一家人同埋姐姐去了新城市廣場的Snoopy land 果度好靚, 好多好大隻o既卡通公仔 今日實在係太囇啦 囇到眼仔都咪埋 不過我都好乖 笑哂口咁比daddy mami同我影相
第一個母親節 沒想過要慶祝 因為堤b健康活潑已是最好的禮物 Daddy也沒想過給我買些什麼 倒是姐姐有心 去完church後折返 還送來一朵rose及sms祝我母親節快樂! 下午婆婆公公細舅父姨媽來了 於是叫daddy買了蛋糕 一齊慶祝這個我的第一個母親節!
今日媽咪請我食香蕉蓉 嘩! 好好味呀! I like it!!
昨晚Daddy沒有回家睡覺 原來是入了醫院驗身 已經四年沒驗過身 Mami沒多說, 其實都有點擔心 佢地話, 如果是以前 有事沒事....都不打緊 現在有了我.... 為了我..... 更要好好保重身體 珍惜生命 陪我過每一天! 幸好! 一切正常!! ^^
首先要多謝姑丈姑媽今晚來了我家探我 還下廚煮了一餐美味晚餐一起享用 都是那句, 我只有睇的份兒 要吃痳.....有排! 今晚我開始自己學會了搖頭擺腦 不停咁搖好得意 d大人又覺得我好攪笑 大家都開心!! Daddy今晚同我玩得好happy 佢好攪笑又扮超人又扮飛 我就比佢引我笑到傻傻地
今天約了陪我在醫院待產的媽咪呀學 還有在醫院時主動借了"早兒"一書我的媽咪呀敏 當然還有兩個心急的bb, 寶怡和堡田 呀學是個勇敢的媽咪 同是穿水進院要待(早)產 她不像我, 沒哭過, 只是每天黙黙地看書 還一有機會都會走來安慰我 幸運地, 堡田在媽媽住院一個多月才出生 有29週, 媽媽的鎮定應記一功 呀敏是堤b在ICU時認識的 主動借給我"早兒"一書 當時每晚都看幾遍 有了信念, 希望堤B像早兒一樣活下來 終於願望成真了 有緣是堤B跟寶兒一樣不多也不少 26週5日已趕著出生見見世面 而且好多症狀也相似 三個早產兒都活下來 而且都十分可愛 三個母親都應該為有此堅強寶寶而自豪
契媽今日不單止來了同我玩 仲為我買來了一張粉藍色好漂亮的網床 雖然現在仍未派上用場 但我好喜歡呵 多謝契媽 ... 還有 如果契媽有上來看我的日記 媽咪叫我代她說 聽說這網床好貴 請契媽不要再破費啦 只要來我家陪我玩好了 bb用不著買那麼多禮物 痛鍚我便足夠了! 契媽, 妳要聽話呵, 記住啦!!
自問育兒常識零分 為了開始籌備堤b加入固體食物 都聽取了很多意見 各方都有不同見解 @.@ 特地買了2本書 終於選擇了將蘋果煮林了才餵食 堤b對新食品顯得興致勃勃 但那種酸酸甜甜的味道 似乎一時間接受不了 “may”起了咀仔非常有趣!
先兩星期在姑媽家 前天在Feeboe新居 以至今天同事們來我家 堤b的表現跟往常截然不同 還以為堤b曳曳 今天才驚覺bb長大了 開始識認人認地方了 別的人一抱起她 她的眼淚便如豆大般滾出來 媽媽一抱便又安靜下來 堤堤b 媽咪好開心呵 開心是堤堤b長大了 開心是堤堤b最愛是媽媽的懷抱!
經過了這麼多的風浪 今天是第一個有堤堤b一起慶祝的生晨 原來有了堤堤b 只要有了我這個勇敢堅強的bb 其他一切都不太重要 生日也是365日的其中一天 去年憧憬著一家三口過生日 到了8月21日...以為一切會幻滅了 今天終於排除萬難 雖然沒有大事慶祝 (爸爸的禮物當然少不了^^) 一家人(還有姐姐)在外邊享用了平凡的晚餐 倒是切生日蛋榚真是好開心 比起二個人切生日蛋榚 一家人原來是....說不出的...快樂 許了願....希望每年的生日也如此平靜但開心! 還有我的兩個心肝寶貝每天都健康快樂!!
多謝曦曦daddy mami今日請我媽咪食生日海鮮 仲切左第一個生日cake 媽咪許o既生日願望是 我們兩個小朋友快高長大, 身體健康 而兩個媽咪就愈來愈fit咁話 今餐好豐富, 可惜我有份睇冇份食 Suprise o既係, 下午去Feeboe ee的入伙party 竟然又有birthday cake切 花花d ee幫昨天生日的yee ee和明天生日的媽咪慶祝 媽咪今年除左有我陪佢過生日 仲咁快有生日蛋糕食 真係超超超happy 讓我代媽咪多謝各位ee....thank you very much!
經過姐姐多日來的努力 堤b像已經養成了每天在廁所便便的好習慣 由起初每次都大喊 以至現在會悠然自得地四處張望 今天上班前又見到堤b”如廁” 逗她玩還會報以微笑 (真有禮貌, 如廁不忘與媽咪互動 ^^) 屁股仔已經很久沒有與便便接觸過了 (當然除了由我去照顧堤b的星期天la >,
自從Daddy Mammi發覺屋企有巴士直達西貢 加上車費平過搭299, 比出沙田還要平宜 車程都只不過是15分鐘 佢地話以後一得閒就帶我入去吹海風 睇999喎 M.....呢個節目都唔錯 所以今日黃昏冇咁曬時我地一家三口又入去閒逛 真係好relax!
回PWH兒科覆診 今日的醫生在ICU在註診過, 超cool的 醫生今天測試我的我都做得到 如眼追物件走 伸手去取物也是我的強項 直至daddy mami問到醫生我是否追得上進度 當然佢地不會期望我追得上8個月的水平la 但醫生聽到後好嚴肅的說 由於我的腦部u/s照到有事(之前曾腦出血) 好有可能將來會有問題 現在一切言之尚早...... 像不想daddy mami對我期望太高 但, 醫生, 雖然你句句是事實 可是, 你冷冷的說話, 每一句都剌痛我daddy mami的心 你知道嗎? Weight: 5.6kg Height: 58.5cm 頭圍: 41.4cm
堤堤b是一個心急的bb 將來必定是個不守規則不排隊的孩子 這兩天每當我握住堤堤b的雙手 她便急不及待板起腰拗起雙腳 用力坐起來 誰不知她很快便不甘於此 今天更伸直腿站起來 每次都會開心地笑 像是十分欣賞自己的表現 雙腿雖然還是非常細小但卻十分有力哩!
今日又係打針日 一共打了2針 四合一和肝炎第三針 今日媽咪第一次陪我去打針 佢好似仲驚過我 唔敢睇寧咩面 我依然好似以前咁乖 哭左一餐勁o既便收聲 見姑娘時我起初都好乖 靜靜雞聽佢講解 時而報上禮貌薇笑 時而望著對面daddy輕輕ee娥娥 姑娘測我追望物件, 聽覺和取物我都做得到 直至我feel到肚餓大哭 在姑娘面前媽咪破哂紀錄 8分鐘餵我食左5.5安奶 佢開心到錫左我一大啖呀 Weight: 5.4kg Height: 58.5cm
今日媽咪比左少少米糊我試 原來好好味 我lam lam o下.....唔! yummy yummy!!! ^^
估唔到屋仔細細可以汁到咁多野出來 今晚最後努力 pack哂入箱 之前下爬輕輕 搬運公司包15個紙箱我都話可能有多 誰不知最後可以有30個箱物件 加很多濕碎野加電器 成間屋像垃圾堆 連堤b都眼仔look look望住我東忙西忙 唔知發生緊咩事