親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
堤堤媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
堤堤b今日肚仔又再扁了一些 摸下去林林的, 相信佢真係舒服多了 所以都睡得很好 而且發覺皮膚已經白多了 肥嘟嘟的面豬登滑滑的, 十分可愛 希望心口仔的傷痕可以快點退色la 唔係第日真係唔知著唔著到bikini Air Milk: 6ml/hr + 吊黑雞 Weight: 1.56kg
堤堤b還在我肚內時 我總幻想老公這個大小孩會是怎樣一個爸爸呢? 起初會想著我和堤堤b兩個一大一小的"可人兒" 左擁右抱的倚著爸爸, 好不溫馨 後來想起我的老公是多麼的"與眾不同" 便又會想著老公和小女兒擁著我來撒嬌 如今經歷了這一埸風波 從八月中旬我入院以來 每天風雨無阻至少一次到醫院探望我或是bb 不知偷偷哭過多少次(在我面前也不少呢! 不要告訴別人哬!) 又不知多少次無助之下 獨自抱著一絲信念去求神靈保祐 看到了老公除了是一個好老公 應該也會是個好爸爸吧! 是一個一心一意愛錫老婆女兒的"大"男人 當然在家中仍然是個不修篇幅的大小孩 ******************** daddy因為今晚又要出差, 一早已經到了醫院探bb 而堤堤b今日肚仔都好多了 下午還大了兩個大大的便便 肚仔像鬆多了 Air Milk: 5ml/hr + 吊黑雞 Weight: 1.56kg
以堤堤B的重量本來已經要食9ml/hr 但因為肚仔太脹, 只可以食4ml/hr, 所以仍要吊糖水 不過醫生話明天要改吊黑雞, 否則bb會唔夠營養 黑雞即是高營養糖水, 副作用是有傷肝臟 其實今日肚仔已經平左少少 而且堤堤b今日都很乖 雖然可能都唔太夠飽 但都乖乖休息睡覺 於是姑娘又獎勵佢比佢用咀仔食奶 還讚堤堤b食奶食得好叻 堤堤b, 你要加倍努力 放哂d臭屁, 咁就可以早日食番多d奶奶架la Air Milk: 4ml/hr + 吊糖水 Weight: 1.54kg
今日daddy負責去醫院等醫生幫堤堤b再驗眼 daddy一聽到bb眼仔續漸好轉開心到跳起 今個week已經是38weeks, 正值高危的時段 今次再証實bb眼仔冇壞變化大家都放心多了 連姑娘們都替我們舒一口氣 不過肚仔又再脹多了 結果當然被減奶 幸好堤堤b今日似乎沒有太不舒服且睡得好甜 大傷風的我好聽daddy的話都不敢去摸bb 只係默默地望著bb睡覺 Air Milk: 4ml/hr + 吊糖水 Weight: 1.5kg
肚仔縮唔夠一個星期食左幾日奶今日又脹番 攪到mami一來到便成個謝哂 因為肚仔一脹頂住我又周身唔舒服 跟住就係呼吸又差左d 仲偷聽到醫生話又要減奶 即刻冇哂mood, 冇厘精神 咁攪法都唔知幾時至可以追番d磅數 Air Milk: 7ml/hr + 吊糖水 Weight: 1.46kg
冇左肚腩仔的堤堤b今日非常精靈 成日都咪咪咀咁笑 又擺埋哂d古靈精怪架表情 tum到我地不知幾咁開心! Air Milk: 5ml/hr + 吊糖水 Weight: 1.445kg
mami今日來探左我兩次 我好古惑呀 mami o係度的時候我成日都唔瞓博mami呵我和我傾計 郁手郁腳, 又唔吞奶奶, 仲發功迫番d奶奶出來 攪到mami以為我成日都係咁唔乖 點知比姑娘爆左出來 話比mami知佢唔o係度時 我好乖成日都瞓覺, 食奶又食得快 嘻嘻, 比人拆穿左tim 唯有成日笑笑口做個happy baby博好感law! Air Milk: 2ml/hr + 吊糖水 --> 4ml/hr + 吊糖水 Weight: 1.44kg
今日我的大肚腩終於退減了, 好輕鬆! 肚腩仔消失了, 可以做d咩呢? 梗係拱橋la, 踢踢腳la, 手指摸o下腳指la...總之周身郁冇時停 唔少得架梗係笑o下la, tum o下mami daddy開心都好 雖然醫生只係少少地比我食每小時2ml奶 但總算有奶落肚, 唔再好似昨晚咁肚空空喊到拆天 邊個話bb笑係冇意思架 前果排肚仔又脹, 眼仔又唔知駛唔駛做手術 呼吸又唔順, 我唔舒服又擔心, 真係想笑都笑唔出! 今日除了挿在頭仔的豆豆有礙觀瞻有少少唔happy之外 真係開心又輕鬆呀! Air Milk: 2ml/hr + 吊糖水 Weight: 1.44kg
堤堤b, 妳知嗎? 妳本來還是37周的在媽咪肚內的bb 現在的妳竟然已經學懂 不滿時: young手young腳發脾氣 開心時: 笑笑 想人抱時: 不停地大哭 今天第二次抱著妳, 妳竟然立即由大哭變回平靜 眼仔碌碌地爭取分秒去看周圍的事物 可惜媽咪大傷風, 不能吻妳一o下 怪不得daddy說堤堤b是生命力好強的bb! 今日妳再一次比驚喜爸媽 過了一関又一関, 今天妳已經不斷得到爸媽一直期望的100分(spo2=100) 每次令爸媽擔心得死去活來, 妳便會大進一步來安慰我們 今天第一次啜奶咀的妳好可愛 daddy說只要妳平安無事, 佢會一生寵壞妳 Air Milk: NIL + 吊糖水 Weight: 1.44kg 洗腸
第一個好掛住堤堤b的工作天 放工當然飛奔去醫院 見到bb又因為肚脹而停奶吊糖水好心痛 未見過佢喊咁耐都唔收聲, 不停咁紐計 最後抱佢起身坐直比佢四處望竟然肯靜下來 仲好開心咁笑大個口tim, 真係好得意 Air Milk: 9ml --> NIL + 糖水 Weight: 1.47kg * 洗腸
帶著好沉重的心惰在醫院等呀等 預備堤堤b今日要做眼科laser手術 姑娘一早已經準備好哂手術檯, partition.... 時間過得特別慢 奇是...堤堤b出奇地乖 今日食奶食得很好, 呼吸都非常穩定 因為昨晚呼吸差了, 還以為今日又要輸氧 可能佢知道媽咪為了擔心今日這個手術 更怕要因為做手術而再次挿呼吸喉 昨晚發了不知多少個惡夢 從1:00起便停奶停水 足足餓著肚等眼科醫生直至5:30 同老公在病房如坐針氈.... 正當每個姑娘都準備我會抱頭痛哭時 (不過2個半月, 我已是icu出名的喊包^.*) 想不到堤堤b又創造了另一個奇蹟 血管增新竟然退減了 今天的手術可以暫時取消 堤堤b, mammi daddy好多謝妳的努力! 妳真是一個堅強勇敢的bb 請妳加倍努力....再創造一個又一個奇蹟!! Air Milk: 9ml/hr Weight: 146kg *洗腸
上午還是滿心歡喜 堤堤由昨晚起已大便了5次, 每次都"收穫豐富" 呼吸好好, 姑娘off了氧氣供應, 奶加了 堤堤b更是精神奕奕, 眼仔碌碌, 古靈精怪 離開時開開心心向daddy報告... 晚上卻肚脹得厲害 終於呼吸又倒退了.... 離開時垂頭喪氣... Air + 23% Oxygen --> Air Milk: 7ml/hr + 吊雞 --> 8ml/hr + 葡萄糖水 洗腸 weight: 1.435kg
堤堤b依然受肚脹影響(又脹至3+) 今日又大倒退 呼吸差了, 消化又差了, 大便亦差了 醫生都只好又洗腸又塞甘油又要再比氧氣入箱 見到堤堤b像沒精打彩似的 我們沒什麼可做, 只有擔心擔心.... 希望別天會更好! Air + 23% Oxygen Milk: 6.5ml/hr + 吊雞 Weight: 1.385kg
daddy 與 mammi 對於教堤堤b的方法還未知會否一致 但此刻已經有意見分歧 老公為著衛生的原因老是不淮我常接觸bb 驚bb著涼又怕會受感染 我卻認為多去觸摸bb可以令佢感受到父母的愛 也可安撫一下bb的情緒 好讓bb知道自己並不孤單 兩者都是為bb著想 究竟誰對誰錯呢?! Air Milk: 4.5ml/hr + 吊雞 Weight: 1.38kg
今日肚仔鬆左真係舒服好多 呼吸都叻d, mami都放心好多 不過冇左個肚仔又未食番足奶 已經連續2日體重下降 希望醫生會續漸加番多d奶比我食 快d追番d磅數la Air Milk: 4ml/hr Weight: 1.36kg
今朝已經連續第3日洗腸 雖然唔係話好痛, 但比人攪個pat pat都有d唔舒服 不過我好叻, 冇喊過 好彩咋, 因為mami有個線人看住我 就係9号仔曦曦mami, 佢報告比mami知我冇喊喊 mami先安樂d, 如果我喊喊又比mami知佢實心痛死又會對住我喊架了 好開心今晚肚仔退哂舒服哂 終於冇左個肚腩仔頂住 雖然睇落成個人仔細左個碼 不過瞓又瞓得冧d, 呼吸又順d, mami都讚我乖呀 ^^ Air + 23% Oxygen Milk: NIL & 吊雞 - 3ml/hr Weight: 1.37kg
因為太掛心堤堤b 已經好幾個晚上失眠了 今日決定要relax一o下 因為下星期便要返工了 再緊張也只會令工作也做不好 bb今日仍然停奶吊營養糖水(吊雞) 我雖然心痛也只好向好一方去想 希望肚脹減輕了, bb辛苦也減少些 呼吸會好些, 到時再食多點奶吧 事實上肚脹也似有少許改善 昨天洗了一次腸今日又再洗多一次 醫生今日照完x-ray也說腸脹是鬆了些 但願明天後天大後天..... 一天比一天好 上午放氧入箱23% Milk: nil (吊雞) 洗腸
喊喊喊! 今日mami好傷心只懂得喊, 因為 驗眼結果不太樂觀, 左眼2級, 右眼2-3級血管增新, 可能下星期要laser動手術 肚太脹了, 比醫生停奶, 仲要吊糖水 >.< 我因為今日比人驗左幾樣野, 又照左2次x-ray好唔舒服 成日郁身郁勢, mami唔知我想點所以好傷心
小腸氣是一個問題 肚脹是另一個問題 令我十分不安 小腸氣一定要動手術 雖然這個手術風險不高 但一想到要全身痳醉 又要再挿喉就心驚膽震 air了第五天仍肚脹又是令人十分頭痛 今日記了五次過 一個下午又不停噹噹響 醫生說到可能要再用氧氣罩 或更worst要再挿喉 眼淚忍唔住又流出來 幸好堤堤b都還有少許進步 食奶增至9ml/hr 消化到亦有便便 重量也有上升 成日被記過令我和老公都好洩氣 醫生無計可施唯有以防萬一 再抽血種菌和開始抗生素療程 可憐bb手仔又要打"豆豆" Milk: 9ml/hr Weight: 1.4kg
yeah! 堤堤b終於突破了3磅 (1.39kg) 而且air了第四天 雖然有時會唔乖令含氧量跌至70以下 但總算經稍稍回氣之後也能再上升 不用被記過 可能太費力去呼吸吧 幾日都沒精打采 今日才較精神 希望是意味著bb已經續漸handle到不用靠儀氣來呼吸 今日才第一次比堤堤b的相爸媽睇 媽媽看到後好開心 頻說堤堤b面仔脹卜卜 眼仔碌碌的 十分精靈 只是相片是騙人的 雖然堤堤b碓是十分精靈可愛 但畢竟是35週的baby size還是mini得很 希望堤堤b快高長, 身體健康 我和老公便心滿意足 Milk: 8.5ml/hr Weight: 1.39kg (3 lbs)
bb好叻女, 今日依然不需要輸入氧氣 但明顯好累的樣了 整天也懶洋洋似的沒精打彩 PDA經U/S Checking証實已經完全合上了 即是不用做心臟手術 又誇過了一個難關 不過卻有個新問題 就是發現bb有輕微小腸氣 醫生可能是肚仔太脹 把腸臟都迫了下去 希望不用氧氣罩之後 肚脹減退了令小腸氣自己康復 否則便可能要動手術了 經過了三天堤堤b可以自行呼吸 和老公都鬆了一口氣 Milk: 8.5ml/hr Weight: 1.34kg
Air了的堤堤b像是很累的樣子 一直都是睡..睡..睡 希望只是適應期 堤堤b要努力啊 不要走回頭路 要勇往直前 Milk: 8ml/hr Weight: 1.27kg
醫生終於比我嘗試自己呼吸, 今日除掉挿在鼻仔的氧氣機 我開心之餘最興奮當然是mami la 而且.... 媽咪第一次抱我tim呀 媽咪話竟然沒有感動得哭起來 只係開心到不得了 9號仔daddy仲幫我地影了我呢生人仔第一張和媽咪的合照 am...我o既感覺係媽咪太緊張了 抱得我太緊, 手仔腳仔都郁唔到 我唯有唔呼吸以示抗議 媽咪只好依依不捨地把我放回箱仔內 不過捱左幾小時之後都係頂唔順 姑娘唯有放氧氣入箱仔內幫我 不過, mami daddy放心la, 我明天會再努力過架 ^.^ **************** 第一次見堤堤b的全相 除了帽仔豬鼻 原來堤堤b好醜樣 個鼻仔經過長期戴著豬鼻 活像個"挿蘇" 十足十豬八芥 頭髮又因為要吉針挮到一岩一忽 媽咪覺得堤堤b好醜樣but非常可愛! Milk: 8ml/hr Weight: 1.26kg
唔乖左幾日, 終於比醫生發現我貧血 唔駛再比mami誤會我偷懶 不過又要"吉"豆豆輸血, 仲攪到mami喊喊 所以我又痛又唔開心 只好咋mami daddy嬌 成晚大喊大叫博mami抱抱, daddy掃頭仔law Oxygen: 22% CO2: 5.89 Milk: 7.5ml/hr Weight: 1.24kg
第二次驗眼 右眼二至三級左眼一級輕微血管增新 右眼比較嚴重 如果踏入了第三級便要做LASER手術 好擔心, 好擔心! Oxygen: 21-24% CO2: 5.89 Milk: 7.5ml/hr Weight: 1.15kg
今天12:00加了奶 不過跟往常一樣 每次加奶起初總會消化得不太好 希望這次也會一樣慢慢適應下來 堤堤b今天像很忟憎 唯有用姑娘教我的一招 把bb斜斜地抱起來 再拍拍心口仔 第一次把她抱起時 堤堤b還古古惑惑地笑起來 也平靜了一陣子 可是, 第二次已不奏效了 最後daddy來到時 堤堤b才安靜下來 莫非掛念daddy?! O2: 21-24% CO2: 5.57 Milk: 7.5ml/hr Weight: 1.23kg
O2: 21.23% CO2: 5.45 Milk: 7ml/hr Weight: 1.2kg
今天堤堤b瞓覺食奶和大便都及格 7ml/hr奶都全可以消化到 我亦開始捉摸得到堤堤b大便時的表情 今天猜中了 換了第二次片片 今天icu像特別忙 姑娘又人手不足 幸好堤堤b好乖不致加重大家的負擔 好耐冇見的Simon醫生回來了巡房 看過堤堤b的排板後 都驚嘆堤堤b的進度令人滿意 我打趣醫生不主診 旺bb更健康 姑娘說醫生決定減少使用甘油條 訓練堤堤b自己大便 堤堤b也沒令人失望 下午自己也便便了一次 好叻女! 今天好開心 多謝素文ee送給堤堤b一件Minnie body size好迷你, 十分可愛 Thanks! 素文 O2: 21% CO2: 5.37 Milk: 7ml/hr Weight: 1.15kg
Daddy對bb的愛真偉大 今天因一早要出差往澳門 便一大清早連早餐都未食已經去看堤堤b 立即好開心的向我報告bb的情況 堤堤b一天一天好起來 一天比一天長大 確令我們興奮莫名 除了肚脹之外堤堤b好努力地追上去 這兩天都睡得好甜 醫生說只要食得到睡得好便能長肉 所以媽咪只好忍住不與妳互動 讓妳多休息快點增磅 含氧量大致都能達到90以上 也沒有被記過 下午更大了一次大大的便便(不靠甘油條) 我更是第一次幫堤堤b換片片 看到比前豐滿了的屁股仔 好開心啊! O2: 21% CO2: 5.07 Milk: 7ml/hr Weight: 1.13kg
第二天食7ml/hr 大致上可以消化 只是間中抽到少少奶出來 伍教授今天到icu巡房 好幾星期沒來過了這位好醫生 雖然曾經被他嚇得死去活來 但他確是個盡心盡力的好醫生 他像將所有病人的病歷都放在心中 沒來這麼久 仍然記得堤堤b的病況 堤堤b也像記得這救命恩人似的 一直眼仔碌碌的往伍教授一方望 看完了排板 伍教授大讚堤堤b好叻女 他說頭二天可以生存下來 已是一個miracle 現在渡過了呼吸的難關 就是第二個miracle了 bb當真從死門關走回爸媽的身邊 堤堤b 妳長大後要記著自己是怎樣艱辛才活下來 要更珍惜自己的生命 要活得有意義啊 O2: 21% CO2: 5.74 Milk: 7ml/hr Weight: 1.05kg *冇被摘名