親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
堤堤媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日終於搬屋了
呢排我成日流口水 成日e e all all咁講野 喜歡塞d玩具入口仔 唔知係唔係咁快out牙仔呢? 定係想學d大人咁食solid food呢? Weight: 5.1kg
今日媽咪又同我玩爬床練習嶽高頭 無意中我發現到 只要一隻手出力另一隻手縮埋 再加一點腰力, 向後拗起一隻腳 成個人仔就可以打関斗 Look到四腳朝天了, 好得意 於是媽咪好開心好似發現左新大陸一樣 同我玩完一次又一次 終於玩左三次我就冇哂力lu
雖然未正式入住 不過今日花花d ee已經到新屋開party 未計我地一家, 總共有17個大人, 8個小朋友 場面墟墈, 原來可以室得入咁多人 可能太耐冇攪home gathering 亦都太耐冇咁人齊 今日真係好happy好熱鬧 大人不停咁傾計 d小朋友就不停咁跑跑跳跳 係呢度要再多謝各位好朋友 多謝大家的禮物 更加多謝大家一直對堤堤b的関懷 多謝多謝!!
公公婆婆同細舅父今日上來新屋探我 佢地好滿意呢度架環境 而我都真係幾鐘意呢度 所以上親來都笑容滿面 tum到婆婆不知幾開心仲攬住我來錫tim 呢幾日我愈來愈多野講 成日都ee呀呀咁講不停 好似真係識咁 又同媽咪玩到car car大笑 媽咪話我係happy baby
媽咪今日第一次比我飲蘋果汁 需然份量只係好少 加左水變得好稀 但又點會騙得到我 我一飲已經飲得出 起初有點唔慣仲翁起塊面 媽咪仲以為我唔鐘意 誰知我飲飲o下不知幾enjoy呀 yummy!!
姐姐今日生日 Daddy Mami今晚唔駛佢煮飯 帶埋我一起出外面食 又封利是又有蛋糕食 姐姐唔知訐左咩願呢?!
好開心, 因為今日Daddy又將禁令放寬 我今日終於第一次搭巴士 仲去到入西貢咁遠 我一d都唔驚 好好奇咁目不轉睛往窗外望 連眼瞓都唔捨得咪埋眼仔 果度原來好多人架 好多Mami Daddy同d bb出來呼吸新鮮空氣 又有好多狗狗狗 有d好大隻仲大隻過我好多倍 有d就好可愛亦可愛過我好多 今日好好天呀, 好猛太陽 我就第一次著短袖衫褲 打出哂d比比, 好可愛 雖然好累但好開心 成日笑car car!
今天同堤b去公園散步時 Daddy從遠處看我倆母女 他說: "好溫馨, 好幸福" Daddy說我此刻是他認識我以來最開心的 我說: "係呀" 我總愛對Daddy說: "堤堤b真是十分十分可愛" 每天應該不止說一次 而Daddy不止每天說一次的名句是: "我真係好錫堤堤b架!" 我兩說起堤堤b的點滴總是不嫌其煩 堤堤b最常見是她甜甜的笑容 你跟她玩, 她會報以甜笑加一個大大的口, 好斯文 除了想睡時有點難纏, 會哭哭鬧鬧 大部份的時間都是那麼溫純 叫起來都是輕輕的, 尖叫嗎, 真的從沒聽過 睡醒了也可以自顧自玩耍 頂多雙眼跟著大人四處望 現在連便便都大致解決了 晚上睡得安寧 食奶也不錯呀, 每天25oz (5oz per time per day) 我和Daddy般的性情 有堤b如此可人兒 夫復何求! 人家說不要對著bb讚美 但我真是按捺不住: ”堤堤b, 你好乖呀!”
今日係year end埋數忙碌最後的一天 OT到7:00, 總算好運 近來可能公事太忙 雙眼老是好累, 不想掙大 帶著疲倦的身軀回家 Daddy又約了朋友晚飯 一個人吃晚飯真有點不開心 誰知剛踏入家門 堤b立刻用甜甜的笑容迎接我 還可以有什麼投訴!
swimming
今日終於約到張姑娘lunch 一起又入了曦曦度食seafood lunch 大人就好la, 食魚蝦蟹, 好似好好味咁 我就冇份lu 但凡星期日我都恰媽咪 佢餵親我食奶我都食得果2安3安一餐 又食成個幾兩個鐘咁耐 真係激到媽咪扎扎跳 曦曦就叻過我好多了 今日佢就表演食奶, 不知幾快! 今晚媽咪同我玩時 我好開心, 仲笑到car car聲咁笑左好多次 tum到媽咪唔再嬲我唔食奶奶 仲拍左video比daddy睇tim
4個月的bb應該開始學懂雙手去捧玩具 堤堤b今天也學懂了 當我把玩具在她眼前搖晃 佢會抻手去碰抻手去捧 拿著布書像在看, 似模似樣 好叻女!
今日係外科小腸氣覆診 醫生話暫時冇嚴重到的蹟像 但好少例子會自然好番哂 手術可能始終都要做 只希望大d至做冇咁傷 曦曦又係同一日同一時間覆診 所以二家人又相見 d大人一踫頭總係講我地d bb 點樣唔肯食奶 點樣唔肯瞓覺 表面好似投訴我地 其實一路講一路笑 口不對心 返左去icu探d姑娘 好開心大家都仲記得我地2個百厭星! Weight: 5.3kg (With clothes & diaper) Height: 58cm
今日相約了寶怡一家人去探同是早產的朋友仔琝雅 雖然大家第一次見面 但因為三個家庭有著一樣的話題 就像識左好耐的老朋友 三個都是同樣經歷過生死差一線的寶寶 可幸三個都活潑可愛, 相信同樣都一樣堅強 寶兒的媽媽在我最最傷心時 借了"早兒"一書給我 記得當時每晚都拿出來看 對比著堤堤b的每一個階段 令我有著一個光明的目標 日子才比較好過 琝雅一家今天才第一次見面 佢好叻女, 出生時只有24週 但現在已經開始追上了進度 好活潑好動 仲好靚女tim 希望以後大家有多d機會一起見面 一起分享我們非一般的經歷
姐姐今日話堤堤b又係十一點幾 食食o下奶停左o係度”唔唔唔唔…..”咁喎 於是立即去toilet逗佢 即刻有便便…. 姐姐好開心 Daddy mami開心又放心!
人家說湊仔媽咪多大話 如果由我說, 人家必定說當媽媽的誇張 姐姐今晚開心地對我說堤堤b下午bu bu了 還說堤堤b在食奶途中停了下來 mum mum mum的學著姐姐逗她便便時的聲音 便立刻抱她嘗試便便 不到一刻已經bu bu了 她說堤堤b好聰明 太神奇了, 那麼少便曉得表達自己 我不懂用英語說, 只是撞彩而已, 不必太雀躍 但堤堤b最攪笑是 除了喜歡照鏡外, 最喜歡食手指 每當扮hold奶樽時 總愛把母指攝進奶咀和咀角之間的少少空隙 真不知其他bb又是否有一樣的嗜好呢
媽咪話我餐餐食奶只係頭一安係威係勢 懶勁咁係咁啜係咁啜 之後就放慢哂, 食成個鐘都食唔哂4安 今晚決定幫我轉2号奶咀 我都不負媽望, 冇濁親 不過都唔見得食得好左幾多
今晚同堤堤b玩時 發覺佢開始冇咁細謄 玩d刺激玩意時都冇話成身縮埋咁緊張 而且今次仲”car” “car”咁笑左兩聲tim 唔再淨係開大個口得個loan咁 好可愛!
下午姑媽姑丈來了lunch 讓我有機會第一次去餐廳, 第一次逛商場 所有東西都是新奇的, 到處都是人 我個頭仔眼仔忙得不得了 不過, 姑媽姑丈都讚我好乖 第一次去餐廳都冇 計 玩左一陣咬住奶咀又瞓過 冇阻住d大人食野 今晚有少少唔開心 因為mami daddy鬧意見 而我又唔肯食奶奶又喊 Mami唔知我想點, 加上又有d嬲 對住我發左一陣脾氣 Mami未試過咁惡對我講野架 令我有d唔開心 好彩佢自己都醒目, 知道自己唔arm 同我say sorry之後仲好大啖錫左我好多啖tim 我就決定原諒番mami
Weight: 5.3kg Height: 58cm
試轉森永奶粉
依家堤堤b開始好喜歡同人傾計 心情一好便會對著我EE AR AR的溝通 還會"奀固奀固"咁叫, 好得意 有時還會撞口掛叫得好像"媽咪" 真係tum死人 就算遠遠地對著鏡子時便會甜笑 令我對佢雙眼冇大礙更有信心 農曆年時開始憧得食奶時用手抱著奶樽 這兩天餵奶時更會把弄我的手指 拍o下拍o下來娛樂自己tim 唔知幾時會懂得自己握奶樽食奶呢
今天同堤堤b沖涼時 抱住佢來回咁在水面浮動 就像游水一樣 佢好enjoy呀, 笑得好甜 似乎開始找到沖涼的樂趣了
今日媽咪的一大班"老"友記來了探我 佢地7咀8舌不停咁講講講...真係好嘈 不過冇有怕架我又點會怯場 佢地咁嘈我一樣可以瞓得著 真係有d d 自豪呀 >.*
一回到家姐姐便報告我知 堤堤b好喜歡自己坐在按摩chair上 用個cushion頂住佢 似乎真係坐得好穩呢 佢自己顯然好得戚 成日周圍望, 仲好滿意自己的表現 笑到申哂"利"
別人說長計不長肉 相信堤堤b正是 今天餵奶奶時不單止出手推我 更不知何時學會了一下一下地拍打我表示拒絕 堤堤b, 媽咪好開心見到妳一天一天進步 現在堤堤b最愛食手手 似乎亦控制得不錯 手仔好快便找到口仔 口仔對手仔亦都十分受落 “接接”聲的食得不知多享受 女孩子對Daddy總有特別感情 只要Daddy在家 堤堤b雙眼都會跟著他 東南西北, 拗哂腰地追著 等著Daddy跟她玩 Daddy話堤堤b鍾意同佢玩多d喎 我也看得有點妒忌! ******************** 今晚我又再出盡9牛2虎之力成功便便 連續兩晚不用勞動媽咪施手術 一屋大人差點沒開派對慶祝
看到希希的video 發現本來同月出生的希希已經懂得”car””car”聲大笑, 好cutie 我從未聽過堤堤b的笑聲 不過姐姐說今早有一次嗅豬b都笑了兩聲 好期待不久將來我也聽得到 ******************** 今晚堤堤b終於自己便便, 還十分十分嗅呢! 大家都放心了 因為已經差不多有一星期不懂自己便便
冇見了兩個多月的曦曦一家三口今日來了探我們 曦曦長大了好多 但是, 脾氣真如她媽咪所形容, 有點猛 而且的而且確上午老是睡覺 一個中午除了食奶之外便一路睡覺 當然今晚.....佢媽咪又要捱夜了 我們一起去了公園影相 也幸好今天上午還是天陰陰的 下午竟然陽光普照 途人見到二個bb都問:"是否twins呀?" Daddy還破例批准我跟埋佢地一起去鯉魚門食海鮮tim 我好乖, 大部分時間都在靜靜地睡覺冇阻住大人享用 我表現咁好, 相信Daddy都可以再放寬我的禁制令 讓我出街多d見識見識 今晚見我喊喊唔肯食奶像肚仔唔舒服 又動用了甘油條幫我便便 我都希望好快可以叻d all cc
認真大鎮仗 今日Daddy終於都係忍唔住決定同堤堤b去打肺炎錬球菌針 我不可以又請假 Daddy竟然又請來了契媽幫忙一起同bb去診所 當然一定還有姐姐la 為了打一針 要驚動埋契媽 呢個Daddy好誇張! 堤堤b今次一樣咁叻 跟據Daddy形容 堤堤b只是大喊了一聲 好快便收聲靜靜地被抱回家 在醫院真是訓練有素! 幸好回家沒有發燒 放下心頭大石肺炎錬球菌針後實錄