親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
堤堤媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
我今日心情好靚 因為一早起身姐姐一邊餵我食奶奶一邊同我傾計 姐姐把聲好温柔, 冇媽咪咁粗老 我好留心聽佢講野 仲好開心咁成日咪咪咀笑 tum到媽咪同姐姐不知幾開心 媽咪見我今朝咁乖 而且已經開始成日攤大手板好想揸住d野咁 今日特登買左個顏色好靚架玩具比我 我都不負媽望 已經可以自己揸住la我識揸玩具la
我記得還在醫院時 媽咪為了鼓勵我努力加油 成日同我講出院之後便帶我去公園玩 今日終於第一次用新買的車仔推我去行公園 雖然第一次真正呼吸新鮮空氣 而且各樣野都好新奇 又有好多小朋友跑來跑去 但可能架車仔太舒服了 我全程都咪埋眼瞓覺 連痳痳, 姑媽和姑 來探我都一於少理 反而daddy媽咪仲興奮過我 下午有好多ee來探我 有Carol ee, Melaine ee, Sue ee, Wing ee 和Alice ee 媽咪話各位ee一路以來都好鍚我好關心我 叫我第日都要一樣鍚番哂佢地
今日婆婆, 靚舅母和媽咪去完還神來了同我玩 今次同我玩左好耐又影左相 可惜公公病左冇來到 希望公公快d好番la
琴日冇便便攪到dady騰哂雞 成日都話要同我去睇醫生 仲同媽咪鬧交tim >.
今日daddy同姐姐帶我去健康院打針 一打就打左兩支針 肝炎(2nd)和白喉 我好叻呀, 打大肶仔左一針右一針 每針我都係"嘩"一聲咁叫左一o下便又瞓過 連姑娘都話我叻叻呀, 真開心! 出院咁耐我日日都好乖, 日日都有便便 不過今日就一次都冇 淨係用親力谷都只係放屁, 始終都冇便便 谷到好唔舒服, 面仔都谷到紅哂, 好慘! 琴晚我依然好唔乖 又喊到兩點幾食完奶至肯瞓
媽咪的悠長假今日終於放完 所以今日開始只得姐姐在家陪我 不過我一d都冇比面媽咪 琴晚依然唔肯瞓, 十一點幾喊到兩點幾 攪到daddy媽咪冇覺好瞓 下午由於daddy太唔放心得姐姐一個湊我 驚我會比姐姐蝦 特派左專人(姑丈)來做密探 得到姑丈報料讚姐姐 佢兩個大人當堂放心哂
第一個冇姐姐日
今日Leon ee帶同豪豪哥哥來探我 媽咪成日話豪豪哥哥好靚仔 原來真架, 而且佢好似好喜歡小bb 成日都好熱情咁攬住我 我有點受寵若驚呀!
由於我一向好心急, 尢其是肚仔餓的時候 支奶一掂到個咀就博哂老命咁食 攪到天一半地一半咁 又多風又會嘔 Daddy 媽咪一聽到話Pigeon奶咀好似好d 立即走去買來比我試 唔知係咪個孔細得滯定我食唔慣呢 3oz奶食成個鐘都食唔完 累到我死死o下 終於咪又係要換番Nuk Daddy mami今次又side錢又白費心機lu
新年快樂, 不過呢個聖誕, 新年我都冇禮物收 daddy 媽咪話, 我係佢地最好架禮物 不過, 佢地好似冇諗過我架感受喎!
今日是除夕 daddy本來話要同媽咪和我一起倒數 點知媽咪比我摧殘左幾個晚上之後 呢兩晚餵我食11:00pm餐奶時都睡魔急call 累到暈低咁滯 要立刻call daddy接手 終於什麼倒數都唔記得lu
今日返PWH照尿道和膀胱 要光脫脫又要比人扎住手仔腳仔來照 總之就好可憐la 於是喊到幾條街都聽到 媽咪要好狠心幫手禁住我, 都不知幾心痛 琴晚我玩野成晚喊唔瞓 媽咪一抱起我, 我就扮咪埋眼仔 但一放番我上床我就碌大對眼 攪到佢兩個成晚冇瞓 黃昏時累到daddy要瞓番一陣至頂得順 而我當然又攪攪震冇幫襯la 卒之媽咪比佢個肚腩我瞓 原來好舒服 我一路瞓一路咪咪咀笑 因為覺得在家好溫馨呀!!
回家好快已經一星期 我都已經習慣得唔錯 個姐姐又似乎幾鍾意我 都唔會話粗手粗腳 而且媽咪都話佢幾醒目 做野都好干淨 最重要係daddy知我成日喊樓抱抱 唔比媽咪成日抱我 但個姐姐就會走來抱我仲唱歌仔比我聽tim 希望佢真係會好錫我la
今日我一得閒就喊一得閒就嘔奶 攪到媽咪同daddy鬼咁擔心 仲誇張到想帶我去急症室 我幾驚佢地真係同我去呀 如果係, 到時實比人鬧都得la 嘔奶都去急症室
Nose仔冇咁塞
今日下午堤堤b像是好唔舒服 nose仔塞到呼吸都好索氣 又嘔奶, 嚇到我們死死o下 竟然有拯救星到 張一淑姑娘除了在堤堤b出院那天自己主動比左聯絡電話我們之外 (好可惜竟然我們和曦曦daddy都同時遺失了, 真係大意) 因為太不放心我們 下午竟又主動打來問候 如此有心的姑娘不就正是白衣天使嗎?! 張姑娘話由於堤堤b的肺是比一般弱 而且外面的空氣比較不穩 叫我們不要太緊張 經過佢安撫, 我地都比較放心了 希望堤堤b會慢慢適應對到la ********************* 中午時候有公公婆婆大舅父和舅母來探我 連向來cool爆的公公都話我眼大大好精靈喎 婆婆就梗係更加開心la 我都好開心見到佢地
第二個晚上依然一樣 一家三口像沒有睡覺 堤堤b仍然成晚怪叫 又索氣又nose塞, 好像十分辛苦 終於下午同佢去了睇醫生 醫生又係話冇事 但依然好擔心好擔心
琴晚堤堤b在家過的第一晚 我和老公整晚都提心吊膽 怕堤堤b呼吸似乎好索氣, 又怕佢嘔奶 佢又成晚怪叫, 可能未習慣吧 攪到我一整晚像沒有瞓過, 好累好累! ******************** 下午媽咪帶了我去母嬰健康院 今日又增重了, 有3.07kg 醫生話大致上ok了 只是有一大堆的覆診期 記都有排記 今晚姨丈姨媽和表哥仔來了探我 姨媽仲餵我食奶 而表哥仔成日話我好得意tim 呀
今日醫院內喜氣洋洋 除了是icu的醫護人員的x'mas party之外 更重要是, 我出院了 更特別是可以同我的好朋友曦曦同一日離開 要多謝o既第一位當然是我的救命恩人伍教授la 是他從死神那裡搶救我回來的 而且作為咁高級的醫生, 總是將我們的病況暸如指掌 真正用心去看待我們 (雖然有時話會說得太真, 嚇得daddy mami死死o下) 還有Franky醫生, 高妹何醫生, 靚女Ling Ling醫生, 妹妹仔偉醫生 當然還有十分有愛心的金碧, 雪麗, 秀慧, Angela, 一淑, 美玲, 美賢, 麗萍, 慧文, Mable, Deborah, 麗珊, Michelle, Billie...等等sisters及姑娘 (可惜還有好多姑娘名未我都不知, 不能一一道謝, 一一影相留念) 好錫我好好心地的愛姐..... 對佢地雖然有點不捨得, 都要忍著淚說good-bye! 至於一小撮十分沒愛心, 不會敬業樂業的姑娘 媽咪話只要我可以平安出院 什麼都不會再放在心上 所以我都一樣, 原諒左佢地lu 比daddy mami當公仔咁在icu同好多醫生姑娘影相之後 我和曦曦在mami懷抱之中走回現實世界了 佢地4個大迷信話走時不要回頭望喎(激死人, 你估放監咩!) 我真是不想再回來, 唯有咪埋眼仔靜靜雞咁離開 回家途中, 天色晴朗, 而且持續了多天的泠空氣像向我讓路 我第一次接觸太陽伯伯, 好刺眼但好溫暖 回到家,女痳女痳為我還神時 我無意之中合什 佢地都好興奮咁話我好精靈, 像知道要向神神道謝 終於回到我的安樂窩了 我會努力以報答各位姐姐哥哥叔叔ee的關懷 Milk: 85ml/3hrs (7 times per day) Weight: 2.98kg
對堤堤b是122日 對我和老公是漫長的10個月 由一開始知道有堤堤b起 大部分的日子都是膽戰心驚的 直至8月12日穿水入院 8月21日痛哭之中生了堤堤b 在PWH比返工和回家的時間還要長 以為今日會喜極而泣, 但沒有 只是4個大人, 一班醫護人員開開心心 不過今天收到朋友SMS道賀就感觸起來 流下眼淚, 從今起希望真的可以一家三口樂也融融 想起要多謝的不單是關心我們一家人的朋友們 尢其是花花的一班好姊妹 無論心靈上還是行動上都對我愛護有加 對堤堤b的信心比我還要大 多謝伍教授, 醫生, 姑娘和呀姐! 多謝醫院內忙於照顧自己兒女的父母 還讓出寶貴的時間來用自身的經歷去安慰和鼓勵我們 特別是素文和Daniel 最重要是堤堤b為著活下來的生命力 多謝毓堤b!
明天出院了, 今日還是第一次跟我的第一位朋友仔合照 大家都十分好奇登大眼互望 好期待出院的一刻 媽媽說姐姐今日到 希望佢好人d 第日會好錫我la Milk: 85ml/3hrs Weight: 2.94kg
因為要預備放大假湊bb 今日好努力, 做到無停手 好累好累 Milk: 80ml/3 hrs Weight: 2.94kg
秀慧姑娘今日同媽咪講我是巨嬰 因為原本5磅已經夠稱出院 可是我是渣豆王的關係 直至現在醫生才肯定我可以走lu 依家6磅有多的我在此已經算是大碼b了 真開心! 雖然秀慧姑娘好好人 不過佢向媽咪投訴我呀 又話我唔乖, 肚餓又喊, 食飽又喊, 要人抱要人陪我傾計至停 媽咪今日第一次打直來抱我 原來好舒服 伏在媽咪心口好有安全感 Milk: 80ml/3hrs Weight: 2.86kg
媽咪今日已經第3次幫我沖涼架la 可是依然雞手鴨腳 今日除哂衫磅完重就那那林掉我落水 頭都唔記得洗 而且次次都係咁 我都已經扮哂鎮定無大喊大叫架la 佢都依然撞左我頭仔落"升"盆度, 好痛呀 >.
已經好幾日冇見堤堤ｂ笑 今日終於笑番ｏ下 食奶都有番少少勁 不過就總係好多風 食一餐奶要掃３次風 唔會係病病ｌａ希望 Milk: 75ml/3 hrs Weight: 2.74kg
Milk: 70ml/3 hrs Weight: 2.682kg
有點擔心 堤堤ｂ今日好像無厘精神咁 仲好少笑ｔｉｍ 唔通有病？！ Milk: 60ml/3hrs Weight: 2.675kg
今日因為要驗眼, Daddy來探我時第一次餵奶比我食 姑娘仲教佢幫我掃風 估唔到Daddy都有番兩度散手 可惜媽咪返緊工欣賞唔到呢個咁感人o既一刻^.* 下午驗眼, 好開心呀, 醫生話應該冇哂事la 不過我比醫生攪完一輪當然心情唔靚又唔係幾舒服 谷住條氣, 終於今晚媽咪餵我食奶時 一來我好累恰眼瞓冇心機食 二來頂住頂住 攪到回唔到氣口唇都黑埋 嚇到媽咪死死o下 Milk: 60ml/3hrs (7 times/day) Weight: 2.655kg
Milk: 60ml/3hrs (7 times/day) Weight: 2.63kg
Milk: 60ml/time (7 times/day) Weight: 2.6kg
