親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
英賢
他的寶貝
他的興趣
文章分類
日期
#Tag
Hi~ 小寶真是可愛
資料載入中...
daddy睡在床上看電視, 夏天daddy在家都不穿上衣的 當然腋毛也露了出來 英賢爬上床來 英賢: daddy你咁多毛毛既? mami: 你大個都會有架 英賢: 看看mami的手腳和腋下,mami你沒有毛毛 mami: 我係女仔ma 英賢: 嗯...daddy毛毛好驚呀)) 講完伏係mami身上狡滑地笑~ 過後,daddy同mami講 daddy: 你個仔講野都有你的風範喎. mami: 當然,佢係我生架. daddy: 最幣都係咁九唔搭八.語無倫次呢! mami: #@#@#@#
daddy去剪了頭髮 吃飯時: 英賢: daddy你剪咗頭髮呀? daddy: 係呀 英賢: 都唔靚,我沒剪我靚d daddy:點樣唔靚呀? 英賢: 唔靚囉~ 爺爺: 你daddy都沒剪頭髮 daddy: 我沒剪頭髮??? 連英賢都覺察到,你沒覺察到? 爺爺: 無語 mami: 英賢你靚過daddy係真.但我覺得daddy剪個頭髮都幾靚仔喎~ 英賢: 都唔靚! daddy: 無語~
今天收到電話,上次幫英賢報名參加親子王國的爸B爸B運動員造型大賽,入選了~ 「爸B運動員造型大賽」 成功入圍通知書 感謝 閣下對是次活動的支持,現特意來函通知 閣下與寶寶已成功入圍6月15日 (星期日) 所舉行的 「爸B運動員造型大賽」,屆時請準時出席活動。 活動詳情如下: 日期 : 2008年6月15日 (星期日) 地點 : 將軍澳中心 寶寶姓名︰ 蔡英賢 參賽編號︰ 4 集合時間: 2:00 pm 比賽時間: 2:30 pm – 3:30 pm http://www.baby-kingdom.com/sports_day/ mami致電daddy.daddy即Say no... 英賢今次沒得參加了... mami想英賢見識見識一下.但是英賢爸的反應是 "咪搞"!!! 好失望呀)))
今晚出去食飯,英賢一直問長問短, 吃飯要搭車嗎?去哪裡吃飯... 走商場時又不想走路,要坐BB車 這個英賢真太懶...
英賢還未看過龍舟競賽,今日帶英賢和妹妹入沙田見識一下 哈,車還未停,人還未落車,MAMI己知道我們去叫散會了... 果然,到達岸邊人流己散去,頒獎也快要完了, 哪有龍舟競賽...人去樓空... 下次要好好安排一下...
今天英賢穿了一對MAMI前年買的ZARA涼鞋 看完了龍舟競賽,走回商場時,英賢的腳皮破損了, MAMI只好抱著他,到達了商場先吃了午飯, 英賢又坐在BB車裡睡著了,MAMI就叫爺爺女麻女麻坐著等, MAMI去找一對人字拖給英賢穿... MAMI找了整個商場都找不到一對平靚正的人字拖給英賢穿 最後,走累了就在CHICKDUCK買了件妹妹的風褸, 加20元換了對沙灘人字拖給英賢穿... 哎))穿了人字拖的英賢在走回家的半路腳又痛了, 夾人字拖的位置也紅了 MAMI就抱著英賢說"哈哈...下次有人不用出街了, 穿這也痛穿那也痛,不用穿了" ...
英賢又咳嗽了, 前2天開始流鼻水...
英賢四歲了,可是還要喂他吃飯??? 在學校英賢可以自己吃,自理能力很好. 可是在家裡,英賢就要人服侍>.
英賢又被選中了要參加表演. 老師派了一張歌紙,要家長幫小朋友背熟. 7月中要表演.爺爺說一班選2個. 爺爺說老師都讚英賢聽話. daddy,mami吃完飯後叫英賢讀, 英賢說不會,不知... 睡前,英賢睡在床上自己在念 哈哈~~原來他會一點. mami就和他一起背歌囉: 左刷刷 右刷刷 洗澡呀 清新爽快 手刷刷 頭刷刷 ... 摔泡泡 洗面面 ... 幣)))mami都忘記了歌詞>.
mami帶英賢抱著 妹妹去supermaket 買了2大袋,英賢自告奮勇 要幫mami拿一袋 英賢拿了走了幾步, 對mami說"呀,重呀,真係好重" 但又沒叫mami拿, 不過mami還是從英賢手裡接過來自己拿. 可是,mami抱著妹妹又要拿那麼多飲品, 真的是力不從心... 又叫英賢拿,英賢拿了一會兒又叫重... 到了lift口就叫mami放下東西 等lift到了再拿, 當然英賢第一時間把飲品放到地下 ~
mami回家在門口就聽到英賢的哭聲了 mami一進門就看到英賢手上有一條紅印.是被騰條打的印 心想一定是被打了,不過,mami也沒過問,因為有時英賢也真太不聽話! 教訓一下也好,不然縱著他將來就不好了! daddy回家看到了,就問英賢"你又被mami打了嗎" 因為daddy也看到英賢手上的傷痕 女麻女麻才說被爺爺打的. daddy說用騰條打會留下傷痕的. daddy可能是心痛吧!mami也心痛,不過... 所以英賢要乖要聽話. p.s.: 爺爺整天都說英賢五歲了,其實英賢才四歲三個月多... 爺爺又覺得英賢五歲了,應該很懂事了...
英賢今晚有些流鼻水, 應該係夜晚踢被子冷到了.
Daddy上星期日己同英賢講今個星期五要帶佢去BBQ 所以英賢由星期一就話佢星期五唔使返學 因為DADDY要帶佢去BBQ. MAMI同佢講要返學,DADDY都要返工. 放工返屋企再帶佢去BBQ. 英賢琴晚問爺爺女麻女麻去唔去BBQ 女麻女麻答英賢"我地冇得去" 英賢講"可能你地都有得去" 哈哈...MAMI都冇得去呀)) 得DADDY同英賢2個自己去咋>.
當MAMI幫妹妹扎頭髮時: 英賢:MAMI我可唔可以做女仔呀))我鐘意女仔! MAMI: 你係男仔.男仔就係男仔. 英賢: 你生我出來就係男仔架? MAMI: 係呀! 英賢: 但係我鐘意女仔,女仔好靚. MAMI: 女仔靚,男仔都可以好有型架~ MAMI: 女仔有時都好麻煩架... 可能讚得妹妹多,無形中英賢就會覺得妹妹靚,女仔靚... 嗯...又係一個學問! 睇來MAMI仲有好多野都要學喎!!!
英賢食軟唔食硬 同佢要用軟功"探"下佢會好d 所以mami大都數都會"探"佢,效果比閙佢打佢好好多 但有時忍唔到... 今晚英賢又挨打了...
哎))英賢4歲了還尿床 真是...
很久沒去婆婆家囉.今日興致勃勃幫英賢,靜賢換了衫就出發去婆婆家了. 英賢未到達婆婆家問mami要不要吃飯.mami話要.英賢話唔使. 到了公公家.英賢對很久沒玩的玩具顯很有興趣. 下午同公公到公園玩.回來問mami 英賢: mami我今晚可唔可以留係度瞓呀 mami: 唔得喎.你聽日要返學 英賢: 唔緊要喇,公公聽日同我返學咪得囉. mami: 唔好喇. 吃了晚飯,英賢都想不回家的意思.直到知道daddy要過來車我們回家 英賢:mami,daddy過來車我o地呀) mami: 係呀.不過你唔返屋企bor. 英賢: 返))咩唔返啫.我聽日要返學架. daddy來電十五分鐘到達要我們在樓下等. 十五分鐘對英賢來講=十五小時 一直問"咁耐架..daddy咁耐都唔黎架... 真係煩煩煩...真正既麻得鬼晒煩! p.s.: 英賢同公公去玩時,mami說不可以再買玩具.因為公公,婆婆,舅父一帶英賢去街都會買玩具(車)回來.當英賢回來mami問英賢有沒有買東西 mami: 英賢你有冇買野? 英賢: 我冇買玩具呀.我買咗糖咋!
英賢回到家沖了涼跟mami說,mami我未做功課呀) 係喎.daddy就幫英賢拿出功課,讓英賢做... 一兩下英賢就完成了功課! 女麻女麻問做完了嗎" daddy說:哎!呢d功課對佢黎講太淺.
mami: 哥哥你今日咁似女仔既 英賢: 你都好似女仔喎 mami: 我係女仔黎架ma 英賢: 你今日咁似男仔既 mami: 我似男仔? 我係你mami黎架喎... 英賢: 有lift喇))) 入黎喇))麻鬼晒煩!真係呀! 今日表妹要食奶奶時姑媽未調教好表妹一直喊喊 英賢就拿出大哥哥的氣勢了. 英賢: 哎呀))使咩喊呀))飲奶奶啫ma.又唔係要你飲藥,唔使喊喇))) 哈哈..英賢忘記了他都是這樣長大的.幾個月時想食奶都會cry cry.. 英賢媽都要幫他重溫一下才行.
今日去了sogo買了英賢,靜賢每人一張泠氣被(珊瑚絨).很輕很軟很舒服~ 英賢媽找了好久都買不到比較便宜的.今天大特價所以每人買了一張 英賢買新x線的卡通.妹妹買了張粉紅豬的卡通... mami買了一點點化妝品. 由於人太多,所以大大大大地打擊mami shopping的心情 有點想不買的感覺.太多人了.
最近比較少流鼻血了 今晚daddy叫英賢起床尿尿 英賢伏在daddy的膞頭尿尿 英賢又用手去"了"鼻子 然後又流鼻血了>.<
昨晚吃飯時,Daddy跟英賢說下個星期五帶他去BBQ,問英賢去不去,英賢快快趣趣地回答"去,我去". 今早(很早六點多)英賢就哭著跟MAMI說"我要和DADDY去呀" MAMI說:好好好>很想睡 英賢又哭著說"MAMI我要和DADDY一起去呀 又問MAMI明天要不要上學 MAMI:要呀 英賢:唔得呀))我要同DADDY一齊去呀)) 原來他說要一起去BBQ,MAMI郤以為是要跟DADDY一起出門上學去. MAMI說跟他說"BBQ要下個星期五呀)) 英賢才冷靜下來
英賢看到daddy買了蛋糕就問daddy蛋糕什麼時候可以吃 daddy說要吃完飯才可以吃,今晚英賢第一個吃完飯. 吃完飯的英賢就數著爺爺,女麻女麻未吃,daddy,mami未吃 ... 吃完了飯就迫不及待地想切蛋糕 daddy,mami說要等妹妹睡醒才切蛋糕 英賢進去妹妹的房裡吵醒妹妹,妹妹被哥哥吵醒沒吵鬧~ 然後過了一會兒就切蛋糕囉...
英賢: mami,好熱呀? mami: 好熱慢慢飲(奶粉) 英賢: 唔係呀))個頭呀))
本來今天想帶英賢去東莞找舅父舅母 但公公說東莞有手足口等問題 所以mami跟婆婆一起去囉 下次再帶英賢和妹妹去走走~ p.s.:英賢很想去,還好mami出門時,英賢還在睡,不然又要吵鬧哭一兒才可以解決問題!
今天本來想去大出血的 可是原來要有會員卡才有折 所以,mami所挑的東西都沒買 包括英賢的校鞋(白色),雨鞋...
本來全心全意放在英賢身上的... 自從妹妹靜賢出世後 對英賢的照顧,教育,親子等等都放很少很少時間在英賢身上 DADDY也沒空.MAMI的時間差不多全給了妹妹... 可能妹妹還小的關係吧?所以MAMI覺得妹妹需要照顧需要... 哎)) 真的一心不能二用... 很難兼顧二者... 希望妹妹再大一點MAMI就可以放多點時間在英賢身上!
昨晚睡前想教英賢寫字 英賢也很有興趣 mami想教英賢寫A,B,C... 英賢寫個"A"字.但還未寫中間一橫就跟MAMI說 MAMI這個是不是"人"字呀?? MAMI就寫個"人"字給英賢看. 然後一心想教英賢寫自己的名字 一會兒,英賢寫了個"人"字給MAMI看 問MAMI這是不是"人"字 MAMI就讚賞英賢很叻 英賢寫的人字很整齊哦~
今日帶英賢去麥記食 mami:英賢你乖mami咪帶你食麥當勞囉 英賢: 你請咩? mami;梗係喇))唔通你請咩? 英賢: 梗係喇))我請! mami:你邊有錢呀? 英賢:你唔俾錢我,我梗係冇錢架! mami;你大個要自然賺錢,仲要mami俾錢你? 英賢: 咁我細個ma mami:你大個要去返工喇 英賢: 使唔使自己去架 mami: 要架,mami都係自己去返工架. 英賢: 唔得!
一大早英賢就吵著要去游水 mami只好帶他去游水,一下水英賢就像猴子一樣粘在mami身上 不敢自己玩,一直說他會趺下去水裡 一年多前在澳洲黃金海岸被水沖倒一次 直到今天還有陰影,真不知要如何是好? 而且佷泠,英賢的咀都"打冷陣" 然後有位生員叔叔過來跟mami說不不如帶他到bb池. 這樣會吓壞他,會不敢游水了 mami只好帶他到bb池玩水 英賢玩得才開心,因為BB池只有他一個人玩~