親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
英賢
他的寶貝
他的興趣
文章分類
日期
#Tag
Hi~ 小寶真是可愛
資料載入中...
學校有一本筆記要記錄每看一本故事,要摘錄下來, 還要幫故事中你最喜愛的角色畫上去筆記裡, 英賢看了本小熊維尼列的, 英賢話最喜歡是小熊維尼,又要給小熊維尼評你最喜愛分,最高五分, 最初英賢話好喜愛,要五分,daddy剛剛走過來 daddy: 五分? 咁即是你好喜愛喇,咁你講本故事書俾daddy聽 英賢: 呀))咁三分喇,媽咪)) 媽咪: 三分,都要識講些內容喇... 英賢: 咁幾分呀...2分喇... ...
今早英賢一早起床,所以和媽媽一起出門口, 當我們在天橋行時,媽媽就心血來潮問英賢加數的問題 媽媽: 5+5=? 英賢: 好快答10囉. 媽媽: 咁10+10=? 英賢: 12囉. 媽媽: hahaha20呀 媽媽: 4+3=? 5+4=?... 10之內加數英賢基本都答中, 但2位數字就還要努力...
媽媽問老師英賢上學專心嗎? 和同學之間相處好嗎? 因為英賢跟媽媽講只是喜歡和幾個同學一起玩, 不喜歡和其他同學一起玩,因為其他同學不乖. 今日老師回覆了媽媽,答案媽媽很滿意. 老師說, 英賢上課時多數都專心聽書,有時老師未講到未問到時,英賢己舉一反三了. 而致於英賢講的喜歡和幾個同學一起玩, 就是班裡的『聰明一族』,這班『聰明一族』在分組時就會變為搗蛋, 但老師話這是聰明的小朋友的表現. 11月會分配英賢和比較文靜的小朋友一起坐,互相影響,.讓他們更好. 媽媽問英賢分組是什麼? 英賢: 分組就係有hello kitty組,melody組,大口組,咁呢hello kitty組就打直,咁melody組就係打橫,大口組都係打橫既,咁呢有d呢就玩泥膠,有d呢就睇圖書...但係呢大口組冇得玩泥膠. 媽媽: 點解大口組沒得玩泥膠? 英賢: 因為hello kitty組唔俾玩. 媽媽: 咁你咩組呀? 英賢: 我係hello kitty組. 媽媽: 你讓其他小朋友玩囉. 英賢: 其他小朋友都唔讓,我都唔讓囉. 媽媽: 咁你要做個好榜樣,你試下讓其他小朋友玩,或者其他小朋友都跟你讓俾大口組玩呢?你讓其他小朋友玩,其他小朋友又讓你玩,媽媽跟英賢講你對人好,人對你好的道理,不知英賢明不明白? 英賢: 沒出聲...
今日老師告訴媽媽,英賢在學校裡和同學互涂花了功課, 英賢做錯了不認還把責任推在別人身上, 今日也被老師嚴厲地教訓了一餐. 老師叫英賢回家自己跟爸爸媽媽解釋, 英賢跟媽媽講因為同學涂花他的功課, 所以他又涂花同學的功課, 因此媽媽又狠狠地幫英賢上了一課, 錯了要勇於承認,知錯能改要好孩子... 并著英賢明天上學要同老師講"對不起,下次不再犯..." 睡前媽媽又給英賢上一課溫馨提示, 希望英賢真的能改進!
英賢見到媽媽幫他簽手冊 經常叫媽媽教他簽名, 媽媽叫英賢先學好寫字, 字寫得靚,名才簽得好看, 今日,英賢做完功課又叫媽媽簽名, 媽媽說不用簽,英賢竟然自己在功課裡簽了個名, 但個名是模仿媽媽的英文簽法, 還有點相似@#@#@#還識得彎彎曲曲, 看來,有朝一日,英賢學校的家長簽名不必再勞煩媽媽了...
英賢為了一粒糖而不開心, 媽媽問英賢為何為一粒糖而不開心, 因為粒糖是英賢不小心掉在地下的, 但英賢要求媽媽再給一粒他食, 媽媽不肯,因為英賢今晚己食了很多粒糖了. 英賢因此而嬲媽媽,自己鎖上門去vv及刷牙洗臉, 跟住怒氣沖沖地跑入房,用被子把自己連頭蓋上, 媽媽問他,英賢一語不發. 最後被媽媽的誠意打動,發表言論, 英賢:我跌咗粒糖,你作咩唔俾多粒糖我食呀>.
媽媽和英賢行街時,又要求媽媽買搖控車, 媽媽不買,英賢就反問媽媽 英賢: 你上次又話買? 媽媽: 幾時呀? 英賢: 你上次去機場時囉,你唔記得喇>.
今日下午,媽媽獨自帶英賢去旺角行花園街, 打算幫英賢和妹妹買衫衫, 但花園街人很多,而英賢又好像很累的樣子, 媽媽也沒心情買東西,所以英賢買了支甜筒食就回家了... 其實是媽媽見到多人頭也疼, 也沒心情shopping, 再來是不覺有東西可shop???
今晚帶英賢出去食飯, 媽媽的朋友讚英賢比較乖了, hahahaa媽媽沒覺得, 但食完飯,媽媽和朋友聊天時, 英賢有時會問媽媽幾時走, 但媽媽講要等多一會兒, 還有當媽媽和朋友聊天時不準插話, 英賢就坐一邊自己玩,雖有時會再問何時走, 但大致上都比較乖...
英賢現在睡前總要 食生果或食cake, 食完自己去刷牙洗面, 跟住就入房睡覺~
食晚餐時,英賢突然問媽咪 英賢: 媽咪你覺唔覺得我肥咗呀? 媽咪: 一頭mo水, 女麻女麻話英賢昨晚食了一粒orange和一块cake, 話要同daddy一樣肥~_^ 英賢又問媽咪有沒有肥了 媽咪應酬式的回答:嗯,小小...
英賢這幾天不知何事,經常要媽媽抱抱, 睡覺前又要和媽媽一齊, 早上媽媽起床又要和媽媽一齊起床, 又要和媽媽一齊出門口,媽媽上班,英賢上學. 英賢還經常話要和媽媽一齊上班...
哥哥: 妹妹你同唔同哥哥玩呀? 妹妹: 沒反應 哥哥: 你過來同哥哥玩呀~ 妹妹: 唔哦 哥哥: 你唔同哥哥玩,咁哥哥自己玩喇! 果然自己走一邊自己玩...
英賢現在一到假期就會要求要去哪裡,要去哪裡玩了, 英賢一時會叫mami帶他到迪士尼,海洋公園或澳門或去坐纜車,很多選擇, 哎,每到假期又是媽媽的辛苦日,要計劃到哪裡玩, 又要計劃哪裡適合一家大小玩,今日因應英賢的要求帶他到公園玩, 這個公園就是濕地公園喇~ 一到濕地公園就先食了個午餐,食完就開始遊山玩水, 不過走到了一半英賢就問媽媽,是否只有一個地方玩而已? 濕地公園裡有個遊樂場,供小朋友玩的, 其他地方只是觀賞雀鳥樹木等...媽媽就回答英賢是的, 濕地公園看觀賞雀仔的地方,英賢就回答"我都唔鐘意睇雀仔". 看來下次要去海洋公園/迪士尼比較適合...
今日去接英賢放學, 媽媽偷偷看英賢學跳舞的情形, 見到英賢都專心學舞步, 休息時又會跟同學聊天, 放學時英賢一見到媽媽 又好開心地跑過來... 然後媽媽帶英賢去食午餐, 但間餐廳媽媽己忘記怎麼走, 媽媽跟英賢說媽媽想去哪一間, 因為之前去過吃一次了, 媽媽就跟英賢形容間餐廳 英賢即刻跟媽媽講 佢知餐廳在哪裡要帶媽媽去, 果然,英賢帶媽媽到媽媽想吃的那間餐廳~ 英賢認路比媽媽更好!
明天不用上學了, DADDY叫英賢做功課, 英賢問DADDY可否今晚先做一些功課, 英文留待明天再完成? 做功課還有計劃呢???
晚上要睡了,DADDY經常開著電視睡覺, 媽媽叫DADDY關上電視,媽媽講了多次, DADDY還無動於終, 突然媽媽看到一條小黑影爬上來關電視, 然後又無聲地去睡覺了. hahaha此時此刻媽媽警告DADDY做事要三思而後行. 因為媽媽現在多了2個小手下, 這2個手下威力猛得很,DADDY要小心囉. DADDY此時也只能苦笑,然後乖乖地睡覺了..
英賢做功課時,總是漫不經心的,有時寫字時東倒西歪的, 今日寫個"本"字,英賢寫得不好,被媽媽擦了,英賢要求媽媽握著他的手寫3個,英賢自己又寫3個,媽媽依照英賢的要求,帶著他寫了3個字,餘下3個字英賢自己書寫,這3個字竟然寫得靚過媽媽帶著寫的字??? 再來要用"本"字涂顏色,媽媽問英賢"本"字幾多筆劃? 英賢很快地回答4筆劃.英賢拿了4支顏色筆,好細心地在"本"字涂上顏色, 而且自己講不要涂出界,媽媽見到英賢真的好認真地涂顏色,而且進步很多. 英賢認真時真的很叻,但有時就要依賴別人這是需要改進的.
英賢學校出了個新方針,是針對家長和老師的溝通, 讓老師家長進一步了解小朋友. 而這個新方針是利用一本小小冊子, 老師每天都會寫上小朋友在學校時的情況, 有時讚揚,有時需改善的地方. 而家長亦可以寫上小朋友在家的情況,讓老師和家長互相配合. 這是媽媽覺得很好的方法! 今日老師說在玩遊戲時,題目是2隻手___? 老師說英賢好快地講出2隻手握筆. 英賢有時反應確實很快. 不過老師說英賢有地方不好的是,英賢教過的字,學過的東西, 他會不想再學,會不認真聽書,這樣往往會錯過後面的教學, 這是要改善的地方.
昨晚媽媽和女麻女麻講普陀山之行的趣事, 英賢突然對媽媽講"mami我好掛住你呀" 媽媽即刻擁抱一下英賢,英賢都好滿足的樣子. 晚上睡覺還要媽媽抱著睡...
今日英賢跟daddy妹妹一齊接媽媽機, 英賢見到媽媽笑很好開心, 直到坐車,聞到糖糖的味道更加開心. 食了2粒就更加開開心心~ 回到家,食晚飯時,英賢吃到一半, 突然走過來抱著媽媽好嗲地叫mami. daddy問為什麼這麼嗲?是不是掛住mami, 英賢點點頭. 此時此刻媽媽個心好甜,好甜...
帶英賢去商場行街,英賢突然要去toilet, 媽媽讓英賢自己去男廁,媽媽站在門口等了又等, 見英賢沒出來,開始有點擔心,唯有站在門口叫英賢))英賢)))... 但英賢沒回應.此刻媽媽更加擔心了,終於見到英賢行出來了, 媽媽:你入去咁耐架? 英賢: 梗係喇))我篤尿大篤麻! 媽媽聽到這個答案都不知好笑定嬲好?
英賢和媽媽講長途電話,. 英賢第一句話沒說想念媽媽, 也沒問媽媽幾時回家, 只是問了媽媽幫他買了玩具了嗎? 好失望呀)))
昨晚英賢和爺爺一起睡,今晚又要求要和爺爺一起睡. 當媽媽要睡時,英賢拿了被子過來問媽媽 英賢: 媽咪呀))我可唔可以同你瞓一陣,跟住再同爺爺瞓呀? 媽咪: 嗯. 英賢就同媽咪一起睡在床上, 媽咪: 你點解唔同爺爺瞓呀? 英賢: 因為爺爺瞓覺時會(示範有動作及好深好大既呼吸聲),咁我就會發夢,我發夢車胎爆了,我好驚... 媽咪: 發夢唔使驚,咁爺爺瞓覺係有鼻汗聲.不過都唔使驚. 英賢今晚又失眠了,又睡在床上和媽媽聊天了, 英賢: 媽咪呀?但係我好驚換牙喎? (無端端講) 媽咪: 換牙唔使驚,每個人都要換牙架...daddy,mami...個個都換牙喇... 英賢: 點解細表哥前面冇牙齒既? 媽咪: 嗯,因為細表哥換智慧牙喇... 英賢: 媽咪呀)...你不如俾錢我,咁我就可以去南海囉. 媽咪: 媽咪都冇錢,你有冇呀? 英賢: 我有,我d錢放係女麻女麻度... 媽咪: 你d錢點會放係女麻女麻度架? 英賢: 我d錢放係daddy度,你俾daddy,daddy俾我... hahahaa...英賢的錢的確在媽咪度...英賢己是個小小富翁了~
出街要求多多
英賢經常會提起澳門,今日又見到O字 英賢就跟媽媽講O就是澳洲的澳, 都是澳門的O. hahahaa,英賢很想再次去澳門, 反而去澳洲的事他己忘得一乾二淨...
今日公公過來帶些東西,英賢硬要跟公公去公公家, 那媽媽只好讓英賢跟著過去,下午媽媽打電話給英賢, 英賢到公園玩了一會兒就回公公家,公公煮飯英賢食完飯就叫著要回家, 公公又要帶著英賢回荃灣.DADDY到MTR接英賢,回到家時媽媽見到英賢哭著回家, 媽媽問DADDY發生什麼事,DADDY又要英賢自己講, 英賢一邊哭一邊講,講得不清不楚,最後DADDY講英賢由搭MTR一路哭著要搭小巴, DADDY說打電話給公公時己聽到英賢的哭聲, 可見英賢哭得很大聲,到了荃灣見到DADDY哭得更大聲, 2隻手放在PAT PAT後,原來英賢又叫公公買玩具了, 所以英賢回到家第一件事是挨打,第二件事是罰站, 站了好久英賢問DADDY可不可以休息一下,DADDY當然不肯... 而且由今天起所有玩具英賢都不許玩,要玩要問過DADDY... 真是自討苦吃. 媽媽亦很生氣,怎會在MTR裡吵鬧,真是氣人,這是英賢第一次在街上大吵大鬧, 英賢應該是覺得公公疼他,所以才這麼囂張. P.S.:英賢向DADDY認錯時的講話: DADDY我下次唔會喇, 如果公公要買玩具俾我,我會同公公講,公公唔使喇, 我有好多玩具喇,多謝喇.仲有下次搭咩車就搭咩車,唔準喊喊. DADDY問媽媽是否教英賢講,媽媽都不知發生什麼事, DADDY才向媽媽講英賢講了上述說話,以為是媽媽教英賢講, DADDY不問,媽媽都以為是DADDY教英賢講的.
今日英賢學jazz舞第一堂,由爺爺帶回校, 中午英賢致電媽媽; 英賢: 喂,媽咪你收工未呀?我今日學jazz舞,你要帶我去... 媽咪: 爺爺帶你去,媽咪接你放學 英賢: 唔得架喇.你要收工帶我去.跟住你係度等我... 媽咪: 得喇,爺爺帶你返學,媽咩接你放好啱啱好... 英賢: 唔得架... 媽咪: 好喇,好喇...媽咪要做野喇...係咁喇... 英賢: 無奈地bye-bye. 到媽咪到達學校接英賢時,英賢尚未放學, 等了一會兒就由老師帶住排隊出來, 英賢第一眼見到媽媽就笑得好開心地跑了出來, 英賢好開心,而媽媽亦很開心, 因為媽媽很少接英賢上學,放學, 所以很珍惜每次接英賢放學的日子...
每次英賢做功課如果是daddy教, 要媽媽當中間人,平息戰火. 但如果是媽媽教又要daddy做中間人, 平息媽媽心中的火. 所以英賢做功課時, daddy,媽咪受內傷連頭髮也受傷. ↓ ↓ ↓ ↓ ↓ ↓ ↓ ↓ ↓ ↓ ↓
英賢經常和妹妹搶玩具,妹妹玩時英賢又想玩, 妹妹又不會讓給哥哥,所以經常出現為玩具而吵架>..