親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
英賢
他的寶貝
他的興趣
文章分類
日期
#Tag
Hi~ 小寶真是可愛
資料載入中...
一講到沙灘就輕輕鬆鬆, 一講要下水就心事重重.
因應英賢的要求, book咗今晚9-10點打羽毛球!
放假中的英賢, 白天吃喝玩樂及睡覺, 晚上吊兒郎當及無聊. 當媽媽食晚飯時, 英賢不吃還說等一下吃自己會去裝飯, 媽媽吃飯時, 英賢真的很無聊. 到了吃完飯又跟媽媽去會所, 晚上要睡覺時, 英賢又睡不著, 英賢: mami呀,我瞓唔著,我可唔可以做功課呀? mami: 嗯,好!(其實內心是非常不願意的.因為己11點多了,而媽媽也正想入眠,簡直想起火>.
今早, 帶哥哥和妹妹前往婆婆家, 哥哥和妹妹選擇搭小巴, 在等小巴期間, 哥哥嫌等得耐, 要求搭的士, 因此一有的士經過, 哥哥就會舉手, 做一些動作, 媽媽:哥哥不要舉手,的士司機會誤會我們要搭的士. 哥哥: 我做運動都唔得咩? 媽媽: 你唔好每次的士經過都做運動囉(忍不住笑). 再下一城的駁咀, H1N1的關係,很多人都不太願意去按電梯, 但哥哥和妹妹郤很喜歡按電梯, 當我們在坐電梯時,英賢按電梯, 當時只有媽媽和哥哥還有妹妹, 媽媽:英賢,你知唔知,H1N1好多人都唔想去按電梯呀? 英賢: 知呀,但係我地唔按落唔到去喎(正在搭電梯)!!! 每次駁咀總是很有道理的, 媽媽有時都不知如何反駁.
今日接到英賢班主任的來電, 學校為了減低H1N1的傳染, 又要配合教署的方針, 下定了一些令家長措手不及的措施, 每位小朋友每個星期返二日學校, 因為教署有指引每日學校的學生不可超過教署指引的人數. 換句話說學生要輪流返學校, 一星期返二日,而且半日可接走, 一個月返八日, 興趣班照上, 旅行照去, 上課免談, 學費交足! 政府出的政策, 家長郤沒對策. 無奈...
今日, 英賢上學了, 在家無所事事, 除了同妹妹玩及吵架, 除了打遊戲機, 似乎沒其他工作... daddy決定讓英賢返學, 反而英賢媽就15/16>.
作為父母的, 每當仔女不聽話時, 便用比較嚴厲的聲音或用咆哮的聲音去喝止及教導. 有時更用上家長的身份去強制.去對付! 可能思想己進入備戰的狀態, 被憤怒遮住了雙眼及心靈. 往往忽略了小朋友的感受. 為何英賢媽會這麼大感觸呢? 事關妹妹拿了媽媽的粉底液出來玩, 媽媽上次己警告一次妹妹了, 今次妹妹又重施故技, 於是媽媽用了比較重及大的聲音去制止, 當然妹妹未聽話, 但媽媽第二句話未講時, 另一邊己傳來英賢的訓話: 英賢: 哎呀,mami呀,你都唔使咁激動架!你又唔摆去其他地方,你買咗又晒錢,咁無咗咪無咗囉,你仲買呀?!咁咪晒錢囉.妹妹係唔啱,但係你都唔使咁激動架!!!... (媽媽插咀的機會也沒有,英賢一輪咀係咁講,而且頭頭是道,也有道理,而且一而再,再而三地強調媽咪唔使咁激動!到英賢發表完言輪後,到媽媽講出自己的聲音喇) mami: 咁你知唔知mami點解要咁勞氣呀,點解咁激動呀?因為小朋友唔聽話,人地叫一次唔聽,二次唔聽,要daddy或mami勞氣先驚先聽話囉.好!你唔想mami咁激動,咁你以後要聽話. 英賢: 係,係有時唔聽話,咁你都唔使咁激動架,有小朋友係食飯要叫幾次,功課又唔做,咁係唔啱,咁你都唔使咁激動架(講話時不可一世咁好囂張)... 中間有些連媽媽都被英賢駁到無話可說,也忘記了... mami: 咁你第時你有你既小朋友,你既小朋友就由你教,我既小朋友就我教,咁我既小朋友係邊個呀? 英賢: 咁媽咪呀,係咪做媽媽再做女麻女麻架? mami: 係呀,你結婚生了小朋友,我就係女麻女麻囉. 英賢: 咁mami呀,你會死架? mami: 係呀, 英賢: 咁你死咗,我就揾唔到你架喇? mami: 係呀. 英賢: 點解? mami: 到時,我同你就係唔同世界既人喇. ... mami: 咁英賢呀,你第時會點教你個小朋友架? 英賢: 我咁細個未知喎,我大個先知! mami: 無語! 媽媽覺得英賢觀察能力很好, 一舉一動都被英賢都洞悉, 是好是壞...
英賢拿了daddy,mami結婚的照片觀看. 英賢老實不客氣地話媽媽不靚>.
今早, 媽媽帶哥哥和妹妹到吉之島的遊樂場玩, 差不多一點回家食午餐, 食完午餐哥哥和妹妹午睡, 哥哥和妹妹午睡期間, 媽媽也偷空到樓下商場逛街, 順便幫英賢買件泳褲. 差不多三點,媽媽叫醒英賢去游水. 換好泳衣就到泳池游水, 四點daddy抱著妹妹到泳池和媽媽哥哥會合. 五點散會. 食完晚飯,英賢做功課, 夜晚又到商場逛街, 食麥記,食雪糕... 今日節目安排得好豐富!!! 暑假@_@
今日帶英賢去游水, 首先由daddy負責消除英賢下水的恐懼, 慢慢英賢也有進步. 由起初的喊到自告奮勇再下水, 當然daddy,mami在一邊也要落力的讚美. 希望慢慢消除恐懼, 這樣媽媽就可以幫英賢報學游水的課程.
新聞的報導, 每日都有不少的H1N1確診者. 相信復課的機會不大, 外界評論, 停課是正確的選擇或是不智的決定? 總括來說, 最希望是H1N1快快地走. 每個人都有不同的聲音, 但最終都是希望大家平平安安,快快樂樂地過日子, 每一天活在昨天多少人中招, 今日又多少人中招, 這個數字遊戲真的不好玩, 好像活在恐慌的日子, 這種日子也真不好過!!! 英賢這個提早來的暑假還沒安排一些暑假活動, 也不知安排些什麼課程, 就由他吧!
自從妹妹出世, 英賢便要跟媽媽一起睡, 妹妹未出世英賢跟女麻女麻睡. 因此英賢一直都很渴望跟女麻女麻一起睡. 今晚, 妹妹又過來跟媽媽和哥哥一起睡, 妹妹躺在床上, 英賢便下令叫媽媽把電視及電腦關上, 媽媽唯有遵照辦理. 把電視及電腦關上後, 英賢也叫妹妹把眼睛閉上, 然後問妹妹,妹妹你睇唔睇到野呀? 妹妹: 睇唔到媽咪,睇唔到哥哥.(哇...名副其實睜著眼睛話大話) 哥哥: 媽咪我同你講d野.然後(好細聲在mami耳仔邊)mami我可唔可以跟女麻女麻瞓呀? mami: 嗯. 哥哥即刻飛奔過去, 可惜一切計劃被妹妹識破, 所以當哥哥飛奔的一刻, 妹妹也不逞多讓地跑過去... 最後當然是哥哥輸了, 被媽媽呼叫回來...
有一晚, 天真的英賢又問媽媽一些可愛的問題; 英賢: mami呀,我細細個係咪飲你身體的奶奶架? mami: 係呀,你飲咗十幾日. 英賢: 但係mami呀,我e+都好想飲你身體的奶奶呀! mami: 呀))mami冇奶奶喇... 英賢: 點解呀?咁你飲奶奶,咁奶奶可以係你身體流出來,咁我咪可以飲囉! mami: @#@#@(小朋友有時好似好大個咁,但有時都還是好天真的.)
今日英賢問媽媽去哪裡玩, 媽媽反問英賢想去哪裡? 英賢: 我想去迪士尼. mami: 迪士尼...唔得.你再諗下. 英賢: 去日本都得,去澳洲都得! mami: @_@
為此媽媽要買攝影機!!! 考慮中...
政府決定全港小學、幼稚園、幼兒中心及特殊學校明天起,停課14日。
昨晚, 媽媽遲了回家, 回到家, 英賢己睡著了, 很少這麼早睡, 連英賢爸都膽心英賢是否不舒服? 還好... 沒有!!! 今早, 英賢爸媽起床後, 英賢也起床, 當爸媽刷完牙,洗完臉後, 入房, 竟然見到英賢自己穿校服, 也很乖巧地飲奶, 完全自動自覺. 然後又自己穿祙子,穿鞋子. 爸媽出門口了, 等電梯時, 英賢由爺爺帶著走出來, 哇... 媽媽見到一個神采奕奕, 英姿煥發的小伙子! Good!!!
英賢一達珊姨姨屋企, 一進門就話"好靚", 玩了幾分鐘後... 英賢: mami呀,點解佢地屋企咁細既? mami: #@#@@#呀... 再下一城... 英賢: mami呀.點解佢地間房咁細既? mami: #@#@#@#... 記得上次坐boss的車時, 坐著坐著... 英賢: mami呀,點解架車咁細既?# @#@#@... 這種問題殺個媽媽措手不及!!! 唯有...
每當我們乘的士時, daddy都會叫士機叔叔lock咗對門. 今日, 由港灣豪庭坐的士時, mami抱著妹妹, 英賢: mami你上先喇. 英賢墊後,關車門. 一坐著, 英賢: 司機叔叔,唔該key咗個門呀!(口氣十足十大人) 司機叔叔: #@#@#唔明. mami: 哦...佢意思話lock咗對門呀.(hahahaa) 路途中, 妹妹: 蔡英賢))坐好d呀!! 再由婆婆屋企到荃灣時, 英賢依然墊後,上車後, 英賢:司機叔叔,唔咳lock咗對門呀. 今次的司機叔叔有點串, 不把門lock住,連反應也沒有. 直到差不多到到愉景新城時, 英賢問mami分左定右, 媽媽教英賢左右後, 英賢: 司機叔叔,唔該轉右呀! 司機叔叔: 呢度轉右呀,呢個路口轉右,去唔到愉景新城喎? mami: 下一個路口呀!!! 英賢: 下一個路口,唔該! 英賢十足十大人咁既款!!!
英賢在這半年真的成熟不少, 在會所和小朋友玩耍或跟爸媽的談話, 都顯示出英賢很有自己的主見. 但,媽媽頭痛的是, 英賢越來越識得駁咀, 性格又固執又硬頸, 媽媽有時都需要用上身份去強制... 未長大想他長大, 長大又想他未長大...
媽媽帶哥哥和妹妹到會所, 本來哥哥留在會所玩的, 因會所沒人,英賢不肯自己留在會所玩, 這樣的話, 媽媽又不能帶他入女廁, 媽媽最後2個選擇給英賢; 第一:他自己在會所玩,媽媽帶妹妹去沖涼. 第二:媽媽帶他回家. 英賢賭氣地,怒氣沖沖地跑入遊戲室, 坐在張枱上, 好明顯不開心及不願意. 媽媽心軟地行過去問英賢: 得唔得呀,你自己係度玩? 英賢: 你仲唔去!(語氣好惡) 媽媽: 咁你自己留係度玩喇! 英賢: 行喇,你仲唔行!(低下頭,眼也不望媽媽,態度極不禮貌!) 媽媽: 你呢d咩態度呀?!我依家去沖涼,你反省下! 媽媽回來了, 媽媽: 英賢,mami頭先同你講咩呀?! 英賢: 不屑地... 媽媽: 好,你玩住先,返屋企再算賬! 英賢: 對唔住,媽咪! p.s.:平時"對不起"這三個字,英賢很少講的, 今日這麼快講,莫非...因為...daddy在家?!!!
英賢經常問媽咪, 食溂尿蝦會唔會溂尿架? 但是... 英賢不用食溂尿蝦己經常溂尿!!! 媽媽也給他一個新稱號"溂尿王" 非他莫屬!!!
五年來, 這次是媽媽打英賢最狠最痛的一次. 打在兒身,痛在娘心. 但... 兒女不教,父母之過! 希望這次的痛英賢會有所改善, 痛定思痛... 後記: 當媽媽在跟英賢解釋為何打他時, 媽媽問英賢, 為何要讓媽媽傷心? 要媽媽生氣? 媽媽很不開心. 此時,媽媽哭了, 英賢也哭了, 英賢哭得比媽媽打他時哭得更悽慘! 或許是明白吧?!
哥哥要求媽媽去冒險樂園買個白色的超速yoyo, 媽媽在灣仔查看價錢, 原來平至10蚊貴至100以上, 而英賢的白色超速yoyo也要hk$108. 媽媽幾經選擇後, 決定買個10蚊的叮噹yoyo. 回到家, 經妹妹玩弄下, yoyo己重傷, 果然10蚊有10蚊的貨色@_@ 哎...
今日去婆婆家, 英賢每到婆婆家也當自己家般, 加上公公婆婆的疼惜, 英賢更加自以為是了. 下午, 媽媽突然發覺英賢的褲袋多了3個1蚊銀, 媽媽查問下, 原來公公的散銀全部放在一個鐵罐裡, 英賢自己去拿, 要去商場玩入一蚊可玩彈彈珠或鉗公仔, 但沒問準公公下竟然自己去拿, 這樣和偷有何分別!!! 在媽媽的責罵下, 英賢乖乖地全數繳回, 下不為例, 否則報警處理!!!
英賢去會所玩, 看到小朋友玩yoyo, 英賢叫媽媽去冒險樂園買白色的超速yoyo...
英賢如常跟媽媽到會所玩耍, 媽媽入會所找英賢時, 有位姨姨問英賢幾歲? 姨姨不相信英賢是一位K2的小學生, 以為英賢是小一或小二的小學生??? 經媽媽証實姨姨才相信!!! 因為姨姨覺得英賢身高及表達能力很好, 講話也很成熟!!!
英賢很大汗, 上次接英賢放學老師都說英賢好大汗, 每次去會所玩總是滿頭大汗, 滴滴滴... 回家後都要再沖多一次涼@_@
英賢習慣跟媽媽去會所, 媽媽去沖涼, 英賢去遊戲室玩耍, 媽媽沖完涼陪英賢在遊戲室玩多一會兒再回家. 今日見到英賢好主動地和其他小朋友玩耍, 而且會主動想出一些玩法, 如厚身地膠中間有個隆, 英賢就把地膠挨在墻, 然後玩入樽, 其間全部都是自己一手一腳去布置. 突然間媽媽覺得英賢在辦事方面成熟了及膽也大了! Good!
今個母親節英賢送了一架車給媽咪, 媽咪拿起卡片中的車問英賢; mami: 呢個邊個黎架? 英賢: 呢個咪我囉,呢個係mami.(英賢坐司機位,mami坐一邊) mami: 咁呢支係咩呀?(車尾加畫支旗?) 英賢: 呢支係中國國旗! mami: @_@中國國旗?(媽媽覺得英賢有一個好強烈的民族意識) mami: 咁呢架係咩車呀? 英賢: 呢架咪雪糕車囉~ hahahaa相片後補. 很開心收到英賢送的車!!! n年後可能變真!!!