親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
英賢
他的寶貝
他的興趣
文章分類
日期
#Tag
Hi~ 小寶真是可愛
資料載入中...
哎............. 最近全家人都好黑咁.... 由妹妹發燒, 媽媽扭傷腰部, 爸爸咳嗽, 英賢的臉皮膚敏感, 到昨晚半夜發燒, 食咗藥退燒, 但今朝又肚痛......... 如何是好?
交表-小學
媽媽生日
公公生日
英賢也好像很期待新學校的校園生活, 因為英賢會很興奮地問長問短, 也很期待坐校車, hahahaa... 這個新開始相信會更好!!!
沒太擔心英賢能否適應新學校的環境, 果然英賢也沒讓我們失望, 一切都很好!
又到聖誕...
未搬屋前, 英賢都是和媽媽睡的, 搬屋後, 英賢竟然好獨立地自己睡一張床, 叫他跟媽媽睡都不肯, 話好鐘意自己睡及喜歡張床. 獨立是好事, 男孩應該是這樣的, 但媽媽心裡也有點失落及不捨呢>.
哈哈.... 食飯時, 英賢: daddy你幾歲呀? daddy: daddy咪幾歲囉. 英賢: 你大d定我大d呀? daddy: 你話呢? 英賢: 媽咪你幾歲呀? mami: 我,我18歲囉,daddy25歲呀. 英賢: 笑笑口講,你講大話,18歲讀大學喎,我見你咁耐都返工! mami: 我唔係返工呀,我係返學咋,你搞錯咗喇(hahahaa). 英賢: 你講大話(笑著講). mami: daddy你幾歲呀? daddy: 25囉. daddy: mami你幾歲呀? mami: 18囉. hahahahaaa 英賢: 你地講大話. mami: 講笑啫.
睡前, 英賢: mami你幾時得閒帶我去探荃灣學校的小朋友呀? mami: 嗯,mami放假就帶你去好唔好? 英賢: 嗯,咁你幾時放假呀? ......... 可惜, mami這2個星期六都要返工, 下午學校也放學了.....
辛苦忙碌著幾天, 今日終於過回正常的生活, 這幾天都在二個戰場逗留, 不理時事... 還好, 收拾好的家也算企理及舒適..... 2個小朋友也己適應了搬家, 英賢昨晚跟媽媽到萬o, 出到門口跟媽媽講,我以為e+在荃灣呀~ hahahaa.........
跟洪主任約了早上10-11點辦理手續, 早上不用太早起床. 在學校辦理手續等待時, 媽媽問英賢喜歡這學校嗎? 英賢怕羞地又開心地笑著點頭... 嗯.......爸媽都覺得不錯, 印象好好! 希望英賢的下半學期在這裡快樂開心地渡過! 相信入讀小學同幼稚園父校園生活是2回事........
估不到一個小小的單位, 可以收拾到如此多的雜物, 簡直是...........利害! 因此也迫不得掉了很多東西. 搬屋收拾東西時是把一些回憶重演一次, 然後把一些回憶...........丟掉!!!
今日是英賢最後一日在YWCA的校園生活, 英賢放學回家媽媽幫英賢收拾書包, 發現了很多小朋友親手畫的卡片, 裡面的字及畫充滿了溫馨, 媽媽都覺得很感動及感激! 感謝老師的細心安排. 所有的卡片媽媽都幫英賢收藏好, 讓他長大後慢慢地回味..........
昨晚媽媽不舒服小小感冒, 睡在床上跟英賢講考試要加油, 英賢: 嗯,其實我跳得好好架(信心十足) 媽媽: 嗯....加油. 英賢: 其實我好叻架! daddy都偷笑.......
辦理小一入學轉區手續
最近英賢一回家都會自行完成功課, 等爸爸或媽媽回家檢查. 也算是自覺吧! 好事!
今日一家大小(獨欠找數及送貨者~)去沙田打算shopping, 因人實在太多, 媽媽沒心情去shopping, 轉戰德褔, 收穫是床單二套, 媽媽身邊得英賢一個, 誰來幫手拿呢? 又多又重, 媽媽手都瘀傷, 好在英賢都幫手拿被子, 回家的路上, 英賢把被子托在膞子上, hahaha...真的是一個好幫手! 近來出街, 英賢都會主動幫爺爺女麻女麻媽媽拿袋及東西呢!
小學公佈結果!
英賢外表似個大男孩也似小學學生, 言行舉指也不似是幼稚園k3小朋友, 但........ 偏偏英賢有一點最攞命最似bb................. 就係會尿床, 現在還學會不太敢承認, 還會否認沒有, 是否怕羞? 哎........... 媽媽都是給他尿尿的味道迫醒................ 救命呀..... 冬天喎.....涷涷涷
不知何時起英賢竟然拒絕和爸媽kiss嘴唇, 只肯鍚臉頰. 爸爸問英賢為何不肯鍚嘴唇? 英賢話因為有口水, hahahaa... 相反妹妹嘟起小咀好sweet sweet地kiss爸爸媽媽~
妹妹己在上星期五收到幼稚園的錄取信, 但哥哥依然未收到. 今早, 媽媽收到來電, 對方表明是學校的主任, 原來學校也收了哥哥做為高班的學生, 1月起返新學校! 其他細節要再等學校通知去辦理.
晚上, 媽媽和英賢躺在床上聊天, 英賢:mami呀,我幾時先可以好似你咁大個呀? mami: 你好似媽咪咁大個要作咩呀? 英賢: 我想做醫生. mami: 哦?你想做醫生,點解呀? 英賢: 因為可以救人. mami: (心感欣慰) 英賢: 我又想做警察. mami: 又點解想做警察? 英賢: 因為可以捉壞人. 希望英賢長大後也是循這個理念前進. 做一個品格良好,有愛心,有禮貌的人.
英賢第一時間發現牙齒鬆了, 反應很大,哭著說好痛呀(凡事都驚定先). 今日, 媽媽見到英賢的恒齒己出了, 但乳齒尚未脫落, 回到家, 女麻女麻問英賢哪一隻牙鬆? 英賢指著,女麻女麻用手摸摸, 也順手幫牙齒脫下來!!! 女麻女麻好叻! 英賢表現得得冷靜沒哭沒叫痛.
今日是妹妹interview的大日子, 妹妹in後媽媽順便問老師高班是否有位插班, 老師著媽媽到門口問主任或校長, 媽媽帶著妹妹和哥哥再門口見到校長, 校長第一時間問妹妹是否讀k1, 媽媽:是 校長再問哥哥是否讀小學? 媽媽:不是,想在這裡做插班生,讀高班. 校長以為英賢是小學生了. 然後好快地又安排哥哥接見老師, 老師拿出一張A4 SIZE的問卷紙, 裡面有中,英,數要英賢讀出及書寫, 媽媽心裡暗叫不妙>.
今晚, 英賢自行拿起普通話的書出來讀, 雖然不是全部發音正確, 但媽媽覺得很滿意了, 因英賢多數都可以讀出來, 平時媽媽沒有幫佢重溫普通話課本, 我們也沒有用普通話交談...
英賢不止是一名十萬個為什麼的小朋友, 也是一位有無窮精力的小朋友, 坐不定,站不定,扎扎跳... 有時, 媽媽真的很累...
在daddy的教導下, 英賢的功課不消十分鐘己完成!
今日英賢和妹妹去游水, 哇...很涷, 難得哥哥話不涷, 可能是自己提出的要求吧?
由YWCA舉辦的「抱抱家人」慈善行, 英賢學校的JAZZ DANCE班有幸成為表演之一, 即英賢有份表演. 英賢由開頭拒絕到接受到勇躍參加, 有賴老師在背後付出的口水. 這次英賢的表現也很不錯, 不會見到爸媽就目光不離爸媽, 不會導致手腳跳舞但目光及心靈都不在其中. 表演完畢即參加慈善行, 為程1.5小時, 我們是人龍中的大落後者, 中途又有遊戲玩, 好在英賢玩遊戲時也很投入. 回程時爸媽都累了, 在車上英賢都睡著了.