親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
粟米媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日見無咩做,不如就同粟米出街行下啦!!咁岩細姨都得閒,所以就一齊出旺角行下!! 去到新世紀,行左陣UNIQLO睇有咩岩粟米既衫,因為我仲未為粟米準備夏天衫,想睇下有冇咩好既衫買定!!又買下自己既衫同粟米爸既衫!! 到揀完想俾錢個陣,大陸車司機就打黎,問我有幾多板貨,仲話九個字後到!!哇...!!我人在旺角點算呀,再打返俾大陸車司機問佢幾時到,佢居然話佢已經到左我公司樓下!!!@O@ HELP!!!唯有拿拿聲俾錢再同粟米飛的返公司!!! 去到公司樓下,推車仔去一段斜路,點知搭電梯之際,忽然記起我無帶鎖匙出街,頂!!!結果又要搭返電梯走,打俾老爺問佢係咪屋企,我唔記得拎鎖匙!!好彩有人係屋企拎鎖匙俾我!!! 但係由公司返屋企,因為推住BB車,要上行大斜路上,仲要行條天橋先到!!真係累到唔識講!!! 拎完鎖返屋企再拎返我個鎖匙包,將粟米由BB車轉成揹帶,帶返公司,因為用揹帶就可以落長樓梯返公司,唔洗咁慘要兜大斜!!! 真係搞到成個身都熱晒洗晒汗,15度我都可以熱到流汗!!! 返到公司坐低抖下!!真係好激氣,如果大陸車一早通知我,就唔洗趕到我PK,我就會唔出街啦!! 仲要連午餐都未食,搞到我成5點先食午餐!!好彩仲頂得順,命都無半條咁濟!!! 等到大陸車司機拎完貨,我都係公司抖多陣先走!!一.一"唉!!!成個星期唔出街,點知今日一出就瀨野!!
有左粟米之後,我發現多左人搭訕,得閒會撩下粟米!!有試過有D三唔七識既人手多多!! 手多多----多到.... 1) 我打橫揹粟米時 : 有個送外賣既阿婆,見到我揹住BB,無啦啦申手摸粟米隻腳,仲要話粟米腳仔凍,我話由佢唔怕,佢就死要講話"你唔好話由佢呀!!!仲無啦啦撥開我條頸巾,話我做咩條頸巾要整到粟米塊面!!頂...邊有呀!!佢個角度問題咋!!!不斷就重複講粟米凍,乜你咁架...等!!好煩囉!!! 2) 推BB車搭地鐵時: 我將BB車泊埋一邊,車卡有個係一邊俾輪椅/BB車停泊既位,隔離係有三個坐位既!!有個女人坐近BB車個位!!佢突然無啦啦申掀開個帳篷!!我望住佢,佢竟然同我笑!!哇....!!好恐怖呀!!點解佢可以咁多手,好奇還好奇丫,點解可以好奇到咁多手!! 事後同返D媽媽傾,原來D媽媽都有試過,有D直頭係申手摸面!!@O@" 真係好嚇人,仲發現好多都係D老人家居多!!係咪真係咁情不自禁呀!!! 你地可否冷靜D,唔好咁衝動呀!!!