親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Ivy
他的寶貝
他的興趣
文章分類
日期
#Tag
Hi~ 小寶真是可愛
資料載入中...
[left1]今日醫生叔叔終於開工喇, 婆婆同公公帶我去睇醫生, 完來唔只我睇, 婆婆都病病要睇呀. 醫生叔叔話我有好多痰喎, 所以未咳咳囉, 不過食咗糖水就冇事架喇, 好啦, 我要食糖水, 食完就唔咳咳喇. 婆婆勁過我好多, 所以醫生唔俾婆婆抱我呀, 陰公.好喇, Good night
今日爸爸媽咪諗住帶我去街街架, 點知我病病, 佢地輪流抱住我等我覺覺豬, 真係唔抵勒.
[left1]今日大年初二, 我地去咗太婆婆到拜年, 姨婆真係nice, 煲咗D搖柱粥俾我食, thank you... 又有利是嘞, 好野!!!
[left1]今日係我咁大個仔, 第一個年初一呀! 媽咪一早就同我著定件戰衣"豆"利是, 我都唔執輸, 我一早學定請請架喇, 一於"豆"哂所有利是. 今日係大年初一, 我即刻換番套衫豆利是先
[left1]今日公公生日, 仲係年卅晚食團年飯既日子. 我地去咗太子既酒樓食飯呀. 不過爸爸同媽咪好衰架, 佢地食完飯去咗行花市唔理我, 我嬲.... 今日係年卅晚, 又係公公生日, 我地去咗酒樓食飯, 我祝公公橫財就手.
[left1]今日媽咪俾咗張宣傳單張我玩, 我見佢咁靚, 可能好好味喎, 咁我未諗住食你估下我同爸爸係到做咩? ~~我地係到睇車車啊.
[left1]婆婆話我大個仔喇, 所以煲咗啲粥粥我食. 可能係第一次煲啦, 啲粥粥稀咗啲, 不過我都叫做俾面婆婆, 食咗成大半碗咁多呀!amm amm ammm.....
[left1]今日媽咪買咗餅餅俾我食, 等我啲牙肉冇咁痕, 爸爸一路抱住我, 我就一路食, 爽呀! 食完之後, 媽咪俾水水我飲, 點知俾佢發現我識揸奶樽喎, 慘喇, 以後佢都要我自己揸番個奶樽嗱.... 查實我一早就識, 不過唔俾佢知之嗎! 夜晚我襯佢地食飯, 我就去玩玩具啦, 當然有工人姨姨陪啦. 吓! 又俾媽咪發現我自己識獨立坐, 唔駛唉喎. 其實我唔係幾想俾佢知, 等佢抱我多啲都好嗎!見我留哂口水就知餅餅好好味嘞!
今日爸爸,媽咪帶我去街街呀, 爸爸首先揸車車去咗荷里活廣場, 我地去咗一間模型舖睇火車, 不過, 可能爸爸揹得我太舒服喇, 我睇咗一陣就瞓著咗, 真係唔抵! 佢地襯我覺覺豬咗, 車咗我去吉吉島. 行咗一個圈, 我覺得肚餓喎, 咪喊囉, 跟住爸爸帶我返車車到食奶奶, 聽住歌仔食奶奶, 幾爽呀! 食完奶奶, 我地又行過, 不過可能飽得滯, 我又瞓著咗喇, 真係激屎人!
媽咪抱我入房, 拍我pet pet覺覺豬, 但一入房, 我就發現燈燈冇著喎. 冇理由架, 明明天黑佢就會光, 出邊廳D燈燈都有光啦, 點解我間房D燈燈冇光既? 我"鱷"高個光頭望
我今日半歲大喇, 仲好叻叻咁食哂媽咪開俾我嘅米糊添!
[left1]今日媽咪買咗米糊俾我食, 但係我就覺得麻麻地好味, 可能媽咪唔識開掛? 算啦, 當俾面媽咪, 食多少少咁啦!我第一次食米糊呀
太十三姨婆一家三口嚟咗香港探我呀, 佢仲帶咗太六姨婆同太十姨婆送俾我嘅衫衫添. 我就試咗太十姨婆織俾我個套冷衫, 冷褲同冷帽, so fit, I like it!
[left1]好嘢呀, 今日媽咪同爸爸帶咗我去BBQ, 果到唔只有我最鍾意食嘅番薯同飽飽, 仲有好多靚姊姊同BB添, 爽呀!第一次BBQ, 好緊張呢
[left1]今日我地又去街街, 我地首先去咗姨婆屋企玩, 但我就緊係第一時間覺覺猪啦, 因為我要抖足精神夜晚去酒樓擦餐勁嘅!快啲快啲去姨婆到啦, 我想食蛋糕
[left1]今晚媽咪同爸爸帶我去尖沙咀睇燈燈, D燈燈好鬼靚, 睇到我眼都唔斬. 係呢, 你地有冇見到我影D相呀, 好多都淨係影到我後面咋, 因為我掛住擰轉頭睇D燈燈囉! 圍觀D哥哥姊姊就係咁笑媽咪, 激到媽咪扎扎跳!我睇
[left1]今日聖誕節, 係我有生以嚟嘅第一個聖誕節呀! 媽咪,爸爸,婆婆,公公當然仲有我啦, 我地一行10人去聖誕老人送咗份禮物俾我呀, 好嘢!
[left1]雞仔, 雞仔, I love 雞仔. 媽咪買咗套雞仔衫俾我, 我著住佢去街街食晚飯. 一路已經不斷有人指住我嗌 "雞仔啞, 雞仔啞", 食到一半, 婆婆抱咗我去行街街, 我地入咗去萬寧, 裡面有個姐姐問婆婆點解我會著住件雞仔衫嘅, 我婆婆答佢因為我係雞年出世囉, 點知姐姐又口快快話佢都係喎, 跟住就有人大聲話 "哦, 原來你已經24歲喇!" I am so sorry! 我冇心嘅, 姐姐. 仲有啞, 今日工人姨姨放假, 媽咪抱我時, 因為我唔知邊個抱我, 所以成日擰轉頭望下係唔係媽咪, 咁安心啲麻!我係一隻大肥雞
[left1]今日我地去天水圍太婆婆屋企做冬啞, 因為爸爸同媽咪上晝要返工, 所以公公同工人姨姨帶我去先. 我地坐完地下鐵就轉搭西鐵, 我第一次坐西鐵咋, 沿途有個姨姨好煩, 成日問工人姨姨我係唔係七個月大, 我都話我得五個月大落, 做咩成日話大我兩個月啫, 我嬲!!!!!表姨棵聖誕樹好靚呀
[left1]今日好開心呀!! 爸爸媽咪同我去咗沙田, 嗰到啲snoopy & friends好靚好大架, 又多小朋友同BB喎, 幾興奮呀! 我地仲影埋相添. 之後又去咗玩具返斗城喎, 嗰到啲玩具好玩到不得了, 我玩到又笑又叫, 真係好high呀! 但係可能high得滯, 所以我攰到覺覺豬咗, 真係唔抵!!我都係鍾意騎馬仔啲
[left1]我今日五個月喇, 大個仔嗱 我今日五個月生日嗱
我唔制呀)))))) 點解又要打針
今日媽咪同婆婆帶我去街街, 我見到媽咪襟lift喎, 我未又伸隻手指去襟囉, 幾叻叻呀!! 而家我得閒仲走去襟下燈制添, 不知幾好玩呀....
[left1]今日太婆婆生日, 又有得去街街, 得咗!! 不過唔知點解咁攰, 玩咗一陣就瞓咗, 真衰.....我祝太婆婆身體健康, 青春常註
今日媽咪同我去咗健康院呀, 嘩好high呀, 個樹好多同類喎, 多到我兩頭擰都望唔哂. 我叻過佢地多多聲呀, 點解? 因為我冇喊囉, 磅重冇喊, 見姑娘都冇喊. 完來我不經不覺已經有6.95kg重嗱, 個頭圍都有51cm添. 姑娘仲讚我夠硬淨, 因為當我瞓响張床時, 佢一促住我兩隻手, 我就一個蜈蚣彈企咗响到勒, 幾勁呀....
我依家好叻呀, 除咗大笨鐘(屋企個掛牆鐘)之外, 只要你問我:婆婆呢? 我就會望住婆婆架嗱, 不過媽咪冇讚我, 仲話我衰仔, 因為連媽咪都唔認得喎!!!!
[left1]嘩! 今日全身出哂疹呀, 好醜樣啊! 媽咪放工返黎就四個月生日都要病病
今日唔知浠浠發生咩事, 明明已經退哂燒啦, 仲成日係樹扭計, 大哭大鬧又發"閔爭", 搞到俾媽咪鬧.
[left1]今日係我四個月生日, 但係我病病呀! 婆婆一早去咗診所登記, 之後就打電話call工人姨姨帶我去診所, 點知工人姨姨唔識路, 都唔知帶咗我去邊, 激到婆婆彈下彈下, 嚇死我嗱. 四個月生日都要病病
[left1]媽咪同爸爸去澳門玩, 丟抵我係屋企, 好衰嫁 請問3個月生日有冇禮物架?