親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Ivy
他的寶貝
他的興趣
文章分類
日期
#Tag
Hi~ 小寶真是可愛
資料載入中...
[left1]爸爸帶咗我去千色店行街街, 我地睇中咗一部太空豬仔車, 試過車之後覺得佢性能唔錯, 我非常滿意, 爸爸見我留哂口水(真係一滴一滴咁滴落架車車到), 就買咗俾我嘞. 多謝爸爸.呢架係我架新車
我原本只係識得向後爬咋, 但經過嚴格既訓練之後, 我今日已經成功向前爬咗幾步嘞, 好野!!
[left1]爸爸同媽咪今日去咗廸士尼, 佢地話落雨, 下次再同我去喎! 你估我唔知咩, 佢地想賴底我去拍拖之嗎. 哼!!爸爸同媽咪去咗廸士尼拍拖, 冇我份, 哼!
[left1]今日爸爸媽咪帶咗我去青衣城行街街, 嘩! 原來個到好多魚魚架, 你地睇....青衣城有好多魚魚呀!
[left1]今日爸爸媽咪帶咗我去黃金海岸, 好緊張呀, 我第一次去海灘咋, 嘩! D海水沖埋黎呢, 我驚驚呀! 好彩爸爸抱住我咋.... 我第一次到海灘咋
爸爸媽咪去大陸探朋友, 好衰架, 唔帶我去, 我嬲!!
媽咪佢地一早去咗拜山呀, 唔帶我去喎. 不過佢地都冇忘記我, 返黎high tea都帶埋我, 算佢地啦.
[left1]等到三點半, 終於等到喇! 爸爸同媽咪帶我去遊車河, 我地爸爸話後面叫做美利樓喎
[left1]爸爸媽咪帶我落公園打鞦鞦, 因為我細個仔, 只可以去玩三歲以下既鞦鞦, 但係都好好玩, 我仲識得腳fing fing 去搖個鞦鞦添......可唔可以高D呀, 唔該
我上邊兩隻牙終於都出咗黎喇, 加埋下面兩隻牙, 卒之成功咬到隻蕉蕉食, 好野)))))))
我個freind三月頭出咗世嘞, 爸爸媽咪同一大班friend一齊去探佢呀! 因為佢住得好遠 (馬鞍山啫!), 所以可以坐耐D車車,好野....不過, 果日實在太熱喇, 我除哂衫做埋豬肉榮, D頭髮一樣濕哂, 於是我未又發皮四囉. 爸爸見我咁慘, 帶咗我落街街先冇咁辛苦咋! 唔該爸爸.
據目擊者透露, 今日工人姨姨放咗我落床仔罰企, 佢自己就擰轉面執野, 就响呢個時候, 我唔小心跌低咗, 面仔剛好撞向床邊, 就係咁, 我既右邊面瘀咗!! 仲有, 今日我發現企係sofa到有新玩法, 首先面向sofa, 雙手找住sofa頂, 然後當佢係彈床咁係咁跳, 嘩, 好爽架, 我一跳就跳咗半個鐘, heheeeee...
今日媽咪同我去厠所照鏡, 一入去就緊係攞我最鍾意既圓鏡黎玩啦, 我將佢翻轉再翻轉. 忽然間, 我發現塊鏡居然識得將天花D光光射來射去, 咁我左射下右射下, 上面又射下, 真係好好玩....
[left1]好野呀! 今日成功由第一格sofa向後爬到第三格, hohohooooo 不過, 婆婆冇讚我叻叻, 仲話我曳曳添!! 因為今日我係白白豬個時"唔唔", 痾咗三大粒出黎......爬爬我鍾意
[left1]今日發燒呀! 有成99.6度. 婆婆話我要出牙仔喎. 上個月未出咗囉, 做咩又要出喎. Oh! 原來媽咪幫我檢查之後, 先至知道上面出門牙呀, 怪不得我咁燥啦!! 好野呀, 原本我咬唔到提子架, 以家咬落去粒提子到最多只有兩粒牙印, 出完門牙未可以咬提子囉, hohohooooo 提子呀, mumumuuu睇真D我隻牙喇
[left1]今朝婆婆如常帶咗我去飲茶茶, 我食飽之後, 婆婆就帶咗我去商場行下. 同"第一"時裝店老闆娘嗲完之後, 我又去咗同班商場靚女公關social下. 可能我真係幾玉樹臨風啦, 班靚女抱完我又話要影哂相, 真係冇佢地修. 玩玩下, 突然有位師拉走埋黎, 話我so cute, 想抱下我喎. 嘩! 真係險過挮頭, 好彩婆婆話我唔跟人推咗佢, 如果唔係萬一佢抱走咗我點算!! 我未見唔到爸爸, 見唔到媽咪, 冇得去街街, 可能仲要做埋乞兒仔添.....有得去街街?
[left1]今日媽咪開咗我最喜愛的Twins兒哥俾我聽, 我勁開心呀! 跳完一陣舞, 諗起媽咪對我咁好, 未坐低息休下, 順便俟個頭埋去嗲下佢囉, 嘻嘻, 佢好lum 呀..Please......
[left1]今日爸爸同媽咪帶咗我去影BB沙龍呀, 我地準時兩點鐘去到. 嘩! 入到去鬼屎咁熱, 我又唔熟架部喎, 咁我未喊囉. 爸爸即刻抱咗我出去睇車車, 啞, 舒服哂! 不過唔夠一陣, 佢又抱我番入去喎, 我未又發皮四囉. 跟住媽咪以為我好熱, 就同我除咗D衫,但係我都仲係唔多開心, 未又發皮四囉, 仲瞓埋添... 瞓到三點半, 媽咪就攪醒我, 我緊係唔多高興啦, 不過見佢地又俾飽飽我食, 又同我去照鏡鏡咯, 咁我未免為其難去做下model囉. 嘩! 一影就影咗成18個造型, 攰屎人咩!! 好彩影完相相又去食high tea, 如果唔係我又發顛架喇!
[left1]今日個額頭揰瘀咗, 工人姨姨話我係因為玩神仙棒, 自己唔小心俾支棒棒扑襯. 但婆婆話我應該係揰襯喎, 唉! 真係眾說紛紜. 點都好啦, 最慘我星期一要去影靚相架, 都唔知到時散瘀未???唔爬喇, 媽咪抱抱
[left1]今日8個月生日喇, 我地去咗太婆婆屋企玩, 真開心, 又有得遊車河, 嘻嘻...跳埋舞又惦話
[left1]婆婆話我今朝咳咳呀, 媽咪放工返黎就帶咗我去睇醫生. 但媽咪一路行一路話點解我冇咳咳既? 輪到我見醫生喇, 一入去我見到醫生就對住佢笑, 好野呀, 醫生讚我叻叻! 根住有個護士姊姊入黎, 佢望我, 我咪又對住佢笑囉. 哈! 點知媽咪話我係擦鞋仔, 又話我現實, 人地望住我至笑, 唔望呢就即刻唔笑. 嘻, 呢D叫做"識撈", 佢都唔識既... 睇完醫生返到屋企, 媽咪就同婆婆講我冇事, 醫生話我一切正常, 冇咳, 冇痰, 總之冇事啦! 婆婆話唔係, 話我今朝真係咳咳架, 我費事佢地嘈, 我咪即刻咳兩聲囉. 哈! 媽咪居然話我炸咳, 佢都唔領我情既, 我嬲!!唔知有冇生日禮物呢?
[left1]今日我換完片片之後, 居然冇人理我, 由得我瞓係到, 太過份喇!! 我於是未自己反轉身囉. 哈! 點知俾媽咪發現, 仲鬧我危險添, 真係俾佢激屎呀....係樹覺覺豬好舒服架
[left1]今日又陪但係唔知點解我咁少頭髮既?
[left1]今日爸爸, 媽咪同婆婆帶我去街街, 我地去完粉嶺探朋友, 便順便哎呀! 想''唔唔''添
[left1]我今日識得伸出手仔要工人姨姨抱喇, 不過唔知點解媽咪話我衰仔呢?黎一張獨照
[left1]今日一早, 公公同婆婆就帶咗我去美心飲茶茶, 啱啱食完飽飽, 爸爸同媽咪就黎咗帶我去街街. 等我懶開心, 完來佢地帶我去健康院咭pet pet!! 我都知唔方好野, 都唔知係唔係驚驚, 我靜雞雞痾咗三粒屎. 到咗磅重除片果時, 爸爸因為太心急, 當片片一大力扯開, 三粒屎就咁飛咗落地下, O! sorry!! 我唔想架. 由於太多人既關係, 我等到瞓咗, 不過, 瞓瞓下, 突然大脾有一陣刺痛, 嘩! 完來打咗針喇, 但係因為太眼瞓, 好快我又去咗搵周公. 可能太多人啦, 我俾啲人嘈醒咗, 佢地唔係喊, 就係响到走來走去. 等咗一陣,有個姑娘居然俾咗啲玩具我玩, 仲讚我坐得穩又企得好添, 個姑娘真係唔錯..... 之後, 我地同太婆婆佢地返咗爸爸媽咪屋企, 佢地打雀雀呀, 悶到我又瞓著咗, 當我醒咗既時候, 完來已經去咗姨姨屋企, 真神奇. 去餐廳食完飯仔, 我地就返咗屋企, 做我最鍾意既野~~白白豬. 可能今日太開心啦, 我未試下學人講野囉, 吓!爸爸好衰架, 居然話我講野"mart"得個口太大喎, 我嬲!!同爸爸又影一相
[left1]今日有啲燒燒呀, 冇咩心機, 婆婆俾咗啲葯水我食. 跟住媽咪放工返黎, 就睇下我咩樹囉, 嘩, 大件事, 完來我出咗兩隻牙仔呀! hohohooooooo各位睇真D, 我有兩隻牙架
[left1]今日太婆婆黎咗探我, 我見佢個嘴開開合合咁就有卟卟聲, 幾棧鬼呀, 我未又學囉, 雖然細聲啲, 但又成功喎, 好野!嘻嘻, 又大一個月喇!
[left1]今日工人姨姨放假, 爸爸媽咪一早帶咗我去街街, 好野. 我地去咗荷里活中心, 行咗一陣, 媽咪買咗啲我最鍾意食既飽飽, 之後就返咗爸爸同媽咪屋企. 我地仲開DVD睇戲添, 不過我太攰, 又覺覺豬咗.....有冇人教我點噴火呀
[left1]媽咪尋日帶咗我去買痰罐, 我試咗幾個至試啱. 今日未試下用囉, 幾好feel呀, 都唔錯喎, 仲成功\"唔"咗添.....裹面冇野架, 唔准睇.....