親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Ivy
他的寶貝
他的興趣
文章分類
日期
#Tag
Hi~ 小寶真是可愛
資料載入中...
返
老師話今日係重陽節, 所以唔駛返學, 好野!! 媽咪見我成日話要去海豚(黃金海岸)到踏單車, 於是見今日放假便帶我去. 我地除左帶超人單車外, 仲帶埋拖鞋同水桶, 準備去沙灘玩泥沙. 爸爸泊好車車後, 我地首先踏單車去海豚廣場遊覽一下, 順便影下相啦. 之後, 我換過衫衫同拖鞋後, 便跑到沙灘去玩. 可能係第一次著住拖鞋行沙灘, 我不太習慣, 所以初時仲要媽咪抱我添. 不過, 當爸爸媽咪安頓好,
今日係星期一, 又係學小提琴既日子. 入到課室, 哥哥仔既爸爸冇來, 佢地兩兄弟又作反了. 大哥哥同細哥哥又互打, 又追逐, 熊老師多次冇好氣的喝止佢地. 停不了一會, 又互打起來, 細哥哥仲將支弓拆散扮釣魚, oh, my god! 新來的哥哥既媽咪可能第一次見到這個場面, 看得目定口呆呢. 不一會, 兩兄弟來到我身邊, 我認真的同細哥哥講 "你地做咩
今日黃老師打電話俾媽咪, 未講下我係學校既情況囉. 黃老師話我好叻, 一直沒有喊, 而且上堂好投入, 敢於表達自己. 媽咪就好擔心我同小朋友相處既情況, 黃老師就話我沒有和小朋友爭玩具, 相反, 我在玩完玩具後會自己收拾好, 仲幫埋其他同學執拾好. 而且, 我都有同小朋友在食茶點時social下既. 媽咪聽完後都放心好多, 仲話我唔喊可能因為我鍾意浸幼喎! (我諗都係, hehe) 媽咪:敢於在小朋友面前介紹自己係一個好開始, 溢浠加油呀, 希望媽咪沒有幫你揀錯學校啦!!
今日照常又去上數學堂, 老師讚我上堂專心又努力, 佢俾我升級做6A嘞, 好野!! 希望快D可以計加數就好嗱.
平時做數學, 我都係一粒一粒豆豆去數, 先知道總數有幾多粒. 不過, 今日開始唔駛lu!! 因為, 我已經學識睇一眼就知道豆豆數目既本領, hehe... 當然, 只限十粒以內既豆豆啦.. 媽咪:只係上了一個月堂就學到這個本領, 好叻呀. 繼續努力, 好快就可以升班嗱.
今朝媽咪同姐姐帶我去等校車. 媽咪問我"今日自己一個同小朋友坐校車好唔好?" 我緊係答唔好啦! 媽咪跟住話,"今日好熱, 不如買雪糕俾溢浠食呀?" 我當然答"好呀!" 媽咪又問"食朱古力味定呍呢嗱味好呢?" 我話"呍呢嗱味" 媽咪話"咁, 溢浠一陣自己上車返學, 媽咪就去買雪糕係到等你, 好嗎?" 我話"好呀!" 冇耐, 校車到了, 我二話不說跟校車姨姨上車, 仲同媽咪, 姐姐拜拜添, 我冇喊呀, 好勇敢!! 放學了, 校車車我返到藍田, 媽咪同姐姐已經係到等我. 媽咪話我冇喊, 真係大個仔, 好叻呀, 於是我地去咗m記買雪糕食, 好開心呀.
今日開始, 我就要坐校車返學了. 媽咪因為怕我驚, 所以佢同校車公司講咗頭兩日會跟車同我返學. 我地今日7:35am就係樓下等校車, 等咗一陣校車來了, 原來呢個站加埋我一共有三個小朋友上車. 之後, 校車去了麗港城, 九龍灣, 鑽石山. 去到鑽石山, 有個同班同學上車, 他坐係我隔離. 佢一路冇出聲, 只係雙手握緊扶手, 低著頭傻傻的, 哦, 原來佢係到喊呀. 可能因為佢媽咪冇陪佢啦, 所以佢唔開心. 雖然我曾經攬住佢, 希望佢唔好喊, 不過佢好似唔多鍾意..... 校車經過黃大仙, 好快就到了九龍塘. 車車一到學校, 老師就即刻接我地落車, 帶我地上課室. 不過, 我發現媽咪冇跟住我, 佢只係離遠同我講係到等我, 叫我好好跟住老師, 我都黎唔切反應就胡裡胡塗跟咗老師上課室. (跟住唔知發生咩事.....) 放學了, 校車車咗我返來, 我一落車就見到媽咪, 真係心都定D. 媽咪見我咁叻, 於是買了一張pooh 枱連椅給我, 好開心呀.
今日媽咪冇同我返學, 改由爸爸帶我去. 因為爸爸唔孰路, 唉, 唯有我話俾佢知邊到出口坐小巴啦. 好似昨日一樣, 返到學校坐低玩玩具冇耐, 爸爸又話要去隔離房. 但我有少少唔想呀, 眼仔紅了一陣, 不過老師話爸爸會好快番, 唔駛怕喎. 都冇法啦, 未同爸爸拜拜囉. 老師果然冇講錯, 過咗一陣, 食完茶點, 爸爸就黎接我放學了, 好野. 我地坐的士沒有去九龍塘地鐵站, 反而去了樂富, 因為媽咪係樂富返緊工, 我地想去見媽咪囉. 爸爸帶咗我去快餐店, 一邊食粉粉, 一邊等媽咪. 好快, 媽咪就到了. 不過, 我見唔到媽咪帶袋袋出黎, 於是我問媽咪個袋袋去咗邊. 媽咪答話係辦公室喎. 我好唔開心, 因為我知道媽咪好快又要返工. 但冇法啦, 媽咪話會好快返屋企, 叫我乖乖地跟爸爸返去先. 我唯有點頭, 目送媽咪離開. 媽咪走咗之後, 我已忍不住眼紅紅了. 爸爸見我咁傷心, 唯有即刻帶我返屋企, 免得我繼續諗住媽咪. hehe, 返到屋企又冇事lu, 繼續玩玩玩....
今日好似昨日一樣, 帶我坐車車返學. 不過, 今日有D唔同了. 今日返到學校, 我如常洗手, 放書包, 跟住攞玩具玩. 當我玩咗一陣, 媽咪同我講要去隔離房寫字, 寫完字會接我, 叫我乖乖地玩, 唔好喊喎. 我唯有應一句 "好呀!" 跟住媽咪就走了, 只有老師陪我繼續玩. (唔知做咗D咩....) 今日既茶點係曲奇+提子, 食完茶點後, 好快媽咪就黎接我走了. 真係好. 臨走時, 老師同媽咪講, 我今日好叻, 沒有喊呀. 緊係啦, 我又唔係第一日返學, hehehe, 不過都有小朋友喊呀........
今日第三日返學, 不過我出門口前有喊呀! 雖然如此, 我一到地鐵站便正常番哂. 今日開始, 我要自己帶茶點返學, 所以媽咪一早準備好個茶點袋俾我. 我終於知道點解書包格上面有一小格, 原來是用來放茶點袋的. 今日第一個活動係到禮堂唱遊, 我地學唱了兩首歌後便去洗手食茶點了. 老師叫我地先去取茶點袋, 跟住將食物盒, 毛巾盒同水杯取出, 安放在袋袋上, 之後打開蓋並將個蓋放响盒底, 終於可以食了. 媽咪為我準備了蛋糕同提子, 原來好多小朋友都帶了提子呀. 不過, 我又係食唔哂. 茶點後, 我地看了一個手偶劇, 唱完歌仔後又可以放學了.
今日係第二日返學, 媽咪又放假陪我呀. 今早好好彩, 入到一架少人既車, 我同媽咪都有位坐. 去到九龍塘依舊轉小巴到學校. 返到學校, 洗完手手又可以玩玩具. 音樂响起後, 我地又要放好玩具, 跟住坐下聽老師指示. 老師表示西瓜組同學可以先到禮堂玩遊戲, 於是我地就排隊去禮堂. 呀, 原來係玩運波波遊戲, 玩法係我同媽咪用絲巾將波波運到對面交俾另一小朋友, 小朋友同佢媽咪又要將波波用絲巾運回來. 我地分為兩組, 每組四對人. 我同媽咪來回咗四次, 都幾好玩既. 排洗之後, 我地又可以食茶點, 今日既茶點係蛋糕仔同提子. hoho, 真的有提子, 不過我只係食咗一粒, 餘下兩粒冇食到. 其實昨日老師幫我同媽咪影了一張合照, 今日老師派番俾我地, 仲俾多一隻紙碟我地, 要我地做手工, 完成後可以貼上broad. 於是, 我努力的用顏色筆油碟邊, 媽咪就用紙剪出太陽, 雲雲同草草俾我貼上. 經我地合作下, 終於大功告成, 可以放學了.
今日係第一日返新學校呀!! 媽咪今日請咗假陪我返學, 我地一朝早就坐鐵鐵去九龍塘. 可能撞啱返工時間, 所以架車好多人, 我地全程都係揸住支柱企. 出咗地鐵後, 我地再坐小巴, 好快就到咗學校嘞. 一入班房, 老師便同我講早晨, 我當然都有叫她早晨啦. 之後, 她向我地派發名牌, 並將我編入西瓜組, 跟住示意我先去排隊洗手, 於是我便跟指示去做. 由於我洗手的動作不太正確, 有一位肥肥既老師教我正確的洗手方法同次序. 洗完手後, 我就可以隨便取玩具玩了. 不久, 突然音樂响起, 原來是收執玩具既音樂, 我和其他小朋友便一起收執玩具. 接住, 老師叫西瓜組同學先和家長設計書包格的名貼, 於是我和媽咪就努力的晝晝貼貼, 做好後就貼上屬於我的書包格內. 茶點時間到了, 我地先排隊去洗手間, 排洗後便有茶點食. 今日既茶點係果醬三文治, 我好快就食完, 仲自己拿杯杯去水機攞水飲. 老師問我要唔要食萍果, 但我答想食提子. 老師話明天會安排, 今日先食萍果好嗎? 咁我唯有應承啦!! 食完茶點後, 我地西瓜組可以出去戶外遊樂場玩滑梯, 好野, 我等咗好耐啦!! 我玩咗好多次滑梯, 最鍾意係滑最高個梯. 嘻嘻. 時間過得好怏, 轉眼已個半小時, 我地可以放學了. 媽咪問我喜歡這間學校嗎, 我答:鍾意!! (媽咪:希望你真的喜歡這學校, 真的可以享受愉快學習!!)
上了兩個多月堂, 今日開始學兩個字母既音
好開心呀! 今日有得去學violin. 大約五點鐘, 姐姐帶我坐地鐵去搵媽咪, 在樂富會合媽咪後, 姐姐便返屋企, 媽咪帶我再坐地鐵去油麻地上堂. 時間到了, 我地同四個小朋友一齊入課室. 其中一個小朋友可能太
今日新學校有遊戲日, 所以一朝早, 媽咪就帶
媽咪今日下午放假, 佢帶
不經不覺, 今日係最後一堂音樂堂了. 上完Phonics後, 媽咪先帶我去mega box食lunch, 之後我地便返12樓tom lee上堂. 一去到班房, 只係見到miss may一個. miss may好好人, 佢話因為係最後了, 希望同我影相相留念喎. 於是媽咪取出相機幫我同miss may影
今日如常同公公婆婆飲完茶, 媽咪帶我去上堂. 因為去到油麻地早
每晚要
我大個仔
今日媽咪下午放假, 帶咗我去box box (mega box)到上音樂堂. 我地坐鐵鐵去到九龍灣再轉巴士竟到咗box box了. 一去到box box, 我地立即走去搭lift, 因為就快開始啦. 入到班房, 嘩! 原來有好多小朋友架. 我地由miss帶住唱歌, 做動作, 玩遊戲, 仲學識咗咩叫shaker, rainbow bells, 同handle bell添. 都幾得意好玩架. 多謝媽咪.
媽咪話返完這一日就要放暑假了. 我開心到不得了. 不過, 雖然我成日喊哂口話唔想返學, 但其實我好鍾意李主任, 鍾意文熙, 思永, 紀恩佢地架. 今日終於到了幼兒園的最後一天, 真係有少少唔捨得. 我會記住你地架.....
嘩, 好野呀, 我今日三歲
今日返學好特別, 因為爸爸黎
唔經唔覺, 返英文堂已經一個月了. 今晚, 媽咪又同我玩寫字遊戲. 佢寫'a'字係晝版到, 我於是讀 'a'(啞), 跟住媽咪又分別寫
今日係舅父正日生日, 因為我地相差5日生日, 所以一如往年, 我地一齊慶祝生日. 媽咪今日唔駛返工, 佢帶我去了我最喜愛的將軍澳玩, 之後便匯合婆婆及太婆佢地食下午茶. 晚飯後, 我地食蛋糕啦. 原本媽咪已經買
嘩, 好開心呀..... 唱咗幾個星期"世界真細小", 真係有得去小小世界啦!! 媽咪話我就快三歲, 見我又乖, 於是帶我去廸士尼玩當預祝我生日. 今日一早又係落大雨, 個天好黑呀! 媽咪本來想取消, 但爸爸話反正請了假, 一於照去吧!! 於是我地坐爸爸車車出發. 去到廸士尼, 雖然個天仲有雨, 但已經細咗好多. 於是我地一於話之你, 立即排隊玩機動遊戲. 1. 揸跑車 食過沙律後又繼續玩過, 不過玩之前同巴司光年影張相先, 2. 小小世界 3. 小熊維尼 已經停雨了, 食完拉麵又繼續, 4. 看3D電影 (好驚呀, 成隻唐老鴨飛埋黎) 跟住又同小熊維尼, 高飛和米奇影下相先再繼續玩, 5. 飛碟 6. 小飛象 7. coffee cup 今日真係好好彩呀, 冇咩落雨, 玩機動遊戲仲唔駛點排隊添!! 玩玩下, 原來差不多8點了, 我地睇完煙花便揸車車走了. 可能太攰嘞, 上車冇耐便瞓著了, 連我最愛既壽司都食唔到, 激死我呀!!
今日本來又有得上併音班既, 但落咗成個星期雨後, 今日仲要有黑色暴雨警告, 所以併音班取消了...... 雖然係咁, 但我地一家人可以開開心心飲茶, 都唔錯啦!!
早一個星期, 爸爸買咗本中文copy book俾我, 媽咪就話俾我知佢地怎樣讀. 我記下記下, 不知不覺已認得十幾廿個字了, 仲識寫簡單個D添, 如"一, 二, 三, 人....