facebook pixel code

Ivy

Ivy

他的寶貝

356貼文
0話題
0關注他

日期

#Tag

  1. 網誌
網誌區塊

媽咪來觀課

2008年10月24日
公開
35

今日上上下堂, 突然有四位叔叔同姨姨入到課室, 睇真D, 完來有一個係媽咪黎架, 佢地原來係黎睇我地上堂既, 好開心呀!! 佢地首先靜靜的坐係到睇我地上堂, 當提子組去咗上英文堂時, 我地西瓜組就開始係課室活動. 有些玩玩具, 有些做勞作, 有些睇電腦短片. 我當然第一個去睇短片啦, 因為係媽咪負責的. 睇完後我就去做勞作, 任務非常簡單, 只要在綠色既泥漿上畫畫, 跟住就可以叫老師幫我用畫紙將佢印一印, 一幅美麗既圖畫就完成了. 之後, 輪到我地西瓜組上英文堂了, 好野, 因為我最鍾意ABC. 開始時, Miss Koey同我地唱咗首"Good morning"同"Head & shoulder", 我當然識唱啦, 仲可以做埋動作添. 之後, Miss教我地weather chart, 原來今日係cloudy, 唔係sunny呀. 學完A & B既phonices後, 仲學咗唔同顏色既雪糕添, 我仲話俾Miss colie知, 我最鍾意既係red ice-cream呀. 上完英文堂, 我地又去戶外操場玩. 我首先舉手玩踏單車先, 跟住玩跳圓圈, 踏豆袋和行一條用繩做出來的直線. 玩完後又到去洗手間時間, 我話俾王老師知我要小便後, 便去到馬桶前自行除褲小便, 之後就去用梘液洗手, 成個過程媽咪都沒有幫我架, 我大個仔麻. 洗完手可以返去食茶點了, 我純熟地去木架到攞茶點袋, 跟住將袋裡既盒子倒出, 將布袋放平後, 便把盒子和杯整齊地在布袋上排好, 然後將兩個盒蓋放於盒底, 好野, 終於食得, 今日既茶點係朱古力蛋糕同提子. Miss Koey都有坐底陪我地傾計, 仲問我地食什麼, 我便答佢"It is a cake." 食完茶點後, 我便將盒子和杯蓋好放回袋裡, 再將布袋放落書包. 但因為茶點袋好大舊, 我要將書包"鄧一鄧"先成功將個袋放落去. 另一方面, 老師一早已將手冊排好在木櫃上, 我於是去取回自己那本, 再放回書包外袋. 收拾好書包後, 我便將書包放回架內, 跟住就去到老師那邊聽故事. 話咁快又到放學時間, 因為媽咪帶我走, 所以今日唔坐校車了. 我地放學後去咗鑽石山, 原來爸爸一早已經在商場既壽司店等緊我地, 好野, 係食我最鍾意既壽司呀!! 食飽飽後, 爸爸去咗返工, 媽咪就帶咗我去將軍澳反斗城買畫版. 有得食壽司, 又有得買新畫版, 今日真係好多驚喜呀!! 媽咪:溢浠你今日好叻呀, 你都俾咗好多驚喜媽咪. 媽咪見到你在沒有老師提點下, 自己去小便, 自己去食茶點, 自己去收拾書包, 主動回答老師問題, 你既舉動俾我見到你真係大個了, 已經唔再係BB嘞!! 好開心見到你開始獨立, 但又唔捨得你大個, 好矛盾呢! 不過, 見到你的進步, 媽咪真係好開心.