親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
Ivy
他的寶貝
他的興趣
文章分類
日期
#Tag
Hi~ 小寶真是可愛
資料載入中...
由九月返學到宜家, 我都不停咁病, 唔係感冒就係咳, 仲曾經入埋醫院添!! 今日放學返屋企, 我又開始呆呆地, 婆婆話我發燒喎. 媽媽放工返黎又同我去睇醫生, 我諗我真係病朦了, 見到醫生居然叫早晨......
雖然下星期六先係冬至, 但今日婆婆提早做節, 地點係太婆屋企. 因為爸爸要做野, 所以媽咪帶我同姐姐搭車去. 我地首先坐地鐵, 之後在美孚轉西鐵, 好快就到太婆屋企. 真開心, 一次過坐
好緊張呀, 好緊張呀)))) 我練
爸爸一直不滿我成日食咀咀, 話好醜怪, 我都知道既, 不過冇
媽咪話雖然第一志願浸幼已經收
今日又去民生interview. 因為爸爸今日唔得閒, 所以由媽咪同姐姐帶我去. 我地坐鐵鐵去到樂富, 之後轉坐的士去學校. 果到人山人海, 媽咪在學校門口排完一輪隊後, 又帶我入去裡面操場再排過. 個日好熱好曬, 我地係操場企
今日下午我又要去根德園interview. 公公婆婆一早就叫我乖, 唔好打人. 經過尋日一日加今朝既音波功, 我知道我要乖了. 下午我地去到根德園, 一如尋日一樣, 人山人海. 我地排隊等
因為今日朝早要去St.Catherine interview, 所以尋晚爸爸媽咪帶
因為今日要去浸幼interview, 所以爸爸媽咪尋晚就帶
今日去
幾經努力, 我終於成功係兜兜尿尿, 仲係冇賴尿架!!! 姐姐每隔一陣, 就會問我要唔要尿尿. 有時我想痾, 都有同姐姐講架. 我諗我成功在望了. 哈哈 另外, 媽咪亦聯絡到老師, 原本老師怕媽咪見我返學放學都喊會擔心, 所以俾個電話媽咪, 話俾佢聽我中間時段冇喊, 只係返學同放學喊少少
我已經連續幾日係學校換了褲褲返屋企!! 媽咪問我係未賴尿, 我冇答佢, 加上老師曾經打電話俾佢, 不過佢因為聽唔到電話
媽咪終於忍受唔住, 佢唔准我係屋企著片片!! 今早係我第一次係屋企唔著片片, 但因為我唔肯去
我鍾意鐵鐵就係人都知, 但估唔到我鍾意既程度係發緊夢都見到佢, 仲要講埋出黎~~"搭鐵鐵...搭鐵鐵...." 就係咁, 爸爸今日就唔
返學咁耐, 老師日日都會唱一首歌, 就係"寶寶愛踏步"
今日老師教我咩係"山", 所以我知道一個尖尖的綠色大石就係
今日放學心情唔錯, 加上媽咪放工返黎又陪我睇書書, 我忍唔住哼咗兩句"一閃一閃小星星"俾媽咪聽, 媽咪即刻讚我叻叻, 仲問邊個教我唱. 我未答佢係"老師"囉 (註:唔知係唔係真) 不過已經笑死婆婆同舅父......
婆婆係中秋節生日架, 我地預早同婆婆去食飯慶祝. 一如以往, 未開席前佢地又打雀雀, 但姐姐放咗假, 好彩仲有媽咪陪我. 媽咪知我鐘意食雪糕, 所以帶咗我去便利店買雪糕返酒樓食. 但食完之後, 我又覺得悶, 未又要媽咪帶我去多一次街街囉. 今次我一出商場, 就見到M記呀. 我唔理三七廿一, 一於拉媽咪去M記. 經過一條又一條既馬路, 爬過長長既樓梯, 終於到了. 我一馬當先去搵位, 雖然當時好多人, 但我好叻呀, 搵到一張近窗的枱俾媽咪坐. 我本來又想食雪糕架, 不過媽咪話啱啱食完唔可以再食, 咁惟有order薯條啦!! 終於等到食生日蛋糕嘞, 食完冇耐就開席, 我order咗可樂, 但唔知係未唔夠可樂呢, 我只分得1/3杯!! 唔理了, 我一叫乾杯便真係飲乾咗個杯. 唉! 冇汽水就冇得同婆婆乾杯了, 於是我叫樓面姨姨添可樂, 佢見我乖, 未又倒咗1/3可樂俾我囉. 前前後後, 我諗我都飲咗6,7杯, 真暢快......
今日見唔到媽咪, 亦見唔到爸爸, 噢! 完來佢地又靜雞雞去日本唔理我, 仲去六日咁多添, 而我就要繼續返學, 哼, 我嬲!!!!!
首先我想同姐姐講句sorry!! 因為尋晚我每一個鐘頭醒一次, 朝早五點就起身, 搞到姐姐冇覺好瞓. 我估媽咪就快黎, 於是企向門口等佢, 終於媽咪八點半就黎咗, 仲買咗支蘋果茶俾我飲添, 我一口氣飲哂佢, 媽咪讚我叻叻呀. 其實佢未黎之前我仲乖呀, 我飲咗兩支維他奶同食咗一碗粥粥, 仲大大小小一齊黎, 片片都唔夠用添. 之後醫生夠鐘巡房, 我見到佢地就心都震埋, 即刻伏落媽咪到喊. 佢睇完我喉嚨之後, 就話我仲有痱子, 不過已經冇咁紅了. 而且因為我肯食野同飲水, 有尿尿痾, 又冇發燒, 可以返屋企休息了. 當我聽到可以返屋企, 我即刻收聲冇喊, 仲應媽咪要求, 同醫生哥哥講咗兩次多謝, 為表誠意, 講多謝時仲冇鞠躬添...... 姐姐同媽咪立即收拾細軟, 而姑娘姐姐就幫我除去左手既針豆. 因為佢地尋日用咗好多膠紙包住我隻手, 所以除既時候好困難, 仲連D毛毛都滅埋, 真係痛入心架, 我忍唔住又喊咗出黎........ 卒之返到屋企, 白白豬完攰到終於瞓著咗, 不過都係瞓咗兩個字就醒了, heheheheheh...... 呢兩日真係令人發惡夢, 希望浠浠身體健康, 冇病冇痛, 同醫院講bye bye, 不過冇再見!!!
今朝姐姐幫我量體溫, 有成101度. 婆婆又帶咗我去見醫生, 醫生二話不說就寫咗封信叫我地去聯合醫院睇急政. 婆婆一方面打電話叫媽咪去醫院, 一方面同公公抱住我去醫院. 去到醫院, 醫生即刻同我照X光, 照完冇耐就見返媽咪. 媽咪見我唔肯飲水, 就去便利店買咗包維他奶俾我飲, 可能我真係好口渴, 我好快就飲完一包. 公公見我肯飲野, 又去買多一包俾我, 我都一樣飲哂. 不過, 當公公再買第三包時, 有人叫我個名呀. 跟住我就冇飲到, 一行人跟咗個姨姨行. 我好驚呀, 我估都冇好野嘞, 未係咁叫走啦 走啦)))))) 但係都冇人理我!!!!! 去到一個叫做4E既房, 婆婆唔入得, 只係公公, 媽咪同我入去. 個度好得人驚架, 個個帶哂口罩, 連公公同媽咪都要帶. 跟住有人問媽咪好多問題, 我就去度高,磅重同量血壓, 我好驚, 不停叫走啦走啦, 大聲到連房外既婆婆都聽到!!!!! 之後有兩個姑娘抱咗我入另一間房抽鼻水, 真嚇人. 掂知好戲在後頭, 有成四五個姑娘抱咗我去一張床到, 要抽血同種豆準備有需要時吊鹽水, 死未!! 我可以做既係併命的唉 "走 走 走啦 走啦......" 之後公公走咗, 媽咪抱我入咗一間房到睇電視. 個間房好得意, 要經兩度門先可以入到房. 冇耐, 又有一個姐姐入黎, 完來佢係我同房, 不過佢大我好多, 有成五六歲架. 過咗一陣, 爸爸又來了陪我, 咁我都冇咁驚. 雖然有個護士姐姐請我食雪糕, 但我都冇胃口, 如果係平時我一早食哂嗱. 之後, 姐姐又黎咗陪我, 仲帶咗D書書俾我, 但我冇心機, 只係伏係佢博頭上, 想瞓又瞓唔到.....而爸爸同媽咪食完野走咗, 媽咪之後就返黎陪我. 因為我在第二次探熱有燒, 所以要食藥. 姑娘姐姐用針筒餵我, 我好叻呀, 全部同佢吞哂, 不過就係唔肯食粥粥同奶奶, 媽咪好擔心我因為缺水而要吊鹽水, 好彩醫生見我有眼淚, 即係仲未缺水, 可以再觀察下至決定需唔需要吊喎. 跟住有個姑娘同我地講, 我同隔離床既姐姐D化驗報告正常, 原本可以轉去普通病房, 但因為普通病房爆滿關係, 我地只可以轉去對面房, 對面房既分別係少了兩度門, 會方便出入D. 到咗夜晚, 當我瞓咗之後, 媽咪就返屋企了, 只有姐姐陪我, 因為醫院只准一個人陪我咋. 驚嚇既一天暫且終結......
今朝婆婆話我仍然發燒, 所以又帶我去睇醫生. 醫生話我喉嚨既痱子嚴重咗, 要食D犀利D既藥, 仲要飲多多水水. 我真係好辛苦呀, 不但冇心機食野, 連水水都唔想飲...... 媽咪又要同我請病假了......
因為今日仲發燒, 所以婆婆又帶我去睇醫生. 醫生一睇我喉嚨就話我俾病毒感染而發炎, 起碼痛兩日呀.......嘩! 咁加埋出牙仔D痛, 未好甘???????? 冇法啦, 媽咪唯有幫我請多兩日病假. 不過, 聽講老師都好關心我既病情, 放心啦, 我要快D好番去返學, 食茶點, hehehehe
今日我仲病病, 仍然發緊燒, 所以媽咪叫婆婆俾我休息下, 仲同學校請了一日病假. 其實我D牙仔都好痛, 話俾公公知, 公公話我出大牙, 所以會痛痛和發燒囉. 哎!! 真係好辛苦.......整日伊嘩鬼叫.......
昨晚返到爸爸媽咪屋企, 可能因為日間瞓得多, 又可能唔舒服啦, 爸爸抱到我三點幾都未瞓著. 跟住唯有由媽咪接手抱我, 佢一抱我就發現我頭仔好熱, 我原來發緊燒呀, 唔怪得我咁辛苦啦!! 媽咪即刻俾藥水我食, 食完我要媽咪攬住我係sofa瞓住睇視視. 冇耐, 我就瞓著了. 當時成四點半呀....... 不過, 我都唔係瞓咗好耐, 七點我就醒咗要食奶奶. 搞到媽咪冇覺好瞓添, sorry!!!! 之後, 爸爸車咗我同媽咪去食牛肉麵, 但係我冇咩胃口, 好快我又瞓著了. 爸爸唯有車我返屋企瞓晏覺啦, 仲有媽咪陪我瞓添!
今日唔知係唔係俾姐姐傳染了, 有少少發燒同咳咳. 婆婆帶咗我去睇醫生, 食咗藥水好番D了, 我肯乖乖食藥水架, 所以媽咪讚我叻叻, 夜晚仲帶我返屋企添.
今日返學又有進步嘞! 雖然公公帶我返學之後走咗, 但我只係喊咗少少啫, 因為老師帶咗我去踏單車, 所以直到放學都冇喊了, 不過其他小朋友係放學時仍然喊到九彩...... 媽咪話老師今日打電話俾佢, 老師話我今日又有進步, 只是初時喊, 之後都冇喊了. 姐姐都讚我叻叻, 佢話接放學時見到其他小朋友係到喊, 得我冇喊咋. 可能因為咁, 媽媽咪帶咗我去m記獎勵我囉.
今日又要返學了!! 公公和姐姐一齊帶我返學, 公公同我入到班房便攞玩具俾我, 跟住他就走了. 之後點? 我當然喊啦)))))) 老師就同我去彈琴氹我囉, 跟住我都冇喊了, 直到婆婆同姐姐來接我, 當姐姐一抱我, 我一時感觸便喊起黎...... 之後, 聽媽咪講, 老師打電話俾媽咪, 佢讚我今日有進步, 肯聽老師氹, 而且只係初時喊, 之後就冇喊了, 只係望住其他小朋友玩, 自己沒有參與. 至於其他小朋友呢, 佢地喊得好犀利, 我見到佢地喊, 只係偏偏嘴啫, 都冇喊出黎. 叻!!
今日正式開學了, 今日媽咪冇陪我返學, 換了公公帶我返學. 公公帶我入班房後, 襯我玩玩下玩具就唔見咗. 我緊係喊啦, 老師就抱咗我去彈琴, 但我拼命咁喊, 仲喊到嘔奶添......(聽講全部小朋友都喊, 場面真偉大) 不過我都冇氣喊咁耐, 到公公來接我既時候, 我已經冇喊lu......希望明天會更好啦!
今日係第二日試學日, 媽咪又放假陪我返學. 今日話係體育日, 所以今日著咗體育衫. 一如昨日, 我一返到去立即玩玩具, 聽到"叮叮"聲便放好D玩具. 跟住一步一步行去隔離房, 坐好後便開始唱歌. 雖然我唔識唱, 但都有拍拍手架, 之後仲拖住小朋友圍圈轉轉添. 去完洗手間後, 又回到班房, 接住係做手工. 老師要媽咪吹好個波波先, 跟住要我地塗小小漿糊落D紙紙到, 目的係要將張紙貼上波波到. 雖然我唔識做, 但我都唔俾媽咪做, 因為唔想令到個波波污漕, 我仲喊咗出黎添. 媽咪唯有將個波波交俾老師算了. 跟住又到我最喜愛既食茶點時間, 今日既茶點係通心粉, D通心粉都幾好味, 我全部食哂, 連湯都飲埋. 食完茶點後, 我發現又唔見了媽咪, 可能又去了洗手間. D小朋友又開始喊, 我有理冇理, 繼續玩玩具. 冇耐媽咪返來帶我走, 我先發現原來其他小朋友走哂了, 又係我最後一個走....
