親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
琴日去完游水...攪到媽咪好攰...今日決定要休息下先得... 早上9點幾公公婆婆打比媽咪...叫媽咪同will will出去聯和墟食野...於是我地出左去海星餐廳同公公婆婆食早餐....食完之後...公公婆婆去買餸返屋企...媽咪同will will買完野都返屋企....因太晏食早餐...媽咪冇煮lunch食...到2點幾...媽咪同will will食腸粉魚旦腸仔做下午茶...之後媽咪同will will出去踩下單車...再係屋企練習寫字同默生字...好快又過左一日喇...夜晚媽咪冇煮飯...等埋爸爸放工返嚟...簡簡單單煮左炸菜雞絲米粉作晚餐...
今日媽咪帯左will will去maymay ee屋企....同ee family 一齊游水...夜晚仲係ee屋企食埋飯先走....回家途中...行左15分鐘到巴士站搭276...will will都仲可以捱到...不過一上巴士10分鐘後就瞓左...今次媽咪慘la...媽咪揹住好重既背囊...所以想盡辦法去叫will will...可惜叫極都叫唔醒...平時都叫得醒....今日就...唉...激c la...唯有抱佢落車先...去到小巴站...又排晒長龍...媽咪又不斷叫will will起身...媽咪半跌半抱咁...到上車時...will will終於起身...全程小巴唔比will will再瞓...返到屋企媽咪散晒....
昨晚掛左8號風球...仲以為今日唔駛返交通安全隊...點知零晨3點幾除了8號風球...所以瞓醒拿拿聲出門口帯will will返學校...完左活動...媽咪帯左will will去圖書館...原先諗住借d書返屋企比will will睇...大頭蝦既媽咪竟然唔記得帯圖書證...所以唯有係圖書館睇書...讀了一個鐘頭...媽咪已口乾了...雖然will will仲好想睇...but媽咪真係要投降了... 離開圖書館之後再去群記買外買返屋企食....
中文記憶法16:00-17:30
下午4點幾改掛3號風球,晚上11點幾再改掛8號風球...8號風球掛左4個幾鐘就除下...呢個風真係快嚟又快走... 今晚爸爸要OT...所以等will will學完中文...我地就係元朗KFC食完晚餐先返屋企...自從上水KFC close左之後...will will就冇食過...will will最鍾意食既係蘑菇飯同唔辣既雞...可以食到2個蘑菇飯...今晚可以食KFC.. will will好開心!
晚上1號風球~杜蘇芮
珠心算16:30 ~17:30
今日will will要去參觀衛生署口腔健康教育組的"陽光笑容小樂園"...要8:15am到學校集合...所以今日唔搭保母車...由媽咪送返學....7:10am跟爸爸車一齊出去...到聯和墟...媽咪同will will係大快活嘆番個豐富既早餐先...之後再慢慢步行返學校...will will話今日可以坐爸爸車出去..又有媽咪陪食早餐加埋送返學...真係超開心喎!
今晚2仔爺飯後遊戲就係玩飛行棋....不過唔知點解will will玩飛行棋玩到皺晒眉頭呢???成日都皺眉頭...學晒爸爸d小動作...勁似爸爸!!!
今日早上公公打比媽咪話嚟我地屋企整水喉(更換廚房水喉)...中午12點等公公婆婆嚟到...媽咪同will will就出去上水彩園邨同惠儀契媽,rick哥哥飲茶....飲完茶...媽咪同will will又去左wellcome shopping...will will好乖仲幫媽咪手拎野返屋企... 返到屋企...公公已更換廚房水喉...同婆婆已返屋企...真係唔該晒辛苦晒公公!!!
今日媽咪同will will約左公公,婆婆,太婆係上水行樂軒飲茶...飲完茶...公公嚟左我地屋企幫我地整水喉(廁所洗手盤水喉漏水)....媽咪就去沙頭角買咸雞去婆婆屋企做節...之後媽咪同婆婆就再去上水街市買餸....原先諗住只係同叔公一家人做節食飯...到最後有叔公一家人,蘭姑婆,maggie表e一家,jacky表哥,雪麗表e一齊食飯....媽咪一個人洗切煮...超攰呀.....早知咁多人就唔叫merry放假la..... 初時2個表哥唔肯同will will玩...will will好唔開心...到最後一齊玩時...玩到婆婆間房亂七八糟...3隻馬玩到癲晒...10點半走時...will will都唔捨得走...仲想繼續玩...
學了4個半月...第一本書完成了...已學懂差不多兩百個生字.... 今日開始第二本書...
屋企部電腦係will will出世後買既...已用了5年多...而且部電腦仲壞壞地...都係時候換一部新既...之前訂左一部Dell四核電腦...今晚終於送到屋企...最開心就係爸爸...仲有唔該晒康叔叔幫手setup....
3號風球~泰利,will will停課一天
晚上10時40分改掛3號風球~泰利
多謝yan契媽送給will will故事書一本"胖胖豬講故事"
慶祝父親節晚飯@唐公嶺
今日willwill送給爸爸的父親節禮物
今日will will去返珠心算時...見到同學仔林靜怡第一堂返珠心算...因為以後可以一齊學珠心算...will will好開心...
今日will will既功課做得好好今日既功課有改善...中文都只係擦3個...
今日爸爸要返工...不過好快做完...4點就可以放工...所以媽咪同will will就出上水join爸爸...一家人行下街食下野...先去五代同堂食甜品(好多人都讚好味,所以要試一試)...will will食益力多奶凍...爸爸同媽咪就食榴槤斑pancake同火焰雪山...食完...媽咪同爸爸都係覺得滿記既甜品好食好多... 之後再去元綠食壽司先返屋企....
今日早上約了婆婆,tammy,maymay ee一家係上水M記一齊食早餐...爸爸今日都放假..不過昨晚太夜瞓冇同我地一齊出去食早餐...繼續係屋企瞓覺... 食完早餐...婆婆同tammy就返屋企...maymay ee佢地就嚟左我地屋企玩....hoyee chu掛住玩玩玩...連要午睡都忘記了...成個下午...will will同hoyee chu爭完呢樣又爭果樣...will will係都唔讓hoyee chu...2老表互不相讓...最後爭輸了既hoyee chu就會喊...呢個will will真係唔識同細個自己既小朋友玩...自我中心太強...未學懂互相遷就...唔知要幾多歲才會學懂? 夜晚...小龍e丈放工後嚟埋一齊食晚飯...maymay ee一家玩到9點先返屋企...
今日下午爸爸帯左will will去上麻雀嶺到曾宇詩屋企玩...曾宇詩有一個家姐同一個妹妹...will will同曾宇詩和她家姐一齊玩....爸爸話聽到詩詩家姐同will will講詩詩好鍾意will will...will will又傻更更咁反問詩詩家姐...咩呀?...爸爸聽到覺得好好笑...同媽咪講...亞仔好似佢以前細個時咁受女仔歡迎喎...呢個爸爸兜咁大個圈係度讚自己...真係唔知醜呀....
今日爸爸到學校接will will放學...到下午再送will will返珠心算...will will放學後再到上水接埋媽咪一齊返屋企.... 今晚爸爸同媽咪講... 今日will will同爸爸講已經2晚冇攬過媽咪喇...(平時每晚臨瞓前媽咪同will will都會攬吓同kiss good night) 因為will will做功課做得唔好...係媽咪對will will既懲罰... 爸爸話...will will講既時候個樣好慘咁... 冇辦法...如果媽咪再唔堅持嚴厲教will will... 升上小學真係好難教.... 希望will will會明白...
因為爸爸公司要擴充貨倉...所以爸爸今日開始一連放3日假...爸爸一早約好同事帯will will去沙灘...接will will放學後就同同事們出發去西貢大清游水...玩到7點先返屋企...
