親愛的讀者您好：BabyHome更新了隱私權條款說明，在您瀏覽本網站前，請閱讀 新版條款說明
育兒．持家．愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
唔知點解曈曈咁吸引d精神有問題既人~ 今日又有一個喇~係女人黎架~~ 又係捉住曈曈隻手仔唔放~~ 仲捉曈曈隻手仔摸佢塊臉添呀~~~ 今次曈曈唔識喊呀~~仲笑到四萬咁口~ 媽咪就好似個傻婆咁唔知點算呀~~ 又唔敢鬧佢喎~~ 唉~開始對搭輕鐵有恐懼感呀~~~~
今晚曈曈打完針發燒呀~~ 媽咪餵曈曈食藥,d藥好苦呀~~ 曈曈喊到拆天~~ 傻豬:妳唔舒服要食藥架~~咁先會好番架~~
星期日無節目,係屋企整曈曈個網頁~ 加左好多新相呀~
今日曈曈約左11點去天水圍健康院打針針~ 唔知曈曈又會唔會升級做Super BB哩~ 上次姑娘姐姐已經話佢係大碼BB黎架喇~~ 再大一個碼就要減肥架喇~~
今日個衰爸爸買左隻玉厄仔比曈曈, 而且仲要曈曈帶住佢添~~ 都算你對曈曈幾好啦~~~ 係你送比曈曈既第一份禮物啦~~
今日搭車,曈曈好百厭,係都要摸車果塊玻璃, 咁媽咪就梗係唔比摸架啦~因為唔乾淨麻~ 但曈曈係都要摸,媽咪發起嬲上黎咪打左曈曈隻手手一下啦~ 根住曈曈就扁起個嘴嘴,係咁望住隔離個姐姐"鳴鳴嗚嗚" 媽咪比妳激死喇~洗唔洗投訴丫~
今日搭車返工途中,有一個精神有問題既男人, 係咁捉住曈曈隻手玩,媽咪又唔好意思鬧佢喎~ 但果個人越玩越過份,成個人"墟"左落媽咪度, 嚇到媽咪唔知點算好,之後妳突然大喊,媽咪以為妳比佢整襯~ 但果個人走左之後,妳又對住媽咪笑左笑。 唉~媽咪知道曈曈係保護媽咪先至喊乍,因為平時妳好鐘意撩人玩架~但今日竟然...因為妳知道媽咪唔鐘意呀~~但媽咪覺得自己好無用呀~保護唔到曈曈,要曈曈保護番~~鍚晒妳呀曈曈~~
今晚食飯果陣,妳係度依依哎哎~ 唔知妳係咪唱緊歌呢?
今日曈曈識得反轉身喇~~ 真係驚佢會碌左落床呀~~
今日曈曈四個月大喇~~ 媽咪係度祝妳健康快樂~~
今日婆婆放假,婆婆一朝早黎湊曈曈去飲茶茶, 今日曈曈又有得同傻舅父玩喇~ 不過家貓好似唔係好鐘意佢黎喎~ 事關我地掛住理曈曈唔理佢麻~~嘿嘿~~
琴晚,餵妳飲水水果陣,唔小心整親妳塊面仔, 妳即刻大喊~心痛死我喇~媽咪知妳好痛架喇~ 鍚番錫番~對唔住呀~囡囡=.="
琴晚11點幾,諗住曈曈6點幾食完奶到依家都未食, 咪嘈醒佢食奶啦~費時一陣佢又成2,3點起身食奶~ 一心諗住妳食左6安奶實會訓到6,7點啦~正呀~ 點知!!!妳4點又醒左要食奶,早知唔叫醒妳食啦~ 都冇分別既!!!一樣要食夜奶=.="
哎丫~好難整丫~ 曈曈豬:妳睇
今日突登為曈曈整左個網頁~ 一定要留番佢大個女睇呀~
(契爸)志強生日!!!
三個月大~
2個月大~
一個月大~
曈曈今日滿月,係天慈寶翠酒家擺滿月酒~
曈曈出世~ 日期:11月7日 時間:00:51am 體重:3.09kg
