親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
因為曈曈連續幾日發燒.唔肯食. 媽咪真係好擔心呀~
曈曈因為發燒關係,今日無得打針. 改為20號再打.等媽咪仲突登請半曰假陪曈曈添~ 食藥食到曈曈怕怕~連奶奶,水水都唔肯飲,玩絕食~ 曈曈妳唔飲奶都飲水啦~媽咪連續幾晚無覺好訓呀~
係媽咪第一個做人母親既母親節呀~
今日唸住黑色暴雨唔洗番工啦~ 點知天文台唔知係咪玩野,8點幾又轉番紅色~ 落住大雨帶曈曈出去~幾咁狼狽哩!
時間真係過得快,曈曈話咁快就半歲人仔喇~
今日媽咪同埋曈曈都唔知醒呀,訓到8點7先起身. 所以媽咪澎澎聲刷牙洗面幫曈曈換好衫. 就飛taxi去姑婆度~好彩,番到公司老闆仲未番=.="
曈曈因為為食既關係,今晚食糊仔又食魚都唔夠,仲飲左4安奶, 個肚仔脹到好似雞泡魚咁.大字型咁灘左係張床度唔郁! 梗係啦~飽到郁唔到麻~嘩~亞女乜妳咁"擦"得呀~
係搭車返屋企果陣,後座有位小朋友話比個汽球比曈曈玩~ 正當媽咪想同果位小朋友講"佢細過唔識玩架~唔洗喇" 曈曈已經一手拎左~唉丫~曈曈妳識玩咩~最終曈曈拎唔起要媽咪拎住行街, 成個白痴婆咁,引人注目,咁岩前面有個垃圾筒,媽咪就一手dum左去~ 曈曈:唔可以隨便要人既野架~知唔知呀!
今晚細姑媽發現曈曈下排門牙有一點白色. 原來曈曈出牙仔喇~大個女喇~ 唔怪之得呢排咁扭計啦~
今晚筠姐姐同契老豆入黎天水圍搵媽咪食飯~媽咪帶埋曈曈出去~ 筠姨肥左又靚左喎~梗係啦~好食好住麻~又有人鍚麻~嘿嘿! 曈曈見到筠姐姐好開心,係咁同筠姨傾計呀~ 至於契老豆,佢話入黎果陣見到佢個夢中情人茵茵姐姐呀~ 咪益左佢囉~開心死啦~嘿嘿~~~
真係唔該曬kenie媽媽幫曈曈整左個咁靚既小檔案喇~
美寶姨生日~
今日媽咪打比筠筠姐姐,同佢講聲生日快樂!!! 知道佢今日岩岩比人炒左,依家冇野做!!! 媽咪都好耐無見過呢個筠姐姐喇~成年喇~^^"
今晚返左婆婆度食飯!曈曈好鐘意同家貓玩呀~ 見到貓貓係咁大嗌呀~~~
曈曈係一個為食妹.有乜都擺落個口度食~ 媽咪真係擔心一粒糖就收買到妳喇~
今日大姑買左2套衫仔比曈曈! 其中一套,吊帶locut最攪笑! 著係曈曈身上,曈曈露出個大肚腩呀!!! haha^^"
曈曈呢幾晚唔知仲咩呀! 訓覺又要學人反訓,攪到媽咪要每隔1個鐘起身, 反番妳個臭豬個身!真係比妳激死呀~
今日婆婆同埋公公一齊放假. 就湊左曈曈去玩喇~婆婆一朝早黎接曈曈走. 其實媽咪知婆婆費事媽咪揹住曈曈辛苦,先一朝早過黎湊曈曈架~ 辛苦晒呀~媽咪!!!曈曈要鍚婆婆公公呀!!!
今朝曈曈又唔肯飲奶奶喇~ 因為麻麻佢地打麻雀打通頂,媽咪極之眼訓~ 諗住曈曈飲完奶會訓。點知曈曈就... 媽咪一時大聲鬧左一句"飲唔飲呀" 曈曈就即刻喊喇!事後媽咪其實好心痛架~ 對唔住呀~曈曈~
今日一家人返左大陸呀!因為太麻擺大壽!!! 不過真係好悶呀!!! 曈曈妳就巴閉啦~行晒全場,任抱任錫!!!
媽咪呷噪呀~曈曈妳唔公平喎! 剩係識叫爸爸,唔識叫媽媽~ 唉!妳話丫!生女喎!!!嘿嘿!!!
媽咪今日放工同埋曈曈去左CD舖睇CD. 曈曈聽到Twins既兒歌即刻手舞足蹈~ 咁係不停踢兩隻腳仔!媽咪就即刻買左隻CD比曈曈喇~ 依家已經有2隻Twins既兒歌碟喇~又有得聽故仔學英文, 一隻幾岩小朋友既碟黎架!!!
今日~媽咪好心痛呀!都係媽咪唔好!曈曈對唔住呀! 曈曈今朝碌左落床丫!撞到個頭仔,個嘴仔撞損左流血! 媽咪澎澎聲帶曈曈去急証室!經醫生診斷之後話曈曈無事~ 不過媽咪就係急証室喊到豬頭咁!仲比姑娘話:無事架~唔洗咁驚!! 媽咪到依家個心都仲好痛呀!諗番起妳流血個陣,媽咪真係好驚妳有事呀!! 曈曈係媽咪既心肝寶貝呀!!!
今晚大伯同伯娘仲有未出世既細佬黎我屋企食飯呀!!!
今晚曈曈好勁呀~ 坐係架學行車度向前行得幾快呀~媽咪坐係梳化,妳就行左去電視下面~ 之後因為唔識番轉頭,就想喊喇~媽咪比妳個傻豬笑死呀!!!
今日爸爸又買多架學行車比曈曈, 不過另外個架係放係姑婆屋企, 曈曈妳真係巴閉呀~
今晚契媽,怡姨姨同兩個叔叔尼探我!唔知點解D叔叔咁靚仔,我係咁同佢地玩丫!
今晚曈曈7點幾就訓覺豬喇~ 可能佢食完藥眼訓啦~~
曈曈好鐘意聽媽咪唱歌架~ 尤其係小星星呀~ 一閃一閃小星星一顆一顆亮晶晶... 就係咁成為曈曈既催眠曲喇~
曈曈今晚好唔舒服呀!喊左成晚唔肯收聲~ 終於零晨1點,麻麻同媽咪帶左曈曈去屯門醫院睇急証喇~ 曈曈原來發高燒呀!燒到101度呀~又唔肯飲奶~不停咁喊!! 攪到媽咪成晚個心蘿蘿x呀~眼見曈曈喊得咁犀利~ 媽咪又幫唔到佢,媽咪好想喊出黎呀~ 因為急救緊,等左3個鐘先到我地呀~曈曈就咁喊足3個鐘~ 食左退燒藥見曈曈好番d,又識笑番~媽咪先冇咁擔心乍~ 番到屋企都成5點鐘喇~好眼訓添~ 做左人地亞媽~先知道原來母親既愛真係好偉大架~ 媽咪係度同妳講聲"我愛你"呀!