親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
曈曈越黎越懂事喇~~ 例如:妳比糖佢,佢會叫妳幫佢"meet"meet" 肚餓又會講"mum"mum" 又時又有意無意嗌媽咪一聲~ 又識叫爸爸,姑媽起身返工~~ 又學着鞋"係咁搵隻鞋打落隻腳度" 見到有野食又會叫媽咪買~~~ 真係大個女喇~~~~
今日返婆婆度食飯~~ 美寶姨返左黎~仲讚曈曈咁快識行添~~
曈曈依家好麻煩~~~ 佢唔肯比人dum佢訓覺~~ 當媽咪dum佢訓,佢又話要揹揹(佢個手袋) 又話要狗狗(布甸狗)佢要攬住訓 要完仲唔夠,仲要埋隻miffy
曈曈今晚零晨3點幾突然大喊~~ 媽咪訓到迷迷糊糊中比個奶咀曈曈食~~ 點知都係唔得~仲唔肯收聲~ 之後媽咪抱起曈曈,曈曈就收左聲~ 仲攬到媽咪實一實~之後又訓左覺喇~~ 原來曈曈發惡夢呢!!!
今晚大姑媽上左黎食飯呀~~ 曈曈仲錫左大姑媽一啖添~~ 大姑媽好驚訝曈曈咁快識行添~~
姑媽話曈曈醜八怪呀~~因為曈曈整損左塊面仔~ 一向貪靚既曈曈,緊係唔應姑媽啦~彩都唔彩佢丫~ haha^0^
曈曈今晚走入廚房dum垃圾果陣, 比塊地毯cake到跌左落地~塊面仔損左呀~~ 仲流血添~~變左做花面貓喇~~~
曈曈又學識新野喇~~ 就係hihi喇,佢伸起隻手搖兩搖,然後講"hi" 好可愛呢~~~~
今晚大伯佢地上黎食飯~~~ 曈曈係咁不停講野~無人知佢講乜??BB話!! 媽咪覺得曈曈係想引人注意~唔想個個理哂細佬仔~ 曈曈仲不停叫細佬做"BB"添! 因為曈曈熱情得溢,嚇到細佬喊到唔停呀~~嘩~你個頭都幾大下喎
婆婆話一個星期唔見曈曈,真係次次見曈曈, 曈曈次次都叻左喎~~~ 因為曈曈真真正正識行喇~~~ 仲要周屋走果隻~~追住家貓不停叫"貓貓" 家貓好可憐呀~~~比曈曈址完尾又址耳~~
媽咪發現曈曈原來好貪靚架~~~~ 當媽咪讚曈曈好靚又或者攞曈曈件衫出黎話好靚~~ 曈曈就會沾沾自喜架喇~~~又摸下自己塊面..又想自己著件衫~ 勁攪野~~~貪靚到死~~~
曈曈呢排越黎越夜訓覺覺~~ 以前八點鐘就訓~~~依家..成十點先訓~~~ 攪到媽咪無時間做野~~~~~~~ 唉~~~~~~~
9:00am-5:30pm--返工 5:30pm-6:10pm--湊曈曈返屋企 6:10pm-7:15pm--同曈曈玩 7:15pm-7:45pm--食飯 7:45pm-8:00pm--幫曈曈洗白白 8:00pm-8:30pm--餵曈曈食奶奶,冧曈曈訓覺~~ (不過曈曈呢排唔肯訓呀) 8:30pm--10:00pm--不斷冧曈曈訓~唔肯訓~要玩~~ 如果姑媽係度可以幫媽咪湊住曈曈,咁媽咪就可以做野喇~~ 要烚奶樽,幫曈曈洗衫,抹地...跟住先自己沖涼~~ 成12點先可以訓覺呀~~~~ 6:55am--起身~ 7:10am--餵曈曈飲奶,換片片 7:30am--食早餐 7:55am--出門口~湊曈曈去姑婆度 唉~~~日日如常~~~
今日姑媽教曈曈"dum"垃圾~~~ 曈曈真係學識左~姑媽叫曈曈dum筒~ 即係"dum"落垃圾筒~曈曈就會自己行去"dum" 叻叻呀~~~~~~~
曈曈今晚好"勁"呀~~ 成晚自己企起身~周屋行呀~~ 仲要唔洗人扶住佢添~~ 媽咪讚"曈曈"叻叻,曈曈仲識拍手掌添~~
曈曈今日又學識講一樣野喇~~ 媽咪問曈曈柯左臭臭未呀~ 曈曈竟然擰下個頭,然後話未呀~~ 勁攪野呀~~haha^0^"
今日屋企無人,媽咪約曈曈契媽食tea~ 曈曈今日都算係乖喇~~ 雖然都有攪攪陣~但無平時咁煩啦~~ 番到屋企曈曈唔知係咪肚餓,食左成大碗粥呀~
今日公公放假丫~~~~~~~~~~ 媽咪一陣收左工就帶曈曈同公公,舅父仔去婆婆度飲茶~ 之後去買d冬天衫比曈曈~~~ 媽咪仲想買對波鞋仔比曈曈添~~~~
今晚返婆婆度食飯~~~ 華姨同佢男朋友都番左黎尼!!! 華姨仲讚曈曈識行咁叻添~~~ 家貓又比曈曈"弱待"喇~~ 今次曈曈扯住家貓條尾唔放呀~~~~ haha^^"
今日曈曈11個月喇~距離1歲仲有1個月~ 不知不覺,曈曈就咁大個喇~真係有D感慨丫~ 原來做亞媽真係唔容易架~~ 一日一日咁睇住妳大,其實幾辛苦都係值得既~ I LOVE YOU "曈曈"
媽咪今日發現曈曈第7隻牙仔蒲左頭喇~ 係下排門牙隔離果隻~~
近排好多人都問曈媽,曈曈有無2歲丫?? 吓~1歲都未夠喎!? 2歲...我都想丫~ d人就會話1歲未夠識講咁多野~~ 曈媽就咁諗:無計啦~曈曈係八婆仔黎架麻~ 豬事八掛果隻,樣樣都有佢份呀~~haha^^" 其實曈曈係有d小聰明既~ 好多人話"孖轉"既bb會聰明d...曈曈正是。
曈曈整襯隻手指,我地話佢"跛跛" 點知曈曈就不停遞起隻手指講"跛跛" 勁攪笑~~~
今日終於好清楚聽到曈曈叫"媽媽"喇 雖然平時都有講,但媽咪唔肯定曈曈係咪嗌我~ 但今次...好開心呀~因為確實曈曈係嗌我做"媽媽"呀 事情經過係,今朝一起身,諗住放底曈曈係bb床,然後開奶奶比曈曈飲~ 點知曈曈突然好大聲咁叫"媽媽,媽媽"咁 媽咪連奶都未開沖番入房,以為曈曈乜野事啦~ 點知係..."媽媽""抱抱"呀~~好清楚曈曈係叫我抱佢呀~~~ 媽咪真係好開心呀~~~~終於聽到妳叫我"媽媽"喇
今日媽咪同姑媽帶埋曈曈去公園玩呀~~ 曈曈玩左"千秋""仲有"單幹"呀 勁呀~~~~
今日媽咪帶曈曈買d冬天既新衫~ 因為天氣開始凍喇~~
今日返婆婆度食飯~ 媽咪仲買左隻miffe公仔比曈曈添~
曈曈依家可以放手行得好快喇~ 勁呀~~加油努力~
依家媽咪可以拖住曈曈隻手仔行街街喇~ 雖然行得好慢~但好sweet呀~~ 曈曈行到倦都唔肯比媽咪抱呢!!
今日係曈曈出世以來第一個過既中秋節~ 曈曈仲有2個燈籠添呀~~~ 今晚媽咪要帶曈曈落公園玩先~~