親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
曈曈今日1歲又2個月喇~~~~
曈曈第9隻同第10隻牙仔蒲頭喇~~~ 係上排架~~唔怪之得佢呢排咁鐘意咬人啦~~~
今晚返婆婆度食飯~~ 媽咪買左對"嘰嘰"鞋比曈曈~ 曈曈好得意咁行黎行去~~~ 因為對鞋會發出d嘰嘰聲架~~~~
媽咪終於頂唔順去睇醫生喇~~ 想"坑"番d錢都唔得呀~~~~ 曈曈仲好攪鬼咁同醫生講"HI" 梗係啦~唔係佢睇醫生麻~~~ 希望食完藥快D好番啦~~~~
哎呀~媽咪病左添~~~ 傷風呀~~好辛苦!!! 希望唔好傳染比曈曈啦~~~~
新既一年開始~~~~ 等曈媽改下個板先~~~~~~~~
今日媽咪頭痛又嘔!!! 攪到要幫曈曈洗衫,換床單都無做!!! 仲好求期咁煲左雞蛋粥比曈曈食!!! 連餵曈曈食粥果陣都好唔舒服~ 曈曈又百厭!!!媽咪痛到死死下!!! 又無人理曈曈,媽咪突然好掛住婆婆呀!!!仲好想喊添=.=" 食左藥,訓左陣~好左少少!!!爸爸話出街行下~ 去左市中心行,見到楚佬~~~~ 唔知係咪呢兩晚比曈曈攪到無覺好訓~所以病左~~~
今日係2005年1月1日~~ 媽咪係度祝曈曈快高長大!!!身體健康!!!聽教聽話!!! 係新既一年媽咪要將2004年既不快通通忘記!!!
各位新年快樂呀!!! 今日媽咪收四點,帶左曈曈返婆婆度食飯!!
今朝都唔係太凍~ 但到左媽咪收工湊曈曈果陣~~ 凍到丫~~~~~~~~~ 曈曈破記錄着左6件衫呀~~真係勁!!!
今朝勁凍呀~~~~ 媽咪幫曈曈着左兩條褲,四件衫加一對手襪!!! 曈曈成隻"糭"咁~ 笑死^0^
今朝好凍呀~~~~~~~攪到媽咪同曈曈訓到唔願起身~~~~ 曈曈琴晚訓覺係咁喊!!!一放番BB床又喊~ 最終媽咪同曈曈一齊訓~~~ 媽咪覺得曈曈開始發病喇~~~~~~ 個額頭興興地咁~~~~希望無事啦~~~~~
今日媽咪放假~ 搵公公舅父去婆婆做野度飲茶~ 曈曈見到公公同舅舅黎果陣,仲好興奮咁舉高2隻手~
曈曈今年收到既聖誕禮物有... 1.媽咪送既miffy vcd(曈曈勁鐘意睇,成日叫媽咪開比佢睇) 2.爸爸送既winnie the pooh輕汽球(玩到厭,唔玩喇) 3.爺爺比既$200現金(儲埋曈曈讀書用)
聖誕節快樂!!! 今晚同大伯一家,仲有爸b,麻咪出左去尖沙咀睇燈飾, 亦都係曈曈第一次睇燈飾,爸B仲買左個POOH輕汽球比曈曈添!我同細佬
同麻咪出左去搵契媽,仲有好多姐姐哥哥食飯~~ 媽咪話好耐無見佢地喇~~
今晚姑媽打曈曈,曈曈即刻走去麻麻度炸嗲~ 死喇~~~曈曈知道麻麻爭佢丫~~~ 所以有乜事就會搵麻麻投訴喇~~~~~~~~
生日快樂 & 聖誕節快樂!!! 今個聖誕節開心啦~~~~ 有人陪妳過喎~~~hehe
今日收4點,上左姑婆屋企食飯~~~~ 曈曈仲學識左講"飲杯"
今日婆婆同公公湊曈曈!!! 婆婆話曈曈好貪靚喎~~ 成朝走去姨姨間房照鏡~~~
生日快樂!!! 快d讀完書,搵份好工!!!
今日屋企做節!!! 唉~~又打麻雀=.="
頂~~今日心情勁down~~~~ 平時曈曈病~妳就乜都比佢食比佢飲~~ 今日我比少少菊花茶曈曈飲~~ 妳就潑開我!!!仲話驚個女唔夠病丫!!! 究竟妳係亞媽定我係丫~~~~ 個女我架!!!激氣\./ 至於"妳"係邊個~~唔好講喇~~~
麻麻今日放假~~~ 媽咪就唔可以慢慢黎做好出街既準備~~~ 因為麻麻會好趕咁帶曈曈出街~~~~ 媽咪平時8:10am出門口!今日八點前出!!! 鬼叫媽咪想見多曈曈幾面咩~~ 仲要睇埋佢地上車,媽咪先上車呀~~ 唉=.="
本應媽咪打算改板架~~ 但由於太大工程,加上媽咪又無乜心情~~ 所以放棄左喇~~~~~ 只係加左少少聖誕既裝飾~ 同埋一個新既banner!!!
原本打算聽晚返婆婆度食飯~~~~~ 點知麻麻今日起放假~今日返左大陸~ 媽咪今晚返婆婆度囉~~廢事聽日要行黎行去啦~ 唉~~~麻麻一放假~媽咪就........=.="
收到消息~麻麻番埋今日又放假喇~~~ 仲好似話放到聖誕節呀~~~~~~~ 真係唔想佢放呢~~~~~ 唉~~~~~~~~
媽咪今日幫曈曈換衫果陣~覺得曈曈好似瘦左呀!!! 唔知係唔係扯高左先瘦呢!?不過媽咪都係覺得肥啫啫既曈曈可愛d呀!!! 今日媽咪收到筠姐姐比我既相呀~果然靚女一名!!女大十八變呀!!! http://hk.pg.photos.yahoo.com/ph/cherry1703/detail?.dir=9c45&.dnm=3451.jpg&.src=ph
今晚細佬仔上黎食飯!!! 姑媽話抱抱姪仔!!! 曈曈又話要"抱抱"細佬!仲遞起兩隻手~ 勁攪鬼!!!之後仲攞哂佢d玩具出黎比佬佬玩~ 好有家姐風範呀!!!!