親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
鳶
他的寶貝
他的興趣
文章分類
日期
#Tag
Hi~ 小寶真是可愛
資料載入中...
曈曈今日8個月喇~~~~ 真係有d感動~睇住曈曈一日一日咁大~ 由唔識笑既一舊飯到依家會撩媽咪玩, 最開心係曈曈對住媽咪笑~幾辛苦都係值得~ ~~健康快樂~~
今晚去左姑婆屋企食飯~ 食完飯返到屋企已然9點幾喇~~ 好倦丫~~~=.="
今日媽咪偷懶遲左返工,走去同婆婆麻麻曈曈舅父仔去飲茶, 飲完茶婆婆揍曈曈~媽咪返工~麻麻去打麻雀~~
今晚幫曈曈沖左個泡泡浴~ 攪到媽咪都好想沖添~可惜冇浴缸呢!!!
今日出去飲完茶,返到屋企幫曈曈沖完涼之後就同曈曈一齊大覺訓~ 都訓左成4個鐘呀~~可能個天暗暗地曈曈以為係夜晚啦~~
曈曈今日好勁呀~可以自己企係度唔洗人扶住佢. 都可以企到1分鐘呀~婆婆話曈曈好快識行呀~~
麻麻呢幾日又唔洗返工喇~~ 姑婆又要帶住曈曈跟住麻麻周圍去lo~~~
曈媽今日又煲粥比曈曈食喇~ 今次係煲南瓜蛋王粥~煲好同蛋王粥冇乜分別~ 但曈曈唔多鐘意食囉=.="
曈曈真係越黎越聰明喇~我地教佢乜佢就學乜~ 最近媽咪教曈曈點虫虫,曈曈勁攪笑,剩係識郁下隻手仔~ 代表點虫虫,咁飛哩~曈曈剩係識點唔識飛既~haha^0^ 教曈曈飛吻佢又唔識用手,識係識用口"卜"一聲~代表飛吻~比佢吹脹~ 媽咪講乜佢又識跟住講~但圍繞係呢3句~"mumu""媽媽""魚魚" 我地搖頭,曈曈又會學我地搖下自己個頭仔~^^" 其實曈曈係有d少聰明架~嘿嘿~~
今日細大姑幫曈曈將電腦d相晒番出黎~ 依家曈曈本相薄又多左好多將相喇~ 等曈曈大個可以睇番~
今晚,有隻好恐怖既甲由趁媽咪係度剪指甲偷偷係媽咪身邊經過~ 嘩~~嚇得我丫~~隻野比細大姑打到連腸都出埋,仲識郁,唸番都打冷震添丫~ 好彩曈曈訓左覺豬~
今日出去飲茶,見到爸爸係建造業既師父~ 即係曈曈既師公!佢一見到曈曈就勁鐘意, 爸爸仲話將曈曈契比佢,咦~曈曈又多左個契爸囉?
今日媽咪約左彩瑩姨同埋公公,舅父仔去飲茶~ 行行下,係街撞到檸檬頭叔叔~佢話都想生番個~ 之後就去左千色買左架的士車比曈曈~ 今日曈曈影左好多相丫~又有新相睇喇~
曈曈就黎八個月喇~但仲唔識趴,有時媽咪會反轉曈曈, 做玩具引佢,但佢只識伸手,唔識趴過黎~ 唔通曈曈會好似佢爸爸咁,未學趴,先學行!!!
今晚大伯佢地成家人上黎食飯呀! 媽咪發覺原來浚仔(曈曈細佬)笑得都好甜架~ 可能佢同曈曈一樣笑得咁甜咁多人鐘意架~ 而且浚仔右邊面仲有個酒窩添丫~
曈曈今日係咁講魚魚...講唔停,是關佢去飲茶果陣成日要去睇魚~ 去度茶酒佢就會用隻手仔指住個魚缸,係咁"魚魚"示意要去睇魚魚~
今日我地屋企做節,成村人上黎食飯~連細佬仔都有上黎~好熱鬧~ 今日媽咪約左婷婷媽咪食tea,婷媽話曈曈似婷婷細個果陣~ 話時話媽咪都覺有d似架~婷婷都好可愛架~依家佢已經係個小二女孩~ 不過收到不幸消息,婷媽同婷爸要離婚~唉!婷婷一定好唔開心喇~ 希望佢地既事,唔會影響婷婷啦~因為婷婷係媽咪心中係個天真活潑既女孩~
曈曈因為傷風仲未好番~所以媽咪又要帶曈曈去睇醫生~ 曈曈妳要快d好番呀~~
今日曈媽第一次學煲粥仔比曈曈食~ 原來比想像中容易~ 等媽咪學識煮多d野,第時煮比曈曈食先~
今日去婆婆度飲茶,媽咪叫左碗豆腐花. 比啖曈曈食,之後曈曈就不停要食~餵唔徹仲喊添~ 為食到妳丫~~~
其實媽咪真係好想做個全識媽咪,一心一意揍曈曈~ 但呢個社會女人唔做野會比男人睇死架~我唔想靠妳爸爸養囉~ 每朝媽咪返工,揍妳比姑姐果刻,見妳望住媽咪,媽咪真係好唔捨得丫~~ 有時媽咪真係好想揍番妳丫~但....唉~希望曈曈妳會明白媽咪啦~ 媽咪真係好鍚妳架~
曈曈近排好鐘意睇"小海白地球拯救隊" 一聽到果首由李紫昕唱既歌,就係咁跳舞架喇~ haha^0^"就真攪笑
浚翹擺滿月呀,係爸爸媽咪擺酒果間酒樓呀^0^~
曈曈唔知係邊度學埋d衰野番黎~ 今晚係咁係度搖頭呀~一路搖一路笑,成個傻B咁~~ 麻麻仲以為曈曈食左搖頭丸添~
咦~原來曈曈好大汗架~郁d就成身汗~ 成個男人咁~臭臭=.="
曈曈又病左喇~不過今次係2個一齊病, 媽咪都有傷風~見曈曈係咁流鼻水~ 媽咪忍唔住帶左曈曈去睇醫生~傷風真係好辛苦呀~~
今日媽咪發現左曈曈一個弱點呀~ 估唔到平時大膽到不得了既曈曈,都會驚隻玩具狗~ haha^0^笑到媽咪肚痛呀~ 話說隻玩具狗仔係爺爺攞番黎~識叫同埋打翻斗~不過成隻都係黑色~ 媽咪放係地下玩,見曈曈咁留心咁睇住~心諗,曈曈咁鐘意"鳴鳴" 咁一定會鐘意呢隻玩具狗啦~媽咪一攞起比曈曈,曈曈即刻向後彈~ 笑到媽咪^0^~跟住媽咪係咁攞住隻狗仔比曈曈,曈曈坐係架學行車, 走都走唔徹~仲喊左出黎~~
曈曈一見到婆婆屋企隻家貓~佢就會指住(意思係想同佢玩)~ 個口係咁講"嗚嗚"即係"貓貓",媽咪抱曈曈埋去,曈曈又址貓尾又址貓腳~ 嚇到家貓走都走唔徹~但家貓好乖唔會咬曈曈~不過就受罪喇~ 無計啦~鬼叫曈曈睇中左你咩~"鳴鳴"^^"
今晚媽咪比蕃茄曈曈食~ 曈曈差不多食左半個(煮熟)蕃茄~ 原來曈曈好鐘意食架~
曈曈近排不停牙牙學語~ 全部都係單音字~例如:MuMu,爸爸,爹爹,媽媽,麻麻,伯伯,打打. 有時更加唔知佢講乜???