親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
月希
文章分類
日期
#Tag
Hi~ 小寶真是可愛
資料載入中...
算是成功了.... 但是出來的效果好像跟我所想的有所出入>_
唉...由星期四開始太公太婆就來到我們家作客... 說因為我們太久沒回娘家了.. 很掛念駿駿..怎樣也要來我們家住數天.. 第一...他們可以整天對著他們的寶貝曾外孫... 第二..他們說可讓我好好的休息一下.. 因為一直都是我一個在顧駿駿... 但是...事實並不如此~_~ 沒錯..他們當然可以整天對著他們的寶貝曾外孫... 可是他們並不是在帶寶寶..只是用看的...玩的.. 最後..有什麼都是我做..換片..餵食粥..洗澡.. 給我好好休息?這幾天我比平日還要忙呢>__
從第一次發現要上隨選日記... 就要在"BabyHome首頁推薦"打勾後.. 至令..已上了數次隨選日記... 原本..對上隨選日記都滿是期望的.. 想著會否因此而有更多的人上來寶寶的網頁 可是發現效果都不太理想..... 覺得如果寶寶能上選"寶寶趣味拍"或"寶寶爬行榜"和"寶寶新勢力"才有用....
今天因為有太外公外婆在家帶寶寶... 架上一整天都下著大雨... 閒得很..所以就不停的在瀏覽網頁 找來了很多的素才(很漂亮的唷^^) 閒著閒著的..就試作起日記框架... 想不到一次就成功了.. 哈..哈..不過我這個日記框架也太簡單了吧.. 以後還要努力製作更多日記框架.. 最好可以加上寶寶樣子的.. 不過前提是...不知誰家的媽咪可以好心教教我...
今天一起床... 上來就發現好友new的留言.. 她也為她的寶貝子女做了一個寶寶網頁 真是十分高興^^ 其實..在我初初製作駿駿的網頁時就有告訴她.. 請她也為她的寶貝子女做一個... 想不到她真的做了呢^o^ 我在想..早前我也將寶寶的網頁send給大嫂.. 不知她會否為她的寶貝女兒做一個網頁呢? 希望她會吧..這樣我們就可以隨時看到大家的寶寶了
今日爸爸早左放工丫^^媽咪見爸爸咁得閒..就叫爸爸帶我去公園玩暴走車啦...係我自己一個人渣車到公園對住條大馬路..媽咪先抱走我..再由爸爸拎車過馬路... 沿路一路都有好多人話我好得意丫..部車車好靚..cc我知媽咪最鍾意聽到人地讚我架啦.. 唔..不過唔知係咪我大隻左呢..覺得部車車好似細部左咁既..記得我早幾個月..爸爸買比我既時候..我都重覺得部車車好大既...
平常帶駿駿去街.. 很多人都會估他有2歲或以上.. 說他個子長得高或大隻.. 回看別人的小孩... 駿駿好像真的比別家的小孩大隻.. 像今天..我帶駿駿到八佰伴.. 有一個媽咪走上前問我駿駿幾大.. 我直說駿駿現在17個月了^^ 她就說我的寶寶很大隻.. 他家的寶寶2歲多了.. 還不及駿駿高... 也沒有駿駿那麼好肉.. 想想...駿駿也不是很高很重.. 16個月時才85cm高..12.7kg重.. 是我家駿駿大隻...還是別家寶寶細粒呢? 但是..回家上網.. 看看別家的小孩網頁... 我都會覺得..駿駿不及別家的寶寶肥或高.. 是地區的問題?國家的問題?人種的問題? 總覺得台灣媽咪好像很會帶小孩... 個個寶寶都肥肥白白的... 反觀...我在香港跟澳門看到的寶寶.. 好像都比較細少...不是瘦瘦的就是過肥..媽咪 ..你又想照我裸照丫?
cc...今晚我好開心丫... 老公返左工之後同我去左新開既金沙賭場玩.. 其實依兩個星期... 只要我媽咪過黎澳門睇駿駿.. 我地兩公婆夜晚都會去拍下拖^^ 上個星期我地係去左犘卡..今個星期就係金沙啦.. 唔知下個星期會去邊呢?? 琴晚..老公真係好好運丫...win左6000幾蚊.. 原來好多賭桌都好好玩架... 我地行下睇下人地玩..睇明左就玩一陣.. 不過我冇老公咁利害..真係睇人玩一,兩局就明.. 我就要到佢玩既時候解釋比我知.. 賭完之後..我地就係金沙入面食野.. 原來d野都唔貴喎..重幾好食添.. 到我地返屋企既時候已經係平夜2點幾.. 原來係賭場入面真係會唔知時間過架.. 2點幾重人山人海..好似玩左一陣就已經成2個鐘..
近日..我都在看別人的日記... 在首頁的日記推薦的... 我想每10篇我都會看過一,兩篇... 為何別家的日記常常上日記推薦呢? 為何我家的日記就是上不到>_
駿駿真係越大越得意.. 今日同佢去超市買東西.. 因為要買的東西不多.. 所以我只是隨手拿了個購物籃.. 而駿駿就拖著我的手跟我行.. 在買完東西之後..駿駿就要求要拿購物籃... 很可愛呢..他的左手伸得直直的向前拿著購物籃.. 而右手就高高的舉著..大踏步的向收銀處走去.. 我想..如果我有帶相機就好了.. 他那時的模樣真是超可愛的.. 他拿著購物籃時..不知他是在想什麼的呢? 會否覺得自己已個小大人呢?
嘩..好好玩丫..今日媽咪比我渣部電單車出街玩丫..我地先係樓下大堂度玩左一陣..之後我地就去左超級市場度買野... 平日..媽咪都唔比我渣部車出街丫..驚我唔係好識渣...又驚我會跌喎..不過今日下午..我同媽咪去公園玩既時候..見到一個大約2歲既哥哥渣住一部同我果部差唔多既電單車喎..媽咪見到人地渣得咁過癮就比我渣出街啦^o^電單車
不經不覺...今日我就24歲啦... 係依24年黎..最大既成就係乜呢? 睇怕都係同kenny結婚.. 重有就係生左依隻小豬駿駿囉... 諗起上黎..我由16歲就同kenny一齊^^ 咁又就黎8年啦.... 唔知我地會有幾多個8年呢? 有6個以上...48年都ok架啦... cc...最緊要係以後咁多年... 我地一家都要開開心心..健健康康..
今日朝早一直都落住大雨...到下午大約2點左右先完全停雨..我見公園都係濕既...我就帶左駿駿去我想佢入讀果間托兒所睇下啦...主要係睇下佢會鍾唔鐘意果度... 好彩...去到果度駿駿都幾開心...即克周圍行..好似好興奮咁...參觀過成間托兒所...都覺得果度真係唔錯...所以我同佢報左名啦...到7月佢就可以返托兒所啦..唔知到時駿駿會點呢??能唔能夠好快就習貫到托兒所既生活呢?
今日...媽咪話我個靚靚表姨同佢男友會黎澳門探我地丫...同我地食lunch..行街shopping...點知...我同媽咪由11點幾等到12點幾1點都未見人喎~_~哎丫...餓死我啦...我平日都係12點半就有lunch食...媽咪又唔比我食餅餅喎..話表姨一黎我地就去街街食架啦.. 等丫等..等到羊唔多2點...表姨同佢男友終於出現啦..嘩...個哥哥好高架!都幾好人咁啦...一黎到...都幾有禮貌咁講打擾晒...但係媽咪就好唔滿意咁講..講打擾晒之前係咪要講sorry呢?遲左成2個鐘先到!!媽咪好嬲嬲丫..話表姨識左男友之後約親佢都遲到..冇晒時間觀念喎... 最後..我覺得今日都玩得幾開心...但係愛shopping既媽咪今日就冇乜買野啦..佢話好似怪怪地咁..所以我地改天會再去過..浪費左媽咪早幾日同爸爸申請既花光光批準
好得人驚丫... 今日同bb去完搵托兒所... 因為落雨既關係... 一睇完托兒所.. 我地就返屋企啦.. 行下行下..聽到有跑車既聲音.. 之後突然"bomp~~"一聲... 就見到一個中學生係地下都打轉.. 之後佢部電單車就飛到我地幾個身位前.. 好驚>__
唉...駿駿已經17個月啦.. 成日都聽人講.. 寶寶18個月要入托兒所... 本來都覺得唔錯.. 駿駿一入讀托兒所... 我就會多左好多好多空閒時間.. 但係諗真d...我覺得佢一入托兒所.. 我一定會成日都好掛住佢.. 係托兒所入面.... 佢有冇比人蝦呢? 佢唔係咁識自己食野..有冇人餵呢? 尿片濕晒有冇人換呢? 佢會唔會比導師罰/打呢? 會唔會跌親撞親冇人鍚番呢? 越諗..就越唔想駿駿入托兒所>_
等左好耐好耐..今日終於上到寶寶爬行榜啦...其實今日唔係第一次上..係第二次...但係第一次既時候..媽咪先岩岩整左依個網幾日..完全唔知係乜...到知道之後..佢日日睇住都冇我上榜...不過今日終於上到榜囉^o^唔知又要過幾耐先會再上榜呢? 哈~~哈~~估唔到..咁辛苦等到上寶寶爬行榜...黃昏去完公園返黎..又發現上左寶寶新勢力喎^o^希望可以成日上到榜就好囉..咁就有多d人見到我既得意樣啦~~~
平日..我都會帶bb去公園玩...去完公園..多數都會去屋企樓下既雜誌批發社度同隻小汪汪玩...駿駿佢係果度..好受d員工既歡迎^^ 今日駿駿一入去..隻汪汪就飛撲去同駿駿玩...咁耐以黎..今次係第一次見汪汪咁興奮..平時汪汪都只係坐定定比駿駿摸或者兩個一齊行黎行去..今日既汪汪飛撲...嚇到駿駿雙手不停咁想推開汪汪....我見到咁得意..就想拎相機同佢影相啦..點知我一拎相機..駿駿就怕左汪汪要逃跑XD..唯有唔影相..抱起駿駿啦... 真係可惜..如果可以影到想一定會好得意...
由開始寫日記第一日開始.. 我就係用bb既身份去寫... 點解?因為bb每日經歷既事和物都比較少... 而且依個係bb既網頁.. 所以我就想用..bb既角度去寫日記... 但係琴晚..我遇到一連兩件事... 令我覺得..我用bb既角度去寫..係咪真係ok呢? 在討論區...看見有媽媽有咁既疑問... 日記該用第一人身定第二人身去寫? 用bb既身份去寫..我地真係完全明白bb既心態嗎? 用媽媽既身份去寫..日後寶寶長大了... 會明白已我們身份去寫的日記嗎? 有人說用寫信的方式寫最好.. 在留言板..看見我表妹說我屈bb有乜想法乜想法... 我諗..其實我真係唔知bb會有乜諗法... 但係..每件事..我都係用最簡單既角度去諗... 去公園-->玩..就開心...我諗多數小朋友都係咁.. 落雨-->邊度都冇得去...成日係屋企..就係悶.. 平日爸爸返工好忙..好少時間見面... 爸爸放假--->可以見多d爸爸同去街玩..就係開心... 我記得我細個既想法就係咁... 當然..係寫日記既時候..唔多唔少我都會簡法左d野.. 好少會真係寫晒一日所發生既事... 想了又想..係唔係係時候要改改寫日記既方式呢? 又點改好呢??如果一日都寫兩篇日記... 一篇用bb既心態..一篇用媽咪既心態去寫... 又得唔得呢??會唔會好怪? 還是...我都係唔好強迫自己... 鍾意寫乜就寫乜...唔好理係bb心態..媽咪心態.. 想寫就寫...就好似依篇咁..寫寫下都寫左咁多囉^^
唉..今日又訓到成12點幾先起身啦.. 都唔知點解依幾日都訓到咁晏.. 可能係因為BB依幾日都好乖咁... 一早訓食完奶都唔訓啦... 到再訓番..一訓就訓到12點幾.. 重連晏覺都冇訓到添... 都唔知係好定唔好啦~_~ 嘻...今日同阿B去左新馬路行街.. 買左件衫好靚架^^我好鍾意.. 不過成99蚊就貴左D... 最衰阿B同個老闆玩得鬼咁開心.. 搞到我都唔好意思唔買.. 成百蚊件衫...我本來想諗下先架嘛.. 不過買左..又覺得越黎越靚喎... 諗諗下...其實我都好似好耐冇買過玩具比阿B.. 但係又好似冇乜好買咁喎.. 算阿B唔好彩囉...
這幾天...媽咪成日都罵我食手指>_
今日只係下午同媽咪去左公園吹泡泡..之後就成日都係屋企啦..好悶悶..媽咪話我曳曳喎..唔訓午覺..如果我訓左午覺..咁黃昏前我地就可以去新八佰伴行街街同食飯...但係今日我地訓到成12點丫..點訓午覺喎>_
今個月..22號..就係我24歲生日囉... 數下數下... 我同老公都差唔多係度一齊8年... 依個係我同佢一齊既第7個生日^^ 記得以前生日... 佢都係比個預算我.. 同我一齊去行街買禮物既... 但係上年...就係得我自己一個去買禮物... 有冇買到...我都唔記得囉~_~... 可能因為一直以黎...得到既生日禮物... 大多數都係d日常生活用到既... 或者係我早前沉迷既樂隊X-Japan既產品... 感覺上...老公都同浪漫拉不上關係... 但係今年...好出奇咁.. 佢竟然買左一隻心型鑽介比我... 驚唔驚喜呢?都少少啦... 不過因為前兩日打比佢... 就知佢係度買緊介指比我... 所以驚喜度大減... 不過鑽介係心型的... 多少有點驚喜.. 送我鑽介..我都諗到架啦.. 但係我以為只係一d好普通既鑽介.. 真係估唔到係心型咁浪漫^o^ 我真係好好好鍾意隻介子..好靚~好靚!!
今日爸爸下午拎左張請柬返屋企..話星期日有得去飲喎..係bb滿月生日^^星期日..有小小b睇丫..cc我去到又要做明星仔先得...整古作怪的..要全場都讚我!
下午媽咪同我同婆婆去左爸爸返工樓下間PizzaHut度食野丫..呵~~呵~~我食左好多薯茸同飲左個忌廉雞湯..重食左d腸仔添金^o^好飽飽...媽咪話..佢都好耐冇食過pizza囉..大約係半年前掛..果時我去到重係乜都唔食得
今日下晏爸爸得閒同左我地去飲茶茶~~媽咪又同我著左一身短衫短褲...爸爸望下我對豬腳仔..就話..bb又晒黑左啦..依家唔係小白豬..係小黑豬囉>_
今日媽咪同我去公園玩既時候...撞到好多同我差唔多年紀既bb丫..佢地個個都大過我架..但係我就最大隻^o^好多媽咪都讚我大隻丫..我重高過2歲既哥哥...18...21個月既哥哥都唔夠我高大...媽咪好開心丫..見到咁多人讚我..d人重讚媽咪好fit..生完我都好似冇生過bb咁
今日媽咪同我去左shopping...去完shopping...訓完晏覺..媽咪又同我去公園玩喎...係屋企樓下雜誌社..小狗狗又係度等我同佢玩(比我追住"打..打")...d哥哥姐姐又成日抱我請我食糖糖嘩~好高丫
今日母親節~我好合作丫..朝早媽咪同爸爸未起身...我爬到佢地中間又再訓過..冇嘈住佢地^^ 之後爸爸返左工..一陣就打黎話可以放工喎^o^媽咪好開心丫..我地又出左街街食lunch...之後爸爸又同我玩暴走車喎...
落雨..冇得去街街..成日都係屋企好悶悶丫...唔知晏d訓完晏覺有冇得去街玩呢?不過唔去公園..媽咪都要去超市買菜....唉~悶悶!