親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
粟米媽
他的寶貝
他的興趣
文章分類
日期
#Tag
Hi~ 小寶真是可愛
資料載入中...
網上有幫人計算懷孕既重量,唔知係咪準,不過如果佢既計法係岩既話,咁我都算係標準體重以內!!!希望一直都keep住標準!! http://www.baby2see.com/pregnancy_weight_calculator.html 體重表
襯今日要出街,順便都去旺角拎之前收到信通知既禮物!!! 都幾多野架,有濕紙巾,尿片,有d優惠卷,有帽仔...!!
細姨買左件衫仔俾粟米!!好cute架!!第時一定要著俾細姨睇呀!!
放工去BBCARE簽約,好快就簽完,BBCARE有一份野俾我,好似好多資料咁!! 俾埋訂金同介紹費就走得!! 返到屋企打開黎睇,個份BBCARE既野都幾有用喎!!有買野食既CASH BOOK,方便陪月員向僱主計數!!有本餵食紀錄!!真細心!!
另外簽完約,去左MOTHERCARE拎返BB籃連架,由於太大份,所以粟米爸決定打的返屋企!! 返屋企個陣,咁岩撞到佢阿哥都返到,係樓下大堂撞見,被佢發現左BB野! 佢問我地點解有BB野,我地無回應,笑笑就算!! 唉!!好擔心.....奶奶會問起,實在唔想太早俾佢地知!!下星期自助餐都唔知會點!!!
預約紙話今日係 抽血,見護士,聽講座, 仲要帶丈夫身份證副本同小便 個心當然唔想抽血啦,因為上星期先抽完,仲抽左咁多,今星期又話抽,真係有D怕怕!! 約左9:30,我9:15到,先去登記,之後自行去量血壓機量血壓,再去磅重,重量同上星期一樣57.5KG,再坐埋去驗小便個邊坐低等驗小便!! 今日遇到既護士同阿嬸都好好人,好NICE又有笑容!! 無耐阿姐出黎叫我地開蓋,俾枝試紙我地驗小便,拎住一陣間,無變色,咁樽小便就掉得啦!!我仲以為佢地會沒收小便添...原來唔會!!! 之後就交晒D資料俾阿姐,就出去等叫名見護士!! 等見護士期間,有播片,講關於驗血既原因,睇睇下就被護士叫入房,見護士原來都只係問返我之前填左個張FORM既資料,同埋話我知上星期抽血檢左報告無問題,但係報告就未出,無得俾我睇,仲有德國麻疹抗體係到,由於驗血正常,今日唔洗再抽血,聽到都鬆口氣!! 見完護士出返去,又另一位護士講解,話我地知打後要做既野做咩,點解次次都要驗小便,因為要驗糖尿同蛋白尿,最好係一早起身就留起小便帶到醫院驗,如果食左早餐糖份高左就會無咁準確!!如果有驗到有糖尿就要再等飲水再驗架啦!! 亦都講第幾週要注意既事項: 22週前見紅就要去急症CHECK下,怕小產!! 28週後開始要每日數住胎動次數!! 34週就要CHECK B型鏈球菌!! 37週為足月,隨時會生,叫我地留意返,CALL 白車有機會送你去就近急症醫院,個D醫院未必有產科,白車只會車我地去急症室急救,之後先再轉送有產科既醫院!!所以如果無見紅,而又可以自行去醫院既話,最好就自行搭車去醫院!!! 聽完講座就走得了!! 亦預約左下次產檢日期:2013-06-17 2:00PM
登記左今晚聽某雜誌搞既講座,係講BB護理及疫苗! 粟米爸同我都一齊去聽!! 由於7:00PM開始,8:30PM先完,所以我地都去左食個粉麵打底!! 6:45PM前到達,第一次去童軍總會!!去到都仲未太多人!!!當然揀比較前既座位坐啦,咁樣清楚D!! 好奇怪,我竟然見到有人唔係聽講座,在講者講緊期間,佢地竟然玩手機,玩遊戲,佢地來只係為左------> 禮物!!! 其實護士講既BB護理同醫生解釋既疫苗真係好值得聽,聽完唔洗淨係盲目咁聽某D人或者網上睇某君寫既唔知真定假既方法同解釋!!! 我同粟米爸都覺得呢次講座很實用!!! 當講者講完之後,大會安排左抽獎,第一次抽三個幸運,答中問題就可以得到價值480蚊既嬰兒攝影套餐,之後就抽大獎,我就聽唔到係D咩啦!!不過都登呢D幸運兒開心!! 係抽獎期間...發現在場有大半既人真係好唔識尊重呢兩個字!! 人地抽緊大獎,係咪應該俾D尊重等埋先呢??佢地急不及待就排隊走,而在台上既司儀一路望住走緊既人,一路講多謝,是多麼難受呢...!!!你地成日話內地人無文化,但係你地都做唔到尊重人喎!!好彩仲有數位坐前面既人等待司儀謝意,拍手之後才離開!!! 我知道好多人為左禮物而聽講座,但係去得聽講座既係咪都應該都聽下呢,入面都有好多重要既野,如果唔係有心聽既話,就唔好霸住個位,等個D想聽而又聽唔到既人無得聽,你地就貪人地禮物!!唉....咁同某D人有咩分別呀???多麼可悲的人類!!! 是次大會禮物係一對MIDES牌子既襪仔,質地厚厚的,應該很適合冬天出世既粟米B!!
今日要去check唐氏,如果唐氏ok既話,粟米爸話會買bb籃俾你丫!!^^咁你就可以一出世到4個月大都同daddy mammy同一間房訓啦!!你要乖乖地! 驚多人,所以早d放工走,約左粟米爸12:45 係附近等,之後一齊打的上去瑪嘉烈!! 去到都係1:00到,由於唔太熟地方,所以都要搵下邊樹係會計部,問個詢問處,佢又老點我地去另一邊,好彩我地之後都搵到會計係邊,先去登記,唔洗俾錢,拎左張紙條,就上去2樓搵B2係邊!! 去到當然因為仲係午飯時間啦,所以姑娘叫我地坐係到等陣先!!坐到咁上下夠鐘,我又行去問下姑娘係咪就咁等叫名,定係要登記左先!姑娘望一望時間,先知夠鐘,就走去叫人埋去登記!!! 登記完就等叫名,係等叫名期間,有個姑娘走黎開DVD俾我地睇片,講關於唐氏既片!聽完晒都未見叫名!!差不多2點阿嬸先入黎叫名!!! 我當然係第一個啦,第一個跟阿嬸,阿嬸問我有冇俾過份粉紅色紙我填,我當然無啦,入到去坐叫我去磅重先,今日57.5KG,之後阿嬸拎左一疊粉紅色紙俾我,當我見到份野,我就知係咩啦,其實之前登記約時間係有既,但係張紙唔係粉紅色,而且夾埋係預約紙到,我見咁就同阿嬸講,呢張我有丫,阿嬸有D唔耐煩,仲想鬧人咁款,我叫佢聽左我講先,我話佢知我頭先登記個陣俾左份野當值護士,個到有份一樣架,之後佢不耐煩咁睇返份野,見到真係有張紙夾埋,我再問佢,係咪同呢份一樣架??阿嬸先至講係丫一樣架,咁唔洗再填啦!! 跟手就跟左另一個姑娘入超聲波房,訓上床等照,訓係床望到個好大既MON,姑娘照佢個陣真係超清楚,見到佢個腦同心跳,同埋見佢個嘴不斷郁!!姑娘問我最後經期幾時,我答2月10,姑娘話:咦?!點解你之前報係2月15既??我話可能登記個陣姐姐幫我照私家醫生照完寫出黎個張野個期,所以唔同,姑娘話,其實都係差好少咋喎!!我話係丫!佢又再講咁我唔幫你改啦,我話OK!! 姑娘話粟米依家坐左係到,好難照到頸皮!!叫我打側訓下!!再訓返正試下,都係照唔到,姑娘話咁要出去行下先,半個鐘到再返黎照啦,如果出面有得抽血就抽血先!! 咁行出房門,就聽話行來行去試下啦,行到咁上下, 另一個姑娘又叫我名啦,呢次係抽血,真係有D擔心,因為之前睇D媽媽講D姑娘手勢唔好會好痛,唉...都黎到又唔擔心得咁多!!我當然睇住佢拮啦,佢拮落去個野都幾痛架,仲唔止咁,佢個針頭要HOLD住,睇住佢換8枝試管,佢換一枝我都好驚,好驚佢郁到個針頭我就會痛到飛起,期間仲有另一個姑娘同佢講野,我個心真係驚,好想同個姑娘講,你可唔可以等佢抽晒血先同佢講野呀!!!最後終於抽完啦,之前燥燥地既阿嬸又黎搭咀,又話叫我行下,如果兩個字後唔見暈,就可以走架啦,你依家行,行到落去就差不多架啦!!我又同返阿嬸講,未呀仲未走得丫,一陣又要返去照過呀,阿嬸就講係呀?未照到呀?咁你再等下行下先,抖陣再照囉! 之後,返埋位,粟米爸問我痛唔痛,我話梗係痛,點知俾後面對夫婦聽到,個老婆仲好驚咁,仲聽到個老婆同老公講,人地話好痛呀,點算呀,佢老公答你唔望咪唔痛囉!!!哈哈,早知唔答粟米爸啦!!!嚇親人添!! 坐一陣又走出去行下啦,廢事你係入面唔轉,咁就有排都照唔到走唔到!!行左陣,咁岩姑娘見到我行來行去,佢叫我入房,話試下睇下度唔度到,呵呵,又走入去照下先!! 今次照到啦好彩!!姑娘話你正常,我睇個MON係 0.198, 13W6, 7.98CM!! 仲見到你郁郁下係到唔知搞咩,個口係到郁,我問姑娘,佢話你係到飲緊胎水,自己痀完又會飲返,姑娘仲好好咁同我講邊到係頭,眼,鼻同嘴,又話我知手腳係邊!!大MON真係睇得好清楚!!哈哈! 我問姑娘幾多歲先叫做高齡呢,佢話35歲,我就講:"咦咁我生個陣咪高齡!",姑娘望一望就話係丫話我岩岩好擲界!! 照完落返床,姑娘俾個圖我睇,話我知個條線係中間,即係正常,但係要睇埋驗血報告先,仲話栗米你係中碼B!!姑娘仲幫我BOOK埋結構期!! 預約照結構期:2013-07-04 2:00PM 跟手就走得了!!! YEAH!!!可以叫粟米爸買BB籃俾你啦!!^^
今日SOGO第一日大減價,又咁岩係佛誕,諗住可以約埋朋友一早去殺,點知大陸車要黎收貨,所以唯有返公司等大陸車收完貨再搭車去!! 一去到先買產後用既緊緻用品,係朋友極力推介!! 第二站就當然係買BB衫,HALLMARK有套特價中既BB短袖衫連帽,另外見有套長袖都幾靚,一共買左兩套!!本來想多買幾套,但係因為未知粟米既性別,所以都係買兩套中性既就算!! 第三站 本來無諗過係個到買野既,但係咁岩見少人,又望下,又多口問下,竟然買到我早幾個月前想買既粉紅色袋,而且仲有九折,真係非常開心!!!二話不說就買了!! 第四站 亦都係意料之外,因為人多,信用卡又未返,唯有一路行下睇下其他野,一陣再返HALLMARK睇下張卡拎得返未,點知見到揹帶做緊八五折,打俾粟米爸,粟米爸話可以買定!!結果拎返張卡之後就買左COMBI既4合一揹帶啦!! 之後人太多,我上左去書屋,買左本GAME書同雜誌就走了!!!因為都已經2:00PM,係時候返去食午飯!!
沖完涼照鏡發現個肚皮薄左,開始見到血管,為免日後會有肚紋,所以就拎朋友送個枝肚紋膏搽,希望到時唔好爆得太勁啦!!!
見媽媽會D人走去JOIN BBCARE有衫仔送,我都放工去JOIN下先,拎到一堆贈品又有衫仔哈哈!! 先係IPAD填資料,之後再要用筆填其他入會FORM!! 拎完之後走左去食粥,好味,食完返屋企LU!!因為有D累,可能大肚真係會有D累啦!!!
粟米爸話見無野做,一齊去BB展睇下,都可以當行街行下,去到入左好多唔知咩會,拎左好多贈品,雖然唔夠其他媽媽強,不過都算有收獲!!! 入場個陣有個女仔送枝康乃馨俾我,同我講母親節快樂,其實感覺有d奇怪,雖然話係有左你,不過仲未有媽媽既感覺!!而另一個攤位呢,不斷叫我地爸爸媽媽,我地真係覺得好討厭!!!下次都係唔好埋去呢d攤位!!! 有一個攤位好好,可以俾媽媽聽下BB既心跳聲,好可惜粟米B太細,心跳亦都好細聲,嬸嬸幫我錄左好多次都錄唔到!!!最後放棄,所以我拎唔到個心跳播放器LU! 事後先知原來都可以問嬸嬸拎一個當留念,不過算啦,希望第時再去BB展會再有機會聽啦!!!
之前問過好多朋友有冇好介紹,好野自然多人BOOK,結果我就係BOOK唔到囉!! 因為都想快D定下來,等自己安心D,都四圍上網CHECK下,又登記下咁!! 報左循道,但係覆返黎講話6月尾前安排約見,時間會唔會有D唔夠呀?? 之後上網見BBCARE都有介紹服務,都登記一下!! BBCARE效率好高,好快就安排到陪月姐姐我見!!而我就約左今日見!! 陪月姐姐都係住同我地同一區,而且佢只需要行路過黎,咁就唔洗另外俾車錢佢,佢買送亦都唔洗由老遠拎過黎!! 見過面後感覺都好好,建談有禮,亦都講到我聽一D知識!! 感覺都唔錯,我諗如無意外都應該請佢!!!
無聊地買左本babymo睇,本野有兩張bb展入場卷送!! 唔知你粟米爸會唔會陪我去行下,因為個BB展係東涌亞洲博覽館,真係有D遠!! 雜誌都係廣告多,不過都有欣賞既地方,就係有幾頁係好有用,係教點點樣整糊仔俾BB食,希望他日我有心機啦!!哈哈!!
今天來到了醫院,醫生也有一點遲到!! 預約11:00am! 原本粟米爸有機會唔一齊去,但係佢最後都一齊睇粟米!!! 醫生例牌問我有沒有什麼問題,有沒有不舒服!! 醫生問我呢排有冇肚痛同流血,我答醫生有肚痛,但無流血!!醫生成日問我有冇問題問佢,我只係問左脂肪肝有冇影響,同埋洗唔洗再食葉酸!! 之後就上床看看粟米了! 今天粟米大了一點,有12w了,size是5.26cm!! 醫生說粟米的SIZE很正常!! 醫生話你有手同腳啦,仲見到你既心跳丫,仲有見到臍帶!!不過可能你係訓左啦,見你無咩點郁到!! 醫生叫我地係出面買惠氏既materna,要轉食另一種維他命!! 下次再見是2013-06-06了!!^^ 到時就會知你係男或女啦!!真係有d緊張呢!! 12w
帶齊地址證明,一早趕到政府醫院排期!! 去到已經有條小龍排緊,亦見到阿姐好惡咁叫D孕婦磅重,量血壓及交小便!!! 當排到我時,拎晒有關文件出黎!! 登記處就幫我排左兩個期: 2013-05-21 1:45PM B座2樓照唐氏 2013-05-28 9:30AM K座 抽血,見護士及聽講座 拎完預約紙就可以走,所以很快便回到公司了!!
諗住早少少收工,搭車去政府醫院排期,點知去到先知原來要住址證明!! 登記阿姐仲話:"一係你去健康院啦,健康院就可以遲D補返證明" 跟手就俾左張健康院既地址我!! 其實時間都唔早了,登記唔到唯有回家,返到屋企諗左陣,都係去返政府醫院做登記好D!! 私家醫生都叫我快D去排期,所以決定明早帶齊文件同證明再去登記過!!!
沖繩旅行之後,又是時候來個產檢!! 10:30am 到醫院見醫生,醫生有點遲到!! 醫生問完我最近的情況,就叫我上床,我們來看看小baby在肚子裡的情況! 醫生說現在的他像是一粒栗米大小!! 當螢幕看到那一粒小小的東西,真的覺得很奇妙,醫生細心的介紹螢幕在閃閃的是心跳!! 之後把螢幕抓下來,print出來給我們留念!! 現在的他有 7w6d , size 是 1.45cm, 預產期是2013年11月22號!! 雖然已經看到他,可是還是有點不實在!!哈哈!! 也就是今天起,他有了花名 -----> 粟米b7w6d
旅行完抖夠了,襯有空打電話去預約時間!! 預約了 2013-4-11 10:30am 唔知你成長成點呢???
姑娘突然打黎了,證實有左,仲叫我地過多兩三星期要返去覆診產檢!! 將消息報告俾粟米爸知,等佢安心接受有左既事實哈哈!!!
粟米爸問我知結果未,我見醫院未覆我,所以又打去問!! 結果係醫生放假一天,每星期三都放假,所以粟米爸依然無得知結果哈哈!!!
打返去問結果,結果無回應!! 粟米爸好想快d知,但係結果無答案哈哈,姑娘話醫生未睇報告,所以未覆到我地!! 唯有聽日再問!!
放工找醫生,等了很久才到我,醫生計了一下日期說baby還沒有成形,所以照不出來,給我三個選擇!! 1) 驗小便 2) 抽血驗 3) 等兩三星期來照超聲波 反正都來了,就算1吧,還是由醫生驗確認一下比較放心,之後回家等報告!!
本來3月10號要來的沒來,在懷疑是不是新年病了,所以遲來了! 家裡剛好有驗孕棒,就拿來先驗一下,結果bingo了!!! 有點意外也有點高興,很複雜的心情!! 實在太不確定,所以要去找醫生再確認一下比較放心!!!