親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日一家人諗住去沙頭角食雞米...點知仲未開門...冇得食..於是去左茶檔食..食完之後...我地係沙頭角行下睇下風景...臨走前仲係街市買左條黑立魚返屋企做今晚既餸...夜晚一家人係屋企食飯...條魚好鮮甜好好味..仲有媽咪既愛心靚湯-川貝鱷魚肉...爸爸話下次一定要再係沙頭角買魚食喎...
今日係婆婆既生日,因為婆婆鍾意係屋企食,所以今日約埋舅父係上水一齊買餸同買蛋糕返唐公嶺煮,今晚既餸有蒸飽魚、蒸芝麻斑、白切雞、辣酒煮花螺、芥蘭炒牛肉、蒜蓉炒波菜、煎豆腐魚肉餅同埋婆婆蚊既冬菇,仲有椰子煲雞湯添。 之前will will生日買唔到angry bird蛋糕,今日見到有得買,所以媽咪買左一個當下午茶食,will will好開心以為自己又生日添... 夜晚等齊人就一家人食飯慶祝婆婆生日,食完飯之後,我地仲唱生日歌比婆婆聽,跟住就切蛋糕,婆婆生日快樂呀...祝婆婆身體健康,日日都開開心心!
上個月試完堂之後...will will已經成日問我幾時去上麥老師堂...佢話好掛住麥老師喎...今日終於上第一堂...上完堂join埋媽咪一齊返上水...之後坐爸爸車返屋企... 雖然要去到元朗上堂比較遠...不過媽咪知道will will好鍾意返就無所謂...
今日爸爸放假...2仔爺嚟左元朗接我放工..之後就同惠儀契媽,rick哥哥,婉君姐姐華仔哥哥係上水稻香hotpot...
朝早公公婆婆打比我地叫我地去聯和墟飲茶...媽咪原本諗住飲完茶就返屋企...點知will will知道brian表哥去唐公嶺玩...佢又話想去玩...最後玩到夜晚食埋飯先返屋企...爸爸放工後仲嚟埋一齊食飯...
今日約埋yau yau同yan契媽去joey契媽屋企拜年...
年初四,爸爸媽咪開工大吉,事事順利!
今日係年初三...天氣比昨天還要寒冷有雨...氣溫只得6,7度.... 中午起身...媽咪同爸爸就食羅白糕同羅白茶果...而will will就食通粉...呢個仔竟然唔食咁yummy既野...真係冇佢辦法... 天氣咁凍...媽咪同爸爸決定留係屋企休息唔出街...2仔爺又可以一齊玩同打機...媽咪就可以瞓一陣叉電...夜晚咁凍媽咪都唔想煮飯...所以一家人出左去聯和墟茶餐廳食飯... 明天..爸爸媽咪又要返工...結束呢個新年假期...真係好唔想返工添...
今日係年初二...天氣比昨日還要寒冷..仲全日有雨...氣溫低過10度.. 11點幾叫醒2仔爺...中午食完早餐就要出發去拜年... 今日真係唔該晒嬸嬸借左架私家車比我地... 我地先去牛頭角姐婆太屋企拜年...同姐婆太係餐廳食完下午茶之後... 我地再去油塘姑婆太屋企拜年... 坐下傾下又食下野...又到6點幾... 跟住我地再要去唐公嶺太婆屋企拜年同食開年飯...去到已經7點幾...今晚真係有好多人...差不多有50人...媽咪好多好耐冇見既表弟表妹都有嚟...仲攜眷出席添...派利是都派到手軟喇...真係好高興呀...最後玩到1點先返屋企...
今日係大年初一...天氣寒冷..仲有d雨添...11點叫醒2仔爺...係叔婆家拜完年...我地一家人就出發去獅頭嶺村大姑婆家拜年...中午係大姑婆家食飯...大姑婆煮了幾款齋菜...其實年初一食齋係張氏家族傳統...媽咪記得太嫲都是這樣...下年媽咪決定也跟住做呢個傳統(大姑婆話第一餐食齋都ok)... 另外媽咪認識爸爸都有成廿年...今日係媽咪第一次見到從英國返來既姑丈公...原來爸爸都有成30年冇見過姑丈公...真係好耐好耐呀... 去完大姑婆家拜年...我地就返屋企...今次大姑婆又整左好好味既羅白茶果,米通比我地食...真係yummy yummy呀...thanks大姑婆.... 返到屋企...will will又繼續同晴晴姐姐玩... 夜晚..和叔叔一家人都嚟左我地屋企拜年....
今日係年廿九...爸爸要返工...中午約左婆婆公公佢地係聯和墟食野...順便攞埋d新年禮物(蝦,冬菇,蝦米同自家制羅白糕))比婆婆佢地...食完lunch...媽咪,will will,公公同tammy 表姐去左上水行街...媽咪送左一對波鞋比tammy表姐...公公都買左2對...之後公公仲送埋媽咪同will will返屋企添.... 今晚一家人食團年飯...媽咪煮左魚"漂",咸菜燜豬肉,燜冬菇同煲左粉薟葛湯...今晚我地等爸爸等到9點幾先食團年飯...媽咪覺得團年飯一定要一家人一齊食...所以夜左小小都唔緊要... 每年新年韋叔叔一家人都會返嚟住...最開心就係will will...因為可以同晴晴姐姐一齊玩...今晚佢2個玩到1點先瞓...而爸爸就同叔叔佢地玩...都唔知爸爸玩到幾點先返來lu...
每年過年前一個月爸爸工作都好忙好辛苦...媽咪知爸爸好鍾意食羅白糕...所以今年媽咪要親自整羅白糕給爸爸食...今早媽咪去沙頭角買左8斤羅白返屋企開始整羅白糕....仲有唔該merry既幫忙...好順利咁係3個鐘完成了一大一小(for merry no meat)既羅白糕...由於用柴爐蒸糕...所以特別快完成...當聞到香噴噴既羅白糕...真係好有滿足感...希望龍年一家人身體健康,步步高昇! 完成埋屋企既新年佈置...下午媽咪,will will同merry出左上水行年宵市場...同往年一樣...媽咪會送will will一個風車...今年will will揀左一個angry bird風車...will will好鍾意...跟住仲係遊樂場玩左一陣...之後merry先返屋企...夜晚...媽咪同will will去元綠食壽司...食完壽司...再係上水行多一陣先返屋企...
will will今日開始放新春假期啦...
今日係will will學校華服日...今年媽咪買左一件螢光綠配紅色既華服比will will...媽咪今日要返工...所以睇唔到will will既華服look...期待新年快到...到時一定要影相留念... 仲有今日will will帯左一條自制既龍返來...做手工麻麻既will will...估唔到今次又做得既靚喎...
珠心算16:30 -17:30
今日媽咪同will will瞓醒已11點...婆婆打電話比我地叫我地出去海聯同d親戚飲茶...所以媽咪同will will去左飲茶...之後will will又話好想去唐公嶺玩...媽咪又知今日肥叔公會返大陸買蠔出嚟...最後媽咪被d蠔吸引住又去左唐公嶺...夜晚由媽咪整炸蠔...舅父整薑蔥蠔...係大陸買既蠔真係超好味...今晚餐飯真係yummy yummy呀...飯後...真係唔該晒公公車我地返屋企...
今年因為公公婆婆搬左返唐公嶺...所以叫晒所有親戚到唐公嶺食團年飯...因為公公要返工...所以由媽咪負責攪呢次團年飯.... 今日一早先同表姐填中一自行申請表...然後再趕去粉嶺救恩書院交表...交完表之後...媽咪,will will,婆婆 & merry就去買餸,bbq食物同魚生刺身.... 今晚差不到齊晒人...先食盤菜+蒸魚+炒菜....由於人多關係整個盤菜係沽清...跟住緊接既係食魚生&刺身...又再沽清...最後再bbq...真係好耐末試過咁多人團年...大家都好開心...
今日媽咪放假半天...先去剪髮..再等will will同merry到元朗...帯will will去上堂...上完堂我地返上水....merry自己返屋企先...媽咪同will will就係上水行街街等爸爸放工一齊dinner.....夜晚一家人係KFC dinner後先返屋企...
珠心算16:30-17:30
今日媽咪,will will同merry再去唐公嶺幫婆婆執屋...仲有燕姑婆,姑丈公,肥叔公叔婆,蘭姑婆,maggie表姨一家嚟幫手...全日又唔停咁執野...真係好好好攰呀.... 係呢2日will will跟住媽咪...媽咪忙住幫婆婆手...will will都好乖懂自己照顧自己...冇扭計同發脾氣...媽咪要讚一讚will will...good boy!
今日我地一家人同merry幫公公婆婆佢地搬屋....全日不停咁執野,搬野又執野...真係超攰...兜兜轉轉公公婆婆佢地又返到去唐公嶺同太婆住...雖然知道佢地(公公,婆婆,舅父,表姐,太婆)同一屋簷下會有好多問題同磨擦...不過今次佢地一齊搬返去住...媽咪覺得好開心...此終唐公嶺係媽咪由細長大既地方..係媽咪既娘家好有感情...以後公公婆婆唔需要再為住屋問題擔心同四處搬屋...今次重修唐公嶺...真係好感謝好有heart幫手既親戚們(肥叔公一家,燕姑婆一家,亞新表姨丈)...
今日學校既生日會主角終於到will will la...仲有同學仔黃維謙同塋塋...今日老師仲送左禮物比will will....
話說上星期三...媽咪同爸爸一齊放假...安排左好多野要做...就係咁第2日媽咪先記得忘記左帯will will去學珠心算...所以同鍾老師聯絡後...老師給will will今日補堂...真係唔該晒老師!
今日係will will 5歲生日...媽咪買左一個蛋糕... 飯後一家人一齊同will will簡簡單單慶祝生日... will will,爸爸媽咪祝你生日快樂!!!!
珠心算 16:30 -17:30
放完聖誕同新年假,will will今日要返學lu...
今日下午3點...will will既5歲生日會係聯和墟麥噹奴舉行...邀請左will will既同學仔,好朋友同親戚們...知道will will期待左今日好耐...之前經常問媽咪邊個同學仔覆嚟參加...又問仲有邊個同學仔未覆...到左早幾日前仲自己開始倒數仲有幾多日到生日會...每天都同我講仲有x日就到生日會,係咪呀媽咪...仲有will will你知道嗎...今次可以開呢個生日會...第1個人要感謝係爸爸...因為爸爸本身係一個唔懂招呼及應酬既人都應承同你開生日會...第2個就梗係媽咪...為你籌備呢個生日會...今日生日會見到你好開心好興奮...爸爸媽咪就知道你好喜歡呢份生日禮物...到所有人大聲唱生日歌比你聽時...媽咪見到你感動到想喊咁...就知道你被所有祝福你既人感動了...你真係一個好感性既人...爸爸媽咪希望你身體健康同開心快樂地成長...爸爸媽咪always love you.... 多謝每一位送給will will既祝福,禮物同利是!!!
今日帯will will 去剪髮...行過帝庭軒見到反斗車王佈置...即時要求媽咪同佢影相...佢真係太鍾意...所以剪髮後又再去影過...