親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日係媽咪同中學同學聚會既日子...amy準備左好多野食...有沙律,雞亦,燒肉,啫哩同綠豆糖水...而媽咪就整左cheese cake...亞jing就意粉...大家都不停食食食同玩玩玩....今次係大人同小朋友都一齊玩XBOX遊戲機...真係好開心呢.... 夜晚大家仲係上水街市一齊dinner(join埋放左工既wai & ho)....因Davis扭眼瞓所以亞jing一家人先走冇同我地dinner...
因為之前同will will提過媽咪好鍾意食麥記既麥之蛋飽...不過要11點前先有得食...所以今日媽咪一早帯will will去左麥記食早餐...媽咪買左一個麥之蛋同一個豬柳蛋漢堡餐...呢個will will食完麥之蛋之後..竟然食埋媽咪個豬柳蛋...攪到媽咪又要去買多個麥之蛋食...真係估佢唔到... 食完之後..海聯商場有書賣...媽咪比will will自己揀一本故事書...由媽咪送給will will... 夜晚..媽咪唔想煮飯...所以琴日已經係元朗買左小小丸同牛柳粒&豬扒...準備今晚bbq...加埋今日自己整既雞亦...等埋爸爸放工返嚟...一家3口就bbq...好開心呢...
今日帯will will去剪髮之前先去群記食牛丸豬手米...之後再去埋遊樂場玩....等埋爸爸放工係聯和墟食埋飯先返屋企...
今日媽咪同will will約埋婆婆同tammy表組一齊去maymay ee屋企探2個可愛既表妹... 仲去埋元朗公園玩添....so happy...
中文記憶法16:00-17:30
珠心算16:30 -17:30
今日係媽咪做手術後第13日...約左覆診...所以收早小小16:30出去睇e生...何e生話媽咪雙眼康復得好好...不過有小小乾...需要再早晚滴眼藥水...視力已正常...一個月後再去覆診...離開時正是放工人多擠迫之時...為了唔想迫MTR...媽咪去左搵270A巴士搭返去上水...點知沒有方向感既媽咪行錯路...搵路之際剛好爸爸收工打嚟...爸爸就由沙田出嚟接媽咪...之後媽咪爸爸係聯和墟食完飯先返屋企...今晚撇下仔仔....2公婆撐枱腳...諗番真係好耐未試過lu...
今日爸爸放假...一家人一早係聯和墟食早餐...之後就送will will返學校參加交通安全隊集會...跟住爸爸同媽咪就坐係遊樂場等will will...今日will will著住套交通安全隊制服特別醒目...仲好開心添... 放學後就返屋企...佢2仔爺就係屋企玩....媽咪就出左上水同婆婆& tammy係上水食野同行街...多謝婆婆同太婆比媽咪既利是...之後tammy跟左媽咪一齊返屋企... 夜晚..一家人同tammy係上水適雅食飯...之後就買蛋糕返屋企慶祝...聽到will will唱給媽咪既生日歌...媽咪已好開心...最緊要一家人齊齊整整,身體健健康康...
多謝同事們既BD lunch @New York Cafe多謝同事們既BD LUNCH @NEW YORK CAFE
今日11:45am班主任陳老師打比媽咪...話will will放學"拍凳"時又跌親...右邊面撞親同擦損左...已敷冰...剛上了校車回家.... 呢個傻豬係一星期裡已跌親3次...真係未試過咁論盡...媽咪次次問老師佢有冇喊...老師都話佢冇喊...好叻仔喎...
親子運動會後,will will學校放假1天
今日媽咪同will will & tammy又玩自家制cheese cake....自從will will出世後媽咪都好耐冇整過...上星期媽咪下定決心去買左一個焗爐...終於可以又整野食la...當見到個制成品...真係好大滿足感...好開心..此終呢d係媽咪既興趣... 之後下午又帯左佢2個去南涌海親近大自然...行下玩下吹下海風...又過了一個下午...夜晚join埋爸爸同tammy表姐係上水食埋飯先送表姐返屋企..不過今日will will玩得太攰係搭小巴出上水時已瞓左...所以冇食飯...
今日係will will 學校親子運動會...will will參加左50米短跑同親子接力比賽...係50米短跑初賽will will跑第一...成功進入決賽...在決賽時will will跑第五...攞左一個獎牌...而在親子接力賽...爸爸同will will好犀利跑第一攞左冠軍...
今日一早maymay陪tammy去救恩書院interview...之後佢地join埋我地係上水食burger king...之後tammy表姐就嚟左我地屋企玩...因為媽咪唔想買餸煮飯...所以買小小bbq食物返屋企bbq...bbq前仲玩自制曲奇餅添...
多謝惠儀契媽送給will will一件angry bird T...同埋送給媽咪iphone機殼...thanks so much!!!
今日爸爸放假...中午去接will will放學...11:00am打電話去學校時...班主任陳老師同爸爸講will will又跌親...右邊眉角撞腫左...同佢敷冰之後搽左喜療妥...老師話又係練習跑步時撞左落樓梯倒...老師話佢好認真練習亦係全班跑得最快既一個喎...媽咪諗...都唔知認真定係論盡喇...
今日媽咪繼續休息..下午自己去覆診...醫生話要等一個月先會完全康復...呢幾星期睇野都會有層霧...繼續滴眼藥水...26/3(一) 17:45再要去覆診...
琴日..will will同媽咪講條頸有d痛...媽咪仲話will will係咪打機打得太耐整到痛(爸爸比左iphone佢玩緊)...叫佢唔好再玩...休息下...因為媽咪雙眼剛做完手術睇唔到will will條頸....媽咪就去左休息...到will will學完珠心算返嚟屋企沖涼時(今日爸爸負責接送)...will will同merry講條頸好痛...merry發現will will右邊頸有一條2吋幾長既紅印(表皮擦損)...之後媽咪先叫爸爸仔細咁睇下同問will will幾時整親...will will話今日係學校練習跑步衝線時跌過...不過當時唔覺條頸痛...只係膝頭哥有小小痛...再問下問下...佢又話記得衝線時kick倒條絲帶...聽到咁樣整親連老師都唔發現又冇打比家長...所以今早8點半媽咪就搵班主任陳老師了解件事...原來老師唔知佢整親條頸...只係知佢跌親起番身問佢有冇事...當時佢話冇事...老師話昨日條絲帯可能調得太高...即時已調低番...媽咪同老師講要特別關注此事...因為係條頸受傷可大可小...手腳整親都可以接受... 到中午will will放學返嚟同媽咪講...今日有好多老師都睇佢條頸同問佢有冇事...其實今日will will已結"焦"...冇事了...
今日爸爸放假陪媽咪去醫院做手術...雖然係媽咪期待已久既事...但係都有少少緊張同怕怕...最後手術順利完成...回家休息..明天覆診...
今日媽咪上午休假...去左聖保祿醫院做矯視前眼睛檢查....檢查完...何啟傑醫生話適合做手術...所以book左14/3(三)11:00am做手術....
早上...起身後在家食早餐... 中午...媽咪煮既香蒜牛肉意粉... 下午...去左沙頭角惠康shopping... 夜晚...等爸爸放工回來一齊dinner...
之前will will好想加入學校既交通安全隊...所以幫will will報左名...媽咪同will will講...交通安全隊隊員只得24個位...未必可以做到....當收到通告知道will will被選中...will will好開心... 到了今日終於第一次集會...今日係家長同小朋友一齊在禮堂聽簡介會...之後直到k2學期尾仲有7次集會...希望will will enioy活動... 媽咪之前都有同will will講過...媽咪中一時都係交通安全隊隊員...媽咪仲將keep到而家既制服攞比will will睇...媽咪睇番都好懷念呀.... 交通安全隊集會完之後...媽咪帯左will will去上水遊樂場打鞦韆...玩左一個鐘之後先去食野...第一站去明記食腸粉...第二站去成記食車仔麵...食飽飽之後就去左婆婆屋企...幫婆婆填d表格...爸爸放工就嚟接媽咪同will will...夜晚係上水香島食完雞煲先返屋企....