親愛的讀者您好:BabyHome更新了隱私權條款說明,在您瀏覽本網站前,請閱讀 新版條款說明
育兒.持家.愛自己
Rubbie
他的寶貝
他的興趣
文章分類
日期
#Tag
Hi~ 小寶真是可愛
資料載入中...
今日中午又同will will去沙頭角食雞米....真係食極都唔會厭既...yummy! 之後返屋企就要幫架單車換車呔...又係我大顯身手既時候...一路整一路流汗...到整好..已全身濕透...好熱呀...真係好希望will will快d大個仔可以幫媽咪...我問will will...你幾時先學識整單車呀...will will答我...30歲就識整架啦..... 夜晚...謝氏家族為太婆慶祝84歲生日...所以係海聯酒樓食晚飯...will will仲親自揀花送比太婆...太婆好開心...祝太婆生日快樂,身體健康!太婆84歲生日,will will送左一束花給太婆(d花係will will揀架)
今日老公放假...同will will去剪頭髮同行街.... 而我就去左maymay屋企幫手...因為陪月放假...所以由我幫細表妹沖涼同煮飯比maymay食... 到左6點...will will同老公嚟左探bb... 因為約左惠儀食飯....所以我地7點就要走返上水食飯....
Dinner with惠儀,kiki,浩然,孖健@上水街市
今日收3點..再去睇針灸.... 琴晚joey生左個bb女...所以今晚約埋yan一齊去e院探joey同契女...契女白雪雪好可愛呀...祝契女身體健康,快高長大! 探完joey...我同yan係上水食完飯先返屋企....
鋼琴體驗班12:00~12:30
幼兒敲擊樂隊班10:15am~11:15am
今日爸爸放假...一早我帯will will出去上最後一堂敲擊樂班...上完返屋企join埋爸爸一齊去沙頭角食雞米...食完返屋企...我就要準備maymay d飯同湯...下午再去探maymay...今日唔該小龍e丈係聯和墟接埋我地一齊去...探完maymay...我地諗住返到上水食壽司...點知勁多人排隊...所以我地買外買壽司返屋企食.... 今日爸爸見到細表妹...佢話細表妹帯番副眼鏡就同佢嫲嫲一樣樣喎...
琴晚探完maymay...tammy跟左我返屋企....原先講好左去沙頭角食lunch...點知佢2個玩到唔願出街...所以係屋企食公仔麵.... 下午準備好maymay d晚飯同湯...3點...我就帯住佢2個join埋婆婆去醫院探maymay....今日will will係第1次見到細表妹...本來佢都好開心...之後突然有d唔開心...我問佢咩事...佢話佢自己一個妹妹都冇...好想有個妹妹...呢個傻豬叫我快d生個妹妹比佢喎.... 其實媽咪都想生多個妹妹...不過現在真係能力範圍以外...爸爸同媽咪要再努力賺多d錢先得la.... 探完maymay...返到上水去埋街市買餸...好彩爸爸剛好放工...可以車埋我地返屋企...
早幾日媽咪腰骨突然又發作...痛到瞓唔到覺...要食止痛藥先可以瞓到...所以今日下午請左sick leave 去粉嶺工聯會中醫針灸....針灸完...我就出左去e院探maymay ee 同細表妹...見到maymay ee精神好好...相信今次ee會好快康復....而細表妹個樣就好似hoyee家姐出世時...不過細妹眼睛比家姐大...雙眼皮仲好深添...好可愛呀!!!!
今日hoyee chu妹妹出世啦!恭喜maymay ee & siulung e丈
幼兒小廚神班10:15~11:15-------雲吞
今日will will上完堂...我地就同joey契媽一家 & yan契媽 & yauyau一齊食lunch...之後就去左joey契媽屋企玩...夜晚...join埋爸爸一齊係上水金都hotpot...
今日爸爸放假...中午我地一家人去左沙頭角食雞米...之後例牌去惠康shopping先返屋企...返到屋企...佢2仔爺出左去踩單車...我就係屋企自己染髮.... 到左3點...我地就出去join 埋joey契媽一家去元朗新元中睇2D反斗車王2....睇完戲...夜晚我地係板長壽司食埋飯先返屋企.... 契爺送到我地返屋企時...每次b橋都會好唔捨得...好多時都會喊添...今日都唔例外...不過...今日連will will都好唔捨得仲喊埋添...佢2個成日都係一時水溝油..一時又糖痴豆...真係比佢地笑死囉....
幼兒小廚神班10:15~11:15---------魚型狀麵包
今日老公收早...返屋企接左will will出嚟上水行街...等埋我放工...我地就去左上水中心'串kushi'食放題...第1次食...覺得串燒都ok...壽司就麻麻地...食完野...我地係上水中心見到一個水族館....我就同will will去左睇下d魚...睇完先返屋企...
今日will will冇番到幼兒敲擊樂隊班.... 今日爸爸放假...我地一家人&表姐約左叔婆,晴晴姐姐,嬸嬸一齊去又一城amc睇2D功夫熊貓早場....9:30am....睇影評個個都讚呢套戲好睇...睇完之後...我地都覺得好好睇...正! 下午...原本去搵埋琦琦姐姐一齊踩單車...不過佢地出左街唔係屋企....所以得番我同will will踩單車...
will will食左中藥之後...其實已經比以前好了小小...此終希望d鼻敏感會遠離will will...所以今日再帯will will 去睇鄭醫師...今次鄭醫師比左5日藥... 睇完中醫去左粉嶺稻香同公公婆婆,表姐,蘭姑婆,maggie表e,brian表哥飲茶... 夜晚...公公婆婆,表姐嚟左我地屋企食飯...今晚表姐仲係我地屋企瞓...
幼兒小廚神班10:15~11:15 --------朱古力波波
Dinner with惠儀,婉君,孖健,杜佬,浩然@上水香島
今日爸爸放假...我地一家人係大快活食早餐...之後就送will will去上堂...爸爸留下課室門口等will will....媽咪就自己去左買d日用品....爸爸話will will今日成日同thomas(神召會同學仔)傾計....仲比miss話佢地...如果再傾計就要調位... 下午...我地就去左沙頭角食野...見到街市檔雞米開番...我同will will都好開心...不過今日太晏去已經收緊檔...我應承左will will下次一定會早d嚟同佢一齊食....最後去左中英茶餐廳食...食完野去埋wellcome shopping先返屋企....
補祝公公生日晚飯@海聯酒樓
今日早上我同will will陪maymay ee去沙田產檢...細表妹好健康...有5磅半..e生仲話細表妹大腿骨比較長...咁第時咪係長腿小姐law...so good... 我問will will睇唔睇到細表妹呀...will will望住個mon..跟住就話黑黝黝乜都睇唔到...睇完e生...我地去左食拉麵...跟住仲去左行街街shopping...之後先返ee屋企...等埋婆婆同表姐嚟...我就帯will will同tammy 去游水...6-7:30pm...沖完涼再上返ee屋企食飯...今日真係唔該晒小龍e丈又送我地返屋企...回程時will will已攰到瞓着左...
今日will will學完琴打比我同我講...因為峰哥哥戴左眼鏡唔認得佢...一路講一路笑自己...真攪笑... 夜晚瞓覺前又同我講....今日峰哥哥教左佢彈琴...又做埋手勢比我睇tim...佢話峰哥哥講1就要手指公彈...2就食指彈...3就中指彈...4就無明指彈...5就尾指彈...不過will will同我講佢剩係尾指彈唔到... 之後又話峰哥哥識變魔術..話哥哥可以拉長隻手指公...又話哥哥將個錢幣放係手之後唔見左....哥哥仲同佢講會係patpat "all"番出嚟...呢個傻豬又信...知道will will能夠開開心心學習真係好高興...will will仲要求媽咪比佢以後繼續去青少年中心學野...
早上掛1號風球,傍晚已改掛3號----洛坦
今日will will學整迷你腸仔煙肉飽...有3隻...食完晚飯will will先記得拎出嚟比我地食....佢話一家人一齊食...爸爸食一個...媽咪食一個...will will食一個...雖然賣相麻麻地...but我同爸爸一路食一路都讚will will整得好好味...will will能夠自己完成整飽過程已經好叻...will will仲講番整飽既步驟...先將酥皮放係枱...放煙肉上去...再將腸仔放係煙肉上面...跟住卷埋一齊...最後放入焗爐爐10分鐘就完成...